Fréttablaðið - 21.06.2008, Blaðsíða 6
6 21. júní 2008 LAUGARDAGUR
FLÓTTAMENN Fjöldi manns var
samankominn á Akranesi í gær, á
alþjóðadegi flóttamanna. Thomas
Straub, fulltrúi skrifstofu Flótta-
mannastofnunar Sameinuðu þjóð-
anna, flutti ávarp, sem og Gísli S.
Einarsson bæjarstjóri.
Straub hafði fyrr um daginn
afhent Birni Bjarnasyni, dóms-
og kirkjumálaráðherra, fyrsta
eintakið af Handbók Flótta-
mannastofnunar Sameinuðu þjóð-
anna um réttarstöðu flóttamanna
í íslenskri þýðingu. Straub tiltók
sérstaklega þakklæti í garð Akur-
nesinga fyrir að taka á móti hópi
flóttafólks nú í haust. „Fólkið
sem kemur í haust er í hópi þeirra
sem við sárustu neyðina búa.
Hlýhugur Akurnesinga í þeirra
garð er því mikils metinn og ég
vona að vel verði tekið á móti því
þegar það kemur,“ sagði Straub.
Um fjörutíu milljónir manna
um allan heim hafa hrakist frá
heimkynnum sínum vegna átaka,
ofbeldis eða annars. Af þeim eru
tæplega tólf milljónir flóttamanna
í öðru landi, en um 26 milljónir
eru á vergangi innan eigin landa-
mæra. Á alþjóðadegi flóttamanna,
er vakin sérstök athygli á aðstæð-
um þessa fólks um gjörvallan
heim.
Á Akranesi gafst fólki kostur á
að kynna sér ferlið sem flóttafólk
þarf að ganga í gegnum áður en
því er veitt hæli í öðru landi og
bragða á þeim mat sem flótta-
fólkið nærist á. - kóp
Fulltrúi Flóttamannastofnunar SÞ á Alþjóðadegi flóttamanna:
Þakklátur Akurnesingum
FULLTRÚI SÞ Skilaði þakklæti Samein-
uðu þjóðanna til Akurnesinga.
FRÉTTABLAÐIÐ/ARNÞÓR
OSLÓ, AP Óttast er að lítil flugvél
með þrjá menn innanborðs hafi
hrapað úti fyrir Björgvin í
gærmorgun.
Norska strandgæslan hafði
flugvélina á leigu og var hún
yfirleitt notuð til eftirlits með
norskum hafsvæðum. Þegar vélin
hvarf var hún hins vegar í æfinga-
flugi sem tengdist gæslunni ekki.
Leit að vélinni hófst þegar í
stað. Þrjár þyrlur og skip leituðu
vélarinnar þar til brakið fannst í
slæmu veðri um fimmtán
kílómetra úti fyrir ströndinni
skömmu fyrir hádegi, að því er
fram kemur á vef norska Aften-
bladet. - ht
Lítil flugvél hrapar í Noregi:
Brak fannst úti
fyrir Björgvin
UMHVERFISMÁL „Kópavogsbær
losar reglulega úr skolprásar-
kerfi sínu í Skerjafjörðinn,“
segir Sigríður Ólafsdóttir, sem í
nýlegri meistarprófsritgerð
sinni í umhverfis- og auðlinda-
stjórnun við Háskóla Íslands
fjallar um Skerjafjörðinn, ástand
hans, stjórnun og sjálfbæra nýt-
ingu.
Fimm sveitarfélög eiga land að
Skerjafirðinum. Sigríður segir
löggjöf um skolprásir kveða á
um að í neyðartilvikum megi
dæla allt að fimm prósentum af
skolpinu út í sjó. „Fjögur sveitar-
félaganna nota þetta bara í ýtr-
ustu neyð, eins og þegar kerfin
yfirfyllast í vatnsveðrum, en
Kópavogsbær gerir í raun ráð
fyrir að nota þessi fimm pró-
senta mörk. Þannig að einu sinni
í viku dæla þeir
út úr skolprás-
unum út á miðj-
an Kópavog,“
segir Sigríður.
„Þetta þynn-
ist náttúrlega
talsvert en er
samt óviðun-
andi.“ Hún
bætir við að
þrátt fyrir
mengunarmæl-
ingar í Nauthólsvíkinni sé fólk
einnig að leik í sjónum utar í firð-
inum.
Sigríður segir mögulegt að
leysa málið. „Það kostar svolítið
en mér virðist sem það sé við-
horf bæjaryfirvalda að láta þetta
ganga svona.“
Sigríður segir fólk geta veikst
heiftarlega af völdum saurgerla-
sýkinga (kólígerla). „En þar fyrir
utan held ég að foreldrar þeirra
barna sem stunda sjóböð og sigl-
ingar þarna fyrir utan vilji vera
lausir við svona mengun.“
„Ég kannast ekki við þetta,“
segir Gunnar I. Birgisson,
bæjarstjóri í Kópavogi. „Á öllum
dælustöðvum er yfirfall, ef eitt-
hvað kemur upp á.“ Þá segir hann
dælustöðvar Kópavogs ekki
orðnar of litlar, þrátt fyrir mikla
fjölgun íbúa að undanförnu. „Við
erum með tvær stöðvar hjá
okkur, aðra við Hafnarbraut og
hina við Sunnubraut sem er ekki
fullnýtt.“
„Við erum að mæla of mikla
mengun,“ segir Páll Stefánsson
hjá heilbrigðiseftirliti Hafnar-
fjarðar- og Kópavogssvæðis.
Sem dæmi mældust 16.000 saur-
gerlar í 100 millilítra sýni sem
tekið var í fjörunni við dæluhúsið í
Fossvogi hinn 29. ágúst í fyrra.
Samkvæmt reglugerð á magn saur-
gerla að vera innan við 1.000 gerlar
í hverjum 100 millilítrum utan
þynningarsvæðis en minna en 100
gerlar í hverjum 100 millilítrum ef
um útivistarsvæði er að ræða.
Hjá Umhverfis- og samgöngu-
sviði Reykjavíkur fengust þær
upplýsingar að stöðugt væri fylgst
með ástandi mengunarmála. Bæði
heilbrigðiseftirlit og fráveita Orku-
veitunnar ynnu slíkar mælingar og
Ylströndin í Nauthólsvík hefði
meðal annars fengið Bláfánann til
staðfestingar því að mengunarmál
væru þar í góðu lagi.
olav@frettabladid.is
Kópavogsbær dælir
skolpi í Skerjafjörð
Kópavogsbær dælir reglulega úr skolprásarkerfi sínu út í Skerjafjörðinn.
Bæjarstjóri kannast ekki við málið. Samkvæmt mælingum heilbrigðiseftirlits er
saurgerlamengun í Fossvogi langt yfir mörkum.
NAUTHÓLSVÍK OG SKERJAFJÖRÐUR Örverumælingar Orkuveitunnar sýna að vatn á
ylströndinni í Nauthólsvík stenst bæði íslenskar kröfur og kröfur EES fyrir baðvatn.
FRÉTTABLAÐIÐ/GVA
„Kópavogslækurinn og Fossvogs-
lækurinn eru einnig mjög
mengaðir,“ segir Sigríður Ólafsdóttir.
„Það er talað um óviðunandi ástand
ef það eru yfir þúsund saurgerlar
í hundrað millilítrum en þarna
eru toppar sem sýna fjörutíu til
hundrað þúsund kólígerla í hundrað
millilítrum.“
Sigríður telur þetta óviðunandi
þar sem lækirnir renna í gegnum
útivistarsvæði.
„Lækur sem rennur í gegnum
byggð verður í eðli sínu alltaf eitt-
hvað mengaður en það er greinilegt
að sumar mælingarnar eru allt of
háar,“ segir Páll Stefánsson hjá
heilbrigðiseftirliti Hafnarfjarðar- og
Kópavogssvæðis sem reglulega gerir
mælingar í lækjunum.
Gunnar I. Birgisson bæjarstjóri
segir búið að hreinsa lækina af
mengun. „Við vitum ekki af neinni
lögn með skolpi sem fer beint út í
læk eða sjó,“ segir Gunnar.
„Það er lítil vernd í því að sum
sveitarfélög friðlýsi strandlengjuna,“
segir Sigríður. „Maður rekst alls
staðar á það sama, það vantar
viljann til samstarfs.“
Hún segir sveitarfélögin ekki
skyldug til að vinna saman en telur
ný skipulagslög, sem bíða sam-
þykktar Alþingis, til mikilla bóta.
Þá segir hún nokkur sveitarfélög
ekki áfjáð í að lögin verði samþykkt.
„Þau sjá ekki hag sinn í því.“
Kópavogslækurinn og Fossvogslækurinn mengaðir með saurgerlum:
Mengaðir lækir á útivistarsvæði
SIGRÍÐUR ÓLAFSDÓTTIR
Kópavogsbær gerir í raun
ráð fyrir að nota þessi
fimm prósenta mörk. Þannig
að einu sinni í viku dæla þeir
út úr skolprásunum út á miðjan
Kópavog.
SIGRÍÐUR ÓLAFSDÓTTIR
GUNNAR I
BIRGISSON
ÍS
L
E
N
S
K
A
/S
IA
.I
S
/O
R
K
4
23
61
0
5/
08
• Árið 2009 verða liðin hundrað ár frá stofnun Vatnsveitunnar. www.or.is
Jónsmessu-
ganga
á Hengilinn
Sunnudaginn 22. júní verður farin
gönguferð upp á Hengil. Gengið
verður upp Sleggjubeinsskarð og
upp á Vörðu-
skeggja sem er
805 metra hár.
Þaðan niður í
Innstadal og niður
Sleggjubeinsskarðið. Gangan tekur u.þ.b. 5 klst. og er frekar
erfið, að jafnaði um brattar fjallshlíðar. Nauðsynlegur búnaður
eru góðir gönguskór, góður hlífðarfatnaður og nesti. Mæting í
Hellisheiðarvirkjun við Kolviðarhól klukkan 20:00. Þátttaka er
ókeypis og allir velkomnir. Leiðsögumaður er Almar Sigurðsson,
kynningarfulltrúi Hellisheiðarvirkjunar. Ef veður verður tvísýnt
verður gengin auðveldari leið.
FÉLAGSMÁL Grund hyggst byggja
nýtt hjúkrunarheimili fyrir eitt
hundrað aldraða á lóð Oddfellow-
reglunnar í Urriðaholti í Garða-
bæ. Framkvæmdir eiga að hefjast
síðla árs 2009. Þetta kemur fram
á heimasíðu Grundar.
„Gert er ráð fyrir að heimilið
verði allt að 7.500 fermetrar og
rúmi hundrað heimilismenn og
áætlaður byggingarkostnaður er í
kringum tveir milljarðar,“ er haft
eftir Júlíusi Rafnssyni, fram-
kvæmdastjóra Grundar, sem
kveður Grund hafa leitað að lóð í
tvö ár. Árangurslítið hafi verið að
leita á náðir Reykjavíkurborgar
en hjólin hafi snúist hratt eftir að
haft var samband við Oddfellow-
regluna fyrir tveimur vikum. - gar
Grund byggir í Urriðaholti:
Hundrað á nýju
hjúkrunarheimili
Trúnaður um rekstur Strætó
Minnisblað um rekstur og rekstrar-
horfur Strætó, sem lagt hefur verið
fyrir sveitarstjórnir á höfuðborgar-
svæðinu, er meðhöndlað sem
trúnaðar mál að svo stöddu. Olíuverðs-
hækkanir eru Strætó þungar í skauti.
ALMENNINGSSAMGÖNGUR
NOREGUR Terje Riis-Johansen,
landbúnaðarráðherra í norsku
ríkisstjórninni, tekur við olíu-
málaráðuneytinu af Åslaug Haga.
Þá sest Lars
Pede Brekk í
stól landbúnað-
arráðherra.
Haga sagði af
sér á fimmtu-
dag sem olíu-
og orkumála-
ráðherra
Noregs og sem
formaður
Miðflokksins af
heilsufarsástæðum.
Haga hefur verið gagnrýnd
fyrir ráðningar og fyrir stuðning
við umsókn Tromsö um að halda
vetrarólympíuleikana árið 2018.
Einnig fyrir að hafa byggt
bryggju í leyfisleysi á landi sínu
og að hafa leigt út útihús til
íbúðar. Það sem er talið hafa ráðið
úrslitum með að Haga sagði af
sér var þegar kom í ljós að hún og
maðurinn hennar höfðu ekki
greitt tilskilda skatta af leigutekj-
um. - ghs
Nýr norskur olíumálaráðherra:
Mannaskipti í
Noregsstjórn
ÅSLAUG HAGA
Brugðust stjórnvöld rétt við
komu ísbjarnarins sem skotinn
var á Skaga 17. júní?
Já 58,2%
Nei 41,8%
SPURNING DAGSINS Í DAG:
Vilt þú endurvekja næturstræt-
isvagna um helgar í Reykjavík?
Segðu skoðun þína á vísir.is.
KJÖRKASSINN