Fréttablaðið - 21.06.2008, Blaðsíða 4

4 21. júní 2008 LAUGARDAGUR
VEÐURSPÁ
Kaupmannahöfn
Billund
Ósló
Stokkhólmur
Gautaborg
Helsinki
Eindhofen
Amsterdam
London
Berlín
Frankfurt
Friedrichshafen
París
Basel
Barcelona
Alicante
Algarve
Tenerife
HEIMURINN
Vindhraði er í m/s.
Hitastig eru í °C.
Gildistími korta er um hádegi.
10
12 10
6
9
10
12
10
11
12
5
12
10
10
12
12
7 8
10
15
20°
18°
20°
22°
19°
17°
22°
20°
20°
22°
25°
31°
27°
29°
28°
29°
28°
21°
12Á MORGUN
Hæg norðlæg eða breyti-
leg átt.
MÁNUDAGUR
Norðan 3-10 m/s,
stífastur austast.
ENGAR
VINDÖRVAR
Á kortinu hér til
hliðar eru engar
vindörvar. Ástæðan
er það hægviðri
sem víðast er á
landinu þó að haf-
golan geti reyndar
gert sig nokkuð
gildandi. Horfurnar
í dag og á morgun
eru keimlíkar;
hægur vindur,
bjart með köfl um
og síðdegisskúrir
syðra.
Sigurður Þ.
Ragnarsson
veður-
fræðingur
BRUSSEL, AP Leiðtogar Evrópusam-
bandslandanna 27 viðurkenndu á
misserislokafundi sínum í Brussel
í gær að sú uppfærsla á stofnsátt-
mála sambandsins, sem þeir höfðu
gert sér vonir um að gæti eftir
mikla þrautagöngu gengið í gildi á
næsta ári, væri strand á ný eftir
að kjósendur á Írlandi höfnuðu
Lissabonsáttmálanum í þjóðar-
atkvæðagreiðslu í síðustu viku.
Leiðtogarnir sögðu að virða
verði niðurstöðu írsku þjóðarat-
kvæðagreiðslunnar, en þeir stóðu
engu að síður fast á því að ekki
yrði farið út í að endursemja sátt-
málann, enda felst í honum flókin
pólitísk málamiðlun sem rakna
myndi upp ef hreyft yrði við inni-
haldi hans.
„Að semja upp á nýtt er útilok-
að,“ lýsti franski forsetinn Nicolas
Sarkozy yfir. Áður hafði hann látið
svo ummælt að ekki gæti orðið af
neinni frekari stækkun sambands-
ins fyrr en búið væri að leysa úr
því hvernig uppfærslu sáttmálans
verður komið í framkvæmd.
Það verður í verkahring Frakka
að leita leiða út úr þeirri stöðu sem
upp er komin þar sem þeir gegna
formennskunni í sambandinu síð-
ari helming ársins. Sarkozy sagði
hægt að líta á írska „neiið“ sem
„tækifæri til að útskýra Evrópu-
sambandið betur fyrir borgurun-
um“. Málið yrði aftur tekið fyrir á
leiðtogafundi í október.
Niðurstöður könnunar sem birt-
ar voru í gær sýndu að megin-
ástæðan fyrir því að svo margir
Írar greiddu atkvæði gegn nýja
sáttmálanum var sú að þeir skildu
ekki hvað fælist í honum.
Þótt viðbrögð við írska „neiinu“
vægju þyngst í viðræðum leið-
toganna að þessu sinni ályktuðu
þeir einnig um ýmis önnur veiga-
mikil mál. Þeir hótuðu að beita
stjórnvöld í Afríkuríkjunum Simb-
abve og Súdan frekari refsi-
aðgerðum ef þau létu ekki af
kúgun gegn eigin þegnum. Þeir
ákváðu að Evrópusambandið tæki
upp full stjórnmálasamskipti við
Kúbu, en settu stjórnvöldum í
Havana ströng skilyrði um það
hvernig þau yrðu að fara að til að
forða því að þvingunaraðgerðir
yrðu teknar upp að nýju.
Þá samþykktu leiðtogarnir
áform um hertar samræmdar
reglur um innflytjendaeftirlit á
ytri landamærum sambandsins.
Og þeir boðuðu að kannaðar yrðu
leiðir til að lækka skatta af elds-
neyti til að létta atvinnurekendum
og neytendum byrðina af snar-
hækkuðu eldsneytisverði.
audunn@frettabladid.is
EKKI BARA BARLÓMUR Írski forsætisráðherrann Brian Cowen, ESB-framkvæmda-
stjórnarforsetinn José Manuel Barroso og danski forsætisráðherrann Anders Fogh
Rasmussen slá á létta strengi við lok leiðtogafundarins í gær. NORDICPHOTOS/AFP
Vilji Íra virtur en ekki
samið upp á nýtt
Hvernig bregðast skuli við höfnun Íra á Lissabonsáttmála Evrópusambandsins
var í brennidepli á tveggja daga leiðtogafundi þess í Brussel. Leiðtogarnir álykt-
uðu að vilji Íra yrði virtur en þó kæmi ekki til greina að semja upp á nýtt.
BESSASTAÐIR Viðtal við forseta
Íslands, Ólaf Ragnar Grímsson,
er meðal helstu atriða þáttar um
framtíð orkumála sem sjónvarps-
stöðin CNN sendir út um helgina.
Þátturinn, sem ber heitið
Principal Voices, verður sýndur
fjórum sinnum á heimsrás CNN
um helgina.
Það var Charles Hodgson, einn
helsti fréttaþulur sjónvarps-
stöðvarinnar, sem tók viðtalið við
forsetann á Bessastöðum í apríl.
Auk viðtalsins verða svo
sýndar myndir frá Íslandi en
sérstakt tökulið frá stöðinni var
sent til landsins til að safna
ítarlegu myndefni. - ges
Ísland til umfjöllunar á CNN:
Ólafur Ragnar
ræðir orkumál
VINNUMARKAÐUR Samstarfshópur
24 stéttarfélaga háskólamanna
fundaði í gær með Samninga-
nefnd ríkisins og ríkissáttasemj-
ara. Eftir fimm klukkustunda
viðræður ákvað Samninganefnd
að vísa kjaradeilu allra félaganna
til sáttasemjara. Fundurinn með
sáttasemjara mun fara fram í
hádeginu á miðvikudag.
Forysta BHM átti fund með
forsætis-, fjármála-, utanríkis- og
félagsmálaráðherra í Stjórnar-
ráðinu í gær. Að fundi loknum
sögðu forsætisráðherra og
formaður BHM brýnt að samn-
ingum lyki sem fyrst. - kg
Kjaraviðræður BHM:
Deilu vísað til
sáttasemjara
VIÐSKIPTI „Við ætlum að skoða leiðir
til að koma frystigeymslu-
fyrirtækinu Versacold Atlas á
markað innan
þriggja til sex
mánaða eða
finna kjölfestu-
fjárfesti sem
tekið getur
fyrirtækið
lengra með
okkur, en
helmingur af
skuldum
Eimskips liggur í því félagi,“ segir
Gylfi Sigfússon, forstjóri Eimskips,
spurður um aðgerðir til að bæta
eiginfjárhlutfall eftir að félagið
birti uppgjör fyrir annan ársfjórð-
ung sem sýndi að eiginfjárhlutfall
félagsins var einungis 14,4 prósent.
Eimskip tapaði 101 milljón evra
á öðrum ársfjórðungi, sem
samsvarar 12,7 milljörðum
íslenskra króna. Tap af áframhald-
andi starfsemi félagsins nam 32,9
milljörðum en auk þess tapaði
Eimskip 67,9 milljónum evra á
Innovate Holding sem nýlega var
afskrifað að fullu. - bþa
Ársfjórðungsuppgjör:
Eimskip tapar
13 milljörðum
GYLFI SIGFÚSSON
NÁTTÚRA Síðustu daga hafa enn
orðið breytingar á virkni hvera-
svæðisins við Gunnuhver á
Reykjanesi. Almannavarnir
hvetja fólk til að gæta ítrustu
varúðar nálægt svæðinu.
Í tilkynningu segir að vegurinn
að hvernum sé nú lokaður og
hættulegt geti verið að ferðast
fótgangandi um svæðið. Miklar
leirspýjur slettist úr hvernum og
hafi myndað stóra barma
umhverfis hann.
Almannavarnir hvöttu fyrst til
varúðar á svæðinu í byrjun mars
síðastliðins. - kg
Virkni á hverasvæði:
Varúð nærri
Gunnuhver
GUNNUHVER Stórt op hefur myndast við
hverinn. VÍKURFRÉTTIR/ELLERT GRÉTARSSON
VÍSINDI Fönix, könnunarfar banda-
rísku geimferðastofnunarinnar
NASA, hefur fundið ís á reiki-
stjörnunni Mars. Þótt vísinda-
menn hafi vitað af tilvist vatns þar
um nokkra hríð er þetta fyrsta
beinharða sönnun þess.
Fönix boraði í jarðveginn í gíg-
botni á Mars og kom þar niður á
íslag. Á myndum sem farið sendi
frá sér í upphafi vikunnar mátti
sjá hvítar skellur. Ekki tókst að
greina hvort um salt eða ís var að
ræða. Nýjar myndir frá farinu
sýna hins vegar að skellurnar hafa
minnkað og það þykir sönnun fyrir
því að um ís sé að ræða sem hafi
bráðnað.
„Það var ótrúlega spennandi að
sjá ísinn,“ segir dr. Peter H. Smith,
stjórnandi leiðangursins, í viðtali
við New York Times. „Það sem við
óttuðumst mest í leiðangrinum
var að við myndum grafa og grafa
en aldrei finna ís.“
Geimfarið Mars Odyssey, sem
fór á sporbaug um plánetuna árið
2002, fann merki um ís í jarðlög-
um reikistjörunnar. NASA sendi
því Fönix til þess að bora í jarð-
veginn og finna sannanir fyrir ís
þar. Nú hafa þær fundist og gefur
það vangaveltum um mögulegt líf
á Mars byr undir báða vængi.
Farið kom á fimmtudag niður á
mjög hart lag sem gaf sig ekki
þrátt fyrir þrjár tilraunir. Vísinda-
menn reikna með að lagið sé gadd-
freðinn ís. - kóp
Könnunarfar NASA borar í jarðveginn á „Rauðu reikistjörnunni“:
Beinhörð sönnun fyrir ís á Mars
ÍS Á MARS Hvítu skellurnar, sem NASA
segir sönnun fyrir ís, sjást hér vel.
FRÉTTABLAÐIÐ/AFP
JERÚSALEM, AP Ísraelsher neitaði í
gær að gefa upp hvort meirihátt-
ar hernaðaræfing fyrir árás á
Íran hefði farið fram eður ei.
Haft er eftir bandarískum
embættismönnum í New York
Times að yfir hundrað ísraelskar
herflugvélar hafi tekið þátt í
æfingunni í byrjun júní.
Ehud Olmert, forsætisráðherra
Ísraels, segist frekar vilja leysa
kjarnorkudeiluna við Írana með
friðsamlegum hætti en neitar að
útiloka hernaðaraðgerðir.
Fréttin um hina meintu
árásaræfingu varð til þess að
heimsmarkaðsverð á olíu
hækkaði. - ht
Óstaðfestar fregnir frá Ísrael:
Sagðir hafa æft
árás á Íran
GENGIÐ 20.06.2008
GJALDMIÐLAR KAUP SALA
HEIMILD: Seðlabanki Íslands
161,1595
GENGISVÍSITALA KRÓNUNNAR
80,21 80,59
158,58 159,36
125,16 125,86
16,782 16,88
15,559 15,651
13,317 13,395
0,7448 0,7492
129,98 130,76
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR