Fréttablaðið - 21.06.2008, Side 34

● heimili&hönnun
Kristín Eva Ólafsdóttir, sem út-
skrifaðist sem grafískur hönnuð-
ur úr Listaháskóla Íslands í vor, er
með skemmtilegan myndavegg í
eldhúsinu. Þar blandar hún saman
teikningum, ljósmyndum og mál-
verkum með smekklegum hætti.
Ein af uppáhaldsmyndum hennar
á veggnum er teikning af Bítlunum
eftir Klaus Voorman, sem er hvað
þekktastur fyrir að hafa mynd-
skreytt plötuumslagið á Revolver-
plötu Bítlanna.
„Myndina fékk ég á leturráð-
stefunni „Typo Berlin“ í fyrra en
þar hitti ég listamanninn. Hann
hélt fyrirlestur og sagði frá kynn-
um sínum af Bítlunum. Að fyrir-
lestrinum loknum var hann með
nokkrar númeraðar teikningar til
sölu sem hann áritaði og gat ég
ekki stillt mig um að kaupa eina,“
segir Kristín og heldur áfram:
„Á myndinni eru alls kyns faldir
hlutir sem tengjast Bítlunum og
mikið rokk.“
Á veggnum eru líka ljósmyndir
af bræðrum Kristínar og syni
ásamt málverkum. „Ég er tiltölu-
lega nýbúin að hengja myndirn-
ar upp en markmiðið er að þekja
vegginn með blöndu af alls konar
persónulegum myndum, listaverk-
um og teikningum,“ útskýrir hún.
Myndirnar sem nú eru á veggn-
um eru allar í svörtum römmum en
Kristín segist ekki endilega ætla
að halda sig við þann lit og býst við
að veggurinn verði litskrúðugri.
Kristín, sem starfar sem hönn-
unarstjóri hjá margmiðlunarfyrir-
tækinu Gagarín, sem sérhæfir sig
í upplifun fyrir gagnvirka miðla,
var í skiptinámi í Design Acad-
emy Eindhoven í Hollandi síðast-
liðið haust en hann er einn virtasti
hönnunarskóli heims. Þaðan kom
hún uppfull af hugmyndum sem
hún hefur nýtt jafnt á heimilinu
sem í námi og starfi.
„Þar var til dæmis mikil áhersla
lögð á að við ættum að koma með
hugmyndirnar en gætum fengið
aðra til að hanna fyrir okkur, sem
var mikilvægur lærdómur,“ segir
Kristín. Lokaverkefni hennar var
að vonum frumlegt en það gekk út
á gagnvirka upplifun þar sem sýn-
ingargesturinn hafði áhrif á verkið
með hreyfingu sinni þannig að það
varð síbreytilegt. - ve
Með Bítlana uppi á vegg
● Kristín Eva Ólafsdóttir heldur mikið upp á teikningu sem hún keypti af Klaus Voorman.
Kristín Eva stefnir að því að þekja eldhúsvegginn með teikningum, ljósmyndum og
málverkum. FRÉTTABLAÐIÐ/GVA
● HÚSGAGNALÍMMIÐAR Ef löngunin til að breyta til vaknar á
tímum þegar kreppir að gætu límmiðar sem þessir frá Design Delicat-
essen í Danmörku verið sniðugir. Þeir lífga upp á auða veggi og eru
merkilega raunverulegir. Þeir ættu líka að geta fallið í kramið hjá þeim
sem taka sig ekki of hátíðlega og geta hugsa sér að gera góðlátlegt
grín á heimilinu. Sjá nánar á http://www.designdelicatessen.dk
O
ft æxlast það þannig að heimilisverkin eru unnin í törnum.
Sérstaklega getur liðið langt milli stærri verka eins og stór-
þvotta og garðverka. Á milli hlaðast verkefnin upp, óhreina-
tausfjallið hleður utan á sig og grasið vex í garðinum. Alltaf
ætlar maður sér að láta af þessum ósið og vinna jafnt og reglulega og
halda öllu í pottþéttu horfi, en lætur svo glepjast af einhverju spenn-
andi í sjónvarpinu.
Undanfarið hefur veðrið verið gott og því tilvalið að nota blíðuna til að
atast í garðinum. Það gerðum við fjölskyldan einmitt um daginn. Tókum
okkur til og slógum blettinn og hreinsuðum
upp. Ekki veitti af enda hafði mikið drasl og
rusl safnast upp í garðinum.
Við búum í litlu fjölbýli og bak við hús
voru þrjú reiðhjól sem enginn í húsinu
kannaðist við. Helst var álitið að þjófarnir
sem stálu reiðhjólum húsráðenda í vor
hefðu komið á þessum görmum og skilið þá
eftir. Við brettum upp ermar og alls urðu
ferðirnar á Sorpu þrjár þann daginn.
Eftir að hafa gróðursett stjúpur meðfram
grindverkinu og vökvað þær vel var hlaupið í okkur kapp. Lengi höfðu
íbúar hússins talað um að snyrta þyrfti tréin svo sólin næði að skína niður
í garðinn. Við ákváðum að drífa í því fyrst við vorum að þessu öllu á annað
borð.
Húsbóndinn klifraði upp í stiga með gamla bitlausa sög og byrjaði að
saga. Nágrannarnir í húsinu á móti skemmtu sér yfir aðförunum en sáu
svo aumur á bónda þegar hann var enn á sömu greininni eftir hálftíma juð
og lánuðu honum verkfæri.
Með hárbeittar klippur í hönd tætti hann niður trén. Birkigreinar flugu
um allan garð og út á götu svo fólk átti fótum sínum fjör að launa. Hús-
bóndinn var kominn í ham. Hann sagaði og sagaði þar til topparnir voru
einir eftir á trjánum.
Því næst kom hann auga á fánastöngina í garðinum. Hún var orðin
ónýt, toppurinn ryðgaður af svo hún stóð eins og skemmd skögultönn upp
úr grasblettinum. Með slípirokk að vopni bútaði bóndinn hana niður. Greip
svo skóflu í hönd og mokaði í kring til að losa hana upp. Hún haggaðist
ekki, var vel steypt ofan í jörðina og átti sennilega að standa þar í hundrað
ár. Hann greip þá slípirokkinn og sagaði burt stubbinn svo gneistarnir
flugu í allar áttir. Mokaði svo aftur ofan í holuna og tyrfði yfir.
Meðan á öllu þessu stóð hamaðist ég við að skrapa málningu af grind-
verkinu og sá fyrir mér að mála fyrstu umferð fyrir kvöld. Aldeilis gekk
þetta nú vel hjá okkur.
Eftir atganginn töldum við okkur eiga skilið að setjast niður og fá
okkur hressingu, svo við fórum inn að elda kvöldmatinn. Yfir matnum
ræddum við hvað garðurinn liti miklu betur út eftir þessa tiltekt. Nú
skyldum við ekki láta hann drabbast niður heldur slá hann reglulega og
vökva.
Eftir mat duttum við svo aðeins inn í spennandi lögguþátt í sjónvarp-
inu. Grindverkið stendur því enn ómálað og grasið vex og vex.
HEIMILISHALD
RAGNHEIÐUR TRYGGVADÓTTIR
Með hárbeittar klippur í
hönd tætti hann niður
trén. Birkigreinar flugu
um allan garð og út á
götu svo fólk átti fótum
fjör að launa. Húsbónd-
inn var kominn í ham.
Viðrar vel til garðverka
● Forsíðumynd: Gunnar V. Andrésson tók mynd á heim-
ili Hannesar Sverrissonar Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar: Roald
Eyvindsson roald@frettabladid.is og Emilía Örlygsdóttir
emilia@frettabladid.is Auglýsingar: Ámundi Ámunda-
son s. 517 5724 Útlitshönnuður: Kristín Agnarsdóttir
kristina@frettabladid.is.
21. JÚNÍ 2008 LAUGARDAGUR2