Fréttablaðið - 21.06.2008, Blaðsíða 22
22 21. júní 2008 LAUGARDAGUR
Tilkynningar um merkis atburði, stórafmæli og
útfarir má senda á netfangið timamot@frettabladid.is.
RITHÖFUNDURINN IAN MCEWAN
ER SEXTUGUR.
„Ég á enn eftir að hitta ein-
hvern sem segir: Sögur
þínar eru svo andstyggileg-
ar að ég get ekki fyrir nokk-
urn mun lesið þær.“
Enski rithöfundurinn Ian
McEwan er einn sá valdamesti
í bresku menningarlífi. Kvik-
mynd eftir skáldsögu hans
Atonement var tilnefnd til
Óskars verðlauna árið 2008.
Það var þennan dag fyrir sautján árum að Perlan, út-
sýnishús Hitaveitu Reykjavíkur í Öskjuhlíð, var form-
lega tekin í notkun. Fyrstu hugmyndir um byggingu
glæsihúss í Öskjuhlíð komu frá meistara Kjarval árið
1930. Í hugljómun Kjarvals átti húsið að svara birtu
dags og táknum nætur, en betri lýsing á Perlunni
sem reist var sextíu árum síðar er vandfundin.
Perlan er í senn magnað og merkilegt mann-
virki. Hún hvílir ofan á sex hitaveitugeymum sem
samtals rúma 24 milljónir lítra af heitu vatni og er
byggð úr stálgrind sem hefur öðru og meira hlut-
verki að gegna en að tengja saman hitaveitugeyma
og mynda hvolfþak, því stálið er hitagjafi hússins.
Grindin, sem er hol að innan, virkar eins og risastór
ofn. Á köldum vetrardögum streymir um hana
heitt vatn, en kalt vatn á heitustu sumar-
dögum. Með þessu móti er
hitastigi Perlunnar haldið
stöðugu og hægt er að
ganga um léttklæddur í hvolfinu meðan ísköld stór-
hríð geisar úti fyrir.
Samtals var byggingarkostnaður Perlunnar á
annan milljarð króna. Byggingarefnin stál og gler
lögðu grunn að afar slæmum hljómburði, en með
sérstökum aðferðum í klæðningu, einangrun,
teppalögn og hátölurum tókst að framkalla úrvals
hljómburð sem nýtur sín vel jafnt í Vetrargarðinum
á fyrstu hæð og veitingasalnum á fimmtu hæð, en
hljóðtæknileg hönnun Perlunnar fékk alþjóðlegu
Golden Ear-verðlaunin árið 1993.
Ótrúlega víðsýnt er af útsýnispöllum Perlunnar
þar sem finna má sex útsýnisskífur með hljóðbönd-
um á fimm tungumálum. Stolt Perlunnar er heims-
klassa veitingahús með snúningsgólfi þar sem
gestir njóta þess besta í mögnuðu útsýni.
Perlan hefur verið valin í hóp
fimm bestu útsýnisveitinga-
húsa heims.
ÞETTA GERÐIST: 21. JÚNÍ 1991
Perlan opnuð í Öskjuhlíð
MERKISATBURÐIR
1942 54 stiga hiti mælist í Tirat
Zevi í Ísrael.
1950 Hafnaboltastjarnan Joe
DiMaggio slær 2000.
högg sitt.
1959 Sigurbjörn Einarsson vígð-
ur biskup yfir Íslandi.
1966 Mót norrænna lögreglu-
kóra haldið í Reykjavík.
1973 Þjóðgarðurinn í Jökulsár-
gljúfrum í Öxarfirði stofn-
aður.
1975 Elton John, Eagles og
Beach Boys spila saman á
tónleikum á Wembley.
1980 Kvikmyndin Óðal feðr-
anna eftir Hrafn Gunn-
laugsson frumsýnd.
1986 Íþróttamiðstöðin í Laugar-
dal tekin í notkun.
1989 Leikaraparið Melanie
Griffith og Don Johnson
giftist öðru sinni.timamot@frettabladid.is
„Horn er með mest aðlaðandi gripum hljóð-
færafjölskyldunnar og einkennist af rómant-
ískum fantasíuhljómi og glæsilegu útliti,“
segir Joseph Ognibene, hornleikari hjá Sin-
fóníuhljómsveit Íslands, sem hingað kom
frá Englaborg Kaliforníu árið 1981 og hefur
síðan kennt mörgum af yngri kynslóð ís-
lenskra hornleikara á hljóðfærið.
„Við hornleikarar heimsins erum svo
heppnir að fyrir einskæra tilviljun eru til
ótal fögur tónverk sem bæði Mozart og
Strauss sömdu sérstaklega fyrir horn. Faðir
Strauss var hornleikari og besti heimilisvin-
ur Mozart-fjölskyldunnar líka, en tónskáldin
launuðu það með tónverkum fyrir sína menn
og við njótum góðs af því,“ segir kampakátur
Joseph sem í dag stendur í stöðugu tónleika-
haldi í menningarbænum Hafnarfirði þegar
Hátíð norrænna hornleikara lýkur eftir fjög-
urra daga tónlistarveislu.
„Hátíðin á sér þrjátíu ára hefð, en er nú í
fyrsta sinn haldin á Íslandi og hefur aldrei
áður verið jafn glæsileg og nú. Hornsveit
Sinfóníuhljómsveitar Íslands og Kammer-
sveit Reykjavíkur taka þátt og frá opnun á
miðvikudag hefur verið mikið um hápunkta
sem ekki hafa áður verið í boði,“ segir
Joseph sem er meðlimur í Hornleikarafélagi
Íslands sem nú eru fimmtíu félagar í.
„Hornleikarafélagið er vaxandi hreyfing
og æ fleiri sem byrja að læra á horn snemma
á ævinni, ljúka framhaldstónlistarnámi í út-
löndum og skila sér svo aftur heim, en horn-
grúppan í Sinfóníunni er eingöngu samsett af
slíku fólki,“ segir Joseph sem í dag verður í
hópi sextíu hornleikara frá öllum heimshorn-
um sem blása munu af listfengi í horn sín.
„Við byrjum í Hafnarborg klukkan 13 og
verðum með galatónleika í Salnum klukkan
16. Þar koma fram tvær sinfónískar hornd-
eildir ásamt mörgum góðum gestum, og
verða tveir heimsfrumflutningar í boði. Sá
fyrri er Áfram eftir Benna Hemm Hemm
í flutningi hornleikara Sinfóníunnar og sá
seinni Lacrimæ eftir hið virta þýska tónskáld
Volker David Kirchner í flutningi horndeild-
ar Útvarpshljómsveitarinnar í Frankfurt, en
einnig koma fram á tónleikunum Wonder-
brass-stúlkurnar hennar Bjarkar og fleiri,“
segir Joseph sem klukkan 19 stígur síðast á
svið með öllum hornleikurum hátíðarinnar á
útitónleikum á Thorsplani í Hafnarfirði.
„Þetta tónleikahald verður ofsalega
skemmtilegt og hæfir öllum sem unna tón-
list, hvort sem það eru tónlistarmenn, börn
eða almenningur sem aldrei hefur áður farið
á tónleika. Slík verður upplifunin.“
thordis@frettabladid.is
HÁTÍÐ NORRÆNNA HORNLEIKARA: LÝKUR MEÐ HEIMSFRUMFLUTNINGI Í DAG
Rómantískar fantasíur
HORN Í ÍSLENSKRI SUMARSÓL Hér viðra hljóðfæri sín fyrir utan Háskólabíó hornleikararnir Joseph Ognibene
og Radovan Vlatkovic, sem þykir einn sá allra besti á heimsvísu. FRÉTTABLAÐIÐ/ARNÞÓR
AFMÆLI
INGA J. BACKMAN
Söngkona er 61 árs.
MARÍA KRISTÍN
GYLFADÓTTIR for-
maður Heimilis og
skóla er 37 ára.
HULDAR
BREIÐFJÖRÐ rithöf-
undur er 36 ára.
ÁSGEIR JÓNSSON
hagfræðingur er
38 ára.
Hjartans bestu þakkir til ykkar allra sem
á einn eða annan hátt auðsýnduð okkur
samúð, hlýhug og vinarþel við andlát
og útför eiginmanns míns, föður okkar,
tengdaföður og afa,
Sigurðar Guðna Jónssonar
fv. lyfsala, Flókagötu 33.
Við biðjum ykkur Guðsblessunar.
Fjóla Guðleifsdóttir
Leifur Sigurðsson Katsuko Sigurðsson
Anna Sigurðardóttir
Hannes Leifsson.
Séra Ágúst George
staðgengill kaþólska biskupsins
í Reykjavík og fyrrum skólastjóri
Landakotsskóla,
lést mánudaginn 16. júní 2008 á Landspítalanum.
Honum verður sungin sálumessa í Dómkirkju Krists
konungs í Landakoti þriðjudaginn 24. júní kl. 14.00.
Þeim sem vilja minnast hans er vinsamlega bent á að
styrkja viðhald húsnæðis Landakotsskóla,
0513-14-370500, kt. 680169-4629,
Fyrir hönd aðstandenda
og Kaþólsku kirkjunnar á Íslandi
Pétur Bürcher Reykjavíkurbiskup
Drottinn veiti honum eilífa hvíld.
Og hið eilífa ljós lýsi honum.
Hann hvíli í friði.
Ástkær eiginmaður minn, faðir,
tengdafaðir, afi og langafi,
Ingólfur Ólafsson
klæðskerameistari
Víðilundi 18d, Akureyri,
verður jarðsunginn frá Akureyrarkirkju
þriðjudaginn 24. júní kl. 13.30.
Guðbjörg Anna Árnadóttir
Halldóra Kristín Gunnarsdóttir Árni Leósson
Kolbrún Ingólfsdóttir Kristján Vilhelmsson
Árni Evert Ingólfsson
Margrét Ingólfsdóttir Friðbjörn Georgsson
Ingibjörg Ingólfsdóttir Tryggvi Þórarinsson
Lína Björk Ingólfsdóttir Dagmann Ingvason
og afabörnin öll.
Ástkær móðir okkar, tengdamóðir, amma
og langamma,
Þorbjörg Svavarsdóttir
lést sunnudaginn 8. júní á líknardeild
Landakotsspítala. Hún verður jarðsungin frá
Seljakirkju þriðjudaginn 24. júní kl. 13.00.
Svavar Þorvaldssson Elzbieta Lul
Selma Þorvaldsdóttir
Ásgeir Jóhannes Þorvaldssson Kristín Alexandersdóttir
Elísabet Þorvaldsdóttir Guðmundur Einarsson
barnabörn og barnabarnabörn.
Kærar þakkir til ykkar allra sem sýnduð
okkur samúð og vináttu við andlát og útför
Estherar Jónsdóttur
Hringbraut 50, áður til heimilis að
Grýtubakka 4, Reykjavík.
Ágúst Arason
Haukur Ágústsson Kristín Auðunsdóttur
Guðrún Edda Ágústsdóttir
Hróbjartur Ágústsson Sigríður Oddsdóttir
barnabörn og barnabarnabörn.
Séra Sæmundur F.
Vigfússon
prestur kaþólska biskupsdæmisins í
Reykjavík,
lést miðvikudaginn 18. júní 2008 á Hjúkrunar-
heimilinu Eir í Reykjavík. Honum verður sungin sálu-
messa í Dómkirkju Krists konungs í Landakoti mánu-
daginn 23. júní kl. 14.00. Þeim sem vilja minnast hans
er bent á að styrkja Orgelsjóð Kristskirkju í Landakoti
nr. 528-26-2459, kt. 530898-2459.
Fyrir hönd aðstandenda
og Kaþólsku kirkjunnar á Íslandi,
Pétur Bürcher Reykjavíkurbiskup
Drottinn veiti honum eilífa hvíld.
Og hið eilífa ljós lýsi honum.
Hann hvíli í friði.