Fréttablaðið - 21.06.2008, Blaðsíða 75

LAUGARDAGUR 21. júní 2008
FÓTBOLTI Manchester United gaf
það enn og ný út í gær að Cristiano
Ronaldo væri ekki til sölu. Á
heimasíðu félagsins í gær var
yfirlýsing um að United myndi
ekki hlusta á nein tilboð í portú-
galska landsliðsmanninn.
„Ronaldo hefur hvað eftir
annað verið orðaður við spænska
liðið Real Madrid í sumar en
félagið stendur við fyrri yfirlýs-
ingar um að hann sé ekki til sölu,“
stóð í umræddri yfirlýsingu.
Sir Alex Ferguson, stjóri Eng-
landsmeistara Manchester Unit-
ed, hefur sjálfur sagt að hann
myndi láta Ronaldo rotna með
varaliðinu, þau þrjú ár sem hann
á eftir af samningi sínum, frekar
en að leyfa honum að fara frá
félaginu. Það gæti þó reynst erf-
itt fyrir Glazer-fjölskylduna að
neita risatilboði í Ronaldo.
Ronaldo segir að málin séu
komin út úr hans höndum en það
fari ekkert á milli mála hvað hann
vilji. Eins og staðan er núna og
miðað við yfirlýsingar Ronaldos
er allt eins líklegt að hann verði
lykilmaður í varaliði United
næsta vetur.
„Það er góður möguleiki á að
ég fari til Madrídar. Ég þarf að
ræða við Manchester United og
svo sjáum við til. Það vita allir
hvað ég vil gera en það ættu að
koma einhverjar nýjar fréttir
eftir tvo til þrjá daga,“ sagði Ron-
aldo í kjölfar þess að portúgalska
landsliðið datt út í átta liða úrslit-
unum á EM. Þá kom einnig fram
að Ronaldo væri búinn að spila
meiddur síðustu þrjá mánuði og
að hann væri að fara í smáaðgerð
vegna þeirra þegar hann sneri
heim til Manchester. - óój
Manchester United ítrekaði það í gær að Cristiano Ronaldo væri ekki til sölu:
Frekar látinn rotna í varaliðinu
en að vera seldur til Real Madrid
EM 2008 Guus Hiddink komst með
Rússa upp úr riðlinum á EM og
mætir hann löndum sínum í
hollenska liðinu í kvöld. Leikur-
inn er í átta liða úrslitum
keppninnar en sigurvegarinn
mætir liðinu sem vinnur í leik
Spánverja og Ítala á morgun.
Hiddink kom Hollandi upp úr
riðlinum á EM 1996 og HM 1998
og lenti þar í fjórða sæti. Suður-
Kóreu kom hann í undanúrslit á
HM 2002 þar sem liðið lenti
einnig í fjórða sæti og Áströlum
kom hann upp úr riðlinum á HM
2006.
„Þetta verður sérstakur leikur
fyrir mig. Ég þekki alla í liðinu en
það sem gleður mig mest er að
sjá tvö frábær fótboltalið mætast.
Þetta verður góður leikur,“ sagði
Hiddink, sem benti á Andrej
Arshavín sem lykilmann sinn í
leiknum. Hann vonast eftir því að
vera stimplaður sem svikari í
heimalandi sínu.
„Ég vil gerast mesti svikari í
sögu Hollands,“ sagði Hiddink í
gamansömum tón. „Ég nýt þess
til fullnustu að vinna á meðal
þeirra bestu í knattspyrnuheimin-
um. Ef maður vinnur er maður
kallaður hetja en er á hraðri leið
til glötunar ef maður tapar. Þetta
er alvaran,“ sagði þjálfarinn.
Hann vonast eftir því að geta
fundið veikleika hollenska liðsins.
„Hollendingarnir halda að það sé
ekki hægt að sjá við þeim taktískt
séð þar sem þeir eru aldir upp frá
unga aldri með ákveðna taktík í
huga. Þegar þeir eru 14, 15 og 16
ára er þeim kennt að spila á
ákveðinn hátt af félögum sínum.
Það er erfitt að reikna þá út og
reyndar kann ég það ekki. Þeir
eru með frábært lið en öll lið hafa
sína veikleika og vonandi náum
við að finna þá og nýta.“
Marco van Basten hrósar landa
sínum og kollega hjá Rússum í
hástert. „Ég er ánægður fyrir
hans hönd. Eftir erfiða byrjun
Rússa á mótinu eru þeir farnir að
spila vel. Hann er frábær
þjálfari,“ sagði Basten. „Þetta
verður erfiður leikur eins og allir
vita en ég hef trú á mínum
mönnum.“ - hþh
Guus Hiddink mætir löndum sínum Hollendingum sem hann stýrði fyrir tíu árum:
Vonast eftir föðurlandssvikum
HIDDINK Þekkir hollenska liðið út og
inn. FRÉTTABLAÐIÐ/GETTY
TM styður kvennaknattspyrnu
EM 2008 Það þurfti vítaspyrnu-
keppni til að knýja fram sigurveg-
ara í viðureign Tyrkja og Króata í
átta liða úrslitum EM í gær. Með
frábærri frammistöðu tryggði
Rüstü Recber Tyrkjum sæti í
undan úrslitunum þar sem þeir
mæta Þjóðverjum.
Tyrkir gerðu sig sjaldan líklega
til að ógna marki Króatanna, sem
léku vel. Tyrkirnir spiluðu afar
þétta vörn en Króatar áttu nokkur
góð færi til að klára leikinn í
venjulegum leiktíma.
Rüstü sýndi gamalkunna takta á
milli stanganna og átti stórleik.
Hann var í markinu í stað Volkan
Demirel sem tók út leikbann, og
varði hann nokkrum sinnum stór-
glæsilega. Einu sinni bjargaði
sláin Tyrkjum þegar Ivica Olic
skallaði í hana af stuttu færi.
Markalaust var eftir venjulegan
leiktíma en Tyrkir sóttu í sig veðr-
ið í framlenginngunni. Þeir áttu
nokkur fín færi og léku mun
betur en náðu ekki að brjóta
ísinn. Það var verið að bíða
eftir vítaspyrnukeppninni
þegar Ivan Klasnic skall-
aði boltann í netið á
119. mínútu og Króat-
ar fögnuðu eins og
þeir hefðu orðið
Evrópumeistarar.
Það var þó of
snemmt.
Tyrkir fóru í sókn og Semih
jafnaði fyrir þá þegar 121.
mínúta var liðin og þrjár sek-
úndur komnar fram yfir
uppbótartímann. Frá-
bær endurkoma Tyrkja,
sem neituðu enn og
aftur að gefast upp.
Þeir komust upp úr
riðlinum með 3-2
sigri á Tékkum eftir
að hafa lent 2-0 undir.
Í vítaspyrnukeppn-
inni var Rüstü hetjan
þegar hann varði eina
spyrnu en lokaði vel á Króata, sem
skutu tvisvar framhjá. Lygileg
frammistaða Tyrkja í keppninni
en þeir verða án þriggja lykil-
manna gegn Þjóðverjum þar sem
þeir taka út leikbann. - hþh
Rüstü Recber var hetja Tyrkja í vítaspyrnukeppni gegn Króötum:
Dramatík á dramatík ofan
ÆSTUR Slaven Bilic,
þjálfari Króata, var
líflegur á hliðarlínunni.
FRÉTTABLAÐIÐ/AFP
FRÁBÆR Rüstü var hreint frábær í leiknum og tryggði Tyrkjum farseðilinn áfram. Tyrkir
fagna hér eftir vítaspyrnukeppnina. FRÉTTABLAÐIÐ/AFP
VÍTASPYRNUKEPPNIN:
1-1 Modric skýtur framhjá fyrir Króata
2-1 Turan skorar fyrir Tyrki
2-2 Srna skorar fyrir Króata
3-2 Semih skorar fyrir Tyrki
3-2 Rakitic skýtur framhjá fyrir Króata
4-2 Hamit skorar fyrir Tyrki
4-2 Petric lætur Recber verja frá sér
NÝJAR FRÉTT-
IR FLJÓTLEGA
Cristiano Ronaldo
ætlar að ræða við
Manchester
United. NORDIC-
PHOTOS/GETTY