Fréttablaðið - 21.06.2008, Blaðsíða 74

46 21. júní 2008 LAUGARDAGUR
sport@frettabladid.is
FÓTBOLTI Íslenska kvennalandsliðið
í knattspyrnu mætir því slóvenska
klukkan 14 á Laugardalsvelli í
dag. Allt er undir í leiknum. Sigur
þýðir að Ísland tryggir sér sæti í
umspili um laust sæti í úrslita-
keppni EM í Finnlandi á næsta ári
en tap gæti sett strik í reikning-
inn. Vinni Íslendingar Slóvena og
síðan Grikki á fimmtudag leikur
liðið úrslitaleik við Frakka um
beina leið á EM.
Íslenska liðið hefur lagt mikla
áherslu á sóknarleikinn á æfing-
um sínum í vikunni. Allar líkur
eru á því að lið Slóvena liggi langt
aftur og freisti þess að beita
skyndisóknum og nýta föst leik-
atriði til hins ítrasta. Íslenska liðið
var skorið niður um þrjá leikmenn
í gær; þær Gunnhildur Yrsa Jóns-
dóttir úr Stjörnunni, Berglind
Björg Þorvaldsdóttir úr Breiða-
bliki og María B. Ágústsdóttir,
markvörður KR, duttu úr hópn-
um.
Sigurður Ragnar Eyjólfsson til-
kynnti byrjunarlið sitt svo í gær-
kvöldi. Katrín Ómarsdóttir og
Sara Björk Gunnarsdóttir byrja á
miðjunni ásamt Eddu Garðars-
dóttur. Hólmfríður og Dóra María
fá svo það hlutverk að opna upp
kantana og Margrét Lára er í
fremstu víglínu.
„Við verðum með sömu áherslur
og í leikjum ársins hingað til.
Okkur hefur gengið vel og ég sé
ekki ástæðu til að breyta út frá
því. Ég tel að við séum með betra
lið en þær og við viljum halda bolt-
anum innan liðsins, sækja vel og
nota kantana mikið. Við fórum vel
yfir þessa þætti á síðustu æfingu,“
sagði Sigurður en eftir blaða-
mannafund í gær hélt liðið til
Keflavíkur. Þar dvelur það á hóteli
fram að leiknum í dag.
EM-draumurinn kraumar í Sig-
urði og með hverjum leiknum
styttist í markmiðið. „Við eigum
þrjú skref eftir og við tökum mjög
stórt skref ef við vinnum Slóveníu.
Þá fáum við í það minnsta úrslita-
leiki heima og heiman í umspili,“
segir þjálfarinn, sem leynir ekki
stolti sínu af stelpunum. „Ég er
ánægður með hópinn. Hann hefur
staðið sig mjög vel og hann er til-
búinn fyrir leikinn. Við höfum
verið að fá marga leiki og spilað
þetta á sama kjarna. Nú sjáum við
hvort hann stenst álagið og skarar
fram úr,“ sagði þjálfarinn.
Margrét Lára Viðarsdóttir er
ein þeirra sem eru klárar í slaginn
í dag. Hún hefur átt við meiðsli að
stríða: „En ég er öll að koma til. Ég
var í mjög erfiðum meiðslum og í
kjölfarið lenti ég í veseni með nár-
ann og öðrum lærameiðslum.
Ólukkan hefur því aðeins verið að
elta mig en ég er vonandi að kom-
ast á gott skrið núna,“ segir Mar-
grét, sem leggur áherslu á að liðið
haldi þolinmæðinni í dag.
„Við þurfum að vera þolinmóðar
og vakandi. Við höfum verið að
leggja áherslu á uppspilið og við
reiknum með því að vera meira
með boltann. Við eigum að vera
mikið í sókn og því höfum við
skoðað hana gaumgæfilega. Það
væri best að skora fljótlega og ég
reikna með því að hápressa á þær
og gefa þeim engan tíma.“
Markmaðurinn Þóra B. Helga-
dóttir segir að eftirvænting sé í
hópnum. „Við brenndum okkur úti
gegn þeim og það var bara klúður.
Við munum nota það til að móti-
vera okkur fyrir þennan leik. Leik-
urinn á morgun er skref númer
tvö af fjórum. Það góða við þetta
er að við höfum að einhverju að
keppa í hverjum einasta leik. Hver
leikur er úrslitaleikur hjá okkur,“
sagði Þóra. hjalti@frettabladid.is
Þrjú stór skref eftir að draumnum
Ísland mætir Slóveníu á Laugardalsvellinum í dag en fyrri leikurinn ytra tapaðist. „Það var klúður og við
notum það með okkur núna.“ Liðið er í dauðafæri á því að komast upp úr sínum riðli í úrslitakeppni EM.
LÍNURNAR LAGÐAR Landsliðsþjálfarinn Sigurður Ragnar Eyjólfsson leggur hér línurnar fyrir stelpurnar sínar á æfingu liðsins í
vikunni. Hann hvetur alla til að fylkja liði í Laugardalinn í dag. FRÉTTABLAÐIÐ/DANÍEL
GOLF Þriðja mót Kaupþingsmóta-
raðarinnar fer fram á Garðavelli
á Akranesi um helgina. Ólafur
Björn Loftssson úr NK og Ásta
Birna Magnúsdóttir úr GK eru
með forystu eftir tvö mót en bæði
hafa þau unnið annað upphafs-
mótanna.
Ólafur Björn vann fyrsta mótið
á Hellu og varð síðan í 9. sæti á
öðru mótinu á Hólmsvelli í Leiru.
Ólafur hefur gott forskot á Davíð
Má Vilhjálmsson úr GKJ (42 stig)
sem kemur næstur en Ólafur
Hreinn Jóhannesson úr GS, sem
vann síðasta mót, er fimmti á
eftir þeim Hlyni Geir Hjartarsyni
úr GK og Pétri Óskari Sigurðs-
syni úr GR.
Ásta Birna hefur naumt forskot
á Ragnhildi Sigurðardóttur úr GR
hjá konum en Ásta vann mótið í
Leirunni. Ragnhildur hefur hins
vegar orðið í 2. og 3. sæti á fyrstu
mótum ársins. Þriðja er síðan
Ingunn Gunnarsdóttir úr GKG
sem vann fyrsta mót sumarsins.
- óój
Kaupþingsmótaröðin:
Ólafur og Ásta
eru á toppnum
MEÐ GOTT FORSKOT Ólafur Björn Lofts-
son úr NK. FRÉTTABLAÐIÐ/DANÍEL
SUND Sigrún Brá Sverrisdóttir úr
Fjölni setti í gær glæsilegt
Íslandsmet í 400 metra skriðsundi
á aldursflokkameistaramóti
Íslands sem fram fer í Vatna-
veröldinni í Reykjanesbæ.
Sigrún bætti sitt eigið met frá
2007 um 1,28 sekúndur þegar hún
synti þessa 400 metra á 4:17,35
mínútum. Sigrún Brá er í
frábæru formi þessa daganna en
hún er nýkomin heim þar sem
hún synti sig inn á Ólympíuleik-
ana í Peking með því að tvíbæta
Íslandsmetið í 200 metra skrið-
sundi. - óój
Aldursflokkamótið í sundi:
Sigrún Brá með
Íslandsmet
ÞRJÚ MET Á STUTTUM TÍMA Sigrún Brá
Sverrisdóttir er í frábæru formi þessa
daganna. FRÉTTABLAÐIÐ/ARNÞÓR
Bikarævintýri Breiðholtsliðsins er með hrein-
um ólíkindum en þetta rúmlega eins árs
gamla félag féll úr keppni í 32 liða úrslitum
VISA-bikarsins á nauman hátt, 1-0, gegn KR
vestur í bæ. Markvörður KB-liðsins, Ragnar
Daði Jóhannsson, vakti sérstaka athygli fyrir
vaska frammistöðu í leiknum sem og í leikn-
um gegn Njarðvík sem KB vann, 2-0.
„Það var helvíti gaman að spila á KR-
vellinum. Ég bjóst aldrei við þessum frábæra
leik hjá okkur. Hefði verið sáttur ef mér
hefði tekist að halda KR-liðinu undir fimm
mörkum. Það var takmarkið og því er óhætt
að segja að ég sé frekar sáttur,“ sagði Ragnar
Daði léttur í spjalli við Fréttablaðið í gær en
hann var geysilega sáttur við eigin frammi-
stöðu.
„Loksins náði maður að stíga almenni-
lega upp og sýna hvað maður getur. Ég svaf
varla af stressi fyrir leikinn og var með hnút
í maganum. Ég hef verið svolítið meiddur
en ég tel mig vera helvíti góðan þegar ég er
heill heilsu.“
Ragnar Daði er 24 ára gamall og
er úr Grindavík. Hann var um tíma
á mála hjá Grindavíkurliðinu en
gekk síðan í raðir GG og lék með
því. Hann hafði þó ekki spilað
fótbolta í heilt ár þegar hann
ákvað að ganga í raðir KB.
„Ég sá auglýsingu á fót-
bolti.net frá KB um að þá
vantaði markvörð og þar
sem ég bý í Breiðholtinu
með kærustunni minni
ákvað ég að slá til. Það var
vel tekið í það og mér hent
í markið um leið. Það gekk
ekkert sérstaklega vel til að byrja með enda
hafði ég ekki sparkað í bolta né gripið í háa
herrans tíð. Svo var formið á mér ekki heldur
gott. Var orðinn allt of þungur. Ég er búinn
að missa einhver 10-15 kíló síðan ég byrjaði
að æfa aftur en er samt enn í þriggja stafa
tölu. Stefnan er tekin á að komast í
svona 95 kíló. Þá er ég flottur,“ sagði
Ragnar Daði, sem leikur í gamalli
treyju með Sinalco-auglýsingu
en talsvert er síðan hætt var að
framleiða þann ágæta drykk hér
á landi. Ragnari hafði verið lofað
nýrri treyju eftir leikinn en hann
vill ekki skipta.
„Þetta er klárlega happa-
treyja. Ég fæ bara nýja næsta
sumar þegar við erum komnir í
2. deild,“ sagði Ragnar brattur.
RAGNAR DAÐI JÓHANNSSON: MARKVÖRÐUR KB HEFUR VAKIÐ ATHYGLI Í BIKARNUM FYRIR VASKA FRAMMISTÖÐU
Sá auglýsingu á netinu og varð markvörður KB
FÓTBOLTI Guðrún Sóley Gunnars-
dóttir leikur sinn 50. landsleik
fyrir Ísland í dag gegn Slóveníu.
Hún er níunda konan sem nær
þeim áfanga. Edda Garðarsdóttir
leikur sinn 60. landsleik í dag en
Katrín Jónsdóttir bætir metið
með hverjum leiknum sem hún
spilar. Allir leikmenn Íslands sem
spilað hafa 50 leiki eða fleiri eru í
byrjunarliði Íslands í dag. - hþh
Merkur áfangi hjá Íslandi:
Guðrún Sóley í
50 landsleiki
LANDSLEIKJAMET
Katrín Jónsdóttir 73 leikir
Ásthildur Helgadóttir* 69 leikir
Edda Garðarsdóttir 59 leikir
Þóra B. Helgadóttir 57 leikir
Guðlaug Jónsdóttir* 56 leikir
Erla Hendriksdóttir* 55 leikir
Olga Færseth* 54 leikir
Margrét R. Ólafsdóttir* 51 leikir
Guðún Sóley Gunnarsdóttir 49 leikir
*HÆTT MEÐ LANDSLIÐINU
FÓTBOLTI HK-ingum tókst á mið-
vikudagskvöldið í annað sinn á
fjórum árum að slá Skagamenn út
úr 32 liða úrslitum bikarsins og
líkt og 2004 unnu þeir 1-0 á Kópa-
vogsvelli þar sem sigurmarkið
kom í lok leiks.
Skagamenn mega örugglega
ekki heyra á nafnið Hörður
Magnús son minnst því tveir
nafnar úr Kópavogi hafa endað
bikardrauma liðsins strax í fyrstu
umferð á síðustu fjórum árum.
Hörður Már Magnússon tryggði
HK 1-0 sigur á ÍA 12. júní 2004
með skoti af þrjátíu metra færi
þegar aðeins tvær mínútur voru
til leiksloka. Í fyrrakvöld var það
næstum því alnafni hans, Hörður
Magnússon, sem lék þetta eftir
þegar hann skoraði sigurmarkið
tíu sekúndum fyrir leikslok eftir
að hafa komið inn á sem varamað-
ur fjórtán mínútum áður.
Hin nýja hetja HK-inga er 22
ára sóknarmaður og er fimmtán
árum yngri en Hörður Már, sem
lék einnig með í þessum leik.
Þegar HK sló ÍA út síðast fór
liðið alla leið í undanúrslit keppn-
innar og nú er að sjá hvað gerist í
sumar. - óój
HK-ingar slógu ÍA út úr bikarnum í annað sinn á fjórum árum:
Hörður Magnússon er ekki
vinsælasta nafnið á Skaganum
RÉTTA NAFNIÐ Hörður Magnússon í
leik með HK. Hann og nafni hans hafa
báðir valdið Skagamönnum höfuðverk í
bikarkeppninni. FRÉTTABLAÐIÐ/DANÍEL
> Hörður Axel í Keflavík
Íslandsmeistarar Keflavík áttu í gær mótleik við bakvarða-
missi sínum en þeir Magnús Þór Gunnarsson (í Njarðvík)
og Arnar Freyr Jónsson (í Grindavík) hafa yfirgefið liðið.
Keflavík er búið að semja við hinn tvítuga Hörð Axel
Vilhjálmsson, sem vildi ekki endurnýja samning sinn við
Njarðvík. Hörður Axel mun því spila áfram
með Sverri Þór Sverrissyni, sem er einnig
kominn til Keflavíkur, en þeir félagar
deildu leikstjórnandastöðunni hjá
Njarðvík síðasta vetur. Keflavíkur liðið er
um leið komið með þrjá af efnilegustu
leikmönnum landsins því fyrir hjá
liðinu eru miðherjinn Sigurður Gunnar
Þorsteinsson og framherjinn Þröstur Leó
Jóhannsson.
BYRJUNARLIÐIÐ Í DAG - 4-5-1:
Markvörður: Þóra B. Helgadóttir
Hægri bakvörður: Ásta Árnadóttir
Vinstri bakvörður: Ólína G. Viðarsd.
Miðverðir: Katrín Jónsdóttir fyrirliði
og Guðrún Sóley Gunnarsdóttir
Tengiliðir: Edda Garðarsdóttir og
Katrín Ómarsdóttir
Sóknartengiliður: Sara Björk Gunn-
arsdóttir
Hægri kantur: Dóra María Lárusd.
Vinstri kantur: Hólmfríður Magnúsd.
Framherji: Margrét Lára Viðarsdóttir