Fréttablaðið - 21.06.2008, Blaðsíða 66
38 21. júní 2008 LAUGARDAGUR
Norrænir organistar og
norræn orgeltónlist verða
í aðalhlutverki Alþjóðlega
orgelsumarins sem hefst í
Hallgrímkirkju á morgun
kl. 17. Þá fara fram fyrstu
tónleikar hátíðarinnar, en á
þeim flytur Hörður Áskels-
son, kantor Hallgrímskirkju
og söngmálastjóri Þjóðkirkj-
unnar, fjölbreytta orgeltón-
list eftir Buxtehude, Bach,
Hafliða Hallgrímsson og
Þorkel Sigurbjörnsson.
Sumartónleikaröðin Alþjóðlegt
orgel sumar er nú haldin í sextánda
sinn. Að þessu sinni koma níu org-
anistar fram á sautján tónleikum í
Hallgrímskirkju, sem fara fram í
hádeginu á laugardögum og á
sunnudagskvöldum. Allir flytjend-
urnir eru frá Norðurlöndunum og
eru í röð fremstu organista sinna
landa. Röð hádegistónleika á
fimmtudögum hefur verið flutt í
Dómkirkjuna, en á þeim koma fram
sjö íslenskir organistar ásamt
ýmsum einsöngvurum og einleikur-
um á önnur hljóðfæri.
Hörður Áskelsson leikur á fyrstu
tónleikum hátíðarinnar á morgun
og helgina eftir leikur Björn Steinar
Sólbergsson á tónleikum á laugar-
dag kl. 12 og á sunnudag kl. 17.
Tímasetning sunnudagstónleikanna
nú í júní tekur tillit til Evrópumeist-
aramótsins í knattspyrnu, en allir
aðrir sunnudagstónleikar verða
klukkan 20, eins og venjan hefur
verið undanfarin ár.
Fulltrúar Danmerkur eru organ-
istarnir Bine Katrine Bryndorf,
prófessor í orgelleik við Konung-
lega tónlistarháskólann í Kaup-
mannahöfn og Hans Ole Thers,
organ isti Kirkju heilags anda í
Kaupmannahöfn. Fulltrúar Sví-
þjóðar eru Mattias Wager, organisti
dómkirkjunnar í Stokkhólmi, og
Gunnar Idenstam. Frá Noregi koma
organistinn Bjørn Andor Drage og
Jon Laukvik sem er prófessor í
orgel leik bæði í Stuttgart og Ósló.
Frá Finnlandi kemur hinn kunni
orgelleikari Kalevi Kiviniemi.
Áhugasamir geta kynnt sér dag-
skrá orgelhátíðarinnar nánar á vef-
síðunni www.listvinafelag.is
vigdis@frettabladid.is
Norrænir orgel-
risar á Íslandi
HÖRÐUR ÁSKELSSON ORGANISTI Leikur
á fyrstu tónleikum Alþjóðlega orgelsum-
arsins í Hallgrímskirkju á morgun.
Myndlistarsýningin Straumar
verður opnuð í Listasafni ASÍ í
dag kl. 13. Á sýningunni eru verk
í eigu safnsins; verk úr stofngjöf
safnsins frá Ragnari Jónssyni í
Smára ásamt verkum sem safnið
hefur eignast á undanförnum
árum, en sum þeirra hafa ekki
verið sýnd í safninu áður.
Verkin spanna hundrað ára
skeið í íslenskri listasögu og
tengjast ólíkum straumum sem
leikið hafa um myndlistina á
þessu tímaskeiði. Elstu verkin á
sýningunni eru rómantísk lands-
lagsverk Þórarins B. Þorláks-
sonar frá byrjun síðustu aldar en
það yngsta er lágmynd Svövu
Björnsdóttur, Lifandi vatn, sem
gert er einni öld síðar. Þrátt fyrir
hundrað ára aldursmun og ólíka
tækni er sameiginlegur kjarni í
þessum verkum sem felst í skír-
skotun listamannanna til vatns og
himinbláma.
Í Ásmundarsal safnsins má sjá
verk sem tengjast Þingvöllum og
hugmyndum um íslenskt þjóðerni
eins og þær þróuðust í myndlist
upp úr 1930 og fram til dagsins í
dag. Í Arinstofu má svo sjá
strauma tveggja alda í óhlutbund-
inni myndgerð.
Á meðal þeirra listamanna sem
eiga verk á sýningunni, auk þeirra
Þórarins og Svövu, eru Anna
Jóelsdóttir, Birgir Andrésson,
Eirún Sigurðardóttir, Hreinn
Friðfinnsson, Jóhannes S. Kjar-
val, Karl Kvaran og Ragnheiður
Jónsdóttir.
Sýningin stendur til 24. ágúst.
Listasafn ASÍ er opið alla daga
nema mánudaga frá kl. 13 til 17.
Aðgangur er ókeypis.
- vþ
Straumar hundrað ára
YNGSTA VERKIÐ Lifandi vatn eftir Svövu
Björnsdóttur.
Á sýningunni Þetta vilja börnin
sjá!, sem hefur verið haldin
árlega í Menningarmiðstöðinni
Gerðubergi í Reykjavík frá árinu
2002, má sjá myndskreytingar úr
nýútkomnum íslenskum barna-
bókum. Markmið sýningarinnar
er að beina athyglinni að gildi
myndskreytinga í barnabókum.
Nokkur hefð hefur myndast
fyrir því að sýningin ferðist um
landsbyggðina að loknum
sýningartíma sínum í Reykjavík.
Sýningin sem sett var upp í
Gerðubergi í haust var þannig
nýverið opnuð í Amtsbókasafninu
á Akureyri og stendur þar til loka
júlí. Á meðal þeirra listamanna
sem eiga myndskreytingar á
sýningunni eru Áslaug Jónsdóttir,
Lóa Hlín Hjálmtýsdóttir, Sigrún
Eldjárn og Þórarinn Leifsson.
- vþ
Myndskreyt-
ingar ferðast
SIGRÚN ELDJÁRN Ein þeirra listamanna
sem eiga verk á sýningunni Þetta vilja
börnin sjá!
menning@frettabladid.is
Nýr sýningarsalur sem ber
nafnið Skaparinn, líkt og
fata búðin forðum daga, var
opnaður að Miðstræti 12 í
miðbæ Reykjavíkur um síðustu
mánaðamót. Það er að sjálf-
sögðu alltaf fagnaðarefni þegar
nýtt pláss bætist við listsýningar-
rýmin á höfuðborgarsvæðinu,
enda gera þau mikið til að
auðga tilveru bæði listamanna
og listunnenda.
Fyrst til að sýna verk sín í
Skaparanum er Þórunn Elísabet
Sveinsdóttir, myndlistarkona
og búningahönnuður. Þórunn
hefur verið einn af afkasta-
mestu búningahönnuðum
landsins og hefur hannað fyrir
fjölda leikverka og kvikmynda.
Hún hefur tvívegis unnið til
Grímuverðlauna fyrir búninga-
hönnun sína.
Á sýningunni í Skaparan-
um má sjá átta ný verk eftir
Þórunni. Segja má að myndlist
hennar sé í senn hugljómun
úr búningaheimi leikhússins,
en einnig öguð, spennandi og
óvænt myndmótun þess efnis
sem hefur heillað hana alla tíð
og býr yfir raunverulegri sögu
og arfleifð íslenskra kvenna.
Þórunn hefur áður haldið tvær
einkasýningar á verkum sínum
og tekið þátt í ýmsum samsýn-
ingum.
Skaparinn er opinn mánu-
daga til föstudaga á milli kl. 12
og 18, en annars eftir sam-
komulagi.
- vþ
Kl. 17
Sópransöngkonan Hanna Dóra
Sturludóttir og píanóleikarinn Kurt
Kopecky koma fram á tónleikum á
vegum tónlistarhátíðarinnar Við
Djúpið í tónleikasalnum Hömrum á
Ísafirði í dag kl. 17. Á efnisskrá
tónleikanna er íslensk og ítölsk
tónlist eftir tónskáld á borð við Verdi,
Puccini, Þórarin Guðmundsson og
Jón Ásgeirsson.
ÞÓRUNN ELÍSABET SVEINSDÓTTIR
Fyrsti listamaðurinn sem sýnir
verk sín í sýningarrýminu nýja
Skaparanum.
Nýr sýningarsalur í miðbænum
> Ekki missa af...
Loka-gjörningadeginum á
sýningu Karls Holmqvist
„Boomtown“ í Nýlistasafninu
sem fer fram í dag á milli
kl. 12 og 17. Að þessu sinni
fremja gjörninga þau Ásmund-
ur Ásmundsson, Berglind
Ágústdóttir, Hulda Vilhjálms-
dóttir, Ingibjörg Magnadóttir
og Sara Björnsdóttir. Sviðið
er jafnframt opið öllum þeim
sem vilja tjá sig á einhvern
hátt.