Fréttablaðið - 22.06.2008, Blaðsíða 65
SUNNUDAGUR 22. júní 2008 25
EM 2008 Sex leikmenn á Evrópumótinu eru fæddir í
Brasilíu. Landið er í Suður-Ameríku en þessir kappar
hafa allir fengið annan ríkisborgararétt og eru því
gjaldgengir með viðkomandi löndum. Enginn þeirra lék
fyrir yngri landslið Brasilíu. Auk þess er Luiz Felipe
Scolari, þjálfari Portúgals, Brasilíumaður.
Pepe (Portúgal og Real Madrid)
Fæddur í Maceió, Brasilíu. Fullt nafn hans er Képler
Laveran Lima Ferreira en hann ólst upp hjá unglingaliði
Corinthians. Fluttist sautján ára til Portúgals og komst
loks í byrjunarlið Porto árið 2005. Var frábær þar. Seldur
til Real Madrid fyrir um 24 milljónir punda. Fékk
ríkisborgararétt í ágúst 2007.
Roger Guerreiro (Pólland og Legia Varsjá)
Fæddist í São Paulo í Brasilíu. Hann lék í heimalandi sínu
allt til 2004; fór til Spánar og þaðan til Póllands. Leo
Beenhakker, þjálfari Póllands, lof-
aði honum sæti í byrjunarliðinu ef
hann gerðist pólskur ríkisborgari.
Það samþykkti Guerreiro og
fékk hann réttindin eftir
sérstaka flýtimeðferð
rétt fyrir Evrópumót-
ið.
Marcos Senna (Spánn
og Villarreal)
Spilaði í heimalandi sínu í fimm ár en fór til Spánar
árið 2002. Fékk ríkisborgararétt eftir fjögur ár þar
og hefur leikið með landsliðinu síðan. Fæddur í
São Paulo og lék með fimm félögum á jafn
mörgum árum í heimalandinu fyrir Spánar-
reisuna.
Mehmet Aurélio (Tyrkland og Fener-
bahçe)
Marco Aurélio Brito dos Prazeres
fæddist í Rio de Janeiro og breytti
fyrsta nafninu sínu í Mehmet þegar
hann fékk tyrkneskan ríkisborgararétt
árið 2006. Var í sex ár í Flamengo og
er þessi djúpi miðjumaður nú orðinn
varafyrirliði Fenerbahçe.
Kevin Kuranyi (Þýskalandi og Schalke)
Fæddist í Rio árið 1982, á ungversk-
franskan föður og móður frá Panama. Valdi því Þýska-
land fram yfir Brasilíu, Ungverjaland og Panama. Hefur
spilað í öllum löndunum nema Ungverjalandi en fyrsta
landsliðsmark hans kom gegn Íslandi árið 2004.
Deco (Portúgal og Barcelona)
Anderson Luis de Souza fæddist í São Bernardo do
Campo í Brasilíu og þótti ekki nógu góður hjá
Corinthians. Hann fór því til Portúgals og flakkaði
milli neðrideildarliða en fór að lokum til Porto
árið 1999. Eftir sex ár í Portúgal fékk hann
ríkisborgararétt árið 2002.
Slæm þróun?
Liðin verða kannski betri með því að fá
leikmenn til að skipta um ríkisfang, eða nota
leikmenn sem gera það, en sumir hafa áhyggjur.
„Ef við hunsum innrásina frá Brasilíu, ekki bara í
Evrópu heldur í Afríku og Asíu líka, verða næstu
heimsmeistaramót árin 2014 og 2018 full af þeim.
Þetta er mjög mikil hætta,“ segir áhyggjufullur
Sepp Blatter, forseti FIFA.
Inn í upptalninguna á leikmönnunum sex vantar einnig
Eduardo da Silva, aðalsóknarmann Króata, sem er
meiddur og gat því ekki tekið þátt í mótinu.
Á EM nú leika þrír leikmenn í viðbót sem eru fæddir í
öðru landi en þeir spila fyrir. Þetta eru Lukas Podolski og
Miroslav Klose, sóknardúett Þjóðverja, sem báðir eru
fæddir í nágrannalandinu Póllandi, og Mauro Camoranesi
sem spilar fyrir Ítalíu en er fæddur í Argentínu.
Auk þess hafa margir Brasilíumenn spilað á HM fyrir
hönd annarrar þjóðar, til dæmis Alex fyrir Japan og
Antonio Naelson Sinha fyrir Mexíkó.
- hþh
Sex leikmenn og einn þjálfari á Evrópumótinu í Sviss og Austurríki eru fæddir í Brasilíu:
Brasilíumenn setja mark sitt á Evrópumótið
FRÁ BRASILÍU TIL PORTÚGALS Deco og Pepe eru tveir þeirra leik-
manna á HM sem fæddir eru í Brasilíu en leika nú með Evrópuþjóð-
um. FRÉTTABLAÐIÐ/AFP
FÓTBOLTI „Þetta var frábært og
mjög gaman. Við hefðum getað
spilað betur, seinni hálfleikur var
svolítið lengi að líða. En við
skoruðum fimm og héldum hreinu
og það er auðvitað bara frábært.
En við megum ekki ofmetnast og
ég held að við gerum það ekkert.
Við erum of skynsamar til þess. “
sagði Katrín Ómarsdóttir.
Hún fagnaði marki sínu með
skemmtilegum dansi. „Fagnið
fékk ég frá Pæjumótinu. Það var
stelpa frá Selfossi sem skoraði og
ég ákvað að fagna svona næst
þegar ég skoraði,“ sagði hún
brosmild.
Fyrirliðinn Katrín Jónsdóttir
skoraði líka í leiknum. „Við
hefðum jafnvel getað skorað
fleiri mörk. Þessi sigur er
mikilvægur og gefur okkur aukið
sjálfstraust. Það er hátt núna og
fólkið í kringum liðið hefur trú á
okkur líkt og þjóðin. Það gefur
okkur meðbyr og við reynum að
standa undir því.“ - hþh
Katrín og Katrín voru sáttar:
„Þjóðin hefur
trú á okkur“
VÍGREIF Í FÖGNUÐNUM Fyrirliðinn Katrín
Jónsdóttir fagnar í gær. FRÉTTABLAÐIÐ/RÓSA
FRJÁLSAR Ísland keppir um helgina
á Evrópubikarkeppni landsliða í
Tallinn í Eistlandi. Ísland er í 2.
deild. Ásdís Hjálmsdóttir bætti
þar sitt eigið Íslandsmet í
spjótkasti og náði lágmarki fyrir
Ólympíuleikana í Peking í sumar.
Hún kastaði 57,49 metra.
Íris Anna Skúladóttir Fjölni
stórbætti eigið Íslandsmet í 3.000
m hindrunarhlaupi og náði
lágmarki fyrir heimsmeistaramót
unglinga 19 ára og yngri.
Bergur Ingi Pétursson úr FH
sigraði í sleggjukasti þar sem
hann kastaði 71,44 metra. Silja
Úlfarsdóttir sigraði í 400 m
grindahlaupi á 58,90 sek. og
Þórey Edda Elísdóttir sigraði í
stangarstökki með stökki upp á
4,20 metra. - hþh
Ásdís Hjálmsdóttir:
Komin inn á
Ólympíuleikana
FÓTBOLTI Fylkir vann FK Riga í
fyrstu umferð Intertoto-keppn-
innar ytra í dag. Leikmenn Riga
pressuðu stíft en vörn Fylkis átti
góðan leik líkt og Fjalar í
markinu. Valur Fannar Gíslason
kom Fylki yfir með skallamarki
eftir hornspyrnu frá Peter
Gravesen, sem skoraði svo úr víti
í síðari hálfleik. FK Riga minnk-
aði muninn skömmu síðar. Síðari
leikurinn fer fram eftir viku á
Laugardalsvelli. - hþh
Fylkir vann í Intertoto:
Góður útisigur
Fylkis í Ríga
GOLF Sigmundur Einar Másson úr
GKG og Magnús Lárusson úr GKj
eru í efsta sæti eftir fyrri daginn á
Garðavelli á Akranesi en báðir
léku þeir á pari vallarins í gær.
Um helgina fer þriðja mótið í
Kaupþingsmótaröðinni fram á
Skaganum.
Rjómablíða var á mótsstað en
keppnin á toppnum er hörð. Næstu
menn eru tveimur höggum á eftir.
Það eru Einar Páll Long úr GR og
Hafþór Ingi Valgeirsson úr GA
sem léku á 74 höggum. Ottó
Sigurðs son úr GR og Örn Ævar
Hjartarson úr GS léku á 75 högg-
um, þremur höggum yfir pari.
Ólöf María Jónsdóttir úr Keili
leiðir keppnina í kvennaflokki.
Hún lék á 74 höggum, tveimur yfir
pari og er tveimur höggum á
undan Nínu Björk Geirsdóttur úr
Kili. Valdís Þóra Jónsdóttir úr
Leyni á Akranesi lék á 77 höggum
og er í þriðja sæti ásamt Þórdísi
Geirsdóttur úr Keili.
Ólafur Björn Loftssson úr NK
og Ásta Birna Magnúsdóttir úr GK
eru með forystu á mótaröðinni.
Ólafur er ekki á meðal þátttakenda
á Akranesi um helgina þar sem
hann er erlendis með unglinga-
landsliði Íslands. Ásta Birna náði
sér ekki á strik í gær en hún lék á
82 höggum og er í tíunda sæti.
Keppni hefst klukkan 7.30 á
sunnudagsmorgun og lýkur um
kvöldmatarleytið í kvöld. - hþh
Þriðja Kaupþingsmótið er á Akranesi um helgina:
Hörð keppni í báðum
flokkum á toppnum
Í FORYSTU Sigmundur leiðir eftir fyrri
daginn í karlaflokki ásamt Magnúsi
Lárussyni. FRÉTTABLAÐIÐ/PJETUR
EM 2008 Stórleikur Andrei Arshavin
var drifkrafturinn á bak við frá-
bæran sigur Rússa á Hollending-
um í átta liða úrslitum EM í gær.
Jafnt var eftir venjulegan leik-
tíma en Arshavin tryggði sigurinn
í framlengingunni.
Guus Hiddink talaði um það
fyrir leikinn að hann þekkti landa
sína vel. Það sýndi sig því Rússar
leyfðu þeim sem skapað hafa hvað
mest fyrir Holland í keppninni,
Rafael van der Vaart og Wesley
Sneijder, ekki að gera nokkurn
skapaðan hlut. Heimavinna Hidd-
inks skilaði því sínu. Ruud van
Nistelrooy var einangraður í
framlínunni og Hollending-
um gekk erfiðlega að skapa
sér færi.
Rússar áttu nokkur ágæt
færi og þurfti Edwin van
der Sar markmaður
nokkrum sinnum að taka
á honum stóra sínum í
hollenska markinu. Það
var framherjinn Roman
Pavlyuchenko sem kom
Rússum yfir í seinni
hálfleik eftir markalaus-
an fyrri hálfleik. Hann
setti boltann þá laglega í
netið eftir fyrirgjöf
Andrei Arshavin, sem lék
afar vel og er klárlega á
leiðinni til stórliðs í Evr-
ópu eftir keppnina.
Rússar gátu skorað
fleiri en eitt mark eftir
það en þeir sváfu á verðin-
um fjórum mínútum fyrir
leikslok. Þá stangaði van
Nistelrooy aukaspyrnu frá
Sneijder inn og tryggði Hol-
lendingum framlengingu.
Þar voru Rússar mun sterkari.
Arshavin skaut í slá áður en hann
bjó til mark fyrir Dmitri Torbin-
sky, sem dugði að pota boltanum
yfir línuna eftir stórkostlegan und-
irbúning miðjumannsins. Arshav-
in gulltryggði svo sigurinn með
þriðja marki Rússa með marki á
lokamínútunum. Verðskuldaður 3-
1 sigur Rússa því staðreynd.
Rússar mæta Spánverjum eða
Ítölum í undanúrslitunum. - hþh
Rússar rifu sig úr að ofan í Basel í gær eftir frábæran sigur á Hollendingum:
Andrei Arshavin sendi
Hollendinga heim á leið
FORMÚLA 1 Finnski ökuþórinn Kimi
Räikkönen er á ráspól fyrir
franska kappaksturinn í dag.
Räikkönen ók Ferrari-fák sínum
hraðast í tímatökunum í gær og
liðsfélagi hans Felipe Massa varð
annar. Fernando Alonso ræsir svo
þriðji á McLaren. Räikkönen vann
franska kappaksturinn í fyrra en
þetta er í 200. skipti sem Ferrari
nær ráspól í Formúlu 1. - hþh
Formúla 1 í Frakklandi:
Räikkönen á
ráspólnum
RÄIKKÖNEN Náði ráspól númer 200 fyrir
Ferrari. FRÉTTABLAÐIÐ/AFP
SUND Erla Dögg Haraldsdóttur úr
ÍRB setti nýtt og glæsilegt
Íslandsmet í 100 metra bringu-
sundi á Metamóti síns eigin
félags í gær. Erla Dögg synti á
1:08,58 mínútum og bætti eigið
met frá því í nóvember á síðasta
ári um 1,05 sekúndur. - hþh
Erla Dögg Haraldsdóttir:
Setti Íslandsmet
ARSHAVIN Sést hér neðstur í rússnesku hrúgunni sem myndaðist eftir þriðja
mark Rússa í leiknum, sem Arshavin skoraði sjálfur. FRÉTTABLAÐIÐ/AFP