Fréttablaðið - 22.06.2008, Blaðsíða 70

30 22. júní 2008 SUNNUDAGUR
„Það er ekki hægt að fá lög mín í
auglýsingar og ef þau eru tekin
ófrjálsri hendi er því svarað með
lögfræðingum,“ sagði Bjartmar
Guðlaugsson tónlistarmaður.
Bjartmar hefur verið kallaður
„síðasta vígið“ eftir að lag
Megasar, Ef þú smælar framan í
heiminn, var notað í auglýsingu
Toyota. „Eins og staðan er í dag,
og hefur verið, þá myndi ég aldrei
gera þetta og hef aldrei gert þetta.
Þetta er ekki minn vettvangur.“
Bjartmari hefur oft verið boðið
að selja lög sín. „Tilboð um svona í
gegnum tíðina, þú getur rétt
ímyndað þér. Maður á það mörg
hittlög. Það hefur komið fyrir
tvisvar, þrisvar sinnum að menn
hafa tekið bút úr einhverju sem ég
hef gert og ætlað sér að nota það.
Ég hef látið stoppa það og hef þri-
svar á ferlinum þurft að stoppa
hugmyndir um svona lagað í fæð-
ingu. Ég ver minn höfundarrétt
afskaplega vel.“
Það er ekki þar með sagt að
hann hneykslist á þeim sem selja
lög sín, þvert á móti. „Það er hverj-
um og einum listamanni frjálst að
gera það sem honum býr í brjósti
og það sem hann vill gera við sitt
efni. Ég hef ekkert á móti auglýs-
ingum, hef meira að segja mjög
gaman af mörgum þeirra. Og ég
er alls ekki hneykslaður á Megasi.
Hann er ekki með neinn starfs-
lokasamning frekar en aðrir popp-
arar.“ Það lítur því út fyrir að „síð-
asta vígið“ ætli að halda. - kbs
Bjartmar Guðlaugs
selur sig ekki
HNEYKSLAST EKKI Á MEGASI Bjartmar Guðlaugsson vill ekki selja lög sín.
FRÉTTABLAÐIÐ/HARI
Fréttablaðið greindi frá því í vik-
unni að víngerð heima við hefði
færst í aukana með versnandi
ástandi á fjármálum heimilanna.
Þó að fyrirtæki á borð við Ámuna,
sem selja efni og tæki til víngerð-
ar, hafi öll tilskilin leyfi til starf-
ans, lítur þó út fyrir að víngerð í
heimahúsi sé ólögleg og refsiverð.
„Mér sýnist það klárt að þetta sé
allt óheimilt samkvæmt áfengis-
lögum,“ segir Vilhjálmur H. Vil-
hjálmsson lögmaður. „Þegar maður
les þriðju grein áfengislaga gæti
maður ályktað að það væri heimilt
að framleiða áfengi til einkaneyslu.
Þar segir að til að stunda í atvinnu-
skyni innflutning, heildsölu, smá-
sölu eða framleiðslu áfengis þurfi
leyfi, en ekki er minnst á fram-
leiðslu til einkaneyslu,“ útskýrir
Vilhjálmur. Í fjórðu grein laganna
kemur fram að séu tilskilin leyfi
ekki fyrir hendi varði það refsingu.
„Þar er svo tekið fram að það varði
refsingu að framleiða áfengi til
einkaneyslu eða sölu, þó ekki sé í
atvinnuskyni,“ bendir Vilhjálmur
á. „Þar er einkaneyslan tekin fram
klárt og kvitt,“ segir hann. Sækja
má um leyfi til framleiðslu áfengis
í atvinnuskyni, en ekki er hægt að
fá leyfi fyrir einkaframleiðslu.
Lögin segja því til um að víngerð
í heimahúsi sé ólögleg, þó að lítið
heyrist af því að lögregla hafi mikil
afskipti af slíku. „Ef þeir eru að
fara í hús í öðrum tilgangi, eru með
heimildir til slíks og tæki og tól
sem að gera fólki kleift að brugga
áfengi verða á vegi þeirra kippa
þeir því eflaust með,“ segir Vil-
hjálmur, en heimilt er að gera öll
slík tæki upptæk. „Ég held ekki að
þeir séu almennt séð að leita að
einni og einni rauðvín sem fólk
framleiðir heima. Samkvæmt
lögum er það samt ólöglegt,“ segir
hann. - sun
Heimavíngerð til einkaneyslu ólögleg
FRAMLEIÐSLA ÓLÖGLEG Vilhjálmur
H. Vilhjálmsson lögmaður segir það
ljóst að framleiðsla á áfengi, þó að til
einkaneyslu sé, sé ólögleg og refsiverð
samkvæmt áfengislögum.
FRÉTTABLAÐIÐ/VALLI
„Þetta er tákn sjöunda áratugar-
ins. Eiginlega er þetta bara eitt
af þessum kúltúr-táknum, á alveg
tvímælalaust heima í ikon-sög-
unni með Fendernum, Elvis og
Coca-Cola flöskunni,“ segir
Björgvin Halldórsson en hann er
búinn að festa kaup á Piaggio-
vespu af flottari taginu sem leik-
arinn Gunnar Hansson flytur inn
og selur. Hjólin hafa slegið í gegn
hér á landi og þegar eru yfir
þrjátíu farartæki af þessari gerð
komin á götur borgarinnar.
„Þessi hönnun er náttúrlega
alveg mögnuð. Ítalarnir kunna
sitt fag þegar kemur að hönnun
og stíl,“ bætir Björgvin við.
Vespan sem Björgvin hyggst
nota í ferðir sínar um höfuðborgar-
svæðið er alveg sérstök, kallast
Vespa GTV 250 og er framleidd í
tilefni af sextíu ára afmæli hjóls-
ins. Hún er með öllum aukabún-
aði sem hægt er að hugsa sér.
„Heiðrar hinar klassísku línur
sem gerðu hjólið að einu þekkt-
asta vörumerki í heimi,“ svo
vitnað sé í heimasíðu hjólsins.
„Við hjónin kynntumst þessum
léttu hjólum á Ítalíu og leigjum
okkur oft svona þegar við erum
þar. Þetta eru alveg æðisleg hjól,
falleg og glæsileg en gæðin eru
líka mikil,“ útskýrir Björgvin.
„Mér finnst verst að geta ekki
notað þau yfir vetrartímann en
þau eru ekkert sérstaklega hent-
ug í hálku og snjó. Á sumrin eru
þau hins vegar frábær og það er
yndislegt að fá vindinn í fangið.“
Björgvin hefur reyndar sögu
hjólanna alveg á hreinu, bendir
meðal annars á að þau hafi verið
fyrirferðarmikil í rómantísku
kvikmyndinni Roman Holiday
þar sem Gregory Peck og Audrey
Hepburn felldu hugi saman undir
ljúfum og seiðandi niði frá
vespunum í Róm. „Myndin fang-
aði einhvern veginn þennan anda
sem kemur yfir mann þegar
maður situr á vespunni,“ segir
Björgvin og hlær.
Björgvin er þó ekki að nema
ný lönd með þessum vespukaup-
um því hann á eina gamla fyrir.
„En núna var bara ákveðið að
skipta henni út og fá sér alvöru
hjól. Það er að verða til svolítil
vespu-menning hér á landi og
það er ekkert smá gaman að
þeysast á milli húsa eða skjótast
á kaffihús á svona faratæki,“
segir Björgvin, sem þarf þó
eflaust að hafa mikið fyrir því að
fá að hafa vespuna því eiginkonan
Ragnheiður er engu síðri vespu-
aðdáandi en hann. „Hún hlakkar
alveg jafn mikið til og ég að fá
hjólið í hús.“ - fgg
BJÖRGVIN HALLDÓRSSON: BÚINN AÐ KAUPA SÉR TÍSKUTÁKN
Bó glæsilegur á nýrri vespu
GÓÐ SAMAN Björgvin á vafalítið eftir að líta vel út á þessari glæsilegu vespu sem
hann festi nýverið kaup á. FRÉTTABLAÐIÐ/DANÍEL
HVAÐ SEGIR MAMMA
„Mér finnst þetta flott hjá þeim.
Ragnar er algjör engill núna
miðað við þegar hann var fimm
ára. Þegar hann byrjaði í skóla
héldu allir að hann væri villing-
ur af því að hann var í Kiss-
jakka og rifnum gallabuxum.
Hann fermdist með blátt hár.
Það er ekkert hægt að segja við
þessu, þeir eru bara svona.“
Friðgerður Guðmundsdóttir um syni sína
Ragnar Sólberg og Egil Örn Rafnssyni,
en hljómsveit þeirra, Sign, spilaði á hinni
virtu rokkhátíð Download síðustu helgi.
Hvað er að frétta? Skínandi gott bara. Platan
mín, Our Map to the Monster Olympics, er að
koma út á næstu dögum, hérna heima og í
Japan. Ég slæ upp rokna útgáfutónleikum í
Iðnó á fimmtudagskvöldið af því tilefni.
Augnlitur: Grænn.
Starf: Listamaður.
Fjölskylduhagir: Huggulegir.
Hvaðan ertu? Úr Unaðsdal í Ísafjarðardjúpi.
Ertu hjátrúarfull? Í aðra röndina. Ég fæ ekki
slag ef ég sé svartan kisa en það eru ýmis teikn
sem boða hiklaust gæfu og ég horfi í þau.
Uppáhaldssjónvarpsþátturinn: Twin Peaks
eru bestu sjónvarpsþættir allra tíma. Ég hef
verið á þeirri skoðun síðan ég var 13 ára.
Uppáhaldsmatur: Rabarbari.
Fallegasti staðurinn: Mount Shasta í
Kaliforníu, Minni-Vogar og Ísafjörður.
iPod eða geislaspilari: Langar einhvern að vita
svarið við þessu?
Hvað er skemmtilegast? Spariskapið.
Hvað er leiðinlegast? Það er mjög leiðinlegt
að ráða ekki við hjartsláttinn og missa málið.
En líka ákaflega leiðinlegt að taka bensín.
Helsti veikleiki: Ég er helvíti svag fyrir uppá-
tækjasömu fólki og góðu púrtvíni.
Helsti kostur: Ætli það sé ekki gamla góða
hvatvísin, þó hún hafi nokkrum sinnum kostað
mig kúlið, brot úr augnabliki.
Helsta afrek: Ég veiddi einu sinni stelpu upp
úr hafsjó af skít undir fjósinu í sveitinni. Annars
hefði hún kannski drukknað í drullu.
Mestu vonbrigðin: Það er langbest að snúa
vörn í sókn um leið og syrtir í álinn, að stoppa
helst aldrei lengur en brot úr augnabliki við eitt-
hvað eins og vonbrigði – áfram með smjörið!
Hver er draumurinn? Ást og list að
eilífu.
Hver er fyndnastur/fyndnust? Eggert
Þorleifsson. Ég hef líka verið á þeirri
skoðun síðan ég var 13 ára og
sé ekki fram á að neinn skáki
honum.
Hvað fer mest í taugarnar
á þér? Ringlaðir menn og
undirförlar konur.
Hvað er mikilvægast? Hug-
rekki, heilindi, góður félags-
skapur, andagift, ímyndunar-
afl, limbó og libídó, gáski,
drifkraftur, áræðni, ást og
það að heiðra sérviskur
sínar, að vita hvað mann
langar í og þora að fá sér það.
HIN HLIÐIN KRISTÍN BJÖRK KRISTJÁNSDÓTTIR TÓNLISTARKONA
Svag fyrir uppátækjasömu fólki og púrtvíni
21.12
.1977
VEISTU SVARIÐ
Svör við spurningum á síðu 8
1 Brian Cowen.
2 Semih.
3 Stefsstells Vígi Villingur.