Fréttablaðið - 25.06.2008, Blaðsíða 14

25. júní 2008 MIÐVIKUDAGUR
ÚTIVIST Yfir fimm hundruð börn tóku þátt í Hafnar-
fjarðarmeistaramóti í dorgveiði sem fram fór í gær.
„Þátttakan er með ólíkindum. Það er ánægjulegt að
sjá keppendum fjölga ár frá ári,“ sagði Geir
Bjarnason, forvarnafulltrúi Hafnarfjarðarbæjar,
sem hefur skipulagt hátíðina frá upphafi.
Keppnin fór vel fram fyrir utan það að einn
strákur datt í sjóinn en starfsmenn sýndu skjót
viðbrögð og náðu honum upp. Drenginn sakaði ekki.
Styrmir Jónasson veiddi flesta fiska í ár en hann
náði að krækja í tíu stykki. Auðunn Húnfjörð veiddi
krabba sem var útnefndur Furðufiskur ársins. Það
var svo Ingibjörg Anna Hjartardóttir sem veiddi
stærsta fiskinn að þessu sinni, en hann vó 459
grömm.
Ekki voru allir sáttir við úrslitin. „Ég veiddi
stærsta fiskinn. Ég er best í að veiða,“ sagði Guðný
Björt Garðarsdóttir, þátttakandi. „Ég veiddi einn
sem var átta hundruð grömm, en hann var reyndar
dauður fyrir. Svo veiddi ég tvo pínulitla og einn
skrýtinn sem var eins og skötuselur.“ Þegar
vinkonur Guðnýjar bættu því við að sá hefði verið
ljótur svaraði hún reiðilega. „Nei! Hann var
fallegur! Hann er sonur minn. En litli fiskurinn var
svo skítugur að ég þurfti að setja hann í bað.“
- ges
Metþátttaka í dorg-
veiðikeppninni í ár
Dorgveiðikeppni Hafnarfjarðar fór fram í blíðskaparveðri á Flensborgarbryggju
í gær. Einn datt í sjóinn en sakaði ekki. Aflakóngurinn í ár krækti í tíu fiska.
SVEKKT YFIR ÚRSKURÐI DÓMARANS Guðný Björt dró stærsta fiskinn úr sjónum í ár. Sá var reyndar þegar dauður svo hún varð af
verðlaununum. FRÉTTABLAÐIÐ/ANTON
VÍSINDALEGAR MÆLINGAR Andri vigtar krossfisk sem Sandra
vinkona hans veiddi.
DÓMSMÁL Fyrrverandi tollvörður
hefur verið sakfelldur fyrir brot í
opinberu starfi og að hylma yfir
með þjófnaði. Refsingu yfir honum
var frestað í tvö ár, haldi hann
skilorð. Félagi hans var sýknaður
af ákæru um brot í opinberu starfi
og gripdeild.
Mönnunum var gefið að sök að
hafa framvísað tollvarðarskilríkj-
um á dansgólfi skemmtistaðarins
Hressingarskálans og í krafti
embættis síns þuklað á tveimur
stúlkum. Öðrum þeirra var síðan
gefið að sök að hafa gripið veski
annarrar stúlkunnar og hlaupið
með það á brott. Þetta gerðist í
janúar síðastliðnum.
Sá sem ákærður var fyrir grip-
deild neitaði alfarið sök. Hann við-
urkenndi að hafa verið á staðnum
en sagðist ekki hafa komið nálægt
stúlkunum tveimur. Hinn maður-
inn játaði, sagðist ekkert muna
eftir kvöldinu sökum ölvunar og
lagði trúnað á orð stúlknanna þess
efnis að hann hefði brotið gegn
þeim. Hann sagði tollvarðarstarfi
sínu lausu eftir þrýsting frá toll-
stjóra.
Sá sem neitaði sök var sýknaður
eins og áður segir. Segir í dómnum
að ekkert tengi hann við atburðinn
annað en að hann var á staðnum
umrædda nótt. Hinn var sakfelld-
ur, en refsingu frestað. - sh
Héraðsdómur hefur dæmt í máli tollvarða sem leituðu á stúlkur á skemmtistað:
Fyrrverandi tollvörður fundinn sekur
HRESSINGARSKÁLINN Dómurinn segir
ekkert tengja annan sakborninganna við
málið annað en að hann var á staðnum
umrædda nótt. FRÉTTABLAÐIÐ / HARI
DORGAÐ Í HAFNARFIRÐI Sífellt fleiri mæta á Hafnarfjarðarmeist-
aramótið í dorgveiði og í gær tóku yfir fimm hundruð börn þátt.
GÓÐ FRAMMISTAÐA Einn drengur féll í sjóinn en var bjargað
fljótt upp úr aftur af starfsmönnum mótsins.