Fréttablaðið - 25.06.2008, Blaðsíða 22

[ ]
Fyrsti gönguhópur sumarsins
var að stíga á land í Reykjar-
firði nyrðri á Ströndum þegar
slegið var á þráðinn til Elínar
Ragnarsdóttur sem þar sinnir
ferðaþjónustu.
„Hér er allt að fara í gang,“ segir
Elín sem er grunnskólakennari í
Bolungarvík en er nú í fæðingar-
orlofi svo hún er komin í fjörðinn
sinn að hjálpa til. Foreldrar hennar,
Ragnar Jakobsson og Sjöfn Guð-
mundsdóttir, reka svefnpokagist-
ingu í Reykjarfirði í gömlu íbúðar-
húsi með 22 svefnstæðum þar sem
allt er til alls og tvö lítil gestahús
hafa verið reist til viðbótar. Tjald-
stæði er á staðnum, snyrting, sund-
laug, grill og borð. Meira að segja
flugvöllur fyrir litlar rellur.
Reykjarfjörður fór í eyði á fyrri
hluta 7. áratugarins. Þar bjuggu afi
Elínar og amma og synir þeirra
þrír byggðu sér hús þar úr rekaviði
og fjölskyldur þeirra njóta þess að
vera þar á sumrin.
„Hér hefur alltaf verið sumar-
byggð,“ segir Elín. Bræðurnir unnu
hér rekavið á sumrin og svo þegar
því var hætt tók ferðaþjónustan
við. Mamma og pabbi eru alltaf hér
á sumrin og við erum sextán í heim-
ili hér núna. Svo er fólk á næstu
bæjum og það hjálpast allir að eftir
þörfum.“
Gestirnir í Reykjarfirði eru
einkum göngufólk að sögn Elínar.
Ýmsir koma í Reykjarfjörðinn
þrammandi eftir þriggja daga
göngu, annaðhvort úr Hornvík eða
Ófeigsfirði og þykir gott að staldra
við. „Hér er nóg af heitu vatni og
ekkert eins gott þegar komið er úr
göngu og að komast í heita laug og
pott og slappa af,“ segir Elín. „Svo
hefur færst í vöxt síðustu ár að fólk
taki bátinn hingað annað hvort frá
Horni eða Norðurfirði, hafi hér
bækistöð í nokkrar nætur og fari í
dagsgöngur upp á Geirólfsgnúp,
inn að Drangajökli, kringum Þara-
látursnes eða aðrar leiðir sem fólk
finnur. Sumir koma aftur og aftur
til að takast á við ný fjöll og nýja
tinda,“ segir hún.
gun@frettabladid.is
Alltaf verið sumarbyggð
Tvö lítil gestahús hafa verið reist í Reykjarfirði þar sem hægt er að fá gistingu.
Þeir sem vilja geta komist í sundlaug og
heitan pott.
Elín hjálpar foreldrum sínum með ferða-
þjónustuna í fæðingarorlofinu sínu.
Sjúkratösku er gott að taka með sér þegar haldið er af stað
í ferðalög innanlands. Ekki fer mikið fyrir henni og í henni er
það allra nauðsynlegasta sem þarf til þess að búa um sár.