Fréttablaðið - 25.06.2008, Blaðsíða 10

10 25. júní 2008 MIÐVIKUDAGUR
UMHVERFISMÁL „Við vonum að
bændur fari að vakna til lífsins
því að neytendur vilja lífrænar
vörur,“ segir Dóra Rut, ábúandi á
Neðra-Hálsi í Kjós.
Dóra hlaut í gær ásamt manni
sínum, Kristjáni Oddssyni, árlega
viðurkenningu Náttúrulækninga-
félags Reykjavíkur fyrir frum-
kvöðlastarf í framleiðslu á líf-
rænum mjólkurafurðum.
Dóra og Kristján stofnuðu fyrir-
tækið Biobú fyrir fimm árum
sem framleiðir nú fimm tegundir
af lífrænni jógúrt.
„Okkur hefur lengi langað að
prófa að framleiða annað en jóg-
úrt en eftirspurnin jókst og við
önnuðum ekki fleiru,“ segir Dóra.
„Við erum þó að prófa okkur
áfram með gríska jógúrt og von-
andi smjör og skyr í framtíð-
inni.“
Biobú kallar eftir fleiri sam-
starfsaðilum til framleiðslu á líf-
rænum mjólkurafurðum en Dóra
telur að íslenska ríkið þyrfti að
styðja betur við bændur sem vilja
hefja framleiðslu á lífrænni
mjólk, eins og tíðkist erlendis.
„Meðan bændur fá enga hvatn-
ingu fer bara hugsjónafólk út í
lífræna ræktun,“ segir Dóra. „Við
gerum þetta ekki til að verða rík
heldur vegna þess að okkur þykir
vænt um náttúruna.“ - ht
Biobú fær viðurkenningu Náttúrulækningafélags Reykjavíkur fyrir lífræna jógúrt:
Vilja búa til fleira en jógúrt
LEIKIÐ FYRIR KÝRNAR Oddur Goði
Jóhannsson, systursonur Kristjáns Odds-
sonar á Neðra-Hálsi, heldur konsert fyrir
kýrnar. MYND/KRISTJÁN ODDSSON
SÓLSTÖÐUR Tónlistarmaður leikur á
hljóðfæri nálægt Minsk í Hvíta-Rúss-
landi til að fagna sumarsólstöðum.
FRÉTTABLAÐIÐ/AP
LÖGREGLUMÁL Ofbeldisbrotadeild
lögreglunnar á höfuðborgarsvæð-
inu bíður nú eftir niðurstöðum úr
réttarkrufningu á Pólverjanum
sem lést af höfuðáverkum á
sjúkrahúsi á föstudag, að sögn Sig-
urbjörns Víðis Eggertssonar,
yfirmanns deildarinnar.
Lögreglurannsókn er haldið
áfram af fullum þunga.
Maðurinn, sem var þrítugur, var
fluttur höfuðkúpubrotinn á sjúkra-
hús fyrir hálfum mánuði. Tveir
Pólverjar sættu gæsluvarðhaldi í
kjölfar málsins. Þrír eru nú í sex
vikna farbanni. Lögregla rannsak-
ar hvort lát mannsins megi rekja
til óeðlilegra atvika. - jss
Látni Pólverjinn:
Beðið eftir rétt-
arkrufningu
UTANRÍKISMÁL Löggæslu-
stofnanir Íslands, Lithá-
ens og Evrópu verða að
vinna betur saman til að
vinna bug á því vandamáli
sem felst í skipulagðri
glæpastarfsemi og mjög
hefur spillt ímynd Litháa
í opinberri umfjöllun hér-
lendis. Þetta segir Rasa
Kairiene, sendiherra Lit-
háens á Íslandi með aðset-
ur í Kaupmannahöfn,
spurð um skoðun sína á því hvað
hægt sé að gera til að bregðast við
þessu vandamáli.
„Samkvæmt því sem við í sendi-
ráðinu komumst næst búa og
starfa alls um tvö þúsund Litháar
á Íslandi,“ segir Kairiene og bend-
ir á að það sé ekki lítið með tilliti
til þess að heildaríbúafjöldi lands-
ins er ekki mikið yfir 300.000. Þær
upplýsingar, að nöfn allt að 150
Litháa hafi komist á „svartan
lista“ íslenskra lögregluyfirvalda
vegna gruns um að vera viðriðnir
lögbrot af einhverju tagi, verði
líka að skoða í þessu samhengi.
Það hafi sýnt sig í Noregi, þar sem
um 10.000 Litháar búa, að sú mikla
fjölmiðlaumfjöllun í Noregi sem
vissir glæpir fengu þar sem Lit-
háar komu við sögu, svertu orð-
stír Litháa þar í landi umfram það
sem ástæða var til, að sögn Kari-
ene. Við nánari athugun hafi
nefnilega komið í ljós að sem hlut-
fall af fjölda landa sinna í Noregi
voru Litháar engu tíðar brotlegir
við lög en til að mynda Pólverjar,
Pakistanar eða ýmsir
aðrir hópar.
Með þessum orðum vill
Kairiene alls ekki gera
lítið úr alvöru þess að
landar hennar gerist brot-
legir í þeim löndum sem
þeir hafa kosið að flytjast
til, hvort sem það er til
skamms eða langs tíma.
Hún segist vonast til að
með nánara samstarfi
löggæsluyfirvalda, ásamt
efldu félagsstarfi Litháa sjálfra
hér á landi, muni með samstilltu
átaki reynast unnt að vinna bug á
þessu vandamáli.
Vert er enn fremur að minnast
þess að glæpastarfsemi af því tagi
sem í flestum tilvikum er um að
ræða í þessu samhengi, svo sem
smygl á fíkniefnum, er skugga-
hlið frelsisins sem hefur fært
bæði Íslendingum, Litháum og
öðrum þjóðum Evrópu ómæld ný
tækifæri á síðustu árum.
Um dagskrá þúsund ára ríkisaf-
mælisársins 2009 og menningar-
höfuðborgarinnar Vilníus segir
Kairiene að í undirbúningi sé
meðal annars að litháísk sinfóníu-
hljómsveit sæki Ísland heim, list-
sýningar og aðrir menningarvið-
burðir. Það hjálpi til í þessu
samhengi að í sendiráðinu í Kaup-
mannahöfn er nú tekinn til starfa
menningarfulltrúi og samhliða því
hefur sendiráðið úr meiru að spila
til að efla menningartengsl þjóð-
anna.
audunn@frettabladid.is
Menningar-
og löggæslu-
samstarf eflt
Litháar fagna á næsta ári þúsund ára afmæli ríkis
síns auk þess sem Vilnius verður menningarhöf-
uðborg Evrópu. Íslendingar munu heldur ekki fara
varhluta af þessu segir sendiherra Litháens í viðtali.
RASA KAIRIENE
FRÁ VILNIUS Rasa Kairiene sendiherra Litháens á Íslandi segir að löndin verði að
vinna betur saman til að vinna bug á skipulagðri glæpastarfsemi. FRÉTTABLAÐIÐ/VILHELM