Fréttablaðið - 25.06.2008, Blaðsíða 29
MIÐVIKUDAGUR 25. JÚNÍ 2008 11börn ● fréttablaðið ● 3
Á Akureyri búa tíu ára tví-
burabræður sem hafa getið
sér gott orð fyrir listir sínar á
hjólabretti.
Alexander og Sólon eru tíu ára
tvíburar sem hafa þrátt fyrir
ungan aldur rennt sér á hjóla-
bretti í fimm ár. Þeir hafa unnið
til verðlauna í hjólabretta- og
snjóbrettakeppnum og verið
meðal yngstu keppenda þar sem
oft er keppt í einum flokki sem
nær allt upp í sextán ára. Að sögn
foreldra drengjanna knáu, Aðal-
bjargar Steinarsdóttur og Kristj-
áns Edelstein, hafa litlu guttarn-
ir alltaf haft mikla þörf fyrir að
hreyfa sig.
„Erfiðast er að gera trikkin, en
við bara æfum okkur og æfum.
Stundum förum við á netið og
skoðum hvað aðrir gera,“ útskýr-
ir Sólon en þegar þeir bræður
fylgjast með fyrirmyndum á net-
inu er það helst til að sjá hvern-
ig hjólabrettabrögð eru fram-
kvæmd.
Bræðurnir eru þó í raun sjálfir
orðnir að fyrirmyndum þar sem
þeir eru mjög duglegir að útbúa
myndbönd af sér að leika listir
sínar á hjólabrettunum. „Við setj-
um myndbönd á Youtube en pabbi
hefur hjálpað okkur að vinna þau.
Nú kunnum við samt að klippa
þau sjálfir og svoleiðis,“ segir
Alexander og bætir við: „Okkur
langaði að gera svona myndbönd
og þá hjálpaði mamma okkur að
taka þau upp.“
Foreldrar drengjanna hafa
verið duglegir að hvetja þá til
dáða. Aðalbjörg segist þó vera
ánægð með að athyglin virð-
ist ekki hafa stigið þeim til höf-
uðs. Drengirnir eru enda mjög
hógværir, eins og sjá má á svari
Alexanders þegar hann er spurð-
ur hvort ekki sé gaman að fá alla
þessa athygli: „Jú, jú, en mér er
eiginlega alveg sama. Sumum
finnst þetta flott.“
En að hverju þarf að huga
þegar byrjað er að renna sér á
hjólabretti? „Það er langbest að
vera í hjólabrettaskóm en maður
fær þá í hjólabrettabúðum eins
og Fargo á Akureyri og Brim og
Smash í Reykjavík,“ segir Sólon
ákveðinn. Helsta ráðið sem þeir
bræður gefa krökkum sem lang-
ar að læra á hjólabretti er að vera
duglegir að æfa sig, en í hjóla-
brettaiðkun líkt og öðru gildir sú
regla að æfingin skapar meistar-
ann.
Bræðurnir renna sér þó ekki
einungis á hjólabrettum held-
ur æfa þeir líka ýmsar aðrar
íþróttir. „Ég er núna í handbolta
og fótbolta og hef líka æft golf
einu sinni. Mér finnst handbolt-
inn eiginlega skemmtilegast-
ur af þessum íþróttum en samt
eru hjólabrettin skemmtilegust,“
segir Sólon ánægður og Alexand-
er samsinnir því.
Spurðir út í framtíðina segj-
ast þeir bræður stefna á atvinnu-
mennsku í hjólabretta- eða snjó-
brettaiðkun.
Hægt er að sjá tvíburana leika
listir sínar á youtube.com með
því að slá nöfn þeirra inn sem
leitarorð.
- hs
Hógværir snillingar
Tvíburarnir Sólon og Alexander hafa þrátt fyrir ungan aldur leikið sér á hjólabrettum í fimm ár og eru orðnir eldklárir. Hægt er að
skoða myndbönd með þeim á netinu.
MYND/HEIDA.IS
Alexander og Sólon skoða oft myndbönd á netinu til að fá hugmyndir að nýjum
brögðum eða trikkum eins og þeir orða það. Þeir gera til dæmis ollí, sem þýðir að
hoppa á brettunum.
Þrátt fyrir að Alexander og Sólon hafi vakið mikla athygli fyrir listir sínar eru þeir
hógværir og láta athyglina ekki stíga sér til höfuðs. Þeir vilja einfaldlega leika sér á
brettum og verða betri.
Börn nota góða veðrið á sumr-
in til að leika sér og eru mikið á
ferðinni yfir umferðargötur, oft
á hjólum og línuskautum. Nauð-
synlegt er að brýna umferðar-
reglurnar fyrir eldri börnun-
um, hvernig eigi að passa sig á
bílum og nota réttan öryggisbún-
að svo sem hjálm og hlífar. Vak-
andi auga þarf að hafa með þeim
yngri og velja jafnvel lokuð leik-
svæði.
Upplýsingar um börn og um-
ferðina og leiðbeiningar um
hvernig má kenna þeim umferðar-
reglurnar er að finna á vefsíðu
Umferðarstofu.
Þar kemur meðal annars fram
að mikilvægt er að líta ekki á barn
sem lítinn fullorðinn einstakling,
en fólki hættir til að ofmeta getu
barna til að meta aðstæður í um-
ferðinni. Börn eru til dæmis smá-
vaxin og sjónarhorn þeirra ligg-
ur lægra en fullorðinna. Þau hafa
því ekki sömu yfirsýn yfir um-
ferðina. Börn eiga líka erfiðara
með að meta fjarlægð ökutækja
og sjá ekki fyrir þær hættur sem
geta skapast. Þau eru lengur en
fullorðnir að taka ákvarðanir og
hættir til að missa athyglina.
Börn yngri en sjö ára mega
ekki samkvæmt umferðarlög-
um hjóla á akbraut nema í fylgd
með fullorðnum og hjólreiða-
menn sem ekki hafa náð fimmtán
ára aldri eiga að hjóla með hjálm.
Hinir fullorðnu eru börnunum
fyrirmynd og nauðsynlegt er að
leggja strax grunn að ábyrgum
umferðarvenjum. Kenna þarf
krökkunum að fara yfir götu
á gangbraut og hvernig nota á
handvirk gangbrautarljós.
Slóðin á heimasíðu umferðar-
stofu er www.us.is.
-rat
Börnin í umferðinni
Krakkarnir flykkjast út að leika sér í góða veðrinu. Brýna þarf fyrir þeim aðgát í
umferðinni. FRÉTTALBAÐIÐ/HEIÐA
Fyrirtækið Pro Golf býður upp á
námskeið í golfi fyrir börn á aldr-
inum 6 til 12 ára. Á námskeiðun-
um læra börnin grunntækni í golfi
í formi leikja og fá á sama tíma að
vera í góðum félagsskap. Hverj-
um hópi er skipt niður í smærri
hópa eftir kunnáttu og aldri og er
hver undirhópur með eigin kenn-
ara. Allir fá því kennslu við sitt
hæfi. Námskeiðinu lýkur með
pitsuveislu og þrautum ásamt
óvæntum glaðningi.
Kennslan fer fram á Korpúlfs-
staðavelli hjá Golfklúbbi Reykja-
víkur. Í boði er fjöldi námskeiða,
en hvert námskeið stendur yfir í
fimm daga, fjórar klukkustund-
ir á dag. Hægt er að velja um að
vera annaðhvort fyrir eða eftir há-
degi, frá klukkan 8 til 12 eða 13 til
17. Þeim sem lokið hafa vikunám-
skeiði stendur til boða að fara á
framhaldsnámskeið. Námskeið-
in eru í gangi í allt sumar, næsta
námskeið byrjar 30. júní en síð-
asta námskeiði lýkur 15. ágúst.
Enn fremur er boðið upp á viku-
námskeið fyrir unglinga á aldr-
inum 13 til 16 ára í byrjun ágúst.
Nánari upplýsingar er að finna á
vefsíðunni www.progolf.is. -mþþ
Golfkennsla fyrir börn
Á golfnámskeiðinu læra börnin grunntækni í golfi í formi leikja.
MYND/ÓLAFUR MÁR SIGURÐSSON