Fréttablaðið - 29.06.2008, Síða 6

6 29. júní 2008 SUNNUDAGUR
ÞJÓÐHÁTÍÐARSJÓÐUR
auglýsir eftir umsóknum um styrki úr sjóðnum
vegna ársins 2009.
Þjóðhátíðarsjóður, sem starfar samkvæmt skipulagsskrá nr. 361 frá
30. september 1977 með áorðnum breytingum, var stofnaður í tilefni
af 1100 ára búsetu á Íslandi 1974.
Tilgangur sjóðsins er:
• að veita styrki til stofnana og annarra aðila, er hafa það verkefni að
vinna að varðveislu og vernd þeirra verðmæta lands og menningar,
sem núverandi kynslóð hefur tekið í arf.
Við það skal miðað, að styrkir úr sjóðnum verði viðbótarframlög til
þeirra verkefna, sem styrkt eru, en verði ekki til þess að lækka önnur
opinber framlög til þeirra eða draga úr stuðningi annarra við þau.
Á næstu þremur árum frá og með árinu 2008 mun sjóðurinn hafa um
30 m.kr. á ári til úthlutunar styrkja. Úthlutunum úr sjóðnum lýkur að
þeim tíma liðnum, þ.e. 2010 vegna ársins 2011 og er þá reiknað með
að sjóðurinn hafi þegar úthlutað öllu fé sínu í samræmi við tilgang
hans.
Umsóknir
Gerðar eru skýrar faglegar kröfur til umsækjenda.
Einungis verður tekið við umsóknum á þar til gerðum eyðublöðum.
Þau má fi nna á vefsíðu Seðlabanka Íslands
http://www.sedlabanki.is/?PageID=28. Enn fremur má nálgast
eyðublöð í afgreiðslu Seðlabankans, Kalkofnsvegi 1, Reykjavík.
Umsóknarfrestur er til og með 31. ágúst 2008 og er stefnt að því að
úthlutað verði úr sjóðnum 1. desember 2008 með athöfn í Þjóð-
menningarhúsinu. Umsóknir skal senda Þjóðhátíðarsjóði,
Seðlabanka Íslands, Kalkofnsvegi 1, 150 Reykjavík.
Nánari upplýsingar veitir ritari sjóðsins í síma 569 9622 eða
netfanginu: thjodhatidarsjodur@sedlabanki.is.
Stjórn Þjóðhátíðarsjóðs
Kjörkassinn
Telur þú líkur á enn meiri verðbólgu?
Já 81,7%
Nei 18,3%
SPURNING DAGSINS Í DAG
Ertu sammála því að almenn
húsnæðislán verði ekki ríkis-
styrkt eins og Eftirlitsstofnun
Efta vill?
Segðu skoðun þína á vísir.is
MÓTMÆLI Tvisvar sinnum hefur
verið kveikt í skraufþurrum mosa-
gróðri í garðinum hjá Bústaða-
kirkju á liðnum dögum. Börn,
búsett í nágrenni við garðinn hafa
af því tilefni skrifað á skilti, þar
sem þau biðja fólk um að fara var-
lega með eld í garðinum. Skiltið
hefur síðan verið sett niður rétt
hjá stöðunum þar sem reynt var
að kveikja í.
Á skiltið hafa börnin skrifað eft-
irfarandi skilaboð með sínum
hætti:
„ELDHÆTTA
Vinsamlega EKKI henda sígar-
ettum og kveikjurum í gróðurinn
svo þá brenni ekki húsin.
Kveðja, krakkarnir í Litlagerði
og Skógargerði.“ - jss
SKILTIÐ Þetta skilti stendur rétt við staðina þar sem eldur hefur brennt mosa en ekki
náð að breiðast út að marki. FRÉTTABLAÐIÐ/VALLI
Börn skrifa á skilti sem sett hefur verið upp í garðinum við Bústaðakirkju:
Biðja brennuvarga vægðar
KNATTSPYRNA Sjötti flokkur FH
stóð uppi sem sigurvegari á Shell-
mótinu í Vestmannaeyjum sem
haldið var um helgina. Liðið vann
HK 2-1 í úrslitaleiknum í gær-
kvöldi.
Einar Friðþjófsson, fram-
kvæmdastjóri mótsins, er
hæstánægður með hvernig til
tókst í ár. „Þetta gekk eins og í
sögu og ég er mjög ánægður. Við
vorum að þreifa fyrir okkur með
nýtt keppnisfyrirkomulag, sem
miðar að því að leikirnir verði
jafnari. Einnig styttum við mótið
um einn dag. Þessar breytingar
virðast hafa fallið vel í kramið,“
segir Einar. - kg
Shell-mótið í Eyjum:
FH sigraði HK í
úrslitaleiknum
FH-INGAR Sigurreifir að úrslitaleiknum
loknum.
Þrír í annarlegu ástandi
Lögreglan á Borgarnesi stöðvaði tvo
menn fyrir akstur undir áhrifum kóka-
íns aðfaranótt laugardags. Einn til
viðbótar var tekinn fyrir ölvunarakstur
í umdæminu.
LÖGREGLUFRÉTTIR
VEÐURFAR Kalt var í veðri á
Norðausturlandi og á hálendinu í
fyrrinótt og í nótt. Björn Sævar
Einarsson veðurfræðingur segir
að víða hafi verið við frostmark í
hærri byggðum þar. Eins stigs
frost hafi verið á Kili og Sprengi-
sandi. „Það var víða slydda til
fjalla,“ segir hann.
Við Markarbrú var 1,2 stiga hiti
og fjögur stig við Mývatn.
Björn Sævar segir að hret komi
reglulega í júní til júlí. „Þetta er
ekkert rosalega óvanalegt,“ segir
hann, „en þetta er náttúrulega
kuldakast.“
Búist var við að áfram yrði
svalt en svo færi hlýnandi þótt
spáð væri norðaustanátt næstu
daga. - ghs
Norður- og austurland:
Frost og slydda
á hálendinu
VEÐURFAR „Ísinn við norðurpólinn í
miðju Norður-Íshafi mun líklega
bráðna í september,“ segir Þór
Jakobsson veðurfræðingur.
„Rannsóknir bandaríska vísinda-
mannsins Marks Serreze staðfesta
það sem flestir hafa talið að þró-
unin yrði. Sem sagt að ísinn fari
mjög svo minnkandi.“ Mark telur
helmingslíkur á því að ísinn á
pólnum muni bráðna í haust.
„Það sem er merkilegt í þessu
er hve snemma þetta gerist. Lang-
tímaspár gerðu ráð fyrir að þetta
myndi gerast í kringum árið 2040
en þróunin hefur verið mun hrað-
ari.“
Þór bætir þó við að ísinn sé ekki
alfarinn heldur komi hann aftur
yfir vetrartímann árlega.
Hann telur að siglingaleið milli
Kyrrahafs og Atlantshafs gæti
opnast og hvetur Íslendinga til að
nýta sér þetta með smíðun upp-
skipunarhafnar. „Þetta gætu orðið
efnahagsleg stórtíðindi. Við
megum ekki vera sofandi á verð-
inum.“
Einar Sveinbjörnsson, kollegi
Þórs, gefur lítið fyrir þessa spá-
dóma. „Mér finnst þessar spár
vera ótrúverðugar í ljósi þess að
flatarmál íssins í Austurgræn-
landsstraumnum hefur ekki verið
fjarri meðallagi útbreiðslu sinnar
nú síðla vetrar og í vor.“ - ges
Siglingaleið gæti opnast í Norður-Íshafi ef ísinn heldur áfram að bráðna:
Bráðum bráðnar ísinn alveg
NORÐURHÖF Ísinn í Norðurhöfum gæti
orðið svo lítill nokkra mánuði ársins að
skipaleiðir gætu opnast. Mynd frá NASA
DÓMSMÁL Rafmagnsfyrirtæki
hefur verið dæmt til að greiða
fyrrverandi starfsmanni rúmar
4,7 milljónir með vöxtum, eftir
vinnuslys sem hann lenti í.
Manninum hafði verið falið að
koma fyrir rafmagnsdós í
kaffistofu fyrirtækisins.
Dósin var skökk og reyndi
hann að rétta hana með töng.
Spenna myndaðist og þegar hann
sleppti tönginni, eftir að hafa
snúið dósinni, þeyttist töngin í
auga hans. Afleiðingarnar urðu
þær að maðurinn missti sjón á
auganu.
Ástæðuna fyrir spennunni taldi
hann vera þá að rafmagnsrör,
sem rafvírinn var dreginn í, hafi
legið skakkt í dósinni. - jss
Dæmdar 4,7 milljónir í bætur:
Fékk töng í auga
MENNING Talið er að á milli þrjátíu og fjörutíu-
þúsund manns hafi lagt leið sína í Laugardalinn í
gær á tónleika undir yfirskriftinni Náttúra. Tón-
leikarnir stóðu frá klukkan 18 og lauk ekki fyrr
en á ellefta tímanum. Gestir voru á öllum aldri og
nutu þess sem fram fór á sviðinu. Tilgangur tón-
leikanna var að vekja fólk til aukinnar vitundar
um umhverfismál.
„Stemningin var framar okkar björtustu
vonum,“ segir Margrét Vilhjálmsdóttir leikkona
og einn af skipuleggjendum hátíðarinnar. „Gestir
á öllum aldri skemmtu sér frábærlega og veðrið
lék við okkur.“
Fyrsta atriðið á tónleikunum var samstarfs-
verkefni Ghostigital og Finnboga Péturssonar
undir nafninu Radium. Næst steig Ólöf Arnalds á
stokk og því næst tróð Sigur Rós upp. Rúsínan í
pylsuendanum var svo sjálf Björk Guðmunds-
dóttir. Talið er að á þriðju milljón manna um allan
heim hafi horft á tónleikana á vef National
Geography. - ges
Tugþúsundir í dalnum
Mikill mannfjöldi skemmti sér konunglega í Laugardalnum á tónleikum í nafni
náttúru Íslands í gær. Talið er að á þriðju milljón hafi fylgst með á netinu.
LAUGARDALUR TIL LUKKU Laugardalurinn leit mikilfenglega út í veður-
blíðunni í gær. FRÉTTABLAÐIÐ/ANTON
UNGIR ÁHORFENDUR Gestir voru á öllum aldri og þessi
ungmenni fylgdust með í andakt. FRÉTTABLAÐIÐ/ANTON
INNLIFUN Þessi ungi sveimhugi lifði sig inn í tónlistina.
FRÉTTABLAÐIÐ/ANTON
AND BJÖRK, OF COURSE Björk sveik ekki aðdáendur sína um frábært
samspil tóna og sviðsframkomu. FRÉTTABLAÐIÐ/DANÍEL
KJÖRKASSINN