Fréttablaðið - 12.07.2008, Page 58

34 12. júlí 2008 LAUGARDAGUR
sport@frettabladid.is
FÓTBOLTI Íslenskir knattspyrnu-
menn hafa verið eftirsóttir starfs-
kraftar á Norðurlöndum undan-
farin ár og ekkert lát virðist vera
á því. Lars Bohinen, íþróttamála-
stjóri hjá Stabæk, telur megin-
kosti íslenskra leikmanna sem
koma til Noregs vera hversu harð-
ir þeir séu og fljótir að aðlagast
aðstæðum.
Lars Bohinen kom hingað til
lands á vegum norska liðsins
Stabæk á dögunum til þess að
skoða íslenska leikmenn og horfði
meðal annars á leik KR og Vals í
Landsbankadeild karla í fyrra-
kvöld.
„Þetta var fínn leikur og ég
skemmti mér bara mjög vel. Ég sá
líka leik í Landsbankadeildinni
fyrir um ári síðan og mér fannst
vera meiri gæði á þessum leik
heldur en var þá,“ sagði Bohinen
sem vildi ekki tilgreina hvort
einhver leikmaður væri sér-
staklega undir smásjánni
hjá Stabæk þegar Frétta-
blaðið fór þess á leit við
hann, en norska liðið
hefur meðal annars verið
sterklega orðað við Pálma
Rafn Pálmason, miðvallar-
leikmann Vals.
„Það er bara vinnuregla
hjá okkur að vera ekki að
blaðra um það í
fjölmiðlum hvaða leik-
menn við viljum fá og það
sama gildir hvort sem fjöl-
miðillinn er norskur eða
íslenskur,“ sagði Bohinen á
léttum nótum en viðurkenndi
þó að hafa grætt eitthvað á
ferð sinni.
„Ég sá ekki bara
einn leikmann,
heldur nokkra leikmenn og við
munum sjá til hvað við gerum í
því. Leikmannamarkaðurinn í
Noregi opnar 1. ágúst og við erum
aðallega að leita að miðjumanni til
þess að styrkja okkur í baráttunni
um norska titilinn á yfirstandandi
keppnistímabili. En auðvitað skoð-
um við alla þá leikmenn sem við
teljum að myndu styrkja leik-
mannahóp Stabæk,“ sagði Bohin-
en en Stabæk hefur góða raun af
íslenskum leikmönnum.
Harðir og aðlagast fljótt
„Veigar Páll hefur staðið sig frá-
bærlega hjá okkur og er einn af
lykilmönnum liðsins og Helgi Sig-
urðsson var líka frábær þegar
hann lék hjá Stabæk, þannig að
við vitum hvers íslenskir leik-
menn eru megnugir. Einhverra
hluta vegna framleiðir Ísland
mikið af góðum leikmönnum, ég
geri mér ekki sérstaklega grein
fyrir því af hverju það er. En
helsti kosturinn við íslenska leik-
menn er hugarfarið, þeir eru rosa-
lega harðir og fljótir að aðlagast
aðstæðum í norska boltanum. Ég
held líka að íslensku leikmennirn-
ir sem ganga til liðs við sterkari
félög erlendis geti með góðu móti
bætt sig um 15-20 prósent,“ sagði
Bohinen að lokum.
omar@frettabladid.is
Harðir og aðlagast aðstæðum fljótt
Topplið Stabæk í norsku úrvalsdeildinni hefur fylgst með íslenskum leikmönnum undanfarið og Lars
Bohinen íþróttamálastjóri var hér á landi og horfði á leik KR og Vals og hreifst af því sem hann sá.
SLÆR Í GEGN Veigar
Páll Gunnarsson hefur
farið á kostum með
Stabæk undanfarin
ár og Bohinen metur
hann eðlilega mikils.
SCANPIX
SKOÐAR ÍSLENSKA LEIKMENN Lars Bohinen, íþróttamálastjóri
Stabæk, var nýverið á Íslandi til þess að skoða íslenska leikmenn
en hann var á sínum tíma norskur landsliðsmaður og á mynd-
inni er hann í baráttu við Zinedine Zidane og Didier Deschamps í
landsleik árið 1998. NORDIC PHOTOS/AFP
ÍSLENSKIR LEIKMENN HJÁ
NORSKUM LIÐUM:
Ármann Smári Björnsson (Brann)
Baldur Sigurðsson (Bryne)
Birkir Bjarnason (Viking/Bödo Glimt)
Birkir Már Sævarsson (Brann)
Garðar Jóhannsson (Fredrikstad)
Gylfi Einarsson (Brann)
Haraldur F. Guðmundsson (Aalesund)
Indriði Sigurðsson (Lyn)
Jóhannes Harðarson (Start)
Kjartan H. Finnbogason (Sandefjord)
Kristján Örn Sigurðsson (Brann)
Ólafur Örn Bjarnason (Brann)
Theodór Elmar Bjarnason (Lyn)
Veigar Páll Gunnarsson (Stabæk)
FÓTBOLTI KR-ingurinn Björgólfur
Takefusa hefur verið sjóðheitur í
síðustu leikjum; búinn að skora í
níu leikjum í röð, í deild og bikar,
og samtals tólf mörk frá 2. júní.
Sjö af þessum leikjum eru
deildarleikir og með því að skora
í næsta leik sem er á móti Grinda-
vík þá jafnar hann met Þórðar
Guðjónssonar frá 1993 yfir það
að skora í flestum deildarleikj-
um í röð á einu tímabili síðan að
deildin innihélt fyrst tíu lið
1977.
Það sem vekur
athygli við
markaskor Björg-
ólfs er að hann skorar mörkin
sín af stuttu færi, hvað eftir
annað er hann réttur maður á
réttum stað í markteignum.
Einhverjir gætu bent á að hér
væri breyttur Björgólfur á
ferðinni en þegar hann kom
fyrst fram hjá Þrótti sumar-
ið 2003 þá skoraði hann hvert
markið á fætur öðru af löngu
færi.
Nú treystir
hann meira á
markanefið
sem var
kannski stíflað í fyrra og í byrjun
þessa tímabils (5 mörk í 24 leikj-
um frá september 2006 til maí
2008) en upp á síðkastið virðist
hann alltaf vera réttur maður á
réttum stað í markteignum.
Björgólfur skoraði annað
mark úr markteignum á
móti Val en það mark var
dæmt af við skiljanlega
mikla óánægju KR-
inga.
Björgólfur er
búinn að skora átta
af tólf mörkum
sínum í deild og
bikar í sumar úr
markteignum eða
innan við sex metra
færi. Fyrir sumarið
hafði hann aðeins
skorað 5 af 37 mörk-
um sínum í efstu
deild af svo stuttu
færi.
Björgólfur
skoraði 5 af
fyrstu 17
mörkum
sínum í
úrvals-
deild karla
með skoti fyrir utan teig, annað-
hvort í leik (2) eða beint úr auka-
spyrnu (3). Hann hefur hins vegar
aðeins skorað 1 af síðustu 30
mörkum sínum fyrir utan teig og
skoraði síðast með langskoti í 3-0
sigri Fylkis á ÍBV á Hásteinsvell-
inum 2. júlí 2005. Það var 21. mark
hans í efstu deild og það sjötta
sem hann skoraði utan teigs en
síðustu 26 mörk hans hafa því
komið úr teig eða vítum. - óój
MÖRK BJÖRGÓLFS Í
EFSTU DEILD 2003-2008
2003-2007
Samtals 37
Úr markteig 5 (14%)
Úr teig utan markteig 21 (57%)
Utan teigs 6 (16%)
Vítaspyrnur 5 (14%)
Mörk með vinstri fæti 8
Mörk með hægri fæti 23 (5 víti)
Mörk með skalla 6
2008
Samtals 10
Úr markteig 6 (60%)
Úr teig utan markteig 1 (10%)
Utan teigs 0 (0%)
Vítaspyrnur 3 (30%)
Mörk með vinstri fæti 3
Mörk með hægri fæti 5 (3 víti)
Björgólfur Takefusa er búinn að skora í níu deildar- og bikarleikjum í röð:
Raðar inn úr markteignum
FÓTBOLTI Það tók hreinlega á að
tala við Gretu Mjöll Samúelsdótt-
ur í gær. Hin geðþekka landsliðs-
kona meiddist á æfingu með
Breiðabliki í byrjun vikunnar og í
gær fékk hún verstu tíðindi sem
hún gat fengið. Hún er með slitið
fremra krossband og verður frá
keppni í margra mánuði.
„Ég gat ekki fengið verri
tíðindi. Fram undan eru styrktar-
æfingar fyrir löppina til þess að
bólgurnar hjaðni. Eftir það fer ég
í aðgerð og síðan tekur við löng
og ströng endurhæfing,“ sagði
Greta sem sagðist eðlilega vera
miður sín og hreinlega gáttuð.
Hún var á leiðinni til Banda-
ríkjanna í nám en ljóst er að
ekkert verður úr því. „Ég tel að
það sé best að endurhæfingin fari
fram hérna heima,“ sagði Greta
sem spilar ekki aftur knattspyrnu
á þessu ári. - hþh
Greta Mjöll Samúelsdóttir:
Gat ekki fengið
verri tíðindi
GRETA Verður ekki með íslenska lands-
liðinu gegn Frökkum. Meiðsli hennar
eru mikið áfall fyrir Breiðablik.
FRÉTTABLAÐIÐ/DANÍEL
FÓTBOLTI KR hefur hafnað tveimur
tilboðum frá sænska úrvalsdeild-
arfélaginu GAIS í bakvörðinn
Guðmund Reyni Gunnarsson.
Guðmundur hefur vakið athygli
margra liða á meginlandi Evrópu
en tilboð GAIS var alltof lágt að
mati KR.
„Bæði við í KR og Guðmundur
sjálfum erum pollrólegir þrátt
fyrir að þetta jójó félag í sænsku
deildinni hafi áhuga. Það er ekki
spurning að Guðmundur fer
einhverntíman út í atvinnu-
mennsku, en þetta er ekki besti
kosturinn í stöðunni,“ sagði Jónas
Kristinsson í meistaraflokksráði
KR. - hþh
Guðmundur Reynir Gunnars.:
KR hafnar tveim
tilboðum GAIS
GUÐMUNDUR Er í miklum metum hjá
KR-ingum. FRÉTTABLAÐIÐ/STEFÁN
> Eiður vill búa í London eða Manchester
Arsenal, Chelsea, Fulham, Tottenham og
West Ham. Þetta eru félögin í ensku úrvals-
deildinni sem í Lundúnum, óskastað Eiðs
Smára Guðjohnsen sem mun væntan-
lega færa sig um set frá Barcelona til
Englands í sumar. Eiður hefur þegar
neitað Aston Villa en reyndar segir
faðir hans og umboðsmaður, Arnór
Guðjohnsen, að Manchester-borg
komi einnig til greina. Manchester City
hefur sýnt Eiði áhuga auk West Ham. „Ég
held að hann muni fara frá Barcelona
og hann heldur öllum möguleikum
opnum,“ sagði Arnór við Sky.
FRJÁLSAR Helga Margrét Þor-
steinsdóttir er í sjöunda sæti í
sjöþraut eftir fyrri keppnisdag á
heimsmeistaramóti unglinga í
frjálsum íþróttum sem fram fer í
Póllandi. Helga bætti árangur
sinn í 200 m hlaupi um 12/100 úr
sekúndu og varð fimmta. Þá bætti
hún einnig sinn besta árangur í
hástökki með því að
fljóta yfir 172 cm í
gær.
Helga er
komin með
3.318 stig
sem er tíu
stigum
meira en
þegar hún
setti
Íslandsmet
sitt í síðasta
mánuði sem
er 5.524 stig.
Helga
keppir í
langstökki,
spjótkasti og
800 m hlaupi
í dag.
- hþh
Helga Margrét Þorsteinsdóttir:
Sjöunda eftir
fyrir keppnisdag
ÍBV vann sem kunnugt er Selfoss í topp-
slag 1. deildar karla í fótbolta í fyrrakvöld
og er nú komið með átta stiga forskot á
Selfyssinga sem eru sem fyrr í öðru sæti
deildarinnar þegar fyrri umferð Íslands-
mótsins er að ljúka. Eyjamenn hafa unnið
tíu af fyrstu ellefu leikjum sínum í 1. deildinni
í sumar og aðeins fengið á sig fimm mörk og
Heimir Hallgrímsson, þjálfari ÍBV, getur eðlilega
ekki verið annað en gríðarlega sáttur.
„Eyjapeyjarnir eru bara búnir að standa sig mjög
vel, það er bara svoleiðis og þeir kórónuðu það á móti
Selfossi. Selfyssingar höfðu verið að fá mikið hrós fyrir leik
sinn og réttilega þar sem þeir eru búnir að vera öflugir, en
við skutum þá heldur betur niður á jörðina í þessum leik,“
sagði Heimir sem telur að mikil vinna yfir langt tímabil sé að
skila sér í góðu gengi Eyjamanna í sumar.
„Stöðugleikinn er lykillinn að góðum árangri Eyjamanna.
Við vorum að spila vel í seinni umferðinni á Íslandsmótinu
í fyrra þar sem við unnum níu leiki, gerðum eitt jafntefli og töpuðum
einum leik og menn eru bara búnir að viðhalda þeim stöðugleika í
sumar. Að mínu mati eru menn bara að passa sig að vera ekkert að
fara fram úr sér, heldur er einfaldlega verið að vinna í leikskipulaginu
og öðru því sem á að vera vinna í. Þannig viljum við gera þetta og
þannig næst árangur,“ sagði Heimir sem er gríðarlega ánægður
með unga leikmenn liðsins sem hafa virkilega stigið fram á
þessarri leiktíð.
„Við misstum náttúrulega mikið af mannskap þegar
við féllum úr Landsbankadeildinni sumarið 2006 og
staðan á fjárhagnum hefur ekki verið að hjálpa til
með að fá nýja leikmenn síðan þá. Í sumar hef
ég því verið að byggja liðið upp á leikmönnum
sem eru á 2. flokks aldri eða eru nýstignir upp
í meistaraflokk og þeir leikmenn hafa virkilega
staðið sig og ég er gríðarlega ánægður með
framlag þeirra til liðsins og vonandi heldur það
áfram á sömu braut,“ sagði Heimir.
HEIMIR HALLGRÍMSSON, ÞJÁLFARI ÍBV: GETUR VERIÐ KÁTUR MEÐ FRÁBÆRAN ÁRANGUR EYJAMANNA Í 1. DEILDINNI
Stöðugleiki er lykillinn að góðri stöðu Eyjamanna