Fréttablaðið - 22.07.2008, Blaðsíða 2

2 22. júlí 2008 ÞRIÐJUDAGUR
Arnar, er gott vaxtastig í þessu
hjá Lárusi?
Við leitum hæstu vaxtanna, enda
eru þeir langbestir í ræktinni.
Arnar Grant líkamsræktarfrömuður
er vinsæll einkaþjálfari og einn þeirra
sem púla hjá honum er Lárus Welding,
forstjóri Glitnis.
HEILBRIGÐISMÁL Ef læknir kemur
frá svæði utan Evrópska efna-
hagssvæðisins, EES, til að stunda
lækningar á Íslandi þarf hann að
gangast undir próf hjá lækna-
deild Háskóla Íslands til að fá
íslenskt lækningaleyfi. Prófið er
á íslensku en leyfilegt er að svara
á ensku.
Í Fréttablaðinu á dögunum var
sagt frá því að læknir, með próf
frá háskóla í Austur-Evrópu fékk
ekki íslenskt lækningaleyfi og
hefði þurft að hefja læknanám
sitt upp á nýtt ef til þess hefði
komið. Í staðinn hóf hann nám í
sjúkraliðun hjá Háskóla Íslands.
„Vandinn er
að þetta fólk
hefur ekki sam-
bærilega þekk-
ingu við
íslenska lækna,
því margir
læknaskólar í
Austur-Evrópu
hafa ekki reynst
sérlega góðir.
Margir hafa
fallið í læknaprófunum okkar
sem koma þaðan,“ segir Reynir
Tómas Geirsson, prófessor við
læknadeild Háskóla Íslands.
Hann var deildarforseti lækna-
deildarinnar þegar reglurnar
voru settar og var einn þeirra
sem mótaði reglurnar sem gilda í
dag.
Að sögn Reynis fá erlendir
læknar að starfa á heilbrigðis-
stofnunum á ábyrgð yfirmanna í
allt að eitt ár áður en þeir taka
prófið til þess að geta undirbúið
sig. „Það er meira en gert er í
nágrannalöndunum, því þar fá
erlendir læknar engan sérstakan
undirbúning,“ segir Reynir og
segir Ísland tiltölulega frjálslynt
í þessum efnum, miðað við
nágrannalöndin.
Prófað er í helstu sérgreinum
læknisfræðinnar. Margir falla og
einkum þeir sem koma frá lækna-
skólum sem veita ekki nógu góða
menntun segir Reynir en að hans
sögn eru þeir læknar mikið til frá
Austur-Evrópu.
„Þetta eru mjög sanngjörn próf
sem við leggjum fyrir og þau
prófa viðlíka þekkingu og þarf að
hafa til þess að útskrifast úr
læknadeild Háskóla Íslands,“
segir Reynir.
Ekki er sjálfgefið að erlendir
læknar fái vinnu þó að þeir hafi
tilskilin leyfi að sögn Reynis því
þeir þurfa að fara í gegnum ráðn-
ingarferli eins og aðrir. Íslenskir
læknar sem læra utan Evrópska
efnahagssvæðisins þurfa einnig
að taka þetta tiltekna próf til þess
að fá íslenskt lækningaleyfi.
Erlendir læknar sem fá menntun
innan EES þurfa ekki að taka
prófið.
vidirp@frettabladid.is
Læknar frá A-Evrópu
með síðri menntun
Læknar utan EES þurfa að standast próf hjá HÍ til þess að fá íslenskt lækninga-
leyfi. Skólar frá Austur-Evrópu hafa ekki reynst sérlega góðir og það fólk hefur
ekki sömu þekkingu og íslenskir læknar, segir prófessor í læknisfræði.
LANDSPÍTALINN Læknar sem fá menntun sína utan EES þurfa að taka próf hjá
læknadeild HÍ til þess að geta fengið íslenskt lækningaleyfi. FRÉTTABLAÐIÐ/GVAREYNIR TÓMAS
GEIRSSON
®
FÓLK Áhöfn veiðiskipsins Árbaks RE 205 gaf
kaffistofu Samhjálpar matvöru skipsins eftir að
leggja þurfti því í höfn.
„Þetta eru mjög góðir menn hérna á áhöfninni á
RE. Við ákváðum í sameiningu [að gefa Samhjálp
matvöruna]. Við ætluðum að skipta þessu á milli
manna en ákváðum að gefa þetta þeim sem meira
þurfa en við,“ segir Aron Víðisson, netamaður á
Árbaki.
Aron segir um að ræða alls kyns matvöru:
lambahrygg, kjúkling og dósamat.
Leggja þurfti Árbaki í höfn vegna hækkandi
olíuverðs og aflasamdráttar og er óljóst um
framtíð skipsins. Aron segir að áhöfnin verði
ráðin á önnur skip.
Vilhjálmur Svan, forstöðumaður kaffihúss
Samhjálpar, segist þakklátur áhöfn Árbaks. Á
kaffistofunni geta þeir sem lítið hafa á milli
handanna fengið að borða.
Vilhjálmur segir nokkuð um að sjómenn styðji
við starfsemi kaffihússins með matargjöfum.
- gh
Áhöfn Árbaks RE 205 þurfti að leggja skipi og gaf Samhjálp matvöru skipsins:
Sjómenn styðja við Samhjálp
ARON VÍÐISSON OG KARL HILMAR Aron afhendir Karli matvæli
fyrir kaffistofu Samhjálpar. FRÉTTABLAÐIÐ/AP
SIMBABVE, AP Robert Mugabe Simbabveforseti og
Morgan Tsvangiraí, leiðtogi stjórnarandstöðunnar í
Simbabve, skrifuðu í gær undir viljayfirlýsingu um
myndun þjóðstjórnar í Simbabve.
Viðræður eiga að hefjast á fimmtudag í Pretoriu,
höfuðborg Suður-Afríku, og stefnt er á niður stöðu
innan tveggja vikna.
Yfirlýsingin kveður á um endalok pólitísks ofbeldis,
nýja stjórnarskrá og endurreisn efnahags Simbabve.
Hún markar tímamót eftir mikil átök stjórnar og
stjórnarandstöðu í tengslum við nýlegar forsetakosn-
ingar. Tsvangiraí dró sig úr baráttunni um forseta-
embættið, að sögn vegna ofbeldis stjórnarliða gegn
stjórnarandstöðunni.
Ekki er þó fjallað um skiptingu valds innan nýrrar
þjóðstjórnar í yfirlýsingunni. Stjórnarandstæðingar
viðurkenna ekki réttmæti Mugabes sem forseta.
Efnahagur Simbabve er í molum eftir mikla óstjórn
stjórnar Mugabes. Seðlabanki ríkisins gaf í gær út
nýjan hundrað milljarða Simbabvedollara seðil, en
verðbólga í landinu er 2,2 milljón prósent samkvæmt
opinberum tölum. - gh
Stjórn og stjórnarandstaða í Simbabve hefja viðræður um myndun þjóðstjórnar:
Ræða myndun þjóðstjórnar
ROBERT MUGABE OG MORGAN TSVANGIRAÍ Stjórnmálamenn-
irnir hittust í fyrsta sinn í tíu ár í gær. NORDICPHOTOS/AFP
AKUREYRI Fimm ára drengur hlaut
opið beinbrot á fæti þegar hann
varð fyrir jeppa á Akureyri um
miðjan dag í gær. Hann gekkst
undir aðgerð og er á batavegi.
Drengurinn varð fyrir jeppan-
um þegar hann hljóp í aksturslínu
á bílastæði Bónuss við Langholt.
Hann var fluttur með opið bein-
brot á fæti, auk skráma um allan
líkamann á Sjúkrahúsið á Akur-
eyri. Þar gekkst hann sem fyrr
segir undir aðgerð og síðdegis í
gær, og mun hún hafa tekist vel.
Að sögn læknis stóð til að dreng-
urinn yrði á gjörgæsludeild í nótt,
og yrði fluttur á barnadeild í dag.
- kg
Hlaut opið beinbrot á fæti:
Fimm ára pilt-
ur varð fyrir bíl
BRETLAND, AP Tólf manns voru
myrt með hnífum á Bretlandi í
síðustu viku, þar af sex unglingar.
Bretar hafa miklar áhyggjur af
vaxandi tíðni hnífaglæpa. Í fyrra
voru 26 unglingar myrtir með
hnífum í London, samanborið við
færri en tuttugu árið áður. Nítján
hafa þegar verið myrtir í ár.
Hnífar eru notaðir til að fremja
tvo þriðju hluta manndrápa í
Bretlandi. Byssueign er fátíð.
Svo virðist sem æ fleiri
unglingar beri hnífa sér til
verndar og fyrirtæki sem
framleiða hnífheld vesti kveðast
aldrei hafa selt meira en um
þessar mundir. - gh
Æ fleiri ungmenni bera hnífa:
Áhyggjur af
hnífamorðum
SORG Ungmenni syrgja átján ára vin
sem myrtur var með hnífi. NORDICPHOTOS/AFP
LANDBÚNAÐUR Heimsmarkaðs-
verð á smjöri er tæpar 310
krónur á kílóið en til saman-
burðar þá var verðið fyrir
tveimur árum 129,4 krónur á
kílóið. Þetta kemur fram á
vefnum naut.is.
Kílóverð á undanrennudufti er
nú 278,4 krónur en fyrir tveimur
árum kostaði það 156,8 krónur.
Hins vegar náði verðið hámarki
í fyrrasumar en þá var kílóið á
399,9 krónur.
Langmest af þeirri mjólk sem
framleidd er umfram innan-
landsþarfir er flutt út sem
smjör og undanrennuduft. Skyr
er vaxandi í útflutningi en nú
fæst mun betra verð fyrir það
en undanrennuduftið.
- hþj
Heimsmarkaðsverð á smjöri:
Nærri tvöfalt
hærra en 2006
BAGDAD Barack Obama, forseta-
frambjóðandi demókrata og Nuri
al-Maliki, forsætisráðherra
Íraks, ræddu
tímasetningu á
afturköllun
herliðs
Bandaríkja-
manna frá Írak
á fundi í
Bagdad í gær.
Barack
Obama hefur
heitið því að
afturkalla
herlið frá Írak innan sextán
mánaða frá því hann verður
svarinn í embætti Bandaríkjafor-
seta, ef svo verður. Íraski
forsætisráðherrann sagði eftir
fundinn í gær að viðræður hefðu
verið þarfar og uppbyggilegar,
en ekkert hefði verið ákveðið um
tímasetningar. - kg
Obama heimsækir Írak:
Ræddu um aft-
urköllun herliðs
BARACK OBAMA LÖGREGLUMÁL Fimm drengir á
aldrinum fjórtán til sautján ára
hafa játað á sig mikil skemmdar-
verk á golfvellinum á Strönd, mitt
á milli Hellu og Hvolsvallar, í
síðustu viku.
Drengirnir tóku golfbíla
ófrjálsri hendi, spóluðu á grasinu
og óku á ljósastaura og klúbb hús-
ið. Rannsókn málsins er ekki
lokið af hálfu lögreglu. - kg
Golfvöllurinn á Strönd:
Unglingar játa
skemmdarverk
SPURNING DAGSINS