Fréttablaðið - 22.07.2008, Blaðsíða 10
10 22. júlí 2008 ÞRIÐJUDAGUR
STÓRIR SMOKKAR Fólk klætt í smokka-
búninga mótmælti andstöðu kaþólsku
kirkjunnar við notkun getnaðarvarna í
Ástralíu um helgina. NORDICPHOTOS/AFP
SAMGÖNGUR „Sveitarstjórnin hefur
kallað eftir því á hverju ári síð-
ustu ár að vegurinn út í Dyrhólaey
verði lagfærður en hann er varla
lengur fær hópferðabifreiðum“
segir Sveinn Pálsson, sveitarstjóri
í Mýrdalshreppi.
„Vegagerðin hefur brugðist við
með því að sinna lágmarksvið-
haldi á veginum en miðað við þá
miklu umferð sem er út í eyna allt
árið um kring þarf meira til.“
Svanur G. Bjarnason, svæðis-
stjóri hjá Vegagerðinni, segir
engar stórar framkvæmdir í und-
irbúningi vegna vegarins út í Dyr-
hólaey.
„Meiri viðgerðir á veginum eru
orðnar tímabærar en komast í
fyrsta lagi á dagskrá þegar vega-
áætlun verður endurskoðuð, vænt-
anlega á næsta þingi.“
- ht
Gríðarlegur straumur ferðamanna er út í Dyrhólaey:
Vegurinn varla fær
hópferðabílum
DYRHÓLAEY Mikill ferðamannastraumur
er út í eyna allt árið um kring en vegin-
um hefur lítið verið sinnt til margra ára.
Apple IMC
Apple IMC | Humac ehf.
Sími 534 3400
www.apple.is
Laugavegi 182
105 Reykjavík
Kringlunni
103 Reykjavík
MacBook Air 1,36 kg, þyngd í samanburði við:
Fartölvu . . . . . . . . . . . . . . . . . . . . . . . . . . . . . . . . . . . 2,50 kg
Erlent tímarit . . . . . . . . . . . . . . . . . . . . . . . . . . . . . . 1,64 kg
Handtösku . . . . . . . . . . . . . . . . . . . . . . . . . . . . . . . . 2,37 kg
F
í
t
o
n
/
S
Í
A
MacBook Air – örþunn, fislétt, líka fyrir Windows
Þegar þú snertir nýju MacBook Air breytist allt sem þú taldir þig vita um fartölvur
og verður aldrei eins aftur. MacBook Air á þig um leið og þú sérð hana.
Létt, örþunn, öflug.
Fágun. Upplifun. Óviðjafnanleg.
MIÐBÆRINN „Mér finnst tillögurnar
í heild sinni ekki eins góðar og ég
hafði vonað. Sú sem fékk fyrstu
verðlaun er of
groddaleg og fer
gegn einróma
bókun skipu-
lagsráðs, sem
fylgdi með skil-
málum í sam-
keppninni, um
að halda skuli í
gömlu húsin,“
segir Svandís
Svavarsdóttir,
fulltrúi VG og
fyrrum formað-
ur skipulags-
ráðs.
Dómnefndin
hafi því farið
gegn vilja alls
ráðsins, þegar
hún samþykkti
tillögu +Arki-
tekta um nýjan
Listaháskóla við
Laugaveg. Ráðið hafi ætlað þrem-
ur gömlum húsum að standa, en
tvö þeirra eiga að víkja, samkvæmt
tillögunni.
„Reykjavíkurborg fer með skipu-
lagsvald á þessum reit eins og
öðrum og ég vil enn þá halda í það
að þetta snúist um lýðræði og vald
kjörinna fulltrúa,“ segir hún.
Svandís bendir á að eitt húsanna
verði ekki flutt en það er húsið sem
hýsir verslunina Vínberið.
„Húsið er hlaðið og þess vegna
hefur verið mjög lengi rætt um að
hlífa því,“ segir hún. Aðrar tillögur
hafi tekið ríkara tillit til þessa og
því verið betri.
Fulltrúa Samfylkingar í skipu-
lagsráði, Björk Vilhelmsdóttur,
kemur einnig á óvart að gömlu
húsin á Frakkastígsreitnum eigi að
víkja. Rík krafa hafi verið um
verndun þeirra.
„Og við erum með borgarstjóra
sem vill vernda 19. aldar götu-
mynd. Það er svo sannarlega ekki
gert í þessari tillögu,“ segir hún og
minnir á að skipulagsyfirvöld eigi
eftir að fara yfir tillöguna.
„En það er margt jákvætt og
skemmtilegt við þessa tillögu. Til
dæmis þessi íslensku mynstur í
gluggunum, ég er mjög hrifin af
þeim,“ segir hún.
klemens@frettabladid.is
LHÍ gegn vilja
skipulagsráðs
Tillaga að Listaháskóla við Laugaveg fer gegn bók-
un í samkeppnisskilmálum sem skipulagsráð setti í
heild sinni, segir Svandís Svavarsdóttir, fulltrúi VG.
TILLAGA AÐ LISTAHÁSKÓLA Hér er séð aftan á skólann, frá Hverfisgötu. Rætt er um
að skólinn stækki í framtíðinni og fái einnig aðstöðu vinstra megin götunnar, af
myndinni séð. MYND/SAMSON
BJÖRK
VILHELMSDÓTTIR
SVANDÍS
SVAVARSDÓTTIR
KÓLUMBÍA, AP Kröfugöngur og tón-
leikar fóru fram víðs vegar um
heiminn í gær til að krefjast þess að
kólumbísku uppreisnarsamtökin
FARC losi gísla úr haldi.
FARC hafa í áratugi barist gegn
stjórnvöldum í Kólumbíu og hafa
mörg hundruð gísla í haldi sínu.
Hundruð þúsunda sóttu göngur
og tónleika, meðal annars hjá kól-
umbísku söngkonunni Shakiru. Hin
fransk-kólumbíska Ingrid Betan-
court, sem nýlega var frelsuð frá
FARC, hvatti á tónleikunum til frels-
unar gísla. - gh
Biðla til FARC með tónleikum og kröfugöngum:
Vilja fá gísla lausa
Á TÓNLEIKUM Söngkonan Shakira
syngur fyrir frelsun gísla. FRÉTTABLAÐIÐ/AP
FRAKKLAND, AP Franska þingið
samþykki í gær með naumum
meirihluta tillögur Nicolas Sarkozy
Frakklandsfor-
seta um
breytingar á
stjórnarskrá.
Þær fela í sér að
Frakklandsfor-
setar geta
aðeins setið tvö
kjörtímabil,
þingið fái
neitunarvald
gegn ýmsum ákvörðunum forseta,
vald forseta til fjöldanáðunar sé
lagt af og sjálfstæði þingsins til
vals í þingnefndir sé eflt.
Gagnrýnt hafði verið að
tillögurnar heimiluðu forseta að
ávarpa þingið, en sumir töldu það
stríða gegn skiptingu löggjafar- og
framkvæmdarvalds. - gh
Vald franska þingsins aukið:
Frakkar breyta
stjórnarskránni
NICOLAS SARKOZY
HEILBRIGÐISMÁL Ný hjartaþræðing-
ar stofa verður tekin í notkun á
Landspítalanum við Hringbraut í
nóvember. Samningur þess efnis
var undirritaður í gær. Hjarta-
þræðingartæki verður fjármagnað
með gjafafé frá styrktarsjóði Jón-
ínu S. Gísladóttur og Hjartaheill,
en spítalinn greiðir kostnað við
byggingu á stofu fyrir tækið.
„Það er stórkostlegt tækifæri
fyrir okkur og mikil bót fyrir starf-
semina að ná þessari fullkomnu
hjartaþræðingarstofu í gagnið til
að halda áfram að berjast við svo-
kallaða biðlista,“ sagði Björn
Zoëga, starfandi forstjóri Land-
spítalans við undirritun í gær.
Björn sagði jafnframt að þrátt
fyrir að framleiðsla hefði aukist
mikið á síðustu árum hefði spítal-
inn þurft að berjast við það að bið
hafi verið á þjónustunni. „Nú
ætlum við að taka alveg á því með
þessu. Biðlistinn hefur minnkað
um þriðjung en við ætlum að gera
betur og koma þessu niður í það að
það verði ekki biðlisti heldur eðli-
legur vinnulisti,“ segir Björn.
Á hjartaþræðingardeild Land-
spítalans eru fyrir tvö hjartaþræð-
ingartæki, annað frá árinu 2001 en
hitt nokkuð eldra. Styrktarsjóður
Jónínu Gísladóttur tók einnig þátt í
kaupum á hjartaþræðingartækinu
sem keypt var árið 2001. - þeb
Nýtt hjartaþræðingartæki verður tekið í notkun á Landspítalanum við Hringbraut í nóvember:
Vonast til þess að biðlistum verði eytt
SAMNINGURINN UNDIRRITAÐUR Björn Zoëga, forstjóri Landspítalans, og Linda Björk
Gunnlaugsdóttir, forstjóri A. Karlssonar ehf., sem er seljandi tækisins, undirrituðu
samninginn á hjartaþræðingardeild Landspítalans við Hringbraut í gær. Guðlaugur
Þór Þórðarson heilbrigðisráðherra og Guðmundur Hreiðarsson, framkvæmdastjóri
heilbrigðissviðs A. Karlssonar, fylgdust með. FRÉTTABLAÐIÐ/GVA