Fréttablaðið - 22.07.2008, Blaðsíða 32
● lh hestar 22. JÚLÍ 2008 ÞRIÐJUDAGUR12
Árni Björn Pálsson skrifaði
nafn sitt á spjöld sögu ís-
lenskra gæðinga á Landsmóti
hestamanna 2008 þegar
hann reið gæðingnum Aris frá
Akureyri í efsta sæti í A-flokki
gæðinga.
Sigur hans kom engum í opna
skjöldu. Hann hafði sýnt það í úr-
töku hjá Fáki að hann var til alls
líklegur. Flestir spáðu þó tengda-
föður hans, Sigurbirni Bárðar-
syni, sigri en hann hafði úr að spila
tveimur stórkostlegum gæðingum,
þeim Stakki frá Halldórsstöðum og
Kolskeggi frá Oddhóli. Hvor um sig
gat unnið úrslitin ef dagsformið var
gott. Sigurbjörn valdi Kol skegg og
allt stefndi í öruggan sigur hans.
Hann varð hins vegar fyrir því
óhappi að missa skeifu undan fram-
fæti þegar úrslitin voru varla hálfn-
uð. Eftir það var fátt sem gat stopp-
að þá Aris og Árna Björn.
ÓPERAN EKKI BÚIN …
„Nei, nei! Það er eins og einhver
sagði: Óperan er ekki búin fyrr en
sú feita hefur sungið,“ segir Árni
Björn og er að vonum kátur með ár-
angurinn. „Auðvitað hefði maður
frekar kosið að vinna í keppni þar
sem allir gátu klárað. En svona er
þetta bara. Óhöppin gera ekki boð
á undan sér.“
-Það hlýtur að hafa komið við þig
þegar þú uppgötvaðir að tengdafað-
ir þinn var í vanda. En þú hefur ekki
látið það slá þig út af laginu?
„Það var auðvitað sárt að Kol-
skeggur skyldi missa undan sér
skeifuna. Ég sagði víst einhvers
staðar að mig hefði aldrei lang-
að jafnmikið til að járna hest. En í
svona slag er maður svo einbeitt-
ur að sínu að það kemst lítið annað
að. Maður reynir bara að klára sitt
verkefni.“
MIKILL GRIPUR OG GÆÐINGUR
Árni Björn þakkar hestinum sem
hann sat fyrst og fremst. Án hans
hefði enginn sigur unnist. En hver
er saga þessa hests?
„Aris er frábær gæðingur. Hann
er í fyrsta lagi mjög fallegur og
mikill gripur. Í öðru lagi þá eru allar
gangtegundir mjög góðar og sem
dæmi um það þá urðum við efstir
í fimmgangi á Reykjavíkurmótinu
í vor. Hann er líka með góðan kyn-
bótadóm, 8,47 í aðaleinkunn, þar
af 8,62 fyrir hæfileika. Það má því
segja að hann sé góður hvar sem á
hann er litið.
Sigurbjörn keypti Aris norður í
Eyjafirði fjögurra vetra. Hann var
þá ótaminn. Hann er undan Grun
frá Oddhóli, sem skýrir kannski
áhuga Sigurbjörns á hestinum.
Móðir Arisar er Kátína frá Hömr-
um í Eyjafirði. Í hennar ætt eru
frægir gæðingar á borð við Nátt-
fara frá Ytra-Dalsgerði og Hlyn frá
Akureyri, sem báðir slógu í gegn
á LM1978 á Skógarhólum, nokkr-
um árum áður en ég fæddist,“ segir
Árni Björn, sem enn þá er ungur að
árum, fæddur 1982.
EKKI ÞRAUTALAUS GANGA
„Það kom í minn hlut að temja Aris.
Það hefur ekki gengið þrautalaust.
Hann skar sig á fæti sumarið sem
hann var fjögurra vetra og því lítið
hægt að þjálfa hann á fimmta og
sjötta vetur. Helgi Sigurðsson dýra-
læknir gerði síðan aðgerð á honum
í fyrra sem heppnaðist svo vel að
hann er nú alheill. Það var því ekki
fyrr en síðastliðinn vetur sem hægt
var að þjálfa hann fyrir alvöru.“
ÞAÐ ER ÞESSI ÖGRUN
Árni Björn er af þekktum hesta-
mannsættum, dóttursonur Árna
Jóhannssonar á Teigi í Fljótshlíð,
sem er bróðir Alberts heitins Jó-
hannssonar, sem var formaður
Landssambands hestamannafé-
laga í mörg ár. Þar var hann í sveit
í tíu sumur og þurfti þá að gera
fleira en öllum hestastrákum úr
Reykjavík þykir gott; sækja kýrn-
ar og mjólka þær, auk annarra
starfa sem tilheyra hefðbundnum
búskap. En á Teigi voru líka góðir
hestar.
„Það var góður skóli að vera í
sveit hjá afa. Hann hefur alltaf átt
góð hross. Til dæmis út af Hrafni
frá Kröggólfsstöðum, hágeng og
rúm klárhross. Ég fékk að fara á
bak þessum góðu hrossum og það
hefur reynst góður grunnur. Fyrsta
keppnin sem ég tók þátt í var einmitt
í Fljótshlíðinni, á 17. júní. Ég var ell-
efu ára. Þar fékk ég þessa bakter-
íu; að ná tökum á hesti, temja hann,
þjálfa og leggja síðan árangurinn
undir mælistiku. Það felst í þessu
ögrun sem erfitt er að útskýra.“
KEYPTI KEPPNISHESTINN SJÁLFUR
„Foreldrar mínir eru í hesta-
mennsku og pabbi ríður mikið út.
Þau hafa hins vegar aldrei hald-
ið því sérstaklega að mér að taka
þátt í keppni, þótt þau hafi stutt mig
dyggilega. Það kom bara af sjálfu
sér. Ég keypti minn fyrsta keppn-
ishest sjálfur þegar ég var sextán
ára, fyrir peninga sem ég hafði náð
að skrapa saman. Hann hét Fjalar
frá Feti. Ég komst í úrslit á honum í
unglingaflokki á Landsmóti 1998 og
2000. Hann meiddist síðan á fæti og
Árni Björn er reiðmaður af guðs náð
Árni Björn á Leikni frá Vakursstöðum á fyrsta ári í tamningu. MYND/JENS EINARSSON
Aris frá Akureyri skeiðar til sigurs í A-flokki, knapi Árni Björn Pálsson. MYND/JENS EINARSSON
„Það kemur fyrir að við tölum um eitthvað annað en hesta, en það er ekki oft.“ Árni
Björn með unnustu sinni, Sylvíu Sigurbjörnsdóttur, sem einnig er á kafi í hesta-
mennskunni. MYND/JENS EINARSSON
Stóðhesurinn Seiður frá Flugumýri II þykir einn af
þeim athyglisverðari sem fram hefur komið í yngri
stóðhestum. Hann er stórmyndarlegur og fagurlega
skapaður, allar gangtegundir efnilegar. Hann jafnaði
heimsmet í aðaleinkunn á mótinu.
Seiður er fæddur þeim Páli Bjarka Pálssyni og
Ey rúnu Önnu Sigurðardóttur á Flugumýri. Hlutafélag
hefur verið stofnað um hestinn. Seiður er undan Kletti
frá Hvammi og Sif frá Flugumýri II, sem einnig er
úr ræktun þeirra hjóna. Hann setti heimsmet í aðal-
einkunn fjögurra vetra stóðhesta í forskoðun á Sauð-
árkróki í vor, 8,39, knapi Mette Mannseth. Nokkrum
dögum síðar sló Kappi frá Kommi metið, fór í 8,42.
Knapi á honum var einnig Metta Mannseth.
En gengið er fallvalt hjá fjögurra vetra trippum.
Á Landsmótinu var Kappi ekki í sínu besta formi en
Seiður heldur að sækja sig. Það fór svo að Seiður jafn-
aði heimsmetið og stóð efstur í sínum flokki. Mette
sýndi mörg önnur hross á mótinu með glæsilegum ár-
angri. Má þar nefna efstu hryssu í fimm vetra flokki,
Pílu frá Syðra-Garðshorni.
Á framtíðina fyrir sér
Mette Mannseth á Seið frá Flugumýri II. MYND/JENS EINARSSON