Fréttablaðið - 22.07.2008, Blaðsíða 42

18 22. júlí 2008 ÞRIÐJUDAGUR
„Mér finnst alveg prýðilegt að verða
fertug, lífið verður alltaf betra og
betra,“ segir Vala Þórsdóttir leikskáld
glöð í bragði. Vala er fertug í dag en hún
stendur í flutningum um þessar mundir
og ætlar að nýta daginn í þá. „Fertugs-
afmælisdagurinn er alveg jafn góður til
þess eins og aðrir dagar. Kannski fer ég
síðan út að borða í kvöld.“
Vala ætlar að halda stóra veislu ásamt
fleiri vinkonum næsta haust en langt
er síðan hún hélt síðast upp á stóraf-
mæli. „Ég hélt upp á þrítugsafmæl-
ið mitt þegar ég var átján ára. Ég bjóst
við að annaðhvort væri ég líklegast dáin
eða ég myndi ekki hafa neinn tíma til að
halda upp á það þegar ég yrði þrítug. Ég
var nú ekki dáin en ég hafði engan tíma
til þess þannig að ég var ósköp glöð að
hafa gert það þegar ég var átján ára.“
Vala segir það hafa farið vel í sig að
verða þrítug. „Þetta var bara eins og
hvert annað afmæli. Svo núna hef ég
svolítið verið að bíða og sjá hvort það
gerist eitthvað við að verða fjörutíu ára,
en ég hugsa bara að ég hafi ekki þenn-
an sjokkstuðul í mér,“ segir Vala hlæj-
andi sem hefur ekki miklar áhyggjur af
því að eldast enda lifa konurnar í henn-
ar ætt allar vel og lengi. Sigríður Frið-
riksdóttir frænka hennar kom til dæmis
í blöðunum um daginn í tilefni þess að
vera orðin 100 ára gömul. „Hún er ein
af þessum fögru konum í ættinni minni
sem ná að lifa lengi og hlæja og vera
glaðar. Það er sko allt of lítill tími til að
vera í fýlu.“
Vala er ekki mikið fyrir langtíma-
markmið og eina sem hún setti sér fyrir
afmælið var að vera búin að flytja inn
í nýju íbúðina. „Ég náði því nú ekki, en
ég næ allavega að hafa sofið í íbúðinni,“
segir hún hlæjandi. Það virðist lítil þörf
fyrir langtímamarkmið hjá Völu sem
hefur í nógu að snúast án þeirra. „Ég
hef verið mikið á faraldsfæti upp á síð-
kastið, var nú síðast á frábæru höfunda-
setri í Visby á Gotlandi að skrifa. Ég er
að skrifa handrit fyrir ýmsa miðla og
svo er ég að gera örsagnabók sem gefin
verður út í Tyrklandi næsta haust.“
Það hljómar kannski ótrúlega að ís-
lenskt kvenleikskáld sé þekkt í Tyrklandi
en svo er nú samt með Völu. „Búið er að
gefa út hluta af leikritunum mínum þar
og verið er að þýða Eldhús eftir máli á
tyrknesku, ásamt örsagnabókinni. Mikil
þörf er á verkum fyrir konur í Tyrk-
landi. Ekki er mikið þýtt af evrópskum
verkum, sérstaklega ekki eftir konur,
svo verkin mín eru í stöðugri notkun í
leiklistarskólum þar í landi.“
Það er því nóg í gangi hjá leikskáld-
inu Völu sem segir mikilvægt að hafa
mörg járn í eldinum. Hún ætlar þó að
njóta dagsins í dag og biður fyrir kærri
kveðju til vina og vandamanna sem
búast mega við veislu með haustinu.
mariathora@frettabladid.is
VALA ÞÓRSDÓTTIR LEIKSKÁLD: FAGNAR FERTUGSAFMÆLINU Í DAG
Verkin mín í Tyrklandi
OSCAR DE LA RENTA ER 76 ÁRA Í DAG
„Tískuheimurinn hefur aldrei
verið meira spennandi en í dag.
Konur stjórna sínum eigin örlög-
um, neytandinn er meðvitaðri, og
ég verð að vera betri hvern ein-
asta dag.“
Oscar de la Renta er einn af fremstu
tískuhönnuðum í dag. Hann er fædd-
ur í Dóminíska lýðveldinu árið 1932
en fluttist um tvítugt til Spánar þar
sem hann fór fljótt að hanna fyrir
fremstu hönnuði landsins.
timamot@frettabladid.is
Wiley Post varð fyrstur manna
til að fljúga hringinn í kring-
um jörðina þennan dag fyrir
75 árum. Það tók Wiley sjö
daga og nítján klukkustund-
ir að fara þessa löngu leið og
var honum tekið fagnandi af
50.000 manns þegar hann lenti
í New York.
Wiley var frumkvöðull í flug-
bransanum og átti meðal ann-
ars þátt í að þróa fyrsta loft-
þrýstingsbúnaðinn. Flugferill
Wileys hófst í flugsirkus þar
sem hann stökk reglulega í fall-
hlíf. Hann missti augað við
starfið en notaði slysabæturn-
ar til að kaupa sér fyrstu flug-
vélina. Wiley lést aðeins 37
ára að aldri þegar hann missti
stjórn á heimagerðri flug-
vél sem hann flaug ásamt vini
sínum Will Rogers.
ÞETTA GERÐIST: 22. JÚLÍ 1933
Flaug kringum jörðina
Hjartans þakkir til allra sem sýndu okkur
samúð, hlýhug og vináttu vegna andláts
okkar ástkæru móður, tengdamóður og
ömmu,
Ingibjargar Jónsdóttur
frá Eskifirði.
Bestu þakkir til starfsfólks dagvistar og deildar 4 í
Sunnuhlíð, Kópavogi. Guð blessi ykkur öll.
Greta J. Ingólfsdóttir
Friðný Ingólfsdóttir
Auður Ingólfsdóttir Bragi Michaelsson
Ingólfur Friðgeirsson Svanhildur Sveinbjörnsdóttir
og fjölskyldur.
Innilegar þakkir fyrir auðsýnda samúð
og hlýhug við andlát og útför
Guðbjargar
Guðmundsdóttur
Skólabraut 3, Seltjarnarnesi.
Sérstakar þakkir til starfsfólks Vífilsstaða fyrir góða
hjúkrun og umönnun.
Reynir Guðmundsson
Gréta Guðmundsdóttir Runólfur Elentínusson
Símon Guðmundsson
barnabörn, barnabarnabörn og barnabarnabarnabarn.
Elskulegur eiginmaður minn, faðir,
tengdafaðir og afi,
sr. Birgir Snæbjörnsson
fyrrverandi prófastur, Holtateig 48,
Akureyri,
lést 17. júlí. Útför hans fer fram frá Akureyrarkirkju
föstudaginn 25. júlí kl. 13.30.
Sumarrós Garðarsdóttir
Jóhanna Erla Birgisdóttir og fjölskylda
Birgir Snæbjörn Birgisson og fjölskylda.
Elskulegur eiginmaður minn, faðir okkar,
tengdafaðir, afi og langafi,
Oddur Guðjón Örnólfsson
Hlíf II,
lést á sjúkrahúsinu á Ísafirði föstudaginn 18. júlí.
Útförin auglýst síðar.
Kristín Guðrún Jónsdóttir
Þórhildur Oddsdóttir Jónatan Hermannsson
Margrét Oddsdóttir Ólafur G. Jónsson
Örnólfur Oddsson Védís Ármannsdóttir
Jón Halldór Oddsson Martha Ernstdóttir
Gunnar Oddsson Sólveig Guðnadóttir
Bára Elíasdóttir Óskar Ármannsson
barnabörn og barnabarnabarn.
Elskuleg móðir okkar, tengdamóðir,
amma, langamma, systir og mágkona,
Sigríður Kristín Pálsdóttir
Stóru-Sandvík,
lést að morgni 16. júlí á Heilbrigðisstofnun Suðurlands
Selfossi. Útförin fer fram frá Selfosskirkju fimmtudag-
inn 24. júlí kl. 13.30.
Fyrir hönd aðstandenda
Ari Páll Tómasson Guðrún Guðfinnsdóttir
Rannveig Tómasdóttir Viðar Ólafsson
Magnús Tómasson Líney Tómasdóttir.
Ástkær móðir okkar, tengdamóðir,
amma og langamma,
Aldís Sigurjónsdóttir
Tindaflöt 5, Akranesi,
er lést á sjúkrahúsi Akraness föstudaginn 18. júlí sl.,
verður jarðsungin frá Akraneskirkju fimmtudaginn
24. júlí kl. 14.00. Þeim sem vilja minnast hennar
er bent á Krabbameinsfélag Akraness.
Þóra Jósefsdóttir Kristinn Steinarsson
Sigurjón Tómas Jósefsson Guðrún Þóra Guðmundsdóttir
Róbert Jósefsson Guðrún Björnsdóttir
Margrét Jósefsdóttir Hermann Traustason
barnabörn og barnabarnabörn.
Hjartans þakkir fyrir auðsýnda samúð og
vináttu við andlát og útför elskulegs föður
okkar, tengdaföður, afa og langafa,
Hilmars Þórs Björnssonar
fv. útgerðarmanns, Árskógum 8,
Reykjavík.
Sérstakar þakkir til starfsfólks líknardeildar
Landspítalans í Kópavogi.
Magnús Þór Hilmarsson
Björn Þór Hilmarsson Birna Katrín Ragnarsdóttir
Hilmar Þór Hilmarsson Þórunn Arinbjarnardóttir
barnabörn og barnabarnabörn.
Ástkær eiginmaður minn, faðir okkar,
tengdafaðir, afi og langafi,
Einar Jónsson
stýrimaður, Laugarnesvegi 89,
lést á landspítalanum 20. júlí.
Jarðarförin verður auglýst síðar.
Vera Einarsdóttir
Þorgerður J. Einarsdóttir Snorri H. Harðarson
Ólafur Einarsson Sólveig Björnsdóttir
Hrönn Einarsdóttir Óskar Bjartmarz
Jón Einarsson Guðný Jóhannsdóttir
barnabörn og barnabarnabörn.
Ástkær móðir okkar, tengdamóðir,
amma og langamma,
Gunnhildur
Guðmundsdóttir
Hvassaleiti 20, Reykjavík,
lést laugardaginn 19. júlí sl.
Jarðarförin verður auglýst síðar.
Guðmundur Sigurðsson Valgerður Marínósdóttir
Áslaug Sigurðardóttir Sveinn Hannesson
María Sigurðardóttir Einar Loftsson
Hrefna Sigurðardóttir Haukur Valdimarsson
Sigurður Sigurðsson
Ingibjörg Sigurðardóttir Bjarni S. Einarsson
barnabörn og barnabarnabörn.
VALA ÞÓRSDÓTTIR Hélt upp
á þrítugsafmælið sitt þegar
hún var átján ára.

FR
ÉT
TA
B
LA
Ð
IÐ
/G
VA