Fréttablaðið - 22.07.2008, Blaðsíða 24
● lh hestar 22. JÚLÍ 2008 ÞRIÐJUDAGUR4
Röðull frá Kálfholti, knapi Ísleifur Jónasson. MYND/JENS EINARSSON
Fyrsta Íslandsmótið í hesta-
íþróttum var haldið á Selfossi
1978 á vegum Íþróttaráðs LH,
sem stofnað var árinu áður.
Keppt var í tölti, fjórgangi,
fimmgangi, gæðingaskeiði,
fimi keppni og hindrunarstökki.
Unglingar kepptu í sérstökum
flokki. Sleipnismenn á Selfossi
tóku á honum stóra sínum við
undirbúning mótsins, byggðu
nýja velli, reiðgerði og áhorf-
endasvæði. Í fréttum eftir
mótið var sagt meðal annars:
„Vaxandi áhugi hefur að und-
anförnu komið upp hjá hesta-
mönnum fyrir því að skipa
hestamennsku á bekk með
öðrum íþróttagreinum og
vinna henni sess sem slíkri.“
Reynir Aðalsteinsson var að-
almaðurinn á þessum árum.
Hann keppti á Penna frá
Skollagróf, varð efstur í fimm-
gangi og stigahæsti knapi
mótsins. Sigurbjörn Bárðar-
son var að koma sterkur inn á
þessum árum og sigraði gæð-
ingaskeiðið á Garpi frá Odds-
stöðum. Töltið sigraði Sig-
fús Guðmundsson á Þyti frá
Hamarsheiði. Trausti Þór Guð-
mundsson varð efstur í fjór-
gangi á Svarta-Blesa frá Hindis-
vík og Eyjólfur Ísólfsson efstur í
fimiæfingum á Glaumi frá Ytri-
Hömrum. Gísli Gíslason var
efstur í tölti unglinga á Kópi frá
Hofstöðum og Tómas Ragnars-
son varð efstur í íslenskri tví-
keppni.
Íslandsmót í hestaíþróttum
hafa verið haldin á hverju ári
síðan. Oftast á suðvesturhorn-
inu en þó tvisvar á Dalvík, svo
dæmi sé tekið. Undanfarin ár
hafa þau verið tvískipt, full-
orðnir sér og börn, ungling-
ar og ungmenni sér. Umfang
mótanna hefur aukist ár frá ári.
Hestaíþróttin er orðin að við-
urkenndri íþróttagrein. Á svo-
kölluðum hestaíþróttamótum
má sjá víðari hóp knapa en á
kynbótasýningum og í gæð-
ingakeppni. Fjölgun flokka
fyrir áhugafólk hefur þar haft
mikið að segja. Íslandsmótið í
Víðidal 2008 er hið þrítugasta
í röðinni. Til hamingju með af-
mælið!
Úrslitin í tölti eru jafnan einn af hápunktum Lands-
móts. Þau eru á besta stað í dagskrá á laugardags-
kvöldi. Sigurður Sæmundsson hefur verið þulur í
þessum dagskrárlið svo lengi sem elstu menn muna.
Að vanda náði Sigurður upp mikilli stemningu
í brekkunni. Fyrirfram var gert ráð fyrir að úrslit-
in yrðu fyrst og fremst uppgjör tveggja keppenda,
þeirra Þorvaldar Árna Þorvaldssonar á Rökkva frá
Hárlaugsstöðum og Viðars Ingólfssonar á Tuma frá
Stóra-Hofi.
Það gekk eftir, en þó með nokkrum hlykk. Jón Páll
Sveinsson á Losta frá Strandarhjáleigu gerði þeim
nokkurn usla og var efstur að stigum eftir fyrstu
tvö atriði keppninnar, hægt tölt og hraðabreytingar.
Hann á hins vegar enn þá í erfiðleikum á greiða tölt-
inu. Ungur hestur í keppni. Losti er undan Bikar frá
Hólum í Hjaltadal, sem er af svokallaðri B-línu Hóla-
búsins.
Á greiða töltinu fóru Þorvaldur og Rökkvi á kostum
og flestir gerðu ráð fyrir að sigurinn væri í höfn. En
svo var þó ekki. Viðar og Tumi sigldu lygnan sjó mitt
í öldurótinu og eftir sviptingar í einkunnum og flókna
útreikninga kom í ljós að þeir voru fimm komm-
um hærri en keppinauturinn. Kærkominn sigur var í
höfn.
Uppgjör tveggja keppenda
Þorvaldur og Rökkvi sækja að þeim Viðari og Tuma á greiða
töltinu. MYND/JENS EINARSSON
Ísleifur Jónasson, hrossabóndi
í Kálfholti, náði langþráðu tak-
marki þegar gæðingur hans, Röð-
ull frá Kálfholti, varð efstur í B-
flokki gæðinga á LM2008. Ísleifur
reið hestinum sjálfur.
Röðull er öflugur klárhest-
ur með mikla yfirferð og fóta-
burð. Hann er af gömlum og grón-
um hestaættum; Hornafjarðarætt,
Kolkuóssætt, Lýsingsætt frá Voð-
múlastöðum og Fengsætt frá Ei-
ríksstöðum. Faðir hans er Asi frá
Kálfholti, Feykissonar frá Haf-
steinsstöðum, og Ósk frá Kálfholti,
Mánadóttir frá Ketilsstöðum. Í ætt
Röðuls er enginn Hrafn frá Holts-
múla, enginn Sörli frá Sauðárkróki
og enginn Orri frá Þúfu. Er hann
líklega einn fárra keppnishesta á
LM2008 sem ekki hefur þessa þrjá
karla í ættartrénu.
Röðull og Ísleifur voru í topp-
baráttunni á LM2006 fyrir tveim-
ur árum. Þá munaði aðeins hárs-
breidd að þeim tækist að sigra þá
Rökkva frá Hárlaugsstöðum og
Hlý frá Vatnsleysu. Síðan þá hefur
Ísleifur þjálfað Röðul af mikilli
natni og nákvæmni. Hefur hann
meðal annars nýtt sér nám sitt á
Hólaskóla, sem hann tók í milli-
tíðinni. Helstu keppinautar Röðuls
í B-flokknum voru stóðhestarnir
Eldjárn frá Tjaldhólum og Akkur
frá Brautarholti.
Enginn Hrafn,
Sörli né Orri
Hafrar & bygg
Þórður Þorgeirsson fór á kost-
um í sýningum kynbótahrossa
á LM2008. Er mál manna að
hann hafi aldrei verið betri.
Reiðmennska hans er ekki
lærð nema að litlu leyti. Sjötta
skilningarvit greinir hann frá
öðrum knöpum.
Ferill Þórðar í fremstu röð
spannar orðið aldarfjórðung.
Hann kynnti sig til sögunnar
1983 þegar hann varð Íslands-
meistari í tölti á Snjalli frá Gerð-
um. Á FM1985 í Reykjavík var
hann áberandi í röð yngri knapa.
LM1990 var hans fyrsta stóra
Landsmót. Þar hafði hann veg
og vanda að afkvæmasýningu á
Þokka frá Garði. Hann sló í gegn
á Seimi frá Víðivöllum fremri
1992 og toppaði svo á LM1994
á Gaddstaðaflötum. Sýndi þar
mörg topphross, þar á meðal
hina ógleymanlegu Rauðhettu
frá Kirkjubæ.
SÝNISHORN FRÁ LM2008
Þórður sýndi fjölda kynbóta-
hrossa á LM2008 og fór á kost-
um. Hann sat meðal annars efstu
hryssu í elsta flokki, Lukku frá
Stóra-Vatnsskarði, sem setti
heimsmet í einkunn. Hann sat
hæst dæmda fimm vetra stóð-
hestinn, Óm frá Kvistum. Í sex
vetra flokki annan og þriðja
hest, Möller frá Blesastöðum 1A
og Fróða frá Staðartungu. Í fjög-
urra vetra flokki hryssna Sölku
frá Stuðlum, sem var í öðru sæti.
Þetta er þó aðeins sýnishorn. Á
myndinni situr Þórður stóðhest-
inn Gaum frá Auðsholtshjáleigu,
sem stóð efstur í elsta flokki stóð-
hesta og fékk 9,05 fyrir kosti.
Snillingur fer á kostum
Gaumur frá Auðsholtshjáleigu. MYND/JENS EINARSSON
seisei.is
Vefur um
hestamennsku