Fréttablaðið - 08.08.2008, Side 40

8. ÁGÚST 2008 FÖSTUDAGUR6 ● fréttablaðið ● skólar og námskeið
Að finna sinn eigin fatastíl er
efni námskeiða sem Hildur
Inga Björnsdóttir tískuhönn-
uður er með á prjónunum og
hefjast um miðjan september.
„Ég vil að konur átti sig á að þær
geta allar klætt sig fallega, fund-
ið sinn stíl og skapað sína týpu.
Sama hvaða vaxtarlag þær hafa.
Það eru ekki bara grannar og há-
vaxnar konur sem geta litið vel
út. Maður verður að horfast í
augu við það hvernig maður er,
leggja áherslu á rétta hluti en
draga úr öðrum. Námskeiðin eru
leið til þess.“ Þetta segir Hildur
Inga sem unnið hefur sem stíl-
isti í mörg ár og er líka hönnuður
að atvinnu. Hún rak verslun um
tíma og kveðst þar hafa fengið
hugmyndina að námskeiðunum.
„Ég fann að þörf er fyrir ráð-
gjöf á þessu sviði,“ segir hún.
„Konur eru oft svo óákveðnar
í hvað klæði þær og hvað ekki.
Hvernig best er að blanda saman
litum og fleira í þeim dúr. Það
er líka ósköp eðlilegt. Skilaboð-
in eru svo mörg og misvísandi
og þar kemur tískan inn í sem er
síbreytileg.“
Hildur Inga kveðst vilja nota
tískuna sem krydd en ekki láta
hana algerlega ráða ferðinni.
„Ungar stelpur klæðir flest en
þegar konur eru komnar á miðj-
an aldur fer að skipta máli að
þær fylgi eigin stefnu og finni
sína línu. Þá verður tískan bara
eitthvað til að hafa gaman af,“
útskýrir hún og segist líka fjalla
um skó og fylgihluti á lengri nám-
skeiðunum.
Námskeiðin eru nefnilega
tvenns konar. Annars vegar stutt
námskeið sem snúast um per-
sónulegan stíl og að auka með-
vitund um eigin klæðaburð sem
síðan stuðlar að markvissari
fatakaupum, meira sjálfsöryggi
og útgeislun. Þau námskeið eru
ætluð fyrirtækjum og hópum.
Hins vegar eru sex daga nám-
skeið sem byggjast á verkefna-
vinnu. „Konurnar vinna með út-
línur líkamans og útbúa sína
eigin persónulegu vinnubók sem
verður þeirra leiðarvísir í fram-
tíðinni,“ segir Hildur Inga og
heldur áfram. „Við förum í nokk-
urs konar dúkkulísuleik og klipp-
um út föt eins og kennt er í tísku-
hönnun. Hvaða snið klæðir?
Hvaða efni? Hvað er fallegt fyrir
hverja og eina og hvaða skila-
boð viljum við gefa með klæðn-
aði okkar?“
Hildur Inga kveðst leiðbeina
konunum þannig að þær finni
sinn stíl út sjálfar. „Þegar þær
fara að kafa í þennan heim og
skoða hvað líkaminn hefur upp
á að bjóða þá eykst kjarkurinn,“
segir hún. „Föt skipta konur oft
gríðarlega miklu máli enda eru
þau leið til tjáningar og skapa
sjálfstraust og vellíðan.“
Nánari upplýsingar um nám-
skeiðin fást hjá Hildi Ingu í síma
899 0819 og einnig er hægt að
skrá sig á netfanginu hildur@xir-
ena.is. - gun
Fatnaður er tjáningarform
„Föt skipta konur oft gríðarlega miklu
máli,“ segir Hildur Inga.
„Maður verður að horfast í augu við það hvernig maður er, leggja áherslu á rétta hluti en draga úr öðrum. Námskeiðin eru leið til
þess,“ segir Hildur Inga sem er menntuð í tískuhönnun í Mílanó á Ítalíu og rekur nú eigið hönnunarfyrirtæki sem heitir Xirena.
FRÉTTABLAÐIÐ/ARNÞÓR
Margar aðferðir við að búa
til eyrnalokka, hálsmen, arm-
bönd og fleira skart eru kennd-
ar á námskeiðum í Perlukafaran-
um sem taka aðeins eitt kvöld. Í
lok kvölds hanna allir sína eigin
skartgripi og búa þá til.
Leiðbeinandinn er Christ-
ina van Deventer sem hefur
mikla reynslu í skartgripagerð
og hönnun. „Okkar námskeið
eru byggð þannig upp að hver
og einn býr til hluti eftir sínum
smekk en yfirleitt ekki það sama
og hinir. Þá lærir fólk líka hvert
af öðru,“ segir hún.
Námskeiðin hefjast um miðj-
an ágúst og eru á miðvikudags-
kvöldum. Kostnaðurinn er 2.900
krónur á mann og greiðist fyrir-
fram. Innifalið í námskeiðinu er
kennsla, afnot af tólum meðan á
námskeiðinu stendur og kennslu-
efni á íslensku til eignar. Hópar,
fimm manneskjur eða fleiri sem
skrá sig saman, greiða 2.500
krónur á mann.
Framhaldsnámskeið eru í boði
hjá Perlukafaranum og að sögn
Christinu fer hún líka út á land
að kenna ef ákveðinn fjöldi þátt-
takenda er skráður fyrirfram.
Skráning er í síma 534-0255 og
að Holtasmára 1 á opnunartíma
verslunarinnar. - gun
Hannað skart og gert
með eigin höndum
Eyrnalokkar eftir Ásu Hildi Guðjóns-
dóttur.
Christina van Deventer kennir á
námskeiðunum. Að sjálfsögðu gerði
hún skartið sjálf sem hún er með um
hálsinn.
Ahmed Fekry, þekkt-
ur dansari frá Eg-
yptalandi, kemur til
landins í ágúst til að
kenna Íslendingum
magadans. Kram-
húsið stendur fyrir
námskeiðinu sem
haldið verður dag-
ana 18. til 22. ágúst.
Ahmed Fekry er
upprunalega frá Eg-
yptalandi, en er nú
búsettur í Þýska-
landi. Hann hóf dans-
feril sinn í heimalandi sínu, þar
sem hann dansaði með mörgum
frægum þjóðdansahópum. Einn-
ig er hann „tanoura“-dansari, en
tanoura er sérstakur
stíll þar sem dans-
arinn, klæddur lit-
ríkum skrúða, snýr
sér að því er virðist
endalaust í hringi og
er það mikið sjónar-
spil.
Ahmed kennir
nú magadans og eg-
ypska þjóðdansa í
Þýskalandi en hann
ferðast einnig víða
vegna starfs síns.
Hann hefur meðal
annars kennt í Svíþjóð, Brasil-
íu, Noregi, Rússlandi, Tékklandi,
Egyptalandi og nú á Íslandi.
- mþþ
Karlmaður kennir
konum magadans
Ahmed sýnir ásamt maga-
danshópi Kramhússins á
menningarnótt. MYND/REUTERS
 



  
   

!   


"