Fréttablaðið - 08.08.2008, Page 42

8. ÁGÚST 2008 FÖSTUDAGUR8 ● fréttablaðið ● skólar og námskeið
Í Trommuskóla Gunnars
Waage er bæði boðið upp á
hefðbundið stigakerfi og sjálf-
stæða deild á háskólastigi.
„Trommunámið er mjög vinsælt
í dag og við erum með upp undir
fjörutíu nemendur að öllu jöfnu,“
segir Gunnar Waage, eigandi og
kennslustjóri Trommuskóla Gunn-
ars Waage, og bætir við að það
sé næstum því eins og stærðin á
venjulegum litlum tónlistarskóla.
„Námið er alltaf í einhverri þróun
hjá okkur, bæði námsefnið og eins
kennsluformið.“
„Ég ákvað að fara að kenna
einn, en þar sem mér finnst ekk-
ert gaman að kenna nema innan
einhvers akademísks ramma hef
ég í samstarfi við aðra skóla verið
að kenna allan skalann frá byrj-
endum og upp í nemendur sem út-
skrifast héðan,“ útskýrir Gunnar
en skólinn hefur nú verið rekinn í
fjögur ár.
Að hans sögn er nokkur áhersla
lögð á samvinnu við aðra skóla. „Ég
sendi nemendur mína í bóklegar
greinar í Tónlistarskólann í Kópa-
vogi. Við eigum líka í samvinnu
við deild sem kallast trommusett-
og hljóðhönnunardeild.“
Aðspurður segir hann að enn sé
tekið við skráningum nemenda.
„Kennslan hefst 20. ágúst og þá
lýkur skráningu. Stundum get ég
þó ekki stillt mig um að taka ein-
hverja inn eftir það, ef þeir slæð-
ast inn fram eftir hausti,“ segir
hann brosandi og bætir við að
tekið sé við nemendum frá tólf ára
aldri og upp úr.
Nánar á www.trommuskolinn.is
- mmf
Námið er í stöðugri sókn
Gunnar Waage stofnaði trommuskóla í Kópavoginum fyrir fjórum árum og býður nú
upp á fullt nám. FRÉTTABLAÐIÐ/STEFÁN
Tangófélagið heldur nú stærstu
tangóhátíð sem haldin hefur verið
hérlendis. Þetta er áttunda ár há-
tíðarinnar sem kölluð er „Tango
on Ice“ og fer fram dagana 28. til
31. ágúst.
„Hátíðin hefur vaxið ár frá ári
og núna munum við fá þrjú frá-
bær danspör frá Argentínu til að
kenna okkur. Þetta eru atvinnu-
dansarar í hæsta gæðaflokki;
aðal parið rekur tangóskóla í Bu-
enos Aires ásamt því að ferðast
um heiminn með danssýningar
og -kennslu,“ segir Guðbjörg Ey-
steinsdóttir, formaður Tangófé-
lagsins á Íslandi.
Að hennar sögn hefur tang-
ósamfélagið hér á landi vaxið
jafnt og þétt síðustu árin. „Lengi
vel vorum við um fjörutíu virkir
dansarar en núna erum við komin
vel yfir 100 manns. Síðustu tvö
árin varð sprengja í aðsókn svo
núna getum við haldið danskvöld
fjórum sinnum í viku.“
Tangóhátíðin hefst fimmtudag-
inn 28. ágúst í Borgarleikhúsinu
þar sem argentínsku dansararnir
munu sýna listir sínar. Síðan verð-
ur dansleikur í anddyri leikhússins
fyrir alla sem vilja koma. Á föstu-
deginum hefst eiginleg kennsla í
Iðnó sem nær fram á sunnudag.
Þar getur fólk á öllum stigum lært
meira í tangódansi. „Áður vorum
við með þrjá dansflokka en nú
getum við boðið upp á fjögur stig
þar sem margir áhugadansararnir
eru komnir ansi langt.“
Á föstudags- og laugardags-
kvöld verður síðan haldinn Mi-
longa, eða tangódansleikur, fyrir
alla sem vilja og hátíðinni lýkur
svo í Bláa lóninu eins og fyrri ár.
„Fólk getur slakað á í lóninu og svo
verðum við með Milonga á staðn-
um eftir á. Lokakvöldið hefur allt-
af verið ofsalega skemmtilegt og
vinsælt meðal fólks.“ - mþþ
Tangódansarar beint
frá Buenos Aires
Fjögurra daga tangóhátíð verður haldin
í Reykjavík dagana 28. til 31. ágúst.
MYND/ÚR SAFNI TANGÓFÉLAGSINS
Frístundir Íslands er upplýsinga-
vefur sem auðveldar fólki að finna
íþrótta- og tómstundaiðju fyrir
börn á öllum aldri.
Hátíð á vegum Frístunda Íslands
verður haldin í Vetrargarðinum í
Smáralind þann 24. ágúst. Hátíðin
er haldin í tilefni af fyrstu útgáfu
frístundabæklings fyrirtækisins.
„Við erum að fara að gefa út
haustbækling sem kemur út þenn-
an dag. Þetta verður mikil hátíð.
Valli sport verður kynnir og síðan
verða atriði frá ýmsum fyrirtækj-
um sem eru á skrá hjá okkur eins
og Dansskóla Jóns Péturs og Köru.
Krakkar frá þeim munu sýna
atriðið og dansa. Hátíðin er tæki-
færi fyrir fyrirtækin að kynna sig
og starfsemi sína fyrir fólkinu,“
segir Letetia Beverley Jonsson,
hjá Frístundum Íslands.
Hátíðin hefst klukkan 13 og
stendur til klukkan 16. Allar frek-
ari upplýsingar má nálgast á www.
fristundir.is. - stp
Hátíð í Vetrargarðinum
„Hátíðin er tækifæri fyrir fyrirtæki á
skrá hjá okkur til að kynna starfsemi
sína,“ segir Letetia Beverley Jonsson hjá
Frístundum Íslands. FRÉTTABLAÐIÐ/ARNÞÓR
Gott framboð er af íslenskunám-
skeiðum hjá Alþjóðahúsinu og mörg
eru ókeypis. Námskeið fyrir ungl-
inga á aldrinum 14 til 19 ára hefst
í næstu viku en það á að auðvelda
þeim að takast á við komandi skóla-
göngu. „Þetta námskeið er þarfa-
þing fyrir marga krakka því þó þeir
séu farnir að nema talmálið af jafn-
öldrum sínum þá er allt annað að
setjast niður og ætla að læra landa-
fræði,“ segir Ingibjörg Hafstað,
kennslustjóri í Alþjóðahúsinu.
Námskeið fyrir ólæsar konur
hefst einnig í þessum mánuði.
„Þetta eru konur sem hafa aldrei
komið í skóla svo maður byrjar á
því að kenna þeim að nota verk-
færið blýant,“ segir Ingibjörg en
flestar kvennanna á síðasta nám-
skeiði voru frá Marokkó, Taílandi
og Nepal.
Í fyrradag hófst námskeið í
framburði og segir Ingibjörg tals-
vert um það að fólk sem sé altalandi
á íslensku geti ekki gert sig skiljan-
legt vegna íslensku hljóðanna. Að
lokum má nefna almenn íslensku-
námskeið sem kennd hafa verið í
sumar og munu halda áfram í vetur.
Nánar á www.ahus.is.
- mþþ
Öllum hópum sinnt
Ingibjörg Hafstað kennir íslenskan fram-
burð í Alþjóðahúsinu. FRÉTTABLAÐIÐ/VALLI