Fréttablaðið - 15.08.2008, Síða 24

[ ]
Skemmtilegur veitingastaður
leynist stutt frá Bifröst en á
matseðlinum má finna góða
tilbreytingu frá skyndibitafæð-
unni sem ferðalangar neyta
gjarnan.
Veitingastaðurinn er staðsettur á
sveitahótelinu Hraunsnefi. Matseð-
illinn er bæði fjölbreyttur og þjóð-
legur og skemmtileg tilbreyting frá
sjoppumatseðlum bensínstöðvanna.
Veitingastaðurinn að Hraunsnefi
liggur alveg við þjóðveginn, um
þrjá og hálfan kílómetra frá Bif-
röst, rétt áður en beygt er að Bratta-
brekku.
Að sögn Jóhanns Harðarsonar,
annars eigenda Hraunsnefs, er veit-
ingastaðurinn opinn öllum, bæði
hótelgestum og gangandi. „Yfir
vetrartímann fáum við mikið af
fólki bæði frá Bifröst og héðan úr
sveitinni og á sumrin bætast ferða-
langarnir við,“ segir Jóhann.
Matseðill staðarins er mjög fjöl-
breyttur. Hægt er að fá allt frá ham-
borgurum yfir í mjög þjóðlega rétti.
„Við erum alltaf með plokkfisk á
matseðlinum og grjónagraut fyrir
krakkana og er grauturinn miklu
vinsælli en hamborgararnir. Í
sumar fórum við af stað með nýjan
sjö rétta smakk-matseðil þar sem
við buðum meðal annars upp á harð-
fisk, kjötsúpu, hangikjöt og súra
punga. Þeir erlendu ferðamenn sem
koma hingað eru mjög áhugasamir
um íslenskan mat. Hugmyndin að
þessum smakk-matseðli spratt af
þessum áhuga,“ segir Jóhann.
Mikið er af fiskréttum á matseðl-
inum og að sögn Jóhanns er áhug-
inn á fiskréttunum mikill. „Útlend-
ingar hafa alltaf verið spenntir
fyrir íslenskum fiski, og mér finnst
áhugi Íslendinga vera að aukast
líka,“ útskýrir hann.
Hraunsnef var opnað árið 2005
og varð fljótlega vinsæll staður.
„Það tekur ákveðinn tíma að koma
því inn hjá sveitungunum að það
sé hægt að fara út að borða án þess
að fara til Reykjavíkur. Núna eru
margir farnir að koma til okkar
reglulega og við erum mjög ánægð
með það,“ segir Jóhann.
Yfir sumartímann er veitinga-
staðurinn opinn frá hádegi fram á
kvöld, en frá og með fyrsta sept-
ember verður opið frá fimm á dag-
inn en lokað á mánudögum. „Það
er okkar reynsla að fólk er lítið á
ferðinni á mánudögum,“ segir
Jóhann.
Þeir sem vilja kynna sér veit-
ingastaðinn að Hraunsnefi betur
er bent á heimasíðuna www.
hraunsnef.is.
klara@frettabladid.is
Út að borða í sveitinni
Rauðsprettan er með karamelluperlu-
lauk og kartöfluteningum og er einstak-
lega ljúffeng.
Að sögn Jóhanns Harðarsonar, eiganda Hraunsnefs, eru erlendir ferðamenn mjög
forvitnir um þjóðlegan mat. MYND/HÖG,SKESSUHORN
Bakstur er skemmtileg fjölskylduskemmtun. Hvort
sem bakaðar eru kökur, brauð eða eitthvað annað er
það alltaf jafn gaman.
F
A
B
R
I
K
A
N
Risaklattar að hætti Jóa Fel
Súkkulaðiklattar