Fréttablaðið - 29.09.2008, Blaðsíða 28

29. SEPTEMBER 2008 MÁNUDAGUR4 ● ekvador
Rafael Camino stýrir dans-
flokknum Jacchigua sem teflir
fram 30 dönsurum og fimm
manna hljómsveit í sýningum
sínum í Salnum dagana 4.
til 11. október. Hann þarf að
glíma við heilsutap en hann er
síður en svo í kröppum dansi
heldur alsæll í dansi sem færir
kynslóðir og þjóðir saman.
„Ég er sextugur og nær alveg
blindur en ég er afar hamingju-
samur og dansa af lífs og sálar
kröftum,“ segir Rafael, sem er
listrænn stjórnandi Jacchigua
dansflokksins, Rafael glímir við
sykursýki og missti nær alla sjón
fyrir fjórum árum. „Dansinn ljáir
mönnum frelsi, hamingju og sam-
einar fjölskyldur, kynslóðir og
heilu heimsálfurnar. Nú ætlum
við að hnýta Ekvador og Ísland
saman með dansinum. En ég hef
líka ástæðu til að vera stoltur. Ég
er mestísi, það er að segja ég ber
blóð frumbyggja og evr-
ópskra inn-
flytjenda
í æðum
mínum.
Ég er
alinn
upp við mikla fátækt. Mitt fólk
hafði ekkert tækifæri til að
mennta sig, til dæmis var móðir
mín ólæs og ég var öreigi í mörg
ár. En ég hef náð langt og get því
verið afar stoltur.“
Hann ólst upp meðal frumbyggja
í litlum fjallaþorpum og þar lærði
hann mikið af þeim dönsum sem
Jacchigua sýnir. En slíkir dansar
þekktust varla í borgum og bæjum
landsins og þegar dansflokkur-
inn hóf sýningar sína fyrir sautj-
án árum fyrir fullum sölum í borg-
unum urðu gestir yfir sig hrifnir
en spurðu sig um leið „hvaðan eru
eiginlega þessir dansar?“ „Þetta er
til marks um það hversu fólk
var ómeðvitað
um menningu
eigin þjóðar,“
segir
Rafael.
Dansflokkurinn lætur þó ekki
nægja að færa þjóð sinni aftur
forna dansa heldur hefur boðið
allri heimsbyggðinni upp í þann
dans. Flokkurinn kom meðal ann-
ars fram á opnunarhátíð heims-
meistarakeppninnar í knattspyrnu
sem haldin var í Þýskalandi árið
2006.
Þrjátíu dansarar og fimm manna
hljómsveit munu koma fram á
sýningum hans í Salnum í Kópa-
vogi dagana 4. til 11. október. Þar
af eru tvö börn, níu og fimm ára,
sem dansa með Rafael, afa sínum.
„En Jacchigua er í raun margir
danshópar,“ segir Rafael. „Við
erum með einn hóp sem í eru að-
eins börn, annan með öldruðum og
einn með frumbyggjum, svo dæmi
séu tekinn. Samtals eru 417 dans-
arar í Jacchigua.“
Nafnið dregur flokkurinn af
uppskeruhátíð sem stórbændur
héldu fyrir vinnumenn sína fyrr
á tímum. Þá var heill dagur undir-
lagður af hátíðarhöldum á hlaðinu
með tónlist, dans og venjan var að
höfðingjarnir
veittu vel
af mat
og
drykk.
- jse
Í dansspor forfeðra
með Jacchigua
Hér er Rafael, afinn síungi, að dansa ásamt barnabörnum sínum og fleiri dönsurum. MYND/JACCHIGUA
„Dansinn ljáir mönnum frelsi, hamingju og sameinar fjölskyldur, kynslóðir og heilu
heimsálfurnar. Nú ætlum við að hnýta Ekvador og Ísland saman með dansinum,“
segir Rafael Camino, listrænn stjórnandi Jacchigua.
Þrjátíu dansarar og fimm manna hljómsveit koma fram á sýningunni, sem er einstak-
lega litrík og fjörug. Yngstu dansararnir eru níu og fimm ára.
Rafael Camino ólst upp meðal frumbyggja í litlum fjallaþorpum og þar lærði hann
mikið af þeim dönsum sem Jacchigua sýnir. Slíkir dansar þekktust varla í borgum og
bæjum landsins og urðu áhorfendur yfir sig hrifnir af dansi Jacchigua.
HÁR NÝ
Nýbýlaveg 28 • 200 Kópavogi • S: 554-6422 • harny@simnet.is • www.harny.is