Fréttablaðið - 29.09.2008, Blaðsíða 34

29. SEPTEMBER 2008 MÁNUDAGUR● fréttablaðið ● útivist4
● Haustferðir eru fyrir mörgu úti-
vistarfólki nauðsynlegur þáttur
í ferðaárinu. Ferðafélagið Útivist
býður til dæmis upp á sérstaka
haustferð 17. til 19. október þar
sem farið verður í Strút á Mæli-
fellssandi. Á síðu Útivistar segir
að haustið sé tími uppskeru, ný-
metis og villibráðar en að það sé
líka notalegt að dvelja á fjöllum í
haustkyrrðinni. Í haustferð Útivistar
bjóðast til dæmis gönguferðir í
nágrenni skálans við Strút. Þá verður haustið meginþema í fjölbreyttu
hlaðborði á laugardagskvöldinu þar sem þátttakendur koma sjálfir með
mat á hlaðborðið til að fagna vetrarbyrjun. Nánari upplýsingar má nálg-
ast á slóðinni utivist.is.
● HÖNNUN BAKPOKA HEFUR ÞRÓAST MIKIÐ síðastliðin
ár. Segja má að almennt séu bakpokar nú léttari en áður auk þess sem
ýmiss konar nýjungar hafa rutt sér til rúms. Innfelldar dýnur sem teknar
eru af bakpokanum og notaðar sem undirlag í tjöld eru þar á meðal.
Reyndir fjallamenn leggja áherslu á að bakpokar séu sterkir og einfaldir.
Aukahólf og vasar koma sér oft vel. Huga skal sérstak-
lega að því að bakpokinn sé rétt stilltur fyrir not-
andann. Þungi pokans á að sitja á mjöðmum
göngumannsins en ekki hanga á öxlum hans.
Velja þarf bakpoka sem hentar hverri ferð.
Minni dagpokar eru hentugir í dagsferðir.
Þá eru til bakpokar sem eru sérstaklega
ætlaðir fyrir klifur. Þeir eru þannig
útbúnir að þá má minnka með því að
draga þá saman eða jafnvel taka af þeim
efri hlutann, sem þá er stungið ofan í
pokann. Til eru sérstakar regnhlífar á bak-
pokana en ágæt regla er að setja alltaf það
sem alls ekki má blotna í plastpoka ofan í
bakpokann.
Sigurður Benedikt Björnsson
stöðvarstjóri hefur farið á gæs
og rjúpu samfleytt í aldarfjórð-
ung. Hann segist vera veiði-
maður í eðli sínu.
„Þetta er tímafrekt áhugamál.
Það er erfitt að gera áætlan-
ir fram í tímann og menn þurfa
að vera reiðbúnir að stökkva til
þegar tækifærið gefst,“ segir Sig-
urður Benedikt Björnsson, stöðv-
arstjóri hjá malbikunarstöðinni
Hlaðbæ Colas í Hafnarfirði. Sig-
urður hefur farið á gæsaveiðar á
hverju ári síðan 1984 og segir ekk-
ert vera farið að slá í brennandi
áhugann. „Ég var alinn upp við
veiðiskap. Faðir minn veiddi bæði
á stöng og byssu, og áhuginn var
því til staðar snemma í mínu til-
viki. Ég er samt á þeirri skoðun
að það sé ekki uppeldið sem gerir
það að verkum að sumir verða að
veiðimönnum og aðrir ekki. Ég
held að veiðimennskan sé í blóð-
inu. Eitthvert innra eðli hvers og
eins ræður því hvort menn verða
að veiðimönnum eða ekki,“ segir
Sigurður.
Gæsaveiðitímabilið hófst í lok
ágúst og stendur fram í mars.
Sigurður segir veðurfarið skipta
gríðarlega miklu máli um afdrif
heilu tímabilanna. „Mikil rigning
hefur gert það að verkum að síð-
ustu tvö tímabil hafa verið hund-
leiðinleg fyrir veiðimenn á Suður-
landi. Ástandið hefur verið skárra
á Norður- og Austurlandi, og þess
vegna hef ég farið í ferðir þangað
til að skjóta. Veðurfarið skiptir
öllu. Síðustu fimmtán árin eða svo
hefur verið lítið sem ekkert nætur-
frost í upphafi tímabils. Frostið
sér um að halda berjunum góðum
fyrir gæsirnar, og þegar þess
nýtur ekki við fækkar eðlilega
valkostunum.“
Sigurður segir sífellt algengara
að jarðir séu leigðar út fyrir stór-
fé til gæsaskyttna. „Það er orðið
afar óalgengt að maður sé kannski
að keyra og sjái gæs, banki upp á
hjá bóndanum og fái leyfi til að
skjóta. Þetta er meira og minna í
útleigu. Bændurnir vilja hámarka
arðinn af jörðum sínum, og ég
sé svo sem ekkert að því,“ segir
Sigurður. - kg
Stökkva til þegar færi gefst
haustferðir
Sigurður segir erfitt að gera áætlanir fram í tímann þegar kemur að gæsaveiðum.
FRÉTTABLAÐIÐ/ARNÞÓR
Skútuvogi 6 • Sími 568 6755
PORCELANOSA fl ísar fyrir vandláta