Fréttablaðið - 29.09.2008, Blaðsíða 56

24 29. september 2008 MÁNUDAGUR
sport@frettabladid.is
Nánar á expressferdir.is
eða í síma 5 900 100
F
í
t
o
n
/
S
Í
A
The Race
Car Show
í Birmingham
9.–11. janúar 2009
Mótorsport
Innifalið: Flug með sköttum og öðrum greiðslum,
gisting í 2 nætur með morgunverði, rúta, miði á
bílasýninguna og íslensk fararstjórn.
Verð á mann í tvíbýli:
69.900 kr.
Stærsta sportbílasýning í heimi
Fararstjóri er Kristján Einar,
Formúlu 3 ökumaður.
> Stefán hættur og farinn að keyra vörubíl
Skagamaðurinn Stefán Þórðarson hefur lagt skóna á
hilluna. „Þetta er komið gott. Ég er bara orðinn saddur,“
sagði Stefán við Fréttablaðið í gær en hann segir enga
leið að snúa þessari ákvörðun sinni fyrir næsta sumar.
Það breyti engu að hann hafi verið kominn í landsliðið.
„Það var gaman en breytir engu. Svo
hefur mikið gengið á hjá mér í sumar og
meðferð sumra aðila á mér var til þess
að steindrepa alla löngun hjá mér til
þess að spila fótbolta.“ Stefán segir
að fram undan sé bara að vinna,
hann geti nú farið að vinna fullan
vinnudag, en hann keyrir vörubíl
á Akranesi ásamt frænda sínum,
Ólafi Þórðarsyni.
Enska úrvalsdeildin:
PORTSMOUTH - TOTTENHAM HOTSPUR 2-0
1-0 Jermain Defoe (33.), 2-0 Peter Crouch (67.).
WIGAN ATHLETIC - MANCHESTER CITY 2-1
1-0 Antonio Valencia (15.), 1-1 Vincent Kompany
(21.), 2-1 Amr Zaki (33.)
STAÐAN:
Chelsea 6 4 2 0 12-3 14
Liverpool 6 4 2 0 7-2 14
Aston Villa 6 4 1 1 12-8 13
Arsenal 6 4 0 2 12-4 12
West Ham 6 4 0 2 13-10 12
Hull City 6 3 2 1 9-11 11
Blackburn 6 3 1 2 8-12 10
Manchester City 6 3 0 3 16-9 9
Portsmouth 6 3 0 3 7-12 9
Wigan Athletic 6 2 2 2 9-5 8
Man. United 5 2 2 1 6-4 8
WBA 6 2 1 3 6-7 7
Sunderland 6 2 1 3 6-8 7
Everton 6 2 1 3 9-13 7
Fulham 5 2 0 3 5-6 6
Middlesbrough 6 2 0 4 6-9 6
Bolton 6 1 1 4 5-9 4
Stoke City 6 1 1 4 7-12 4
Newcastle 6 1 1 4 5-11 4
Tottenham 6 0 2 4 4-9 2
ÚRSLIT
HANDBOLTI Ekki liggur enn fyrir
hvort Guðmundur Guðmundsson
muni halda áfram þjálfun
íslenska landsliðsins.
Búist var við svari frá Guð-
mundi í síðustu viku en þjálfarinn
fékk lengri tíma til þess að
ákveða sig þar sem framkvæmda-
stjóri HSÍ, Einar Þorvarðarson,
hefur verið í langþráðu fríi ásamt
því sem hann þurfti að sitja þing
út í Evrópu.
Einar tjáði Fréttablaðinu í gær
að væntanlega myndi draga til
tíðinda í vikunni en farið er að
styttast í næsta verkefni lands-
liðsins.
Guðmundur er eðli málsins
samkvæmt fyrsti kostur hjá HSÍ
og verður ekki rætt við neinn
annan þar til ljóst verður hvort
Guðmundur vilji halda áfram
eður ei. - hbg
Landsliðsþjálfaramál HSÍ:
Styttist í svar
frá Guðmundi
FORMÚLA 1 Það var mikil stemning
í Singapúr þegar keppt var í For-
múlu 1 kappakstri þar í landi.
Þetta var fyrsta keppnin í sögu
Formúlunnar þar sem keppt er að
kvöldi til og þar með í flóðljósum.
Fernando Alonso kunni best við
sig í flóðljósunum og kom fyrstur
í mark. Annar maður sem fagnaði
líka var Lewis Hamilton, sem end-
aði í þriðja sæti. Hann nældi þar í
mikilvæg stig á Felipe Massa í
keppninni um heimsmeistaratitil-
inn en Massa varð þrettándi og
fékk engin stig. Hamilton hefur
því sjö stiga forskot á Massa þegar
aðeins þrjár keppnir eru eftir.
Massa var í forystu framan af
en lenti í óhappi er hann yfirgaf
viðgerðarsvæðið með bensín-
dæluna enn í bílnum. Hann tafðist
mikið í kjölfarið og missti um leið
af lestinni. Þetta var í fyrsta sinn
sem Alonso kemst á pall á tímabil-
inu og hann því eðlilega sáttur.
„Þetta er frábært. Í fyrsta skipti
á palli og það efst á pallinum. Ég
trúi þessu varla ennþá. Ég þarf
svona tvo daga til að átta mig á því
að við gátum unnið keppni í ár því
við höfum verið svo fjarri toppn-
um,“ sagði Alonso og brosti allan
hringinn. Hamilton var líka sáttur.
„Mér fannst mjög gaman að keppa
hér, naut þess og er tiltölulega
sáttur. Þetta var erfið vika og gott
að fá einhver stig,“ sagði Alonso
en Nico Rosberg varð í öðru sæti í
keppninni. - hbg
Fernando Alonso vann í flóðljósunum í Singapúr í gær:
Forskot Hamiltons á Massa jókst
FERNANDO ALONSO Vann góðan sigur í flóðljósunum. NORDIC PHOTOS/GETTY IMAGES
FÓTBOLTI Tveir leikir fóru fram í
enska boltanum í gær. Portsmouth
byrjaði á því að leggja Tottenham,
2-0, og síðan skellti Wigan liði
Man. City, 2-1. Raunir Tottenham
halda því áfram en liðið situr sem
fastast á botni ensku deildarinnar.
Það var fyrrverandi framherji
Tottenham, Jermain Defoe, sem
kom Portsmouth yfir og Peter
Crouch, fyrrverandi framherji
Liverpool, skoraði síðan seinna
markið. Hermann Hreiðarsson
hóf leik og lauk honum einnig á
varamannabekk Portsmouth.
Það er orðið verulega heitt undir
Juande Ramos, stjóra Spurs, en
hann óttast ekki að verða rekinn.
„Ég tel mig hafa fullan stuðning
frá stjórninni,“ sagði Ramos en
stuðningsmenn Spurs sungu til
hans í leiknum. Textinn var ein-
faldur: Þú hefur ekki hugmynd
um hvað þú ert að gera.
„Ég tala reglulega við stjórnina
og það eru allir meðvitaðir um
þessa viðkvæmu stöðu. Hvort ég
lifi hana af er undir stjórninni
komið. Söngurinn frá stuðnings-
mönnum særði mig ekki. Að vinna
ekki leiki er það sem særir mig,“
sagði Ramos.
Hún var létt brúnin á Harry
Redknapp, stjóra Portsmouth.
„Frammistaða liðsins var stór-
kostleg. Við vorum afar ákveðnir
og unnum vel saman sem lið. Mér
fannst við vera frábærir,“ sagði
Redknapp brosandi en hann vildi
lítið tjá sig um vítið sem Spurs
vildi fá. „Það gat hafa verið víti.
Mér fannst boltinn fara í hönd
varnarmannsins en sá það ekki
nógu vel. Dómarinn sagði ekkert
víti þannig að það þýðir ekkert að
velta sér upp úr því.“
Í síðari leik dagsins gerði Wigan
sér lítið fyrir og skellti Man. City,
2-1. Antonio Valencia kom Wigan
yfir með glæsilegu marki en Vinc-
ent Kompany jafnaði fyrir City.
Amr Zaki skoraði síðan sigur-
markið fyrir Wigan.
henry@frettabladid.is
Það gengur hvorki né
rekur hjá Tottenham
Það er ekkert lát á slöku gengi Tottenham Hotspur en liðið tapaði enn einum
leiknum í gær og að þessu sinni gegn Portsmouth, 2-0. Manchester City fékk
síðan vænan kinnhest er liðið tapaði á útivelli gegn Wigan, 2-1.
SITUR Í SJÓÐHEITU SÆTI Þegar er farið að hitna verulega undir Juande Ramos, stjóra
Tottenham, og hann fékk ekki ástæðu til þess að brosa í gær frekar en fyrr á tímabilinu.
NORDIC PHOTOS/GETTY IMAGES
FÓTBOLTI Steven Gerrard, fyrirliði
Liverpool, segir að liðið þurfi að
byggja ofan á þá frammistöðu
sem það sýndi gegn Everton ef
það ætli sér að berjast um
meistaratitilinn í ár.
Gerrard sagði það bestu
frammistöðu liðsins á leiktíðinni
og vill sjá meira af slíku.
„Þetta var tvímælalaust okkar
besti leikur. Við höfum verið að
vinna leiki en síðan hrasað á
köflum. Þessi sigur setur
viðmiðið fyrir okkur og ef við
spilum af álíka getu er ég viss um
að við munum berjast á toppnum
allt til enda. Við stjórnuðum
leiknum allan tímann. Með því
sendum við skýr skilaboð um
hvað við ætlum okkur í vetur.
Við stóðum saman allir sem
einn, vorum þétt lið og spiluðum
frábæran fótbolta á köflum. Við
sýndum í þessum leik hversu
pirraðir við vorum á því að fá
ekki öll stigin gegn Stoke,“ sagði
Gerrard ákveðinn en hann mun
halda áfram að hvetja félaga sína
til dáða og verka í vetur.
Gerrard er enn að bíða eftir
100. marki sínu fyrir Liverpool.
„Það mun koma, ég er fullviss
um það. Annars skiptir liðið og að
vinna öllu máli,“ sagði Gerrard að
lokum. - hbg
Steven Gerrard:
Ætlum okkur
stóra hluti
STEVEN GERRARD Vill sjá árangur í
ensku deildinni. NORDIC PHOTOS/GETTY IMAGES
Aðalsteinn Eyjólfsson, þjálfari kvennaliðs Fylkis í handbolta, og Einar
Jónsson, þjálfari Fram, mættust í fyrsta sinn á laugardaginn síðan þeir
félagar tókust eftirminnilega á 6. desember 2007. Aðalsteinn, sem
þá þjálfari Stjörnuna, fékk tæplega tveggja mánaða keppnisbann og
50.000 króna sekt vegna ummæla sinna um tengsl Einars og dóm-
ara leiks Fram og Stjörnunnar, sem Fram vann með einu marki.
Þjálfararnir segjast báðir vera búnir að leggja þetta
atvik til hliðar og segja það ekki hafa nein áhrif á sam-
skipti sín.
„Þau eru fín og hafa alltaf verið. Það hefur ekki
verið neitt vandamál milli mín og Einars. Við vorum
ósammála í þessum eina leik og út frá því spannst
mikið fjaðrafok sem er búið. Við höfum alltaf
verið góðir félagar og kunningjar og hjálpast
mikið að í þessari þjálfun, þetta var frávik,“
sagði Aðalsteinn eftir að hafa séð lið sitt tapa,
29-23.
„Þetta er löngu búið hvað Einar snertir. Það
eru hins vegar aðrir menn sem ég hugsa þegjandi
þörfina en það hefur lengri sögu,“ sagði Aðalsteinn, sem ætlar ekki
að ræða um dómgæsluna í vetur. „Ég segi pass. Ég ætla ekki að tjá
mig um dómgæsluna í vetur. Þeir verða að hugsa um sín störf sjálfir.“
Einar segist ekki bera neinn kala til Aðalsteins þrátt
fyrir hörð ummæli þess síðarnefnda í sinn garð
eftir leikinn fræga. „Samskipti okkar eru mjög góð.
Við ræðumst reglulega við og vinnum eins og allir
þjálfarar í deildinni að því að gera íslenskan kvenna-
handbolta betri og það er okkar markmið.
Við vinnum saman að því og tölumst
saman. Ég man ekki til þess að við höfum
rætt þennan leik eitthvað. Ég pæli ekkert í
þessu. Menn takast á í þessu og kannski
fóru hlutirnir eitthvað úr böndunum í
þetta skiptið. Það vakti klárlega áhuga
og það er kannski ágætt. Er ekki neikvæð
umfjöllun betri en engin umfjöllun?“ sagði
Einar Jónsson, þjálfari Fram, sem er mjög
ánægður með dómgæsluna í upphafi tímabils.
FORNIR FJENDUR MÆTTUST: ENDURFUNDIR EINARS JÓNSSONAR OG AÐALSTEINS EYJÓLFSSONAR Í MESTA BRÓÐERNI
Þjálfararnir segjast hafa grafið stríðsöxina