Fréttablaðið - 06.10.2008, Blaðsíða 2

2 6. október 2008 MÁNUDAGUR
Kristinn, stendur Krónan vel
að vígi?
„Tja, matvöruverslanir Krónunnar
eru í það minnsta sterkar.“
Aðstandendur Krónunnar sjá ekki vöru-
skort í kortunum eins og sumir kollegar
þeirra. Kristinn Skúlason er rekstrarstjóri
Krónunnar.
LÖGREGLUMÁL Lögreglan á
höfuðborgarsvæðinu leitar
tveggja manna sem grunaðir eru
um rán og grófa líkamsárás.
Mennirnir eru taldir útlendingar
á þrítugsaldri.
Árásin átti sér stað um klukkan
þrjú aðfaranótt sunnudags á
Laugavegi en þá var maður á
sjötugsaldri barinn og rændur í
húsasundi. Annar mannanna var
með ljósbláa húfu, í ljósum
leðurjakka með hvítum röndum
þvert yfir brjóstkassann. Hinn
var í dökkum jakka með dökka
prjónahúfu. Lögregla hvetur sem
hafa upplýsingar að hringja í
síma 444 1100. - kdk
Maður barinn og rændur:
Lögregla leitar
tveggja manna
EFNAHAGSÁSMÁL „Það er mesta
kreppa á erlendum fjármálamörk-
uðum sennilega síðan 1914, hún er
orðin alvarlegri úti í heimi en hún
var í kreppunni miklu á fjórða
áratugnum,“ sagði Geir H. Haarde
forsætisráðherra á blaðamanna-
fundi í ráðherrabústaðnum í gær.
„Það er auðvitað ekkert skrítið
að það hafi sín áhrif hér á Íslandi
eins og í nálægum löndum. Það
eru bankar í mjög erfiðum
aðstæðum úti um alla Evrópu og
Bandaríkjunum og það reynir
hver að bjarga sér.“ Hann sagðist
ekki telja að Íslendingar væru
verr staddir en aðrir í þessari
kreppu. - jse
Geir um efnahagsástandið:
Enn verri en
kreppan mikla
STJÓRNMÁL Þorgerður Katrín
Gunnarsdóttir, varaformaður
Sjálfstæðisflokksins, setti ofan í
við Davíð Oddsson seðlabanka-
stjóra við Ráðherrabústaðinn í
gær. Davíð sagði í fyrradag að
þeir sem héldu hann hafa mælt
fyrir þjóð stjórn á ríkisstjórnar-
fundi hefðu verið „utan við sig á
fundinum“ og undraðist að
ummælin hefðu lekið af fundin-
um. Þorgerður hafði áður
gagnrýnt Davíð fyrir ummælin.
„Guð láti gott á vita ef hann
ætlar að fara að gæta orða sinna,
eins og hann hefur sagst ætla að
gera,“ sagði Þorgerður um orð
Davíðs í gær. - sh
Þorgerður biður til Guðs:
Gott ef Davíð
gætir orða sinna
VARAFORMAÐUR FER Þorgerður Katrín
svaraði spurningum við Ráðherra-
bústaðinn í gær. FRÉTTABLAÐIÐ / VALLI
EFNAHAGSMÁL Þórður Friðjónsson,
forstjóri Kauphallarinnar, reiknar
með að Kauphöllin verði opin í
dag. Farið verði yfir það nú í
morgunsárið. Íris Björk Hreins-
dóttir, lögfræð-
ingur hjá
Fjármálaeftir-
litinu, segir
ákvörðun verða
tekna í dag.
„Það þarf
mikið að gerast
til að valið sé
tekið af
fjárfestum um
að hafa
viðskipti. Slíkt
hefur ekki verið gert til dæmis í
Bandaríkjunum þrátt fyrir að
mikið hafi gengið á. Það er frekar
í vanþróuðum löndum að kaup-
höllum er lokað við þessar
aðstæður,“ segir Þórður.
Hann segir þær aðstæður þó
geta komið upp að lokað verði
fyrir viðskipti tiltekinna fyrir-
tækja. - kóp
Þórður Friðjónsson:
Reiknar með op-
inni Kauphöll
EFNAHAGSMÁL Fleiri tugir manna
funduðu um mögulegar aðgerðir
til lausnar efnahagsvandanum í
Ráðherrabústaðnum í gær.
Snemma morguns voru þar Geir
H. Haarde, Árni Mathiesen, Össur
Skarphéðinsson og Björgvin G.
Sigurðsson, auk þeirra Tryggva
Þórs Herbertssonar, efnahagsráð-
gjafa ríkisstjórnarinnar, og Jóns
Sigurðssonar, fyrrverandi ráð-
herra Alþýðu flokksins og seðla-
bankastjóra. Hann sagðist síðar
um daginn „meðal annars“ vera á
staðnum sem stjórnarformaður
Fjármála eftirlitsins.
Aðrir fulltrúar eftirlitsins
mættu einnig á staðinn upp úr
hádegi og sömuleiðis Einar Karl
Haraldsson og Jón Þór Sturluson,
aðstoðarmenn iðnaðar- og við-
skiptaráðherra.
Fyrir hádegi komu forsvars-
menn allra viðskiptabankanna
þriggja til fundar við ráðamenn.
Skömmu síðar tóku hagfræðing-
ar að drífa að, meðal annars Jón
Steinsson, aðstoðarprófessor við
Columbia-háskóla í Bandaríkjun-
um, sem var tíður gestur í
Tjarnargötunni í gær.
Einnig komu allir aðrir ráðherr-
ar Sjálfstæðisflokks, auk Sturlu
Böðvarssonar, forseta Alþingis, og
þingflokksformannsins Arnbjarg-
ar Sveinsdóttur. Samfylkingar-
mönnum fjölgaði hins vegar ekki
fyrr en í gærkvöldi, þegar Jóhanna
Sigurðardóttir sat fund ráða-
manna með aðilum vinnumarkað-
arins. Nokkru síðar mætti þorri
ríkisstjórnarinnar til fundar. - sh
Nær stöðugt streymi fundargesta var inn og út úr Ráðherrabústaðnum í gær:
Tugir gesta í Ráðherrabústaðnum
MIKIÐ Í HÚFI Starfsmenn Fjármálaeftir-
litsins mæta til fundar í gær ásamt Jóni
Þór Sturlusyni, aðstoðarmanni viðskipta-
ráðherra. FRÉTTABLAÐIÐ / VALLI
EFNAHAGSMÁL Formenn stjórnar-
andstöðuflokkanna höfðu ekki
verið upplýstir um ganginn í efna-
hagsaðgerðum stjórnvalda á
tíunda tímanum í gærkvöldi.
Undruðust þeir vinnulag ríkis-
stjórnarinnar.
„Ég botna ekki í þessu verk-
lagi,“ sagði Steingrímur J. Sigfús-
son, formaður Vinstri grænna.
Ráðleysið virðist algjört, það hafi
sýnt sig í viðtölum við forsætis-
ráðherra á sjöunda tímanum. „Ég
les það þannig að enn sé allt í upp-
lausn en reyni þó að halda í leif-
arnar af einhverri bjartsýni. Til-
finningin er þó ekki góð,“ sagði
Steingrímur í gærkvöldi.
„Ég held að þeir séu í rjúkandi
vandræðum og að þetta sé mjög
erfitt,“ sagði Guðni Ágústsson,
formaður Framsóknarflokksins,
og lýsti þungum áhyggjum ef
óvissa ríkti enn í dag. Hann segir
mikilvægt að ríkisstjórnin lýsi
yfir að sparifé fólks í bönkum sé
tryggt, orð forsætisráðherra í
stefnuræðu á fimmtudagskvöldið
dugi ekki til.
Guðjón Arnar Kristjánsson, for-
maður Frjálslynda flokksins, segir
makalaust að ríkisstjórnin hafi
ekki ráðfært sig við stjórnarand-
stöðuna eða að minnsta kosti hald-
ið henni upplýstri um gang mála.
Þingflokkum var fyrir helgi
gert viðvart um að til þingfunda
gæti komið um helgina.
- bþs
Stjórnarandstaðan ekki höfð með í ráðum í efnahagsaðgerðum stjórnvalda:
Botna ekki í þessu verklagi
GUÐJÓN A. KRISTJÁNSSON GUÐNI ÁGÚSTSSONSTEINGRÍMUR J.
SIGFÚSSON
EFNAHAGSMÁL Samkvæmt aðgerða-
áætlun þeirri sem lífeyrissjóð-
irnir lögðu fyrir ríkisstjórnina á
laugardag er gert ráð fyrir að
sjóðirnir selji helming eigna
sinna erlendis og flytji fjármagn
heim. Skilyrði er að fjármála-
stofnanir selji einnig hluta eigna
sinna. Þeim kröfum hafði ekki
verið mætt í gær.
Í júlílok námu þær eignir 493
milljörðum, en ekki er fullljóst
hver sú upphæð er í dag. Ein-
stakir lífeyrissjóðir hafa undan-
farnar vikur selt eignir erlendis
fyrir umtalsverðar fjárhæðir
vegna veikingar krónunnar. Ljóst
er þó að upphæðin er á bilinu 200
til 250 milljarðar.
Framkvæmdastjórar og stjórn-
arformenn lífeyrissjóðanna sam-
þykktu aðgerðaáætlunina og
síðan hefur hún verið kynnt
stjórnum einstakra lífeyris-
sjóða.
Hrafn Magnússon, fram-
kvæmdastjóri Landssamtaka líf-
eyrissjóða, segir að gert sé ráð
fyrir að keypt verði ríkistryggð
skuldabréf fyrir upphæðina. Eitt
af því sem þurfi að semja um séu
á hvaða vöxtum þau bréf verði.
Ekki hafi komið til umræðu að
hluti fjárins fari í fjárfestingar í
bönkunum.
„Við þurfum að tryggja hags-
muni okkar sjóðsfélaga. Lífeyr-
issjóðirnir standa vel og verða að
gera það áfram,“ segir Hrafn. Á
hverju vori er gerð trygginga-
fræðilega úttekt á sjóðunum og
ef skuldbindingar eru 10 prósent
umfram eignir verður að grípa
til sérstakra ráðstafana. „Enginn
sjóður hefur nálgast það mark og
við verðum að tryggja að það
gerist ekki.“
Ögmundur Jónasson, varafor-
maður Lífeyrissjóðs starfsmanna
ríkisins, segir að engar trygging-
ar hafi fengist fyrir því að bank-
arnir muni flytja eignir til lands-
ins. „Það liggja engin svör fyrir
frá fjármálageiranum um til
hvaða ráðs hann ætlar að grípa.
Þar á bæ verða menn að selja
eignir og flytja til landsins og
það er kýrskýrt af okkar hálfu
með hvaða hætti þessum fjár-
munum verður ráðstafað. Féð
verður að fara í gegnum Seðla-
bankann í ríkistryggð skuldabréf
og Íbúðalánasjóð.“
Ekki er ljóst hvort þarf laga-
breytingu þarf vegna aðgerðaá-
ætlunarinnar, en hún hefur verið
til skoðunar um helgina. Fulltrú-
ar lífeyrissjóðanna voru tilbúnir
til funda í allan gærdag en ekkert
varð úr fundahöldum. Gert er ráð
fyrir að þeir mæti á fund klukkan
11 í dag. kolbeinn@frettabladid.is
Kröfum lífeyrissjóð-
anna ekki mætt enn
Aðgerðaáætlun lífeyrissjóðanna gerir ráð fyrir að helmingur eigna erlendis
verði seldur. Keypt verða ríkistryggð skuldabréf og fé sett í Íbúðalánasjóð. Skil-
yrðin höfðu ekki verið uppfyllt í gærkvöld. Funda á fyrir hádegi í dag.
ÞÓRÐUR
FRIÐJÓNSSON
GENGIÐ AF FUNDI Fulltrúar lífeyrissjóðanna lögðu fram aðgerðaáætlun á laugardag.
Þeir voru reiðubúnir til fundarhalda í allan gærdag en voru ekki kallaðir í Ráðherra-
bústaðinn. Reiknað er með fundi í dag klukkan 11. FRÉTTABLAÐIÐ/STEFÁN
Við þurfum að tryggja
hagsmuni okkar sjóðsfé-
laga. Lífeyrissjóðirnir standa vel
og verða að gera það áfram.
HRAFN MAGNÚSSON
FRAMKVÆMDASTJÓRI LANDSSAMTAKA
LÍFEYRISSJÓÐA
BANDARÍKIN Barack Obama,
forsetaframbjóðandi demókrata í
Bandaríkjunum, nýtur stuðnings
um tveggja af hverjum þremur
ungum kjósendum í landinu. Þetta
er niðurstaða nýrrar könnunar
Gallup og blaðsins USA Today.
Keppinautur Obama, John
McCain, nýtur einungis stuðnings
þriðjungs kjósenda undir þrítugu.
Obama mælist nú með um átta
prósentustiga forskot á McCain í
baráttunni. - sh
Ný skoðanakönnun vestra:
Ungt fólk vill
Barack Obama
SPURNING DAGSINS