Fréttablaðið - 06.10.2008, Blaðsíða 40

24 6. október 2008 MÁNUDAGUR
sport@frettabladid.is
Nánar á expressferdir.is
eða í síma 5 900 100
F
í
t
o
n
/
S
Í
A
Mótorsport
The Race
Car Show
9.–11. janúar 2009
Innifalið: Flug með sköttum og
öðrum greiðslum, gisting í 2
nætur með morgunverði, rúta,
miði á bílasýninguna og íslensk
fararstjórn.
Verð á mann í tvíbýli:
69.900 kr.
Stærsta sportbílasýning í heimi
Fararstjóri er Kristján Einar, Formúlu 3 ökumaður.
Race of the
Champions
13.–15. desember
Verð á mann í tvíbýli:
69.900 kr.
Innifalið: Flug með sköttum og
öðrum greiðslum, gisting í 2
nætur með morgunverði og
aðgangsmiði á Race of the
Champions.
Meistaradeildin í handbolta
Haukar-Zaporozhye 26-25 (13-17)
Mörk Hauka (skot): Freyr Brynjarsson 4 (7),
Sigurbergur Sveinsson 4/2 (11/2), Elías Már
Halldórsson 3 (3), Gísli Jón Þórisson 3 (6), Kári
Kristján Kristjánsson 3 (6), Pétur Pálsson 2 (3),
Gunnar Berg Viktorsson 2 (5), Andri Stefan 2 (7),
Arnar Pétursson 1 (1), Einar Örn Jónsson 1 (3),
Arnar Jón Agnarsson 1 (4), Hafsteinn Ingason (1)
Varin skot: Birkir Ívar Guðmundsson 9 (31/1
29%), Gísli Guðmundsson (3)
Hraðaupphlaup: 9 (Freyr 3, Elías 2, Arnar, Sigur-
bergur, Gísli, Kári)
Fiskuð víti: 2 (Kári 2)
Utan vallar: 10 mínútur
Mörk Zaporozhye: Sergiy Onufriyenko 10/1
(15/1), Sergiy Burka 7 (14), Yevgen Gurkovsky
3 (3), Oleksandr Pedan 3 (5), Olexiy Ganchev 1
(2), Ievgen Konstantinov 1 (3),
Varin skot: Soltan Majeri 14 (33/1 42,4%),
Gennadiy Komok 2 (9/1 22,2%)
Hraðaupphlaup: 3 (Onufriyenko 3)
Fiskuð víti: 1 (Ganchev)
Utan vallar: 10 mínútur
ÚRSLIT
HANDBOLTI Haukar unnu ótrúlegan
sigur á úkraínska liðinu Zaporoz-
hye í fyrsta leik sínum í Meistara-
deildinni í ár, 26-25. Gestirnir
voru fjórum mörkum yfir í hálf-
leik og náðu mest sjö marka for-
ystu en frábær endasprettur
Hauka tryggði liðinu góðan sigur
á brothættu liði.
Haukar byrjuðu leikinn ágæt-
lega. Framliggjandi vörn þeirra í
upphafi gekk vel sem og sóknar-
leikurinn þar sem Haukar áttu
greiða leið inn á línu gegn slakri
5-1 vörn Úkraínumannanna.
Haukar voru marki yfir, 9-8,
þegar rúmt korter var liðið af
leiknum en þá breyttu gestirnir í
6-0 vörn sem Haukar áttu fá svör
við. Zaporozhye skoraði fimm
mörk í röð og munaði enn fjórum
mörkum á liðunum þegar flautað
var til leikhlés, 13-17.
Markverðir Hauka vörðu aðeins
tvö skot í fyrri hálfleik og voru
lengi í gang í þeim síðari en það
kom ekki að sök því varnarleikur
Hauka í síðari hálfleik var stór-
brotinn.
„Við spiluðum varnarleik sem
íslensk lið eru ekki vön að leika í
alþjóðlegum handbolta. Það er
meiri hefð fyrir 6-0 og 5-1 vörn en
við ákváðum að reyna að sprengja
þetta upp. Markvarslan var lítil
og þá verður maður að gera eitt-
hvað annað en að bíða og leyfa
þeim að skjóta,“ sagði Aron
Kristjánsson, þjálfari Hauka, um
varnarleik sinna manna í seinni
hálfleik.
Gestirnir skoruðu þrjú fyrstu
mörk síðari hálfleiksins og kom-
ust sjö mörkum yfir en þá hrökk
varnarleikur Hauka í gang. Zapor-
ozhye kom aðeins 15 skotum á
mark Hauka í síðari hálfleik og
skoraði fimm mörk á 27 síðustu
mínútum leiksins.
„Ég trúði því ekki hvernig við
byrjuðum seinni hálfleikinn.
Menn virtust missa trúna þegar
við klikkuðum úr fyrsta færinu
og því er ég mjög ánægður að ná
að mynda þennan kraft. Við eigum
eftir að mæta verulega sterkum
liðum í þessari keppni og það
þýðir ekkert að slaka á þó hin
liðin skori úr hraðaupphlaupum.
Maður verður að berjast allan
tímann.“
Haukar jöfnuðu metin þegar 10
mínútur voru til leiksloka, 22-22.
Gestirnir skoruðu tvö næstu mörk
en Haukar sýndu mikinn styrk í
því að brotna ekki niður og tryggðu
sér góðan sigur í fyrsta leik sínum
í Meistaradeildinni í ár.
Frábær endasprettur
„Spennustigið var ívið of hátt og
þess vegna vorum við á eftir bæði í
vörninni og markvörslu. Það lýsir
sér líka í sóknarleiknum þar sem
sækjum ekki í breiddina eins og við
ætluðum okkur heldur sækjum við
inn á miðjuna á turnana þeirra. Það
er ekki vænlegt til árangurs því
þar eru þeir sterkir,“ sagði Aron.
„Við gerðum okkur þetta sjálfir
erfitt fyrir framan af leik en ég er
mjög ánægður með kraftinn síð-
ustu 20 mínúturnar þegar við spil-
um mjög sterka 3-2-1 eða 3-3 vörn
og eins keyrðum við þau hraðaupp-
hlaup sem við ætluðum að gera
allan leikinn. Menn slepptu af sér
beislinu og gerðu hlutina betur og
réttar,“ sagði glaðbeittur Aron í
leikslok.
Úkraínumenn ósáttir
Vyacheslav Didushenko, þjálfari
Zaporozhye, var vægast sagt
svekktur yfir að hafa kastað því
sem virtist ætla að vera auðveldur
sigur frá sér með afleitum síðari
hálfleik og þá sér í lagi á síðustu
mínútunum.
„Við stjórnuðum leiknum en
erum með marga unga leikmenn
sem hafa ekki leikið áður í Meist-
aradeildinni. Okkur skorti reynslu
í lokin. Haukar gerðu alla hluti rétt
í lokin og því fór sem fór.
Við gáfum þeim tækifæri að
koma inn í leikinn með slökum
sóknarleik okkar. Við áttum að
klára leikinn en Haukar gerðu vel.“
- gmi
Ótrúlegur varnarleikur hjá Haukum
Íslandsmeistarar Hauka léku frábæran varnarleik og sýndu mikinn baráttuanda þegar þeir unnu frækinn
sigur, 26-25, gegn úkraínska liðinu Zaporozhye í fyrsta leik sínum í Meistaradeild Evrópu í gær.
KRAFTUR Aron Kristjánsson, þjálfari Hauka, hrósaði strákunum sínum sérstaklega
fyrir að hafa spýtt í lófana og sett meiri kraft í leik sinn á lokakaflanum og náð þar
með að innbyrða frábæran sigur í sínum fyrsta leik í Meistaradeildinni í vetur.
FRÉTTABLAÐIÐ/ARNÞÓR
Gunnar Már Guðmundsson, miðjumaðurinn stóri og
stæðilegi hjá Fjölni, heldur utan til Noregs í dag þar
sem hann mun verða á reynslu hjá norska Íslend-
ingafélaginu Lyn. Fyrir hjá Lyn eru þeir Theodór
Elmar Bjarnason, Indriði Sigurðsson og Arnar Darri
Pétursson.
„Þetta er spennandi dæmi og ég er búinn að vita
af þessu í nokkrar vikur. Ég veit í sannleika sagt
ekki hvernig þetta kom til en ég frétti af þessu í
gegnum umboðsmann og er að fara út til æfinga
hjá Lyn á morgun [í dag] og verð þar í tæpar tvær
vikur,“ segir Gunnar Már.
Gunnar Már viðurkennir að hann hafi lengi
stefnt að því að komast út og hann ætlar að sjá til
hvað kemur út úr þessu.
„Þetta skýrist allt á næstu vikum en maður verð-
ur náttúrlega að standa sig vel á þessum æfingum
til þess að eitthvað gerist. Annars hef ég alltaf
stefnt að því að komast eitthvað út og spila
og þetta er því vonandi skref í rétta átt,“ segir Gunnar Már sem
staðfesti að fleiri erlend félög hefðu spurst fyrir um sig en vildi ekki
fara nánar út í það að svo stöddu.
Gunnar Már vakti gríðarlega athygli fyrir spilamennsku sína með
spútnikliði Fjölnis í sumar og fékk til að mynda sérstakt hrós frá
Ólafi Jóhannessyni, þegar landsliðsþjálfarinn var spurður út í þá
leikmenn sem hefðu heillað sig í Landsbankadeildinni í sumar.
Gunnar Már eða „Herra Fjölnir“ eins og hann er stundum
kallaður hefur fylgt Grafarvogsfélaginu úr neðstu deild og
upp í þá efstu á skömmum tíma og var í fyrrakvöld valinn
besti leikmaður sumarsins á lokahófi Grafarvogsfélagsins.
Nýliðar Fjölnis enduðu í sjötta sæti í Landsbankadeild-
inni ásamt því að komast í úrslit VISA-bikarsins, þar
sem félagið tapaði annað árið í röð.
„Eftir uppganginn hjá Fjölni síðustu ár hefði vissu-
lega verið gaman að enda tímabilið á bikarmeistara-
titli, það hefði toppað gott sumar. En svona er þetta
víst stundum, að tapa, maður verður bara að taka því,“
segir Gunnar Már.
FJÖLNISMAÐURINN GUNNAR MÁR GUÐMUNDSSON: FER TIL REYNSLU TIL NORSKA FÉLAGSINS LYN
Hef alltaf stefnt að því að spila erlendis
FÓTBOLTI Gunnar Heiðar Þorvalds-
son skoraði mark Esbjerg í 1-0
sigri félagsins gegn AGF í dönsku
úrvalsdeildinni í gær.
Þetta var fyrsta mark Gunnars
Heiðars fyrir Esbjerg í dönsku
úrvalsdeildinni en Eyjapeyinn
gekk í raðir danska félagsins á
rúmar 25 milljónir króna frá
Hannover í Þýskalandi.
Annar Íslendingur var á
skotskónum í Danaveldi í gær en
Rúrik Gíslason skoraði í 1-1
jafntefli Viborgar gegn Hvidovre
í dönsku 1. deildinni. - óþ
Gunnar Heiðar Þorvaldsson:
Á skotskónum
fyrir Esbjerg
FYRSTA MARKIÐ Gunnar Heiðar opnaði
markareikning sinn í dönsku úrvals-
deildinni í gær. FRÉTTABLAÐIÐ/VALLI
FÓTBOLTI Fylkismenn gengu
nýverið frá ráðningu Ólafs Þórð-
arsonar sem þjálfara meistara-
flokks félagsins og næsta mál á
dagskrá hjá Árbæjarfélaginu er
að huga að leikmannamálum,
enda margir lykilmenn félagsins
með lausa samninga á næstunni.
Markvörðurinn Fjalar Þor-
geirsson er einn þeirra lykil-
manna en hann hefur sterklega
verið orðaður við nýkrýnda
Íslandsmeistara FH undanfarið.
„Ég hef ekki heyrt frá neinum
félögum enda væri það ólög-
legt,“ segir Fjalar en samningur
hans við Fylki rennur út í lok
október og félög hafa ekki heim-
ild til þess að ræða hann fyrr en
eftir 15. október næstkomandi.
Fjalar kvaðst vera tiltölulega
óviss um framhaldið hjá sér
þegar Fréttablaðið tók stöðuna á
honum í gær en hann ætlar all-
tént fyrst að ræða við Fylkis-
menn.
„Það var leikmannafundur
með nýja þjálfaranum [Ólafi
Þórðarsyni] í gærkvöld þar sem
hann fór yfir málin og útskýrði
hvernig hann vildi hafa hlutina
og ég tel bara að það hafi verið
farsæl lausn hjá Fylki að fá hann
aftur til félagsins. Næsta skref
er svo væntanlega að stjórnar-
menn Fylkis ræði við þá leik-
menn sem eru samningslausir á
næstunni og ég á von á því að fá
samningstilboð frá þeim fljót-
lega. Ég mun svo bara skoða
málin út frá því og sé þá til hvort
að eitthvað annað sé í boði,“
segir Fjalar að lokum.
- óþ
Fjalar Þorgeirsson, markvörður Fylkis, er með lausan samning í lok október:
Enn óviss með framhaldið
ÖFLUGUR Fjalar hefur verið lykilmaður
hjá Fylki undanfarin þrjú sumur en
samningur hans við Árbæjarfélagið
rennur fljótlega út. FRÉTTABLAÐIÐ/STEFÁN
> Sænskt félag á eftir Þórði
Samkvæmt heimildum Fréttablaðsins mun sænskt
úrvalsdeildarfélag hafa fylgst náið með Þórði Ingasyni,
markverði Fjölnis, seinni part sumars og mun hann að
öllum líkindum fara utan til reynslu á næstu
vikum. Hinn tvítugi Þórður hefur átt frábært
sumar með Grafarvogsfélaginu og hefur
reyndar áður vakið athygli erlendra félaga,
þrátt fyrir ungan aldur. En hann fór til að
mynda á lánssamningi til enska úrvals-
deildarfélagsins Everton þegar hann var
aðeins sautján ára gamall. Þórður hefur
leikið með öllum yngri landsliðum Íslands
og á þar alls fimmtán landsleiki að baki.