Fréttablaðið - 06.10.2008, Blaðsíða 10
10 6. október 2008 MÁNUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...
Það vill oft gleymast að
lífið sjálft er ekki skráð í
Kauphöllinni. Skeggið á
hökunni á þér vex til
dæmis óháð gengi
krónunnar. Það er ekki
gefins að raka sig.
Rakvélarblöð eru orðin
svo dýr að eftir þeim þarf
að spyrja sérstaklega á
kössunum í Bónus. Nú
þarf auðvitað að nota
hvert blað til hins ýtrasta.
Styrmir Sævarsson
leggur til eitt sparnaðar-
ráð sem hann segist hafa
lært í Þýskalandi: „Notið
gamlan tannbursta til þess
að hreinsa drulluna af
gömlum rakvélarblöðum
til að lengja líf þeirra!“
Annað raksturstengt
sem tekur í budduna er
rakakrem til að bera á sig
eftir rakstur. Sjálfur
notaði ég lengi Hugo Boss
aftershave, en nú er túpan
komin í 5.000 krónur og
því sjálfhætt með það. Í
Body Shop fann ég ágætis
krem sem gerir sama
gagn á rúmlega þúsund
kall.
Svo er auðvitað inni í
myndinni að hætta að
raka sig og í kreppunni
(má kalla þetta kreppu
núna?) fjölgar væntanlega
skeggjuðum mönnum.
Líttu á björtu hliðarnar.
Ef þú hættir að raka þig
núna þá þarftu ekki að
kaupa þér gerfiskegg
þegar þú ferð í jólasveina-
búninginn á aðfangadags-
kvöld!
Neytendur: Skeggtískan í kreppunni:
Síð skegg það sem koma skal?
RASPUTIN VAR ÞEKKTUR FYRIR
MIKINN SKEGGVÖXT Og sitthvað
fleira eins og Boney M sungu
um.
ALDRAÐIR Rýmum fyrir aldraða á
dvalar- og hjúkrunarheimilum
fækkaði um fimmtíu milli áranna
2006 og 2007. Dvalarrýmum
fækkaði um 75 en hjúkrunarrým-
um fjölgaði um 25. Þetta kom
fram hjá Hagstofunni.
Jóhanna Sigurðardóttir
félagsmálaráðherra segir að þetta
eigi sér eðlilegar skýringar.
Unnið hafi verið að því að fækka
fjölbýlum og einnig dvalarrým-
um. Rekstraraðilar hafi í auknum
mæli gert tvíbýli að einbýli og
slegið saman herbergjum. - ghs
Dvalar- og hjúkrunarheimili:
Fjölbýlum aldr-
aðra fækkað
SKIPULAGSMÁL Bæjarfulltrúar
minnihlutans í Ölfusi gagnrýna að
ekki er leyft að reisa alifuglabú á
Hafnarsandi eins og áður var
samþykkt. „Það er mjög óheppi-
legt að framkvæmdaðilar séu
dregnir á asnaeyrum svo mánuð-
um skiptir um staðarval,“ bókaði
minnihlutinn. Að sögn meirihlut-
ans er stefnan sú að grófari
iðnaður sé vestan við byggðina í
Þorlákshöfn en fínni iðnaður upp
með Hafnarsandi að vatnsverk-
smiðjunni að Hlíðarenda. „Rekstur
alifuglabús getur haft í för með
sér lyktarmengun bæði frá fugli
og úrgangi. Svæðið sem um ræðir
er vatnsverndarsvæði Þorláks-
hafnarbúa auk þess sem risin er
vatnsverksmiðja á svæðinu.“ - gar
Bæjarstjórn Ölfuss:
Hættir við leyfi
fyrir alifuglabú
ALIFUGLAR Bæjarstjórn Ölfuss vill ekki
alifugla á vatnsverndarsvæði.
UMHVERFISMÁL „Ég vissi ekki af
þessu en þetta hefur komið fyrir
áður og þá var brugðist hratt við
og hreinsað upp,“ segir Hermann
Guðmundsson, framkvæmdastjóri
steypustöðvarinnar Borgar. Svo
verði einnig nú.
Íbúar við Hábraut í Kópavogi
hafa kvartað undan því við Frétta-
blaðið að steypubílar frá stöðinni
keyri götuna, sem er brött, með
þeim afleiðingum að steypan lekur
út og á götuna.
„Bílstjórum okkar hefur verið
sagt að keyra ekki Hábrautina en
það hafa orðið mannabreytingar
hjá okkur svo ég get ekki útilokað
að þetta sé eftir okkar bíla,“ segir
Hermann.
„Við erum allir af vilja gerðir til
að bregðast við því ef eitthvað er
ekki nógu gott í umgengni okkar
utan athafnasvæðisins,“ segir
hann. Í byrjun júlí hafi Borg einn-
ig kynnt Kópavogi hugmyndir að
úrbótum innan athafnasvæðisins,
til að mynda um að keyra þaðan
efni í landfyllinguna á Kársnesi,
en því hafi enn ekki verið svarað
nema með því að tillögurnar séu
til skoðunar.
„Það er unnið að því að koma
þessu burt en bærinn hefur ekki
sýnt því neinn áhuga. Við getum
auðvitað ekki verið þeir einu sem
eru samstarfsfúsir. Það þarf tvo
til,“ segir Hermann. - kóþ
Íbúar við Hábraut kvarta undan leka úr steypubílum Borgar:
Borg mun bregðast hratt við
HÁBRAUT Í KÓPAVOGI Íbúar við Hábraut
segja þessa steypu eftir steypubíla Borg-
ar, sem fari sífellt bratta brekkuna, þrátt
fyrir að það leki úr bílunum.
AFGANI Í KABÚL Situr á bedda og
spjallar í farsímann í húsarústum í
Kabúl í gær. MYND NORDICPHOTOS/AFP
ORKUMÁL Orkufyrirtækið Enex,
sem er hlutafélag í eigu Geysis
Green Energy og Reykjavík
Energy Invest, á þriðjungshlut í
nýju fyrirtæki í Ungverjalandi
sem hefur það að markmiði að
reisa fyrstu
jarðvarma-
virkjun lands-
ins. Ætlunin er
að nýta upplýs-
ingar fengnar
úr gas- og olíu-
borholum til að
finna nægileg-
an jarðvarma
fyrir orkuver.
Stofnkostnaður
fyrirtækisins er óverulegur en
fjárfestingar næstu ára munu
hlaupa á milljörðum króna.
Stofnun fyrirtækisins er sam-
starfsverkefni Enex, ungverska
gas- og olíufélagsins MOL og ástr-
alska fjárfestingarsjóðsins Green
Rock Energy International. Hvert
um sig á þriðjungshlut og nefnist
fyrirtækið Central European
Geothermal Energy Ltd. (CEGE).
CEGE er ætlað að verða leið-
andi í nýtingu á jarðvarma í Ung-
verjalandi með samvinnu eigenda
þess á breiðum grundvelli. Orku-
rannsóknir, þróun og rekstur jarð-
varmavirkjana verða megin-
hlutverk fyrirtækisins með
rafmagnsframleiðslu jarðvarma-
virkjana að takmarki.
Christian Rigollet, forstöðu-
maður verkefna í Mið- og Austur-
Evrópu hjá Enex, segir að sam-
starf MOL og Enex hafi hafist árið
2003 með forrannsóknum og bor-
unum. Þær kostuðu um 1.600
milljónir króna og bar Enex um
þriðjunginn. Stofnkostnaður nýs
fyrirtækis er um tíu milljónir
króna en fjárfestingar í nýjum
verkefnum munu hlaupa á millj-
örðum. „Það hefur tekið nokkurn
tíma að fullvissa forsvarsmenn
MOL um stofnun fyrirtækis með
jafna eignarhlutdeild. Enex er
lítið fyrirtæki en MOL gífurlega
stórt og fjársterkt.“ Christian
segir að þrjú til fjögur svæði í
Ungverjalandi lofi mjög góðu.
„Við erum að bera þessi svæði
saman til að meta hvert þeirra er
hentugast og líklegt til arðbærrar
virkjunar.“
MOL hefur í gegnum árin safn-
að upplýsingum um jarðvarma úr
holum sem fyrirtækið hefur borað
víðs vegar um Ungverjaland.
Þessar borholur hafa verið nýttar
til að eyrnamerkja líklega virkj-
unarkosti. Fyrirtækin hafa öll lagt
til sérfróða starfsmenn í rann-
sóknum á jarðvarma og stefnt er
að því að reisa fyrstu jarðvarma-
virkjun Ungverjalands. Vonir
standa til að bygging hennar geti
hafist árið 2010 og fullbyggð
virkjun verði gangsett innan
þriggja ára. Fyrstu áætlanir gera
ráð fyrir að hún muni framleiða
allt að tíu megavött af rafmagni.
CEGE einangrar starfsemi sína
ekki við Ungverjaland heldur er
áætlað að þróa áþekk verkefni í
nágrannalöndum.
svavar@frettabladid.is
Nýta olíuborholur til leitar
að jarðvarma fyrir orkuver
Enex hefur stofnað orkufyrirtæki í Ungverjalandi í samstarfi við þarlent gas- og olíufyrirtæki og ástralskan
fjárfestingarsjóð. Markmiðið er að reisa jarðvarmavirkjun innan fárra ára.
CHRISTIAN
RIGOLLET
STJÓRNMÁL Stjórn Sambands
ungra framsóknarmanna átelur
ríkisstjórnina fyrir að hafa ekki
tekið á þrengingum í efnahagslífi
fyrir rúmu ári.
Síðan hafi talsmenn stjórnar-
flokka skellt skollaeyrum við
varnaðarorðum framsóknar-
manna og annarra.
Ungir framsóknarmenn vilja
greiða fyrir erlendri fjárfestingu,
meðal annars með uppbyggingu
stóriðju. Auka þurfi gjaldeyris-
varasjóð þjóðarinnar verulega og
hefja vaxtalækkunarferli.
Heimili og fyrirtæki geti ekki
staðið undir vaxtabyrðinni.
- kóþ
Ungir framsóknarmenn:
Krefjast aðgerða
og átelja stjórn
Enex sérhæfir sig í þróun verkefna
á sviði endurnýjanlegrar orku, sölu
lausna, ráðgjöf, hönnun, byggingu,
og rekstri jarðvarmavirkjana ásamt
orkusölu til endursöluaðila.
Félagið nýtir tækniþekkingu og
reynslu íslenskra fyrirtækja á sviði
jarðvarma og vatnsafls og leitar að
samstarfsaðila á hverjum markaði
á sviði tækni, eignarhalds og fjár-
mögnunar.
Starfsstöðvar félagsins eru í
Reykjavík, Berlín í El Salvador,
Peking í Kína, Wolfratshausen í
Þýskalandi og Los Angeles í Banda-
ríkjunum.
Enex er í eigu Geysir Green Energy
(73%) og Reykjavík Energy Invest
(26%) ásamt ráðgjafarstofum í
íslenska orkugeiranum. Hlutdeild-
ar- og dótturfélög Enex eru IAE Inc.,
Enex Kína, Enex Power Germany
GmbH, Enex Deutschland GmbH &
Co. KG og Slovgeoterm a.s.
ORKUFYRIRTÆKIÐ ENEX
FORKÖNNUN Hið nýja orkufyrirtæki sem Enex á aðild að í Ungverjalandi heitir
Central European Geothermal Energy Ltd. Stofnkostnaður þess er um tíu milljónir
króna. Fjárfestingar í nýjum verkefnum munu hlaupa á milljörðum. FRÉTTABLAÐIÐ/AFP
Enex er lítið fyrirtæki en
MOL gífurlega stórt og
fjársterkt.
CHRISTIAN RIGOLLET
FORSTÖÐUMAÐUR HJÁ ENEX