Fréttablaðið - 06.10.2008, Blaðsíða 17

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Ég gerði dauðaleit að ódýrum
antíksófa og fann loks í Antíkbúð-
inni í Hafnarfirði á átján þúsund
krónur,“ segir Eyjólfur sem und-
anfarið hefur komið sér fyrir í
hafnfirsku stúdíói. „Ég ætlaði
fyrst að kaupa, en tók svo blessun-
arlega íbúð á leigu; nú feginn og
kátur í kreppunni,“ segir Eyjólfur
og skellir upp úr.
Í stofunni stendur virðulegt
antíkborð frá afa Eyjólfs og á
veggjum hanga málverk sem hann
hefur fengið í arf. „Aðalatriðið er
að hafa fallega hluti í kringum sig,
sem helst hafa persónulegt gildi
og sögu. Ég heillast af heimilisleg-
um hobbitastíl þar sem öllu ægir
saman á smekklegan hátt og margt
er að skoða,“ segir Eyjólfur og
lætur fara vel um sig í sófanum
þar sem Ikea-kollur þjónar sem
stofuborð.
„Ég er hrifinn af íslenskri nytja-
list og hef á kollinum íslenska olíu-
lukt og leirskál, en í karöflunni
eru nýútsprungnar pelargóníur
frá ömmu,“ segir Eyjólfur sem
fékk útsaumspakka úr Þjóðminja-
safninu frá ömmu sinni um síð-
ustu jól. „Mynstrið er Skaftafells-
rósin, unnin upp úr Sjónabók
Einars Jónssonar í Skaftafelli. Ég
saumaði hana út á vordögum og
fannst blátt áfram æðislegt, ekki
síst að sitja að saumum og hlusta á
útvarpið,“ segir Eyjólfur sem
hyggst fylla nýja sófann með
púðum úr íslenskum krosssaumi.
„Það færir manni svo mikla gleði
að dunda við eitthvað sem tengir
mann við land sitt og sögu, svo ég
tali ekki um eigið handverk þegar
upp er staðið,“ segir Eyjólfur og
hagræðir bústinni kú á sófanum.
„Kýrin er mitt uppáhaldsdýr
því hún er svo góð og merkileg
skepna. Ég var fjögur sumur í
sveit í Hraungerði í Flóa, þar sem
ég fór í fjósið kvölds og morgna,
en gæfasta kýrin hét Tá, af því
hún var með litla tá fyrir ofan eina
klaufina. Þetta er því Táin mín.“
thordis@frettabladid.is
Heimilislegur hobbitastíll
Það er sjálfstæði og karakter í heimilisbrag hafnfirska óperusöngvarans Eyjólfs Eyjólfssonar. Hver hlutur
er valinn af kostgæfni og smekkvísi, en listamaðurinn dregst að heimilum þar sem öllu ægir saman.
Lífið er ljúft í danska antíksófa Eyjólfs Eyjólfssonar
óperusöngvara sem hér drekkur úr merkilegum
antíkbolla frá Snape á Englandi.
BLÓMAVASAR verða að vera hreinir þegar blóm eru
sett í þá því lítils háttar óhreinindi geta stíflað rásirnar í
blómaleggjunum svo blómin deyja strax. Blómin eru auk
þess til mun meiri prýði í hreinum vösum en óhreinum.
VERÐHRUN
4 m
ismunan
di áklæð
iBjóðum
1 0 horns
ófa
landsins mesta úrval af sófasettum - yfir 200 tegundir
Dugguvogi 2 / s: 557 9510 / www.patti.is
Opnunartími : Mánudaga - Föstudaga frá 9 til 18 og Laugardaga frá 11 til 16
Patti lagersala
verð áður 186.900
kr.99.900,-
aðeins
A
T
A
R
N
A
Nóatúni 4 · Sími 520 3000
www.sminor.is
Alla þriðjudaga
Alla miðvikudaga og laugardaga

FR
ÉT
TA
B
LA
Ð
IÐ
/G
VA