Fréttablaðið - 06.10.2008, Blaðsíða 34

18 6. október 2008 MÁNUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is
eða hringja í síma 512 5000.
MERKISATBURÐIR
1659 Hollenskt kaupskip sekk-
ur í höfninni í Flatey á
Breiðafirði.
1863 Stofnað er félag til að
byggja sjúkrahús í Reykja-
vík.
1895 Samkomuhús Hjálpræðis-
hersins í Reykjavík er vígt
þar sem áður var gamli
spítalinn við Aðalstræti.
1919 Lög um stofnun hæsta-
réttar á Íslandi sett.
1942 Húsmæðrakennaraskóli
Íslands tekur til starfa
undir stjórn Helgu Sigurð-
ardóttur.
1961 Minnst er hálfrar aldar af-
mælis Háskóla Íslands
og Háskólabíó vígt með
stærsta bíótjald í Evrópu.
1980 Jarðstöðin Skyggnir er
tekin í notkun og þar með
kemst á gervihnattasam-
band við útlönd.
Á þessum degi árið 1979 varð Jóhannes Páll páfi
II. fyrstur páfa til að stíga fæti inn í Hvíta húsið
í Washington. Fundur hins 39. forseta og 264.
rómverska páfa vakti nokkra athygli en í 200 ára
sögu Bandaríkjanna höfðu fáir stjórnmálamenn
viljað láta bendla sig við kaþólsku kirkjuna opin-
berlega.
Um 40 þúsund manns komu saman til að
berja páfann augum þegar hann hélt messu fyrir
um þúsund presta við dómkirkju heilags Matt-
heusar áður en hann hélt til Hvíta hússins þar
sem hann dvaldi síðasta daginn af ferðalagi sínu
um sex bandarískar borgir.
Carter forseti ávarpaði páfann á móðurmáli
hans, pólsku. Þá biðluðu þeir til heimsins um
kjarnorkuafvopnun og aukna hjálp til þróunar-
landa. Athöfnin fór friðsamlega fram en hálfum
tíma fyrir heimsókn páfa var maður handtekinn
sem hafði í fórum sínum þrjár byssur og hníf.
Páfinn hitti Carter forseta á ný ári síðar og það
ár bauð hann Elísabetu Englandsdrottningu vel-
komna í Vatíkanið. Árið 1998 hafði Jóhannes Páll
páfi II. heimsótt yfir hundrað lönd og farið hring-
inn í kringum hnöttinn 27 sinnum. Hann lést 2.
apríl árið 2005.
ÞETTA GERÐIST: 6. OKTÓBER 1979
Páfi heimsækir Hvíta húsið
IOAN GRUFFUDD KVIK-
MYNDALEIKARI FÆDDIST
ÞENNAN DAG ÁRIÐ 1973.
„Svo lengi sem menn átta
sig á því að hamingjan
fæst í gegnum fjölskyldu,
vini og ást þá er peningur
bara bónus þar ofan á.“
Ioan Gruffudd er velskur að
uppruna. Hann hefur meðal
annars leikið í King Arthur,
Fantastic Four og Amazing
Grace.
90 ára afmæli
Lovísa Rut
Bjargmundsdóttir
er níræð í dag, 6. október.
Hún tekur á móti gestum
laugardaginn 11. október í safnaðar-
heimilinu í Árbæjarkirkju á milli
kl. 15.00 og 18.00. Blóm og g jafi r eru
vinsamlegast afþakkaðar.
Jóhanna S. Pálsdóttir
Þórufelli 12 ( áður Tjarnargötu 39)
Reykjavík,
lést 22. september sl. Jarðarförin hefur farið fram.
Þökkum auðsýnda samúð og hlýhug.
Bogi Agnarsson Þorgerður Jónsdóttir
Páll Thorberg Agnarsson
Sturla Agnarsson
og aðrir aðstandendur.
Ástkær eiginmaður minn, faðir, tengda-
faðir, stjúpfaðir, afi og langafi,
Ásgeir Sverrisson
hljómlistarmaður, Prestastíg 11,Reykjavík,
andaðist á líknardeild Landakots, laugardaginn
27. september. Útförin fer fram frá Langholtskirkju
þriðjudaginn 7. október kl. 13.00. Blóm og kransar
eru vinsamlega afþakkaðir en þeim sem vildu minnast
hans er vinsamlega bent á líknarstofnanir.
Sigríður Maggý Magnúsdóttir
Margrét Ásgeirsdóttir Marteinn Másson
Ásgeir Ásgeirsson Vilborg Lofts
Guðmundur Baldvinsson Helga Haraldsdóttir
barnabörn og barnabarnabarn.
Elskulegur eiginmaður minn, faðir,
tengdafaðir, sonur, afi og bróðir,
Guðmundur Birgisson
Vesturbergi 30,
sem lést á heimili sínu 30. september sl. verður
jarðsunginn frá Fella- og Hólakirkju miðvikudaginn
8. október kl. 11.00.
Gréta Vigfúsdóttir
Birgir Kristján Guðmundsson Jóna Björg Ólafsdóttir
Inga Vigdís Guðmundsdóttir
Birgir Kristjánsson Elín Ellertsdóttir
barnabörn og systkini hins látna.
Endurmenntun Háskóla Íslands fagn-
ar 25 ára afmæli sínu á þessu hausti og
hélt af því tilefni veislu í hátíðasal HÍ
sl. fimmtudag. Kristín Jónsdóttir end-
urmenntunarstjóri var ánægð með dag-
inn. „Þetta var ánægjuleg samkoma og
skemmtileg dagskrá,“ segir hún glað-
lega. „Eins og vænta má á svona tíma-
mótum var sagan aðeins rifjuð upp.
Árið 1983 þegar Endurmenntun var
stofnuð voru haldin þrjú námskeið sem
öll lutu að tölvutækni og nemendur
voru 65. Á síðasta ári voru hins vegar
haldin 245 námskeið og nemendafjöldi
hátt í sjö þúsund, þannig að starfsemin
hefur hefur vaxið og dafnað.“
Fornsögunámskeiðin eru þau sem
best hafa verið sótt hjá Endurmenntun
gegnum árin að sögn Kristínar. „Jón Bö
sló öll met en nú er hann hættur. Magn-
ús Jónsson er tekinn við og hann hefur
slegið í gegn líka og er alger hástökk-
vari í vinsældum. Hann er nú til dæmis
með 130-140 manns á Eyrbyggjunám-
skeiði,“ segir hún og heldur áfram.
„Áhuginn á fornsögum okkar er alveg
ótrúlegur, einkum meðal eldra fólks.“
Stoltust kveðst Kristín vera af sam-
starfinu við ýmis fagfélög. „Það er
okkar lífæð út í samfélagið,“ segir
hún og nefnir framhaldsskólakenn-
ara, hjúkrunarfræðinga og fleiri stétt-
ir. „Við fundum reglulega með fulltrú-
um fagfélaga og gerum jafnvel kannan-
ir meðal félagsmanna. Þannig fáum við
fram hver þörfin er fyrir námskeið og
það hefur gefist mjög vel. Oft eru svo
einhverjir úr háskólanum eða erlendis
frá sem kenna.“
Kristín segir það einnig hafa aukist á
allra síðustu árum að kúrsar innan há-
skólans séu opnaðir almenningi. Flest-
ir á meistarastigi. „Þetta eru ýmis nám-
skeið sem fólki úti í samfélaginu þykir
eftirsóknarverð. Þau koma sér vel fyrir
þá sem vantar þekkingu á einu ákveðnu
fagsviði og hjá sumum er þetta leið í
frekara nám. Það gefur líka góða raun
að fá fólk með starfsreynslu inn í kúr-
sana með þeim yngri sem eru í fullu
námi en skortir reynsluna. Úr verður
skemmtileg blanda sem nýtist öllum.“
Meðal nýjunga í haust nefnir Krist-
ín námsbrautina Markaðssamskipti −
stefnumörkun og framkvæmd og aðra
sem kallast Leiðsögunám á háskóla-
stigi. „Leiðsögunámið tekur þrjú miss-
eri og fólk getur tekið það sem aukafag
í háskólanum til dæmis inn í hugvís-
indadeild og ferðamálafræði. Það er
engin bein leið í starf fyrir ferðamála-
fræðinga og þá er þetta skemmtileg við-
bót. Enda er mikill skortur á leiðsögu-
mönnum. Það er til dæmis enn verið að
hringja í mömmu mína sem er 78 ára
þó að hún sé löngu hætt þannig að það
vantar greinilega fólk í stéttina.“
Nám í verðbréfaviðskiptum er braut
sem endurvakin var í haust eftir nokk-
urt hlé að sögn Kristínar og aðsókn-
in er góð. Kannski hefur heldur aldrei
verið meiri þörf á vandvirkni í þeirri
grein en nú. „Fjármálastofnanir senda
hingað fólk og þó að fækkað hafi í fjár-
málageiranum þá er ljóst að margir
nota tækifærið og mennta sig í þessum
fræðum.“ gun@frettabladid.is
ENDURMENNTUN HÍ: TUTTUGU OG FIMM ÁRA
Margir nota tækifærið og
mennta sig í ýmsum fræðum
ENDURMENNTUNARSTJÓRINN Kristín Jónsdóttir var hress í tuttugu og fimm ára afmælisteitinu.
FRÉTTABLAÐIÐ/ARNÞÓR
Fræðslufundir eru nýjung í starfsemi
Félagsmiðstöðvarinnar á Aflagranda
40. Þeir eru haldnir á miðvikudögum
klukkan 14 og þar ber margt á góma.
Nú á miðvikudaginn mun til dæmis
Gunnlaugur A. Jónsson prófessor
fjalla um trúarbrögð gyðinga og fram-
undan eru fjölmörg fleiri áhugaverð
erindi.
Sem dæmi má nefna Örnefni á Ís-
landi sem Svavar Sigmundsson flytur,
SPES hjálparstarf í Afríku sem Njörð-
ur P. Njarðvík heldur og Fransmenn
á Íslandi sem Elín Pálmadóttir legg-
ur til. Ættfræðinnar ýmsu hliðar er er-
indi í umsjón Guðfinnu Ragnarsdóttur
og kynningar á bókum um Harald Ní-
elsson og Lárus Pálsson leikara verða
á dagskránni.
Kaffisopinn indæll er! verður síðan
á dagskránni þann 10. desember og sér
þá Kaffitár um fræðslu um kaffi og
kaffiblöndur auk þess sem heitt verð-
ur á könnunni.
„Okkur langar að gæða starfið nýju
lífi með þessum fræðslustundum og
vonumst til að ná til nýs markhóps,“
segir forstöðumaður félagsmiðstöðv-
arinnar, Jón Sævar Baldvinsson. - gun
Fræðslustundir í félagsmiðstöð
PRÓFESSOR GUNNLAUGUR A. JÓNSSON
Mun fjalla um trúarbrögð gyðinga næsta
miðvikudag.