Fréttablaðið - 09.10.2008, Side 32
9. OKTÓBER 2008 FIMMTUDAGUR6 ● fréttablaðið ● veljum íslenskt
Íslensk framleiðsla á skrif-
stofuvörum fer fram á Múla-
lundi sem er elsta og stærsta
öryrkjavinnustofa landsins.
Múlalundur hefur verið starf-
ræktur frá árinu 1959 en þar fær
fólk með skerta starfsorku endur-
hæfingu. Múlalundur framleiðir
og selur bréfabindi og lausblaða-
bækur svo eitthvað sé nefnt. Um
fimmtíu manns starfa nú hjá fyr-
irtækinu.
Meðal þess sem framleitt er á
Múlalundi eru plast- og pappavör-
ur fyrir skrifstofur en vélakostur
verksmiðjunnar er mikið til ætl-
aður til framleiðslu úr plasti. Má
þar nefna glærar kápur og hulstur
en einnig eru framleidd dagatöl,
ráðstefnu- og fundarmöppur auk
þess sem Múlalundur selur aðrar
skrifstofuvörur svo sem heftara,
gatara og ljósritunarpappír.
„Vinnan við að útbúa möppur
fyrir ráðstefnur og fundi hefur
aukist,“ útskýrir Helgi Kristófers-
son, framkvæmdastjóri Múlalund-
ar. „Hér er raðað í möppurnar og
jafnframt útbúin barmmerki. Við
bjóðum einnig upp á margs konar
sérvinnslu og oft koma hugmynd-
ir frá kúnnunum sem við fram-
leiðum og því hvetjum við alla til
að kynna sér þá möguleika sem
við getum boðið upp á.“
Hann segir markmið fram-
leiðslunnar ekki vera peninga-
legan hagnað heldur það að
koma sem flestum til starfa aftur
sem hafa orðið fyrir áföllum, til
dæmis vegna veikinda eða slysa.
„Að vera virkur samfélagsþegn
er snar þáttur í lífi fólks, ekki síst
atvinnuþátttaka og þessi starf-
semi er að skila þjóðfélaginu arði
sem er ómetanlegur,“ segir Helgi
og bætir því við að á þessum síð-
ustu og verstu tímum sé mikil-
vægt að gleyma ekki stöðum eins
og Múlalundi. „Þjóðfélagið þarf á
þessum stöðum að halda og það er
alltaf stöðug aðsókn í vinnu hér.“
- rat
Þjóðfélagið þarf á
Múlalundi að halda
Margar gerðir af möppum og plastvösum eru framleiddar á Múlalundi, en vélakost-
urinn er mikið til ætlaður til plastframleiðslu.
Egla bréfabindin sem eru Íslendingum vel kunn eru framleidd hjá Múlalundi og
draga nafn sitt af Agli Skallagrímssyni. Helgi Kristófersson framkvæmdastjóri segir
mikilvægt að gleyma ekki stöðum eins og Múlalundi á tímum sem þessum.
FRÉTTABLAÐIÐ/STEFÁN
Álafossvegur 23, Mosfellsbær
www.alafoss.is