Fréttablaðið - 09.10.2008, Side 36

9. OKTÓBER 2008 FIMMTUDAGUR10 ● fréttablaðið ● veljum íslenskt
Emmessísinn hefur fylgt
þjóðinni lengi eða allt frá árinu
1954. Fyrst hét hann MS ís í
höfuðið á Mjólkursamsölunni
sem framleiddi hann.
Það er á Bitruhálsi sem Emmess-
ísinn er búinn til. Ilmurinn leynir
sér ekki þegar komið er inn. Nett
sambland af súkkulaði og kara-
mellu. Þær bragðtegundir hafa
haldið velli frá fyrstu tíð, ásamt
jarðarberjabragði og hinni sí-
vinsælu vanillu. „Vanilluísinn
hefur alltaf verið undirstaðan og
er enn,“ segir Leifur Grímsson
markaðsstjóri. „Emmess grunnís-
inn er alltaf eins en bragðtegund-
unum hefur fjölgað hressilega frá
því í öndverðu. Nú erum við með
einhverjar 25 tegundir af kúlu-
ís fyrir ísbúðirnar, sorbet og alls
konar útgáfur svo þetta er orðið
voðalega flókið,“ bætir hann við
glaðlega.
Svo aftur sé horfið til fortíðar
þá var Emmessís til heimilisnota
lengi vel í pappaumbúðum. Engin
sýnishorn eru sjáanleg af þeim
pökkum í höfuðstöðvunum í dag.
Emmessís er einkarekið fyrir-
tæki frá því á síðasta ári, er með
38 manns í vinnu og leigir húsnæði
hjá Mjólkursamsölunni. Þaðan
kemur líka lunginn af hráefninu
í ísinn, mjólkin, undanrennuduft-
ið, rjóminn og smjörið. „Þetta er
mjög íslensk vara,“ segir Leif-
ur. „Það er svo merkilegt að í ná-
grannalöndunum og víða í Evrópu
eru alþjóðleg ísmerki en á Íslandi
eiga þau lítinn séns. Þjóðin vill ís-
lenskan ís og Emmess og Kjörís
eru sterk merki á markaðnum auk
þess sem einstaka kúabú er komið
með ísgerð. Allt sem þú færð úti í
heimi geturðu fengið hér undir ís-
lenskum merkjum. Okkar mjólk-
urfræðingar fylgjast svo vel með.
Þeir eru eins og bruggmeistarar,
beita vissum aðferðum til að laða
fram það besta.“ -gun
Íslendingar velja
helst íslenskan ís
„Nú eru komnar ótal bragðtegundir,“ segir Leifur Grímsson sölu- og markaðsstjóri
Emmessíss. FRÉTTABLAÐIÐ/ARNÞÓR
Vanilluísinn er alltaf
sá vinsælasti.
Toppísinn bráðnar í
munni. Hnetutopp-
urinn er sá elsti og
salan á honum eykst
ár frá ári.
Slikkerí er lítið fjölskyldufyrir-
tæki þar sem brjóstsykursgerð er
höfð í heiðri.
Á vefsíðunni slikkeri.is er að
finna upplýsingar um allt það
helsta er við kemur brjóstsyk-
ursgerð en þar segir meðal ann-
ars: „Slikkerí leiðir þig í allan
sannleikann og upplýsir leyndar-
dóminn um brjóstsykurinn...“ og
að brjóstsykur sé „ætilegur gim-
steinn.“ Ljóst er því að eigendurn-
ir hafa mikla ástríðu til brjóstsyk-
ursgerðar.
„Ég byrjaði á að versla við
danskar heimasíður og flutti þetta
þá inn sjálf til einkanota. Þá tók
bara svo langan tíma að fá efnin
og við Íslendingar erum svo bráð-
látir og viljum fá hlutina strax,
þannig að ég ákvað að flytja þetta
inn í meira magni í samstarfi við
foreldra mína,“ segir Sigurbjörg
Nilsdóttir, einn af eigendum fyr-
irtækisins. „Það sem fyllti mæl-
inn var þegar ég var eitt sinn að
flytja inn lakkrísduft, sem er
dýrasta efnið sem maður notar í
þetta, og ég þurfti að bíða eftir því
í einhverjar vikur, hringja og reka
á eftir og allt það. Loks þegar ég
fékk pakkann þá var hann tómur
en hann ilmaði af lakkrísdufti
þannig að einhver hafði tekið það
á leiðinni,“ útskýrir Sigurbjörg og
hlær. „Þá sá ég það að þessa þjón-
ustu vantaði sárlega á Íslandi og
fórum við að leita að birgjum.
Efnin eru öll dönsk en áhöldin
koma víðs vegar að. Við flytjum
allt hráefni inn frá Danmörku en
það má nota allt sem þú átt í skáp-
unum og þolir hita. Má þar nefna
kókosmjöl og kakó en þannig má
gera ódýran brjóstsykur úr því
sem er til. Þá vantar bara þrúgu-
sykurinn.“
Fyrirtækið hóf starfsemi sína
árið 2003 og hefur vaxið smám
saman síðan. „Þetta er nú aðal-
lega tómstundagaman en þegar
ég fór að lesa mér til um af hverju
Íslendingar hafa ekki vanist á að
búa til brjóstsykur í heimahús-
um þá var það vegna innflutnings-
hafta. Við gátum ekki keypt þrúgu-
sykur og er það eina ástæðan fyrir
að íslensk börn hafa ekki búið til
brjóstsykur heima eins og börn á
Norðurlöndunum,“ segir Sigur-
björg einlæg og bætir við að þess
vegna þyki henni gaman að bæta
þessu við íslenskan heimilisiðnað.
„Við viljum breiða út þessa menn-
ingu og þetta er mikil stemning.
Lyktin er einstök og húsið ilmar
af þessari sætu brjóstsykurslykt í
tvo, þrjá daga á eftir.“ En er ekk-
ert mál að gera brjóstsykur?
„Þetta er hlægilega einfalt
og miklu auðveldara en að búa
til karamellur, en það kunna nú
flestir að gera,“ segir Sigurbjörg
kímin og svo vekur brjóstsykur-
inn ávallt mikla lukku. „Krakk-
ar elska brjóstsykur og maður
verður eins og einhver töfrakona
í þeirra augum. Síðan er kjörið að
setja brjóstsykurinn í fallegar um-
búðir og gefa sem gjafir, sérstak-
lega á jólunum.“ -hs
Gómsætur gimsteinn

Kjörið er að setja brjóstsykurinn í fallegar umbúðir og gefa sem gjafir. FRÉTTABLAÐIÐ/VALLI
Sigurbjörg Nilsdóttir segir einfalt að búa til brjóstsykur.
Súkkulaðiísinn brunar eftir bandinu.