Fréttablaðið - 17.10.2008, Blaðsíða 6
6 17. október 2008 FÖSTUDAGUR
EFNAHAGSMÁL „Ísland horfist í
augu við hugsanlega og líklega
óþarfa fjármála- og efnahags-
kreppu,“ segir í inngangsorðum
skýrslu Willems Buiter, prófess-
ors við London School of Econom-
ics, sem kynnt var í þröngum hópi
manna hér á landi 11. júlí.
Ástæðan, segir Buiter, er sú að
Ísland á sinn eigin gjaldmiðil og
stærð bankanna er meiri en
þjóðarbúið ræður við. Seðlabank-
inn hefði aldrei getað þjónað
íslensku bönkunum sem lánveit-
andi til þrautavara.
Skýrslan kom aldrei fyrir
almenningssjónir, en þar segir í
helstu niðurstöðum að Ísland þurfi
að gerast aðili að evrusvæðinu,
ellegar að bankarnir fari annað.
Enn fremur segir í niðurstöðum
skýrslunnar að til skemmri tíma
þurfi íslensku bankarnir að bregð-
ast við hættulegri stöðu sinni með
því að útvega dótturfélögum
sínum á erlendri grundu lán frá
viðkomandi seðlabönkum. Einnig
þurfi stjórnvöld að nálgast tilfall-
andi aðgang að töluverðu magni af
erlendum gjaldeyri. Það mætti
gera með lánalínum við erlenda
seðlabanka eða semja við Alþjóða-
gjaldeyrissjóðinn um tilfallandi
aðgang að fé. Einnig mætti setja
ýmislegt að veði fyrir markaðs-
fjármögnun. Veð gætu verið eign-
ir Íbúðalánasjóðs, lífeyrissjóð-
anna og kröfur á framtíðartekjur
af jarðhita og vatnsafli.
Skýrslan var unnin að beiðni
Landsbankans. Samkvæmt heim-
ildum Fréttablaðsins voru það
Landsbankamenn sjálfir sem
ákváðu að skýrslan yrði ekki birt
opinberlega. Einn heimildar-
manna blaðsins innan bankans,
segir að upplýsingar í skýrslunni
hefðu getað gert vonda stöðu
verri. Mikilvægast hafi verið talið
að reyna að vinna að lausn þeirra
vandamála sem tíunduð séu í
skýrslunni. Þá er bent á að ýmsir
hafi fengið kynningu á skýrslunni
og því hefði efni hennar átt að
vera þeim ljóst sem fjalla um
efnahagsmál hérlendis.
Enginn sem Fréttablaðið hefur
náð tali af segir að nokkuð nýtt
hafi í raun komið fram í skýrslu
Buiters og bent er á að hún sé
unnin úr opinberum gögnum. Samt
vill enginn viðurkenna opinber-
lega að hafa sótt kynningu á
skýrslunni í sumar. Blaðið hefur
heimildir fyrir því að þar hafi
verið um 20 manns, þar á meðal
starfsmenn viðskipta- og fjár-
málaráðuneytis og Seðlabanka.
ingimar@markadurinn.is
Ertu bitur út í bresk stjórnvöld
vegna ummæla þeirra um
Ísland?
Já 87,3%
Nei 12,7%
SPURNING DAGSINS Í DAG:
Ætlar þú til útlanda
á næstunni?
Segðu þína skoðun á vísir.is
OLÍS ÁLFHEIMUM, OLÍS GULLINBRÚ, HOLTAGÖRÐUM,
OLÍS MJÓDD, OLÍS NORÐLINGAHOLTI, NÝBÝLAVEGI,
SUÐURLANDSBRAUT, OLÍS AKRANESI, OLÍS AKUREYRI,
OLÍS BORGARNESI, OLÍS KEFLAVÍK, OLÍS REYÐARFIRÐI
12 STAÐIR
Vildi að við færum
til sjóðsins í sumar
Þegar í sumar var lagt til að Íslendingar leituðu til Alþjóðagjaldeyrissjóðsins
eftir lausu fé. Ellegar yrði leitað á markaði og eignir Íbúðalánasjóðs eða tekjur
framtíðarinnar af orkulauðlindum yrðu settar að veði fyrir erlendan gjaldeyri.
FUNDUR HJÁ IMF Frá fundi Alþjóðagjaldeyrissjóðsins (IMF) í byrjun þessarar viku. Í skýrslu sem unnin var síðasta vor og sumar
fyrir Landsbankann segir prófessor við London School of Economics að stjórnvöld þyrftu að semja við sjóðinn um aðstoð áður
en í óefni væri komið. NORDICPHOTOS/AFP
SKIPULAGSMÁL „Útisundlaug við Sundhöllina myndi
hafa marga góða kosti fyrir sundlaugargesti, íbúa
hverfisins og rekstrargrundvöll Sundhallarinnar,“
segir Júlíus Vífill Ingvarsson, formaður skipulags-
ráðs Reykjavíkur, um samþykkt ráðsins frá því á
miðvikudag þess efnis að gert verði ráð fyrir
sundlaug sunnan við Sundhöllina við Barónsstíg.
Hann segir að auk sundlaugar geti margs konar
starfsemi sem tengist hreyfingu og íþróttum verið
hluti af slíkri uppbyggingu og nefnir í því sambandi
tækjasal, heilsulind, baðstofu og jafnvel dansstúdíó.
„Á þessu stigi er of snemmt að velta fyrir sér
hvernig slík samsetning gæti orðið en það er ljóst að
hugmyndir manna um útiveru, sundiðkun og
mikilvægi hollrar hreyfingar hafa breyst mikið frá
því Sundhöllin var byggð árið 1937.“
Júlíus Vífill segir að lengi hafi verið gert ráð fyrir
möguleikanum á viðbyggingu við Sundhöllina án
þess að henni hafi verið mörkuð lóð. „Það er þó
mikilvægt að viðbyggingin sýni gömlu byggingunni
fullan sóma enda er hún ein af perlum íslenskrar
byggingarlistar.“
Hann telur of snemmt að tjá sig um rekstrarform
en útilokar ekki aðkomu einkaaðila. „Í því efnahags-
ástandi sem við búum við er erfitt að segja til um
hvenær hægt verður að hefjast handa en þegar þar
að kemur, sem vonandi verður ekki langt að bíða,
mun afstaða skipulagsráðs til framkvæmdarinnar
liggja fyrir.“ - ovd
Formaður skipulagsráðs segir mikilvægt að sýna Sundhöllinni fullan sóma:
Útisundlaug við Sundhöllina
SUNDHÖLL REYKJAVÍKUR Guðjón Samúelsson, byggingameist-
ari ríkisins, teiknaði Sundhöll Reykjavíkur við Barónsstíg sem
vígð var 23. mars 1937. FRÉTTABLAÐIÐ/VILHELM
BANDARÍKIN, AP John McCain réðst
af fullum þunga á Barack Obama í
þriðju og síðustu kappræðum
þeirra fyrir forsetakosningarnar í
Bandaríkjunum, sem haldnar
verða 4. nóvember.
Þetta virðist þó ekki hafa skilað
McCain miklum árangri, því sam-
kvæmt skoðanakönnunum telja
flestir Bandaríkjamenn að Obama
hafi staðið sig betur, rétt eins og í
tveimur fyrri kappræðum þeirra.
Skoðanakannanir sýna einnig að
fylgi McCains virðist nú fyrst og
fremst bundið við ríki, sem alla tíð
hafa sýnt mikla tryggð við
Repúblikanaflokkinn. Obama virð-
ist jafnvel hafa náð yfirhöndinni í
Virginíu, Colorado og Flórída, þar
sem hingað til hefur verið talið
nær öruggt að repúblikani ætti
sigur vísan.
Í kappræðunum reyndi McCain
meðal annars að bendla Obama
við William Ayers, gamlan róttæk-
ling frá tímum Víetnamstríðsins.
Obama vísaði því á bug, og sagði
áherslu McCains á þetta atriði
segja meira um kosningabaráttu
McCains heldur en kosningabar-
áttu hans sjálfs.
Obama leggur nú alla áherslu á
kosningabaráttuna í þessum ríkj-
um, og hefur boðað komu sína til
bæði Virginíu og Colorado. McCain
virðist kominn í fjárþröng, en
Obama á næga sjóði til að senda út
sjónvarpsauglýsingar sem gætu
ráðið úrslitum þegar kosið verður
innan tæpra þriggja vikna. - gb
Obama þótti standa sig betur í síðustu kappræðum forsetaframbjóðendanna:
McCain á enn í vök að verjast
MCCAIN OG OBAMA Þriðju og síðustu
kappræður þeirra, sem haldnar voru í
fyrrinótt, þóttu bæði fjörugri og betri en
fyrri kappræðurnar tvær. FRÉTTABLAÐIÐ/AP
RÚSSLAND, AP Rússneski mannrétt-
indalögfræðingurinn Karinna
Moskalenko segir að eitrað hafi
verið fyrir sér
og fjölskyldu
sinni.
Hún og börn
hennar hafi
veikst heiftar-
lega eftir að
grunsamlegt
efni fannst í
bifreið hennar í
Frakklandi.
Moskalenko
hefur meðal
annars starfað fyrir fjölskyldu
blaðakonunnar myrtu, Önnu
Politkovskaya.
Vegna veikindanna hefur hún
ekki getað mætt til réttarhalda í
Moskvu yfir fjórum mönnum, sem
grunaðir eru um aðild að morðinu
á Politkovskaya fyrir tveimur
árum. - gb
Karinna Moskalenko:
Segir fjölskyld-
unni hafa verið
byrlað eitur
KARINNA
MOSKALENKO
KAMBÓDÍA, AP Fulltrúar Taílands
og Kambódíu hafa náð samkomu-
lagi um að láta öll hernaðarátök
eiga sig þrátt fyrir deilur og
spennu vegna landamærasvæðis,
sem bæði ríkin telja sig eiga
tilkall til.
Á svæðinu er gamalt musteri,
sem hefur haft mikið aðdráttarafl
fyrir ferðamenn. Átök brutust út
skamma stund á miðvikudag og
kostuðu þau tvo kambódíska
hermenn lífið.
Bæði ríkin hafa sent fjölmennt
herlið að landamærunum, en hafa
nú ákveðið að hafa sameiginlegt
eftirlit til að koma í veg fyrir
átök. - gb
Taíland og Kambódía:
Semja um að
forðast átök
NEYTENDUR Heildsöluverð á mjólk
og mjólkurafurðum hækkar um
10,39 prósent 1. nóvember
næstkomandi samkvæmt ákvörð-
un verðlagsnefndar búvara. Í
tilkynningu frá nefndinni segir að
á sama tíma hækki afurðastöðva-
verð til bænda um 7,13 krónur á
lítrann auk þess sem vinnslu- og
dreifingarkostnaður mjólkur
hækkar um 5,90 krónur á hvern
lítra.
Nefndin
gerir því
ráð fyrir að
einn lítri af
nýmjólk
hækki um
10 krónur.
Ástæður
eru sagðar
hækkanir í
aðföngum í
mjólkuriðn-
aði og
búvöru-
framleiðslu.
- ovd
Verðlagsnefnd búvara:
Mjólkurvörur
hækka í verði
EFNAHAGSMÁL Þjónusta Ráðgjafar-
stofu um fjármál heimilanna
hefur verið aukin vegna núver-
andi aðstæðna í efnahagslífi
þjóðarinnar samkvæmt tilkynn-
ingu frá félags- og trygginga-
málaráðuneytinu.
Meðal verkefna Ráðgjafarstofu
er að aðstoða þá sem eiga í
greiðsluerfiðleikum og segir í
tilkynningunni að verið sé að
mæta aukinni eftirspurn eftir
þjónustu hennar. Starfsmönnum
verður fjölgað af þessu tilefni og
afgreiðslutími lengdur. Þá verður
samstarf við velferðarsvið
Reykjavíkurborgar eflt og í
framhaldinu frekari leiðir til að
efla og styrkja þjónustuna
kannaðar. - ovd
Mæta aukinni eftirspurn:
Ráðgjafarstofa
um fjármál efld
EFNAHAGSMÁL Efnt verður til
upplýsingafundar í Jónshúsi um
efnahagsmál fyrir Íslendinga í
Danmörku næstkomandi miðviku-
dag.Í tilkynningu frá Sendiráði
Íslands í Kaupmannahöfn segir að
á fundinum muni Svavar Gests-
son, sendiherra fara yfir það sem
gerst hefur í efnahagsmálum á
Íslandi auk þess sem rætt verður
um hagsmuni fólks. Þá verður
einstaklingum sem eiga við
sérstaka erfiðleika að stríða vegna
efnahagssviftinganna að undan-
förnu boðið upp á viðtöl. Húsið
verður opið frá klukkan 14 til 19
en fundurinn hefst klukkan 16.
- ovd
Upplýsingafundur í Jónshúsi:
Samstöðukaffi
í Jónshúsi
KJÖRKASSINN