Fréttablaðið - 17.10.2008, Blaðsíða 8
8 17. október 2008 FÖSTUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is1 Hvað heitir framkvæmda-
stjóri NATO?
2 Hvað heitir fyrrverandi efna-
hagsráðgjafi Geirs H. Haarde
forsætisráðherra?
3 Hvað heitir fyrirliði íslenska
karlalandsliðsins í knattspyrnu?
SVÖRIN ERU Á SÍÐU 34
BRUSSEL Í lokaályktun tveggja daga fundar
leiðtoga Evrópusambandsins í Brussel í gær
lýstu þeir yfir „samstöðu með þeim aðgerðum
sem stjórnvöld á Íslandi hafa gripið til“ í þeim
efnahagsþrengingum sem landið á nú við að
etja. Segja leiðtogarnir Ísland þurfa á
stuðningi alþjóðasamfélagsins að halda og
þeir vænti þess jafnframt að Ísland standi við
alþjóðlegar skuldbindingar sínar.
Samkvæmt heimildum Fréttablaðsins höfðu
forsætisráðherrar Danmerkur og Svíþjóðar
frumkvæði að ályktunin um samstöðuna með
Íslendingum.
Þessi síðustu orð þrettánda liðar lokayfir-
lýsingar fundarins enduróma fyrri yfirlýsing-
ar breska forsætisráðherrans Gordons Brown
og fjármálaráðherrans Alistairs Darling um
að íslenskum stjórnvöldum beri að sjá til þess
að breskir eigendur innstæðna á reikningum
íslenskra banka í Bretlandi fái þær endur-
greiddar að fullu.
Jose Manuel Barroso, forseti framkvæmda-
stjórnar sambandsins, sagði á miðvikudag að
embættismenn ESB væru allir af vilja gerðir
til að hjálpa Íslendingum og „auðvelda
samstarf alls staðar þar sem það er unnt“. En
hann bauð annars litla áþreifanlega aðstoð og
sagði að „vandamál verður að útkljá tvíhliða
við hvert aðildarríki sem í hlut á“.
Samræming viðbragða ESB-ríkjanna 27 við
alþjóðlegu fjármálakreppunni var annars efst
á dagskrá leiðtogafundarins, auk deilna um
metnaðarfull áform sambandsins um að draga
úr losun gróðurhúsalofttegunda. Leiðtogarnir
lögðu blessun sína yfir þær samræmdu
ráðstafanir sem stjórnvöld aðildarríkjanna
hafa ákveðið að grípa til í því skyni að bjarga
fjármálakerfi þeirra frá hruni, en alls á að
verja til þess 1.700 milljörðum evra. Leið-
togarnir samþykktu jafnframt að hvetja til
hnattræns átaks til að endurskoða fjármála-
kerfi heimsins svo að koma megi í veg fyrir
að önnur eins kollsteypa og nú er að eiga sér
stað endurtaki sig.
Stjórnir átta ríkja í austanverðu ESB hvöttu
til þess að slakað yrði á metnaðinum í
loftslagsáætluninni þar sem þær óttuðust að
hinar áformuðu aðgerðir til að takmarka losun
myndi reynast dragbítur á hagþróun, og við
því mættu ríkin ekki á þessum krepputímum
sem fram undan væru.
Niðurstaðan varð samt sem áður sú að
sambandið heldur sig við það markmið að
draga úr losun gróðurhúsalofttegunda um 20
prósent fram til ársins 2020.
„Það er svo ofurbrýnt að við tökum á
loftslagsvandanum að við getum ekki leyft
okkur að nota fjármála- og efnahagsvandann
sem afsökun fyrir að gera það ekki,“ sagði
Nicolas Sarkozy, forseti Frakklands, sem
gegnir formennskunni í ESB þetta misserið.
audunn@frettabladid.is
Lýsa samstöðu með Íslandi
Í ályktun leiðtogafundar ESB er lýst yfir samstöðu með aðgerðum íslenskra stjórnvalda gegn fjármála-
kreppunni. Forsætisráðherrar Danmerkur og Svíþjóðar áttu frumkvæði að ályktuninni.
SARKOZY OG BARROSO Forseti leiðtogaráðsins og forseti framkvæmdastjórnarinnar á blaðamannafundi um niður-
stöðu fundarins í Brussel í gær. FRÉTTABLAÐIÐ/AP
LÖGREGLUMÁL Lögreglan á
Hvolsvelli lagði á miðvikudags-
kvöld hald á sextán lamba-
skrokka, 300 kíló, á leið til
Reykjavíkur til sölu.
Heimilt er að slátra dýrum á
bóndabýlum en eingöngu til eigin
neyslu. Dreifing á heimaslátruðu
kjöti hefur hins vegar aukist að
mati lögreglunnar á Hvolsvelli.
Fjöldi tilkynninga um slíkt hafi
aukist og lögreglan farin að
fylgjast betur með þeim.
Bóndinn sem á í hlut á yfir
höfði sér sektir og allt að tveggja
ára fangelsi, verði hann fundinn
sekur og brot hans talið alvarlegt.
- hhs
Sala á heimaslátruðu eykst:
Lögreglan tók
sextán skrokka
KINDUR Ólöglegt er að selja heimaslátr-
að kjöt. Það hefur þó aukist að mati
lögreglunnar á Hvolsvelli.
Bílastæðagjald er mishátt á landinu.
Líklega er það hæst í skammtímastæð-
unum við Leifsstöð. Einn sem lenti
heldur betur í því skrifar: „Bíl tengdó,
sem við fengum lánaðan á meðan hann
fór út, var lagt í skammtímastæði.
Bílnum var lagt kl. 6 á laugardags-
morgni og fyrir klúður sótti ég hann ekki
fyrr en kl. 10 daginn eftir. Fyrir þetta
greiddi ég Securitas 5.780 krónur. Þar
að auki greiddi ég 500 krónur til
Securitas fyrir að geyma bíllyklana í
sólarhring. Mér finnst þetta hræðileg
blóðtaka, en get sjálfum mér um kennt.
Ég vil fyrir alla muni vara fólk við
þessu.“
Samkvæmt heimasíðu Securitas er
gjaldskráin svona: 100 kr. á hverjar
byrjaðar 50 mín. fyrsta sólarhringinn.
2.880 kr. fyrir hvern byrjaðan
sólarhring eftir það. Þokkaleg nýting á
landi það.
---
Þrátt fyrir gríðarhátt gengi dollars og
annarra gjaldmiðla borgar sig enn að
panta að utan, í sumum tilfellum að
minnsta kosti. Sigurgeir Sigurgeirsson
hafði samband og sagði sögu sína. „Mig
vantaði báða afturdemparana í Buick,
svokallaða loft-dempara. Ég hringdi
víða og kannaði verðið. Þeir voru á
bilinu 300 þúsund og allt niður í 40
þúsund. Ódýrastir voru þeir hjá GS
varahlutum. Þeir komu hreint fram og
báru fyrir sig hátt gengi dollarans. Ég
vildi athuga málið betur og með aðstoð
vinar míns sem vinnur á bílaverkstæði
pantaði ég demparana hjá Rock Auto í
Bandaríkjunum. Þeir kostuðu 98 dali.
Sendingarkostnaðurinn var 89 dalir.
Tollurinn ellefu þúsund, svo á því gengi
sem þá var borgaði ég rétt rúmlega 32
þúsund krónur fyrir þessa dempara. Það
er rúmlega tíu prósent af því sem mesta
okurbúllan hér bauð.“
---
Nú hefur vefsmokkasalan Smokkur.is
verið starfrækt í rúmt ár. Vefsíðan er
með Atlas-smokka á útsölu, þrír í pakka
á 99 kr., tólf í pakka á 250 kr. Örugg
ástarmök hafa aldrei verið jafn ódýr.
Neytendur: Nú leggjast allir á eitt að fylgjast með verði á vörum og þjónustu
Dýr bílastæði, demparar og ódýrir smokkar
40 kannabisplöntur og þýfi
Lögreglan á höfuðborgarsvæðinu
fann við húsleit í Breiðholti í fyrra-
kvöld 40 kannabisplöntur. Tveir
karlmenn voru handteknir vegna
málsins. Á sama stað fannst talsvert
af verkfærum. Grunur leikur á að þau
séu illa fengin.
LÖGGÆSLA
VEISTU SVARIÐ?