Fréttablaðið - 08.11.2008, Blaðsíða 2
2 8. nóvember 2008 LAUGARDAGUR
Ingólfur, voru kassarnir svo
tómir í þokkabót?
„Nei, það er tóm vitleysa. Þeir voru
á Lækjarbakka fullir af fólki. Þessir
eru í tómum banka.“
Hljómsveitin Þokkabót hefur samið
nýjan texta við lagið Litlir kassar í tilefni
kreppunnar. Það heitir nú Tómir kassar.
Ingólfur Steinsson er í Þokkabót.
BORGARMÁL „Ekið var á klukkuna í
sumar og stungið af,“ segir
Sigurbergur Baldursson,
fjölmiðlafulltrúi Kiwanis-
klúbbsins Kötlu. „Síðan hefur hún
staðið þarna eins og skakki turninn
í Piza. Þess vegna tókum við hana
nú niður á mánudagsmorguninn
og fórum með hana í viðgerð.“
Þessi orð ættu að sefa áhyggjur
vegfarenda um Lækjartorg sem
undrast hafa hvarf klukkunnar.
Ekki vita allir að klukkan á
Lækjartorgi hefur verið ein helsta
fjáröflunarleið Kiwanis-klúbbsins
Kötlu í hátt í þrjátíu ár. Félagar í
klúbbnum sjá um rekstur og við-
hald klukkunnar og selja í staðinn
auglýsingar á allar fjórar hliðar
hennar. Ágóðinn rennur til ýmissa
góðgerðarmála.
Kötlufélagar sinna klukkunni af
mikilli alúð. Á hverjum einasta
degi fer einhver þeirra um torgið
og gætir að því hvort þessi tíma-
vörður borgarinnar gangi rétt og
sýni réttan tíma.
Um tíma óttuðust félagar Kötlu
að klukkan væri að renna þeim úr
greipum. Hafði þeim borist til
eyrna kvittur um að klukkuna ætti
að fjarlægja. Hún væri skökk og
skæld og borginni til ósóma. Í
bréfi til borgarstjóra lýstu þeir
áhyggjum sínum af afdrifum torg-
klukkunnar sinnar. „Við fengum
svo svar fyrir um tveimur mánuð-
um,“ segir Sigurbergur. „Hann
sagði að tvennt yrði aldrei fjar-
lægt úr miðbænum - klukkan
okkar og pylsuvagninn. Þá gátum
við andað léttar.“
Klukkan á Lækjartorgi sló sinn
fyrsta takt á fyrstu mínútu ársins
1930. Það var stórkaupmaðurinn
Magnús Kjaran sem fékk leyfi til
að setja klukkuna upp þar og bar
kostnað af viðhaldi hennar. Hún
gekk lengi vel undir nafninu Per-
sil-klukkan í daglegu tali þar sem
Magnús var umboðsmaður þvotta-
efnisins og auglýsti það á hliðum
klukkunnar.
Klukkan hefur lent í ýmsum
hremmingum á sinni löngu ævi.
Hún missti taktinn um tíma þegar
stórbruninn varð í Austurstræti
vorið 2007. Hún var tengd við
móðurklukku á annarri hæð horn-
hússins við Lækjargötu og Aust-
urstræti sem brann þar inni. Eftir
það varð klukkan á Lækjartorgi
fyrst tölvudrifin en fyrirtækið
Smith & Norland gaf klúbbnum
nýja tölvustýringu.
Vonir standa til að klukkan á
Lækjartorgi verði komin aftur á
sinn stall fyrir næstu helgi.
holmfridur@frettabladid.is
Tímavörðurinn á
Lækjartorgi í pásu
Klukkan sem staðið hefur á Lækjartorgi í nær áttatíu ár er nú hvergi sjáanleg.
Hún er í viðgerð. „Hún kemur vonandi aftur fyrir næstu helgi,“ segir aðili í
klukkunefnd Kiwanisklúbbsins Kötlu sem séð hefur um reksturinn í þrjátíu ár.
Í VIÐGERÐ HJÁ HJÁLMARI Hjálmar Hlöðversson hjá Vélsmiðjunni Harka er að lappa
upp á klukkuna svo hún geti staðið teinrétt og slegið taktinn áfram fyrir vegfarendur
um götur Reykjavíkur. FRÉTTABLAÐIÐ / ARNÞÓR
KLUKKULAUST LÆKJARTORG Tómlegt er
um að litast á Lækjartorgi þegar klukk-
una vantar, sem þar hefur staðið í nær
áttatíu ár. FRÉTTABLAÐIÐ / VALLI
n á t t ú r u l e g a
Hvað á ég að gefa
barninu mínu að borða?
Ebba Guðný
Námskeið með Ebbu Guðnýju í hvernig útbúa á einfaldan og næringar-
ríkan mat fyrir börn frá 6 mánaða aldri. Hvaða fæðutegundum er gott
að byrja og hvenær? Námskeiðið nýtist einnig þeim sem eru með eldri
börn. Nýjar uppskriftir fylgja og verða nokkrir réttir útbúnir á staðnum.
Að auki verður bókin Hvað á ég að gefa
barninu mínu að borða? seld með 10%
afslætti á námskeiðinu. Námskeiðið kostar
aðeins 3500 kr. Upplýsingar og skráning
fer fram í síma 694 6386 og á netfanginu
ebbagudny@mac.com
Skólavörðustíg, Kringlunni, Smáratorgi, Lágmúla, Selfossi & Akureyri
Námskeið miðvikud. 12. nóv. eða þriðjud.
25. nóv. kl: 20 -22 í Heilsuhúsinu, Lágmúla
DÓMSTÓLAR Tæplega þrítugur
maður, Sævar Sævarsson, hefur
verið dæmdur í fimm ára fangelsi
fyrir tilraun til manndráps.
Hann réðst á annan mann á
Hverfisgötu 1. ágúst síðastliðinn
og stakk hann með hnífi í bak
vinstra megin og vinstri
framhandlegg. Fórnarlambið
hlaut stungusár inn í brjósthol, inn
í lungað með loftbrjósti og
blæðingu í brjóstholi. Einnig
stungusár á vinstri framhandlegg
fyrir neðan olnboga sem olli
áverka á ölnartaug.
Áráasarmaðurinn kannaðist í
fyrstu lítið við málið hjá lögreglu,
en játaði svo. Hann sagði árásina
hafa atvikast með þeim hætti að
hann hefði verið með félögum
sínum á Laugavegi og staðið við
bifreið sem vinur þeirra ætti. Þá
hefði fórnarlambið gengið þar inn
í hópinn og rekist utan í hann og
jafnframt skemmt bílinn. Hann
hefði því hlaupið á eftir mannin-
um og stungið hann með vasahnífi,
sem hann hafi síðan hent í rusla-
tunnu.
Fórnarlambið þurfti í læknisað-
gerðir, meðal annars vegna djúps
stungusárs. Í dómnum kemur
fram að hann hafi, auk meiðsl-
anna, þurft að glíma við miklar
andlegar afleiðingar í kjölfar
árásarinnar, upplifa mikinn kvíða
og öryggisleysi. Árásarmaðurinn
var dæmdur til að greiða honum
tæpar 830 þúsund krónur í skaða-
bætur. - jss
Tæplega þrítugur karlmaður dæmdur í hnífaárásarmálinu á Hverfisgötu:
Dæmdur í fimm ára fangelsi
GÆSLUVARÐHALD Maðurinn hefur setið
óslitið í gæsluvarðhaldi frá 6. ágúst
2008.
GEORGÍA Stríðið í Georgíu í sumar
hófst með árásum Georgíuhers á
Tskhinvali, höfuðstað héraðsins
Suður-Ossetíu, þann 7. ágúst
síðastliðinn. Árásirnar voru
ómarkvissar og stofnuðu bæði
rússneskum friðargæsluliðum og
almennum borgurum í hættu.
Þetta fullyrða eftirlitsmenn á
vegum Öryggis- og samvinnu-
stofnunar Evrópu, að því er
bandaríska dagblaðið New York
Times skýrir frá. Þetta stangast
hins vegar á við fullyrðingar
stjórnvalda í Georgíu, sem jafnan
hafa haldið því fram að árásirnar
hafi verið markvissar og
nákvæmar.
Rússar brugðust hart við,
beittu fullu herafli og notuðu
tækifærið til að lýsa yfir sjálf-
stæði bæði Norður-Ossetíu og
Abkasíu. - gb
Stríðið í Georgíu:
Efi um fullyrð-
ingar Georgíu
MÓTMÆLI Í GEORGÍU Í gær var í fyrsta
sinn síðan í sumar efnt til fjöldamót-
mæla gegn Mikhaíl Saakashvili forseta.
FRÉTTABLAÐIÐ/AP
Ekki nýtt Ísland
„Lettland er ekki nýtt Ísland,“ sagði
Ilmar Rimsevics, seðlabankastjóri
í Lettlandi, nýlega í heimsókn í
Lundúnum og bar til baka fréttir um
að Lettar hefðu óskað eftir láni frá
Alþjóðagjaldeyrissjóðnum. Óttast
er að bankakreppa geti skollið á í
Eystrasaltslöndunum með líkum hætti
og gerðist á Íslandi.
LETTLAND
FÓLK Stóraukin eftirspurn er nú
eftir norsku- og sænskunám-
skeiðum hjá Mími símenntun.
„Yfirleitt byrjum við með
tungumálanámskeiðin í septemb-
er en upp á síðkastið hafa verið
margar fyrirspurnir um norsku-
námskeið, þannig að við auglýst-
um og viðtökur voru mjög
góðar,“ segir Rósa S. Jónsdóttir,
deildarstjóri fjölmenningar og
frístunda hjá Mími en hún er
ekki frá því að núverandi
aðstæður í þjóðlífinu hafi þarna
áhrif. Auk þess er stefnt á að
bæta við sænskunámskeiði
vegna aukinnar eftirspurnar.
-hs/sjá allt
Fjölbreytt námskeið hjá Mími:
Námskeið í
norsku eftirsótt
EFNAHAGSMÁL Ríkisstjórnarflokk-
arnir náðu samkomulagi í gær við
formenn
stjórnarandstöðflokkanna um að
skipuð verði nefnd til að rannsaka
aðdraganda og orsakir
bankahrunsins. „Við munum ekki
líða það að lögbrot sem framin
kunna að hafa verið í
bankakerfinu verði órannsökuð.
Við viljum tryggja það að slíkt
verði rannsakað ofan í kjölinn og
heitum því að láta jafnt yfir alla
ganga og að enginn fái neina
sérmeðferð,“ sagði Geir Haarde
forsætisráðherra í gær. Búist
væri við að nefndinni yrði
markaður rammi með
þingsályktun eða lögum frá
Alþingi. Að auki verður gerð
allsherjar úttekt á umhverfi
bankanna og fjármálaeftirlit og
lögregla rannsaka aðra þætti. - gar
Hrun bankakerfisins:
Hugsanleg brot
öll rannsökuð
BLAÐAMANNAFUNDUR Forsætisráð-
herra og viðskiptaráðherra á blaða-
mannafundi í gær.
EFNAHAGSMÁL „Þetta er hugsað
sem samstöðuvottur Pólverja
með Íslendingum,” segir Michal
Sikorski, aðalræðismaður Pól-
lands á Íslandi, um ákvörðun
pólsku ríkisstjórnarinnar að
leggja fram 200 milljónir Banda-
ríkjadala í fjölþjóðlegan lána-
pakka til Íslands.
Sikorski staðfestir aðspurður
að hann hafi lagt sitt af mörkum
til að vekja athygli pólskra
stjórnvalda á vanda Íslendinga
og mælt með því að þau legðu
sitt af mörkum til að hjálpa við
lausn hans. Það væri líka í þágu
hagsmuna þeirra mörgu Pólverja
sem byggju á Íslandi.
„Þetta er drengskaparbragð af
hálfu Pólverja,“ sagði Geir
Haarde forsætisráðherra eftir
að staðfesting barst á því í gær
að pólska ríkisstjórnin hefði að
eigin frumkvæði afráðið að lána
Íslendingum áðurnefnda upp-
hæð sem er jafnvirði 25 millj-
arða króna.
„Pólski fjármálaráðherrann
sagði okkar fjármálaráðherra í
dag að þetta vildu þeir gera
meðal annars vegna þess að þeir
hefðu sjálfir lent í þessum erfið-
leikum fyrir tuttugu árum og
fengið aðstoð eins og við þurfum,
en líka vegna þess að þeir hefðu
mikil og góð tengsl við Ísland í
gegnum allan þann fjölda manna
frá Póllandi sem hér hefur starf-
að,“ sagði forsætisráðherra.
- aa , - gar
Forsætisráðherra segir 25 milljarða króna lán frá Póllandi drengskaparbragð:
Ræðismaður Póllands beitti
áhrifum sínum í þágu Íslands
GEIR HAARDE „Við kunnum þeim
að sjálfsögðu bestu þakkir fyrir þetta
vinarbragð,“ sagði forsætisráðherra um
lánveitingu Pólverja. FRÉTTABLAÐIÐ/ANTON
Sirkus Agora gjaldþrota
Sirkus Agora, norski sirkusinn sem var
hér á landi í haust, hefur verið lýstur
gjaldþrota. Fjármálakreppan á Íslandi
gerði það að verkum að ekki tókst að
gera upp við sirkusinn og því tókst
ekki að greiða skuldir. Hærri eldsneyt-
iskostnaður og minni áhugi norskra
áhorfenda hafði einnig áhrif.
NOREGUR
SPURNING DAGSINS