Fréttablaðið - 08.11.2008, Blaðsíða 10

10 8. nóvember 2008 LAUGARDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 37
650 +0,53% Velta: 153 milljónir
MESTA HÆKKUN
ÖSSUR +3,56%
ATORKA +1,82%
EIMSKIP +1,50%
MESTA LÆKKUN
CENTURY AL. -7,46%
BAKKAVÖR -0,68%
HLUTABRÉF Í ÚRVALSVÍSITÖLU: Alfesca 3,95 +0,00% ... Atorka
0,56 +1,82% ... Bakkavör 4,39 -0,68% ... Eimskipafélagið 1,35
+1,50% ... Exista 4,62 +0,00% ... Icelandair Group 13,30 +0,00%
... Kaupþing 0,00 +0,00% ... Marel Food Systems 76,40 +1,33% ...
SPRON 1,90 +0,00% ... Straumur-Burðarás 7,08 +0,00% ... Össur
93,00 +3,56%
GENGISVÍSITALA KRÓNUNNAR: 223,04 -0,14
Líklegt er að þýski þróunarbankinn
KfW tapi nokkuð á viðskiptum
sínum við íslensku bankana, sem
ríkið tók yfir í síðasta mánuði.
Heildarkrafa KfW á bankana
nemur 288 milljónum evra. Á
meðal þess eru fyrirtækjalán til
gamla Glitnis upp á 150 milljónir
evra og kaup á skuldabréfum
bankanna þriggja upp á 138
milljónir. KfW hefur nú lagt 98
milljónir evra til hliðar á móti
hugsanlegu tapi.
Formælandi bankans staðfestir
þetta í samtali við fréttastofu
Bloomberg en bætir við að stjórn-
endur bankans teljir líkur á að fá
stærstan hluta krafna til baka. - jab
Þjóðverjar tapa
á Íslandsdílum
HÖFUÐSTÖÐVAR KFW Þjóðverjar áttu
kröfu upp á 16 milljarða evra í íslensku
bönkunum í júnílok. FRÉTTABLAÐIÐ/KFW
Stöður útlendinga í krónunni eru að
mestu í ríkis- og innstæðubréfum,
segir greiningardeild Kaupþings.
Þeir eigi upp undir 450 milljarða
króna í íslenskum bréfum. Svo-
nefnd krónubréf verða ekki mesta
ógnunin við gengið, þegar krónan
fer á flot. Óvíst er að menn losi sig
úr öllum krónustöðum strax.
Greiningardeild Kaupþings ætlar að nokkur
þrýstingur geti myndast á sölu á krónum
þegar gengið fer á flot. Hins vegar gerir deild-
in ráð fyrir að aðeins hluti af krónubréfum og
öðrum eignum útlendinga hér á landi fari.
Fram kemur í nýju riti deildarinnar,
Fleyting krónunnar, sem Fréttablaðið hefur
undir höndum, að heildarfjárhæð sem útlend-
ingar eiga í íslensku krónunni sé á bilinu 350
til 450 milljarðar króna.
Útistandandi svonefnd krónubréf séu nú
um 300 milljarðar króna. Um helmingur þess
sé hins vegar ekki ógn við gengi krónunnar,
þar sem sá hluti sé fjármagnaður með gjald-
miðlaskiptasamningum. Hættan gagnvart
genginu sé fólgin í þeim hluta bréfanna sem
hafi verið tryggður með kaupum á innstæðu-
bréfum Seðlabankans.
Helsta ógnunin við gengið séu stórar stöður
útlendinga í íslenskum nafnvaxtabréfum og
innistæðum. Greiningardeildin metur það svo
að þetta nemi í heildina 350 til 450 milljörðum
króna; um 120 milljarðar í innstæðubréfum og
200 til 250 milljarðar í ríkisskuldabréfum. Um
150 milljarðar af því eru vegna krónubréf-
anna.
Ákveði fjárfestar að losa stöður sínar um
leið og krónan fer á flot, megi búast við veru-
legri gengislækkun á meðan.
Hins vegar ætti að vera hægt að mæta
þessu með gjaldeyrisforðanum. Færu allir
erlendir fjárfestar út á sama tíma og enginn
annar gjaldeyrir kæmi inn í landið á sama
tíma, megi ætla að tveir til þrír milljarðar
evra af gjaldeyrisforðanum gætu farið í
þetta. Menn vildu hins vegar síður nota forð-
ann til þessara hluta, heldur frekar sem sýni-
legan stuðning. Til samanburðar sé þess
vænst að Íslendingar hafi sex til átta millarða
evra tiltæka í forða.
Einnig kynni að fara svo, að til dæmis líf-
eyrissjóðir eða aðrir innlendir fjárfestar
gætu selt erlend skuldabréf og keypt íslensk.
Verði krónan ódýr og verð skuldabréfanna
lágt, gætu ákveðin tækifæri verið fólgin í
kaupum.
Þá sé ekki víst að menn færu út úr stöðum
sínum fyrr en á gjalddaga. Þeir séu margir
ekki fyrr en á næsta ári.
Greiningardeild Kaupþings býst við „veik-
ingarskoti“ sem gæti staðið í nokkrar vikur
eða mánuði, en eftir það styrkist gengið að
nýju og verði sterkara en nú, þótt það verði
lágt í sögulegu samhengi.
Selji erlendir fjárfestar sig út úr krónunni,
stýrist gengi hennar í meira mæli en áður af
vöru- og þjónustuviðskiptum. Afgangur af
utanríkisviðskiptum sé fyrirsjáanlegur og
muni styðja við krónuna. ingimar@markadurinn.is
Óvíst að útlendingar felli gengið
Krónubréf, ríkisskuldabréf og innstæður
erlendra aðila í samanburði við væntanleg-
an gjaldeyrisforða Seðlabankans.
7
6
5
4
3
2
1
0
Gjaldeyrisforði
(29. september ´08)
Ónýttir
skiptasamningar
Nýttir skiptasamningar
Lán frá Noregi og Færeyjum
IMF lán?
Frekari lán?
Lán með veði í FIH
Gjaldeyrisuppboð
Gjaldeyrisforði
á gjalddaga
Flótti erlendra aðila?
Gjaldeyrir? Gengið á forða?
Milljarðar evra
„Fjármálaeftirlitið er að fara
yfir hvort myndast hafi tilkynn-
ingaskylda við þessa athöfn,“
segir Íris Björk Hreinsdóttir,
upplýsingafulltrúi Fjármála-
eftirlitsins.
Þar vísar hún til samþykktar
stjórnar gamla Kaupþings frá
25. september. Þar voru per-
sónulegar ábyrgðir starfs-
manna af lánum sem þeir höfðu
fengið til hlutabréfakaupa felld-
ar niður.
Hlutabréf í Kaupþingi voru
keypt fyrir lán í sama banka. Bréfin voru sett
í veð fyrir lánin, en þau urðu verðlaus þegar
Kaupþing fór í þrot.
Starfsmenn og stjórnendur höfðu fengið
tæpa 37 milljarða króna að láni hjá bankan-
um.
Lögfróðir menn sem Fréttablaðið ræddi
við telja að gera hefði átt reglu-
verði Kaupþings viðvart um
þetta. Menn greinir þó á um
þetta. Helgi Sigurðsson, yfir-
lögfræðingur bankans, sagði í
blaðinu í gær að ákvörðun
stjórnarinnar hefði byggst á
áliti frá sér og væri á sína
ábyrgð. Málið hafi ekki varðað
regluvörðinn.
Fréttablaðinu hefur einnig
verið bent á að ef málið varði
ekki tilkynningaskyldu, þá
kunni það að varða starfskjara-
stefnu bankans. Henni verði ekki breytt nema
með samþykki hluthafafundar.
Starfsmenn Kaupþings, nýja og gamla,
hafa óskað eftir því að stjórnarsamþykktin
verði ógilt. Þeir fara fram á að lánin verði
innheimt í samræmi við almennar reglur
bankans. - ikh
FME rannsakar stjórnarsamþykkt
„Það eru mikil tækifæri í fisk- og
kjötiðnaði í Rússlandi,“ segir
Hilmar Guðmundsson hjá Prom-
ens á Dalvík.
Félagið hefur hefur selt eitt þús-
und ker til síldarverksmiðju þar.
Hilmar segir að samningurinn
nemi hátt í tíund af ársveltunni á
Dalvík. Þegar sé byrjað að fram-
leiða upp í samninginn og hann
geri ráð fyrir að því verði lokið í
janúar.
Hann segir að nú sé fimm ára
markaðsstarf í Rússlandi farið að
bera árangur. „Markaður eins og
Rússland býður upp á gríðarlega
möguleika. Ekki síst er þetta
mikilvægt á þessum tímum, þegar
öll gjaldeyrisöflun skiptir þjóðar-
búið verulegu máli.“ - ikh
Promens semur
við Rússa
Færri keyptu bíla í síðasta
mánuði en á sama tíma í fyrra.
Samdrátturinn nemur 15,5
prósentum á milli ára.
Þetta kemur fram í gögnum
markaðsrannsóknarfyrirtækis-
ins J.D. Power Automotive.
Samdráttur í einkaneyslu í
kjölfar fjármálakreppunnar og
erfiðleikar tengdir fjármögnun
skýra sölutregðuna, samkvæmt
gögnunum. Mjög hefur dregið
úr sölu bíla í Þýskalandi, í
Bretlandi og Frakklandi en
minna á Ítalíu og Spáni.
Fyrirtækið reiknar með lítilli
sölu út árið og allt að ellefu
prósenta samdrætti á næsta ári.
- jab
Færri kaupa
bíla í Evrópu
FYRRUM STJÓRNENDUR Fjár-
málaeftirlitið skoðar niðurfell-
ingu persónulegra ábyrgða á
lánum starfsmanna bankans.
FRÉTTABLAÐIÐ/GVA