Fréttablaðið - 08.11.2008, Blaðsíða 42

● heimili&hönnun
Guss-púða-
sófi frá Syrusson
er með áföstum
púðum sem gefa
þægilega eftir.
Reynir Sýrusson er afkastamikill
húsgagnahönnuður og komu allra
nýjustu vörur hans á markað fyrir
fáeinum vikum. Þar á meðal Guss-
púðasófi og Guss-púðastóll.
Bak sófans er gert úr púðum
sem gefa eftir og er hann því að
sögn Reynis gríðarlega þægi-
legur. Það sama á við um stól-
inn sem er á snúningsfæti.
Sams konar stóll á teinalöpp-
um er svo væntanlegur.
„Mjög flókið ferli liggur að
baki hönnuninni og fjölmörg
fyrirtæki koma að framleiðsl-
unni. Má þar nefna svampfram-
leiðanda, stálsmiðju og bólst-
urverkstæði, segir Reynir, sem
skiptir að jafnaði
við á annan
tug íslenskra fyrirtækja í tengsl-
um við framleiðslu sína. „Ég er
ekki viss um að allir átti sig á
hversu mikið er hægt að fram-
leiða hér heima.“
Guss-línan fæst í leðri og
með tauáklæði en hana er
hægt að berja augum í sýning-
arsal Syrusson að Hamraborg
5 í Kópavogi. Þar má auk þess
skoða fleiri Syrusson-húsgögn en
fjölmörg þeirra hafa orðið til á
árinu og má þar nefna MJ34-stól á
snúningsfæti og Pharma-sófaborð
úr hnotu með svörtu gleri. - ve
Alíslensk framleiðsla
● Guss-púðastóll og -sófi eru nýjustu vörur húsgagnahönnuðarins Reynis Sýrussonar.
Flókið ferli liggur að baki hönnuninni og koma fjölmörg íslensk fyrirtæki að framleiðslunni.
SPARNAÐARRÁÐ
Njótum þess sem til er
Jóhanna er lunkin við að spara og á ráð undir rifi hverju. FRÉTTABLAÐIÐ/ARNÞÓR
„Besta sparnaðarráðið, bæði í matarkaupum og öðru, er að taka
til heima hjá sér. Fara í matarskápana, frystikistuna, plötuskáp-
inn, bókaskápinn og sortera. Þetta reynist mér óskaplega vel,“
segir Jóhanna Þórhallsdóttir, kórstjóri og söngkona. „Yfirleitt
kemur í ljós að maður á nóg í matinn, fullt af nýjum plötum sem
maður gleymdi að hlusta á eða gömlum sem maður þyrfti að
hlusta aftur á,“ segir Jóhanna og bætir við að einnig sé ágætis
ráð að horfa yfir stofuna og breyta með því að færa húsgögn og
annað smálegt í stað þess að endurnýja. „Þá er ráð að skoða hvað
maður á og sjá bara hvort maður sé ekki svolítið ánægður með
þetta,“ segir Jóhanna og hlær. „Svo má breyta til í klæðnaði og
setja til dæmis aðra peysu við gamla pilsið. Þetta er nú ekki svo
flókið þetta líf. Hættum að neyta og förum að njóta þess sem við
eigum,“ segir Jóhanna að endingu, glöð í bragði.
MJ34-stóll
á snún-
ingsfæti.
Guss-púðastóllinn
er á snúningsfæti
en er vænt-
anlegur með
teinalöppum.
Pharma-sófaborð
úr hnotu með
svörtu gleri sem
varð til á árinu og
er afar stílhreint.
Opnum í dag
nyja og spennandi
verslun!
´
8. NÓVEMBER 2008 LAUGARDAGUR6