Fréttablaðið - 08.11.2008, Blaðsíða 70
54 8. nóvember 2008 LAUGARDAGUR
Axl Rose, forsprakki Guns ´N´
Roses, hefur hætt við að nota
framlag Brians May, gítarleikara
Queen, til plötunnar Chinese
Democracy. May var aðalgítar-
leikari í laginu Catcher N´ The
Rye en á endanum var framlagi
hans hent í ruslið. „Þetta er synd
því ég lagði mikla vinnu í þetta og
var stoltur af minni þátttöku,“
sagði May. „En ég get alveg skilið
ef Axl vill gefa út plötu sem
endurspeglar verk þeirra sem eru
í hljómsveitinni hans í dag.“
Chinese Democracy er
væntanleg 23. nóvember. Platan
hefur verið í fjórtán ár í vinnslu
og talið er að hún hafi kostað Axl
Rose tvær milljónir dollara.
Framlag
May í ruslið
BRIAN MAY Framlagi Brians May til plötu
Guns ´N´ Roses var hent í ruslið.
Bandaríska sjónvarpsstöðin HBO
hefur tryggt sér sýningarréttinn
á nýrri heimildarmynd um
Barack Obama, næsta forseta
Bandaríkjanna. Fyrirtæki
leikarans Edwards Norton, Class
5 Films, framleiðir myndina, en
tökum lýkur ekki fyrr en Obama
hefur svarið embættiseið sinn á
næsta ári.
Tökulið hefur fylgt Obama
hvert fótspor frá árinu 2006, til að
mynda er hann ferðaðist til
Afríku og þegar hann tilkynnti
um forsetaframboð sitt. Einnig
hefur verið rætt við fjölskyldu
Obama, vini og starfsfólk hans.
„Við teljum að þessi mynd muni
fanga mikinn vendipunkt í sögu
Bandaríkjanna, þegar ný kynslóð
leiðtoga steig fram á sjónarsviðið
og gömul og úrelt gildi liðu undir
lok,“ sagði Norton.
Gerir mynd
um Obama
EDWARD NORTON Myndatökulið á
vegum Norton hefur fylgt Obama eins
og skugginn síðastliðin tvö ár.
Leikrit Sigtryggs Magnasonar,
Herjólfur er hættur að elska, verð-
ur leiklesið á alþjóðlegri leiklist-
arhátíð sem verður haldin 15. til
16. nóvember í New York.
„Það var haft samband við mig í
sumar og ég spurður hvort ég ætti
verk sem hefðu verið þýdd á
ensku,“ segir Sigtryggur. „Ég
sendi þeim síðasta verkið mitt
Yfirvofandi og líka Herjólfur er
hættur að elska og þau vildu fá að
setja það upp.“
Sigtryggur flýgur til New York í
næstu viku til að vera viðstaddur
hátíðina, þar sem leikritið verður
flutt á besta tíma, eða klukkan 20 á
laugardagskvöldi. Eftir leiklestur-
inn mun hann svo taka þátt í pall-
borðsumræðum.
Sigtryggur játar að um mikinn
heiður sé að ræða fyrir sig. „Mér
finnst það afskaplega mikill heið-
ur að fá svona tækifæri til að
heyra þetta lesið á sviði í New
York. Þetta er bara gaman og líka
gott tækifæri að heyra og sjá verk-
ið á útlensku.“
Herjólfur er hættur að elska
var sýnt í Þjóðleikhúsinu árið 2003
við góðar undirtektir. Verkið Yfir-
vofandi var síðan sýnt á Listahátíð
í Reykjavík á síðasta ári. Fyrir það
var Sigtryggur tilnefndur til
Grímuverðlaunanna sem leikskáld
ársins.
Upptökur eru einmitt að hefjast
í Útvarpsleikhúsinu á Yfirvofandi
þar sem Edda Arnljótsdóttir, Ingv-
ar E. Sigurðsson og Jörundur
Ragnarsson fara með aðalhlut-
verkin. - fb
Verk Sigtryggs í New York
SIGTRYGGUR MAGNASON Verk Sigtryggs,
Herjólfur er hættur að elska, verður
leiklesið á sviði í New York fimmtánda
nóvember. FRÉTTABLAÐIÐ/VILHELM
Rokkhljómsveitin Noise ætlar að
stinga hausnum í kjaft breska
ljónsins og spila þar á fimm tón-
leikum. Túrinn hefst í kvöld í
Donchester. „Við erum nú bara að
pæla í að kynna okkur sem band
frá Finnlandi,“ segir Stefán Vil-
berg, bassaleikari Noise. „Þetta
eru víst svaðalegar skítabúllur, til
dæmis sú í Grimsby. Maður tekur
engar óþarfa áhættur.“
Hljómsveitin spilaði blöndu
gruggs og sígilds rokks á fyrstu
plötu sinni sem kom út árið 2006.
Sveitin er nú langt komin með
nýja plötu og ætlar að gefa hana út
á næsta ári. „Þar verður nútíma-
legra rokk myndi ég segja,“ segir
Stefán, „eins konar bland af metal
og poppi.“
Stefán á ekki von á miklu lúxus-
lífi á túrnum. „Það er spurning
hvernig gengur að redda sér gjald-
eyri, en það verður eldað fyrir
okkur á öllum stöðunum sem við
spilum á. Súpa eða eitthvað. Við
ættum alla vega ekki að svelta.“
- drg
Segjast vera finnskir
ÆTLA AÐ SEGJAST FINNSKIR Noise
blanda saman poppi og metal á næstu
plötu.
Skífan Laugavegi 26 · Skífan Kringlunni · Skífan Leifstöð · www.skifan.is
Nýtt upphaf
NÝJAR DVD
MYNDIR Í SKÍFUNNI
MESTA ÚRVAL
LANDSINS AF SKEMMTUN
ÞÚ FÆRÐ ALLAR VINSÆLUSTU
DVD MYNDIRNAR Í SKÍFUNNI