Fréttablaðið - 22.11.2008, Blaðsíða 68

52 22. nóvember 2008 LAUGARDAGUR
Breski grínistinn Eddie Izzard
ætlar að búa til kvikmynd byggða
á sjónvarpsþáttum sínum The
Riches. Izzard lék aðalhlutverkið í
þeim ásamt Minnie Driver en
sjónvarpsstöðin FOX ákvað að
hætta framleiðslunni eftir tvær
þáttaraðir.
The Riches voru tilnefndir til
Golden Globe- og Emmy-verð-
launanna og fjölluðu um fjöl-
skyldu sem hafði lifibrauð sitt af
því að svindla á öðru fólki. „Við
funduðum og handritshöfundarnir
ætla að búa til sögu,“ sagði Izzard
við BBC. „Við ætlum að safna
pening eins og Barack Obama
gerði í gegnum netið og við ætlum
að taka upp að hætti skæruliða.
Við ætlum að mæta á staðinn og
taka upp án þess kannski að hafa
leyfi fyrir því.“
Izzard dvelur þessa dagana í
London þar sem uppistandssýning
hans, Stripped, fer fram. Hann
játar að núna sé ekki besti tíminn
fyrir sjálfstæða framleiðendur
eins og hann til að safna fyrir
nýju myndinni. „Það er erfitt að
ná í pening og þess vegna þarf
maður að beita nýjum ráðum.“
Riches á
hvíta tjaldið
Bítillinn Sir Paul McCartney
segist hafa áhyggjur af efnahags-
kreppunni sem tröllríður nú öllu.
Hann segist hafa hringt í
endurskoðandann sinn um daginn
og spurt hvort hann þurfi að hafa
áhyggjur af peningunum sínum.
„Hann sagði að ég væri eins
berskjaldaður og allir aðrir, ef
bankarnir fara á hausinn,“ sagði
McCartney. „Eins og við stundum
okkar viðskipti eru samt ekki
miklar líkur á að ég lendi í
vandamálum.“ McCartney bætti
við að hann væri ósáttur við það
hversu kreppan hefði haft slæm
áhrif á almenning.
Hræddur við
kreppuna
PAUL MCCARTNEY Bítillinn fyrrverandi
hringdi í endurskoðandann sinn um
daginn vegna kreppunnar.
THE RICHES
Eddie Izzard og
Minnie Driver.
Söngkonan Ashlee
Simpson eignaðist sitt
fyrsta barn á fimmtu-
dagskvöld. Eiginmað-
ur hennar, rokkarinn
Pete Wentz úr Fall
Out Boy, var viðstadd-
ur fæðinguna.
Hjónakornin eignuð-
ust heilbrigðan son
sem hefur fengið
nafnið Bronx Mowgli.
Ashlee er sem
kunnugt er yngri
systir söngkonunnar
Jessicu Simpson. Hún
gekk að eiga bassaleikarann Wentz skömmu áður en tilkynnt var að
hún gengi með barn þeirra. „Ashlee, Pete og Bronx eru öll ánægð og
þeim líður vel. Þau þakka öllum fyrir góðar kveðjur,“ sagði talsmað-
ur þeirra.
Ashlee ungar út
HAMINGJUSÖM Ashlee Simpson og Pete Wentz
eignuðust son á fimmtudagskvöld. NORDICPHOTOS/GETTY
Margt var um manninn í Iðnó þegar tónlistarmaður-
inn Hörður Torfason kynnti ævisögu sína Tabú sem
Ævar Örn Jósepsson ritaði.
Bókaútgáfan Tindur stóð fyrir kynningunni sem
heppnaðist vel. Ævar Örn las upp úr bókinni auk
þess sem viðstaddir gátu keypt hana á kynningar-
verði. Hafði Hörður nóg að gera við að rita nafn sitt
í bókina.
Hörður kynnti ævisögu
HÖRÐUR OG ÆVAR
Hörður Torfason og
Ævar Örn Jósepsson
unnu ævisöguna Tabú
í sameiningu.
FR
ÉTTA
B
LA
Ð
IÐ
/A
N
TO
N
VIÐAR OG KRISTÍN Leik-
stjórinn Viðar Eggertsson
og rithöfundurinn Kristín
Helga Gunnardóttir voru
á meðal gesta.