Fréttablaðið - 22.11.2008, Blaðsíða 72

56 22. nóvember 2008 LAUGARDAGUR
sport@frettabladid.is
FÓTBOLTI Landsliðskonan Hólm-
fríður Magnúsdóttir hefur náð
munnlegu samkomulagi við
sænska félagið Kristianstad,
þar sem Elísabet Gunnarsdótt-
ir er tekin við þjálfun, en
hún hefur verið einn
allra besti leikmað-
ur Landsbanka-
deildar kvenna
með KR undan-
farin ár.
„Það var mjög erf-
itt að yfirgefa KR eftir
svona mörg og góð ár
hjá félaginu en ég er
gríðarlega sátt við
mína ákvörðun að ganga
til liðs við Kristian-
stad og hlakka mikið
til að fara út,“ segir
Hólmfríður.
Hólmfríður segir að
það hafi vissulega auð-
veldað ákvörðun sína að
þekkja Elísabetu, þjálf-
ara Kristianstad. „Ég þekki vel til
Betu og veit til þess að hún er
metnaðarfullur og frábær
þjálfari þannig að ég veit að
hverju ég geng. Hún er líka
búin að gera mér grein
fyrir því að ég geti enn
þá bætt mig mikið sem
leikmaður og ég ætla
mér að sjálfsögðu að
gera það,“ segir
Hólmfríður ákveðin.
Hólmfríður við-
urkennir þó að
eitt atriði sem
varðar félaga-
skiptin sé að valda sér hug-
arangri.
„Það er að vísu eitt nei-
kvætt við þetta allt saman
en það er sú staðreynd að
liðið spilar í rauðu. Það
finnst mér verst,“ segir
Hólmfríður á léttum
nótum en getur þó hugg-
að sig við það að vara-
búningar Kristianstad
eru svartir og hvít-
ir. - óþ
Hólmfríður Magnúsdóttir til liðs við Kristianstad:
Verst að liðið spilar
í rauðum treyjum
HÓLMFRÍÐUR Hrellir
varnarmenn í sænsku
úrvalsdeildinni næstu
árin. FRÉTTABLAÐIÐ/STEFÁN
EHF-bikarinn
Gummersbach-Fram 38-27 (16-14)
Markahæstir hjá Gummersbach: Vedran Zrnic
11, Róbert Gunnarsson 8.
Möbelringen-bikarinn
Noregur-Ísland 36-15 (18-5)
Mörk Íslands: Ágústa Edda Björnsdóttir 4, Rakel
Dögg Bragadóttir 2, Sigurbjörg Jóhannsdóttir 2,
Íris Ásta Pétursdóttir 2, Hann G. Stefánsdóttir 2,
Arna Sif Pálsdóttir 1, Dagný Skúladóttir 1,
Hrafnhildur Skúladóttir 1.
Subway-bikarinn
Hamar-Fjölnir 83-85 (38-47)
Stig Hamars: Jason Pryor 26, Marvin Valdimars-
son 23, Svavar Pálsson 13, A. Gunnarsson 11,
Bragi Bjarnason 6, Ragnar Nathanaelsson 4.
Stig Fjölnis: Haukur Pálsson 22, Patrick Oliver
18, Arnþór Guðmundsson 16, A. Steinarsson 9,
Sverrir Karlsson 7, Sindri Kárason 5, Brynjar
Kristófersson 4, Tryggvi Pálsson 4.
KFÍ-Tindastóll 87-92 (38-51)
Stig KFÍ: Craig Schoen 32, Pance Ilievski 18,
Daniel Kalov 15, Birgir Pétursson 14, Aleksandar
Davitkov 8.
Stig Tindastóls: Soren Flæng 26, Svavar
Birgisson 24, Allan Fall 16, Hreinn Birgisson 8,
Ísak Einarsson 8, Helgi Viggósson 7, Halldór
Halldórsson 3.
Mostri-Stjarnan 49-103 (16-55)
Stig Mostra: B. Björgvinsson 14, G. Gunnarsson
13, R. Jörgensen 8, B. Björnsson 5, A. Ásgeirsson
4, O. Hjartarson 3, G. Ásgeirsson 2.
Stig Stjörnunnar: Fannar Helgason 22, Hjörleifur
Sumarliðason 17, Justin Shouse 16, Kjartan
Kjartansson 13, Birkir Guðlaugsson 13, Jovan
Zdravevski 5, Guðjón Lárusson 3, Ólafur J.
Sigurðsson 2, Hafþór Ö. Þórarinsson 2.
ÚRSLIT
> HK og FH mætast í Digranesi
Einn leikur fer fram í N1-deild karla í handbolta í dag
þar sem spútniklið FH mætir HK í Digranesi og hefst
leikurinn kl. 14.10. FH á harma að hefna gegn HK en
Kópavogsliðið vann fyrri viðureign liðanna í Kaplakrika,
33-36, í hörkuleik. Með sigri geta FH-ingar orðið jafnir
Akureyringum í öðru sæti deildarinnar en HK getur með
sigri skotist upp að hlið Hafnfirðinga í
þriðja sætinu. Fólk er hvatt til þess að
fjölmenna í Digranesið til þess að sjá
frábæran handbolta.
SUND Sarah Blake Bateman, 18
ára sundkona úr Ægi, bætti í gær
fimm ára Íslandsmet Kolbrúnar
Ýrar Kristjánsdóttur í 50 metra
baksundi þegar hún tryggði sér
Íslandsmeistaratitilinn í greininni
í 3. hluta Íslandsmeistaramótsins
í 25 m laug í Laugardalslauginni.
Sarah hafði skömmu áður
tryggt sér sigur í 100 metra
skriðsundi eftir hörkukeppni við
Sigrúnu Brá Sverrisdóttur sem
tryggði sér sigur í 200 metra
flugsundi í næsta sundi. Sarah
var í gullstuði í gær því hún var
einnig í boðsveit Ægis sem vann
200 metra boðsund á nýju
Íslandsmeti.
Davíð Hildiberg Aðalsteinsson
úr ÍBR og Hrafnhildur Luthers-
dóttir úr SH urðu líka tvöfaldir
Íslandsmeistarar í gær eins og
Sarah. Hrafnhildur vann 100
metra fjórsund og 200 metra
bringusund. Hún setti nýtt
stúlknamet í 100 metra fjórsundi
þegar hún synti á 1:03.27 mínútu.
Davíð vann 100 metra skriðsund
og 50 metra baksund. - óój
Íslandsmót í 25 m laug:
Sarah með Ís-
landsmet í gær
ÞRJÚ GULL Sarah Blake Bateman var í
stuði í gær. FRÉTTABLAÐIÐ/VILHELM
Ókeypis
fjármálanámskeið
fyrir Kópavogsbúa
Hagræðing í heimilishaldi og góð yfirsýn í fjármálum
Mánudaginn 24. nóvember og mánudaginn 1. desember, kl. 17.30–19.30 í sjálfboða-
miðstöð Kópavogsdeildar Rauða krossins að Hamraborg 11, 2. hæð.
Námskeiðin eru ókeypis en nauðsynlegt er að skrá sig – hámark 25 manns á námskeið.
Nánari upplýsingar og skráning:
í síma 554 6626 eða með tölvupósti á kopavogur@redcross.is.
Kvennalandslið Íslands í handbolta lék í gær sinn fyrsta leik á Möbel-
ringen Cup, gríðarsterku fjögurra þjóða æfingamóti sem fram fer í Nor-
egi, gegn Evrópu- og Ólympíumeisturum Noregs og tapaði sannfærandi
með tuttugu og eins marks mun. Lokatölur urðu 36-15 en staðan í
hálfleik var 18-5. Rússland og Danmörk skildu jöfn 27-27 í hinum
leik mótsins.
Landsliðsþjálfarinn Júlíus Jónasson bjóst vitanlega fyrirfram
við erfiðum leik gegn Noregi og það varð svo raunin í Oppsal
Arena í gærkvöldi.
„Það er óhætt að segja að svona sterkt lið eins og Nor-
egur refsar náttúrulega grimmilega fyrir hver einustu mistök
hjá mótherjanum og við fengum að kenna á því í þessum
leik,“ segir Júlíus.
Júlíus var þó talsvert ánægðari með seinni
háfleikinn en þann fyrri og hefur fulla trú á því
að íslensku stelpurnar læri af því að mæta jafn
sterkum mótherjum og Norðmönnum.
„Leikurinn var náttúrulega allur mjög erfiður
en mér fannst við vera að spila talsvert betur á
kafla í seinni hálfleik. Í fyrri hálfleik vorum við að gera allt of mikið af
feilum og þær norsku voru að skora mörg auðveld mörk úr hraðaupp-
hlaupum. Í hálfleik fórum við yfir stöðu mála og ákváðum að núllstilla
leikinn og fórum inn í seinni hálfleik með hugann við að staðan væri
bara 0-0 og þá náðum við upp ágætis spilamennsku. Ég var
ánægður með fyrstu tuttugu mínúturnar í seinni hálfleik eða þar
til í stöðunni 28-14 að kemur aftur slæmur kafli hjá okkur og
þær norsku skora sjö mörk í röð. Við verðum bara að halda
áfram og ég er sannfærður um að stelpurnar læra mikið af
því að mæta þessum sterku þjóðum sem eru á þessu móti og
þetta er því góður undirbúningur fyrir framhaldið,“ segir Júlíus
að lokum.
Í dag kl. 13 bíður ekki síður erfitt verkefni fyrir
íslensku stelpurnar þegar þær mæta heimsmeistur-
um Rússa. Æfingamótið í Noregi er liður í undirbún-
ingi kvennalandsliðs Íslands fyrir undankeppni HM
sem fram fer í Póllandi dagana 25.-30. nóvember
næstkomandi, en Ísland er þar í riðli ásamt Lett-
landi, Póllandi, Slóvakíu og Sviss.
JÚLÍUS JÓNASSON: KVENNALANDSLIÐ ÍSLANDS TAPAÐI STÓRT GEGN EVRÓPU- OG ÓLYMPÍUMEISTURUM NOREGS
Okkur var refsað grimmilega fyrir hver mistök
HANDBOLTI Þýska stórliðið Gum-
mersbach vann Fram 38-27 í fyrri
leik liðanna í þriðju umferð EHF-
bikarsins í gærkvöld en báðir leik-
irnir fara fram í Þýskalandi. Stað-
an í hálfleik var 16-14 fyrir
heimamenn sem skildu svo bar-
áttuglaða Framara eftir í seinni
hálfleik. Róbert Gunnarsson, línu-
maður Gummersbach, reyndist
sínum gömlu liðsfélögum í Fram
erfiður og skoraði átta mörk.
„Framararnir stóðu sig að mínu
mati mjög vel og lokatölurnar
segja ekkert allt um leikinn, þar
sem þetta var barningur nánast
allar sextíu mínúturnar. Við þurft-
um að hafa virkilega fyrir þessu
og ég var búinn að vara menn við
því að vanmeta Framarana ekki,
en þeir hlustuðu greinilega ekkert
á það. Við sigum í raun og veru
bara fram úr á síðustu tíu mínút-
unum og ég veit ekki hvort að það
hafi verið spurning um líkamlegt
form eða hvað en þetta hafðist í
lokin hjá okkur,“ segir Róbert.
Gummersbach er nú að mæta
íslensku félagsliði í Evrópukeppn-
um en í fyrra var félagið með Val í
riðli í Meistaradeildinni og árið
þar á undan með Fram í riðli í
sömu keppni.
„Það er náttúrulega rosalega
gaman fyrir mig að mæta þessum
íslensku liðum og þá sérstaklega
gömlu liðfélögunum mínum í
Fram og maður leggur sig alltaf
sérstaklega fram í þeim leikjum.
Framarar voru að spila skemmti-
legan handbolta og talsvert betri
en fyrir tveimur árum,“ segir
Róbert.
Seinni leikur liðanna fer fram á
sunnudagskvöld og allt bendir til
þess að Gummersbach sé þegar
komið áfram í fjórðu umferð
keppninnar enda með ellefu marka
forskot. Róbert segir Gummers-
bach ætla sér stóra hluti í keppn-
inni.
„Það má helvíti mikið gerast til
þess að við klúðrum þessu niður.
Þetta hefur annars gengið fínt hjá
okkur og við ætlum okkur eins
langt í keppninni og við mögulega
getum og erum bara bjartsýnir á
framhaldið,“ segir Róbert að
lokum. omar@frettabladid.is
Róbert reyndist erfiður
Þýska liðið Gummersbach með silfurmanninn Róbert Gunnarsson í farar-
broddi vann ellefu marka sigur á Fram í EHF-bikarnum í gær. Framarar stóðu í
Gummersbach lengi vel en Þjóðverjarnir sigldu fram úr seint í síðari hálfleik.
ÖFLUGUR Framarar lentu í basli með Róbert Gunnarsson í gærkvöld sem skoraði
átta mörk gegn sínum gömlu liðsfélögum í 38-27 sigri Gummersbach. GUMMERSBACH