Fréttablaðið - 22.11.2008, Blaðsíða 74
58 22. nóvember 2008 LAUGARDAGUR
KÖRFUBOLTI Benedikt Guðmunds-
son, þjálfari KR, var afar ósáttur
við frammistöðu sinna manna
gegn Stjörnunni fyrir rúmri viku
og brá því á það ráð að skora á sína
menn fyrir næsta leik gegn Njarð-
vík í von um að þeir myndu mæta
á tánum.
Þjálfarinn vildi sjá sína stráka
halda Njarðvík undir 70 stigum í
leiknum. Fyrir hvert stig undir 70
myndu hann og Ingi Þór Stein-
þórsson aðstoðarþjálfari hlaupa
svokallað sjálfsmorðshlaup sem
íþróttamenn kalla í daglegu máli
„suicide“. Ef strákarnir fengju á
sig yfir 70 stig þyrftu þeir að sama
skapi að hlaupa sjálfsmorðshlaup.
Sama regla, eitt sjálfsmorðshlaup
fyrir hvert stig.
Það verður ekki annað sagt en
að þessi taktík Benedikts hafi
svínvirkað því KR-strákarnir
mættu betur stemmdir til leiks en
áður í vetur og hreinlega slátruðu
Njarðvíkingum. Lokatölur 103-48
og þjálfararnir í vondum málum
enda 22 sjálfsmorðshlaup sem
biðu handan við hornið. Áskorunin
hafði það góð áhrif að KR slakaði
ekki á klónni fyrr en leikurinn var
búinn enda vildu leikmennirnir
sjá þjálfarana svitna meira en þeir
hafa gert í mörg ár.
„Þetta var alveg svakaleg
frammistaða hjá strákunum. Ég
get alveg viðurkennt að síðustu
mínúturnar var ég hálfpartinn
farinn að vonast til þess að skot
Njarðvíkinga færu niður til þess
að fækka hlaupunum,“ sagði Bene-
dikt en hann og Ingi Þór stóðu að
sjálfsögðu við stóru orðin, mættu í
æfingagallanum daginn eftir og
hlupu líkt og enginn væri morgun-
dagurinn.
Fyrir þá sem ekki vita hvað
sjálfsmorðshlaup er þá gengur
það út á að hlaupa frá endalínu að
vítalínu og til baka. Næst að miðju
og til baka, því næst að vítalínu á
hinum enda vallarins og til baka
og að lokum allan völlinn fram og
til baka. Það er eitt sjálfsmorðs-
hlaup og er ætlast til þess að þetta
sé hlaupið á fullu gasi. 22 slík
hlaup urðu þjálfararnir að taka.
„Jón Arnór hringdi reyndar í
mig og bauð okkur samning fyrir
hönd leikmannnanna. Það snerist
um að þeir myndu sætta sig við að
sjá okkur hlaupa bara eitt „suic-
ide“ ef við værum til í að gera það
á nærbuxunum. Það kom aldrei til
greina af okkar hálfu og tilboðinu
því hafnað snarlega,“ sagði Bene-
dikt sem segir hlaupið hafa gengið
ágætlega og þeir félagar hafi
klárað að sjálfsögðu.
„Þetta fór ágætlega af stað en
strax í þriðja hlaupi voru lappirnir
á mér eins og steypuklumpar og
ég dró þær eiginlega bara það sem
eftir var. Svo vorum við á tímabili
í hálfgerðu móki og mundum ekki
á hvaða línu ætti næst að fara.
Þetta hafðist að lokum og strák-
arnir voru alveg gáttaðir, þeir áttu
aldrei von á að við gætum þetta,“
sagði Benedikt stoltur en hann
hefur ekki tekið svona á því í rúm
20 ár.
„Síðast þegar ég tók svona á því
var þegar ég hjólaði hringveginn
og safnaði peningum fyrir Krýsu-
víkursamtökin árið 1987 en þá var
ég 15 ára. Ég verð að viðurkenna
að þetta reyndi meira á en hring-
ferðin,“ sagði Benedikt léttur og
bætti við að hann vonaðist til þess
að mjólkursýran færi úr fótunum
á honum í febrúar.
henry@frettabladid.is
Vildu ekki hlaupa á nærbuxunum
Þjálfarar körfuboltaliðs KR, Benedikt Guðmundsson og Ingi Þór Steinþórsson, töpuðu áskorun við leik-
menn sína í leiknum gegn Njarðvík á dögunum. Það þýddi að þeir þurftu að hlaupa 22 sjálfsmorðshlaup.
Leikmennirnir buðu þjálfurunum samning sem hljóðaði upp á eitt hlaup á nærbuxunum. Því var hafnað.
SKEMMTILEGT Fjöldi manna fylgdist
með hlaupinu. FRÉTTABLAÐIÐ/VALLI
GJÖRSAMLEGA BÚNIR Benedikt og Ingi héngu hreinlega utan í veggjum og mörkum
eftir hlaupið enda algjörlega búnir á því. Sjáið angistarsvipinn á Inga.FRÉTTABLAÐIÐ/VALLI
FLOTT HJÁ YKKUR STRÁKAR Jón Arnór stappar stálinu í þjálfara sína á meðan þeir
kasta mæðinni á milli hlaupa. FRÉTTABLAÐIÐ/VALLI
HJARTAÁFALL? Það er engu líkara en Benedikt Guðmundsson, þjálfari KR, sé að fá hjartaáfall á þessari mynd. Skal engan undra
þar sem hann hafði ekki hlaupið eins mikið í rúm 20 ár. Ingi Þór lokar augunum og reynir að hugsa ekki um mjólkursýrumynd-
unina í kálfunum. FRÉTTABLAÐIÐ/VALLI
HANDBOLTI Það var dregið í átta
liða úrslitum Eimskipsbikars
karla í hádeginu í gær. Er ekki
hægt að segja annað en að
drátturinn sé afar áhugaverður.
Stórleikur umferðarinnar er
klárlega leikur Hafnarfjarðarlið-
anna, FH og Hauka, í Kaplakrika.
Þegar liðin mættust í Krikanum á
dögunum var ótrúleg stemning og
hátt í þriðja þúsund manns fylltu
kofann.
Má búast við ekki síðri
stemningu nú, en FH vann þann
leik sælla minninga og Haukar
stefna því á hefndir.
Fram og Valur mætast í
Safamýrinni en lítill kærleikur er
á milli þessara liða. Selfoss tekur
á móti Stjörnunni fyrir austan
fjall en það er varhugaverður
leikur fyrir Stjörnuna sem er án
margra lykilmanna.
Að lokum tekur Stjarnan 2 á
móti toppliði 1. deildarinnar,
Gróttu. Leikirnir fara fram
dagana 7. og 8. desember. - hbg
Eimskipsbikar karla:
Stórleikur í
Krikanum
HASAR Það var hart barist í Krikanum
síðast og verður eflaust gert á ný í byrj-
un desember.
FÓTBOLTI Knattspyrnumenn hafa
ýmislegt fyrir stafni utan vallar.
Nýjasta nýtt er að varnarmenn-
irnir Rio Ferdinand hjá
Manchester United og Ashley
Cole hjá Chelsea hafa tekið
höndum saman og verða á meðal
framleiðanda í nýrri kvikmynd
með rapparanum 50 cent.
Myndin heitir Dead Man
Running þar sem 50 cent leikur
fyrrum fanga á flótta með miklar
skuldir á bakinu.
Rio hefur lengi verið mikill
aðdáandi 50 cent og stökk upp á
svið með honum fyrir þrem árum
síðan og tók með honum lagið.
Sjálfur hefur Rio sagt að hann
hefði viljað gerast leikari ef hann
hefði ekki orðið knattspyrnumað-
ur. - hbg
Rio og Ashley Cole:
Í slagtogi með
50 cent
RIO FERDINAND Setur peninga í mynd
með 50 cent. NORDIC PHOTOS/GETTY IMAGES
KÖRFUBOLTI Keflavíkurkonur settu
nýtt met í þriggja stiga körfum í
91-69 sigri sínum á Val á miðviku-
dagskvöldið. Keflavíkurliðið
skoraði nítján þrista í leiknum og
bætti þar með gamla metið um
heilar þrjár körfur en það met
var einnig í eigu Keflavíkur.
Stelpurnar slógu líka körlunum
við því ekkert karlalið hefur náð
að skora svona margar þrista í
einum leik í Iceland Express
deildinni í vetur.
Það má með sanni segja að yfir-
burðir Keflavíkur í leiknum hafi
að stórum hluta legið í frábærri
hittni heimastúlkna sem skoruðu
sextán fleiri þriggja stiga körfur
en Valsliðið í þessum leik en þar
munar 48 stigum í leik sem liðið
vinnur með 22 stigum. Keflavík
vann því sannfærandi sigur þrátt
fyrir að skora aðeins níu
tveggja stiga körfur í
öllum leiknum.
Sjö leikmenn Keflavík-
ur settu niður þriggja stiga
körfur í þessum leik þar
af voru fjórar þeirra
með þrjár þriggja
stiga körfur
eða meira.
Pálína Gunn-
laugsdóttir
og Svava
Ósk Stefáns-
dóttir voru
allt í öllu þegar
kom að skot-
sýningu Keflavíkurliðsins.
Pálína kom að tólf körfum,
skoraði fjórar sjálf og átti
átta stoðsendingar fyrir
þriggja stiga körfur að auki.
Svava átti þátt í níu
þriggja stiga
körfum, skoraði
fimm sjálf og
átti síðan stoð-
sendingar
fyrir fjórar
að auki. Þær
Ingibjörg
Elva Vil-
bergsdóttir
og Hrönn Þor-
grímsdóttir náðu
síðan báðar að skora
þrjá þrista hvor.
Það var fyrirliðinn
Ingibjörg Elva Vil-
bergsdóttir sem bætti gamla
metið þegar hún setti niður sautj-
ánda þrist liðsins þegar rúmar 7
mínútur voru eftir af leiknum.
Keflavíkurliðið átti gamla metið
sem var frá 29. nóvember 2006 í
122-96 sigurleik gegn Grindavík.
Ingibjörg var einn af þremur
leikmönnum liðsins sem tók þátt í
báðum þessum leikjum en hinir
eru Svava Ósk Stefánsdóttir og
Birna Valgarðsdóttir.
Það hefur ekkert lið í Iceland
Express deildunum skorað fleiri
þriggja stiga körfur í einum leik
en Keflavíkurkonur á miðviku-
dagskvöldið því besti árangur
karlaliðs í vetur eru 17 þristar
sem KR-ingar settu niður á móti
Keflavík 19. október síðastlið-
inn.
- óój
Keflavíkurkonur skoruðu sextán fleiri þriggja stiga körfur en Valur í leik liðanna á miðvikudagskvöldið:
Skoruðu 19 þrista og settu glæsilegt met
KOM AÐ 12 KÖRFUM Pál-
ína Gunnlaugsdóttir var allt
í öllu skotveislu Keflavíkur.
FRÉTTABLAÐIÐ/STEFÁN
MET HJÁ KEFLAVÍK
Flestar þriggja stiga körfur í einum
leik í efstu deild kvenna:
19 - Keflavík á móti Val 19. nóv. 2008
16 - Keflavík á móti Grindavík 29.nóv. 2006
15 - Grindavík á móti Hamar 5. jan. 2008
14 - Haukar á móti Keflavík 4. nóv. 2007
14 - Keflavík á móti Haukum 5. des. 2007
14 - Keflavík á móti KR 30. janúar 2008
14 - Keflavík á móti Breiðab.1. mars 2006
Flestir þristar í einum leik í Iceland
Express deildunum í vetur:
19 - Kvennalið Keflavíkur á móti Val
17 - Karlalið KR á móti Keflavík
16 - Karlalið FSu á móti Breiðabliki
15 - Karlalið FSu á móti Njarðvík
15 - Karlalið Grindavíkur á móti Njarðvík
15 - Karlalið FSu á móti Keflavík