Fréttablaðið - 22.11.2008, Blaðsíða 64

48 22. nóvember 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Anna Margrét Björnsson
Nýlega las ég bráðskemmtilega bók eftir bandaríska rithöfundinn
Stephanie Meyer en hún fjallar um ástir milli ungrar stúlku og vampíru.
Bókin er ofurvinsæl vestra og er nú komin í íslenska þýðingu og því
ábyggilega vampíruæði í uppsiglingu meðal ungmenna. Vampíruæði
gerast alltaf á ákveðnum tímabilum, til dæmis voru bækur Anne Rice um
vampíruna Lestat gífurlega vinsælar á níunda áratugnum og ábyggilega
fyrirmynd margra „gothara“. „Twilight“-bækur Stephanie Meyer fylgja
ákveðinni tískubylgju bókmennta en þar má meðal annars nefna The
Hollows eftr Kim Harrison og Anita Blake: Vampire Hunter eftir Laurell
K. Hamilton. Vampírur hættu að verða bara óhugnanleg skrímsli þegar
Bram Stoker gæddi þær kynþokka og
fegurð á nítjándu öldinni. Undanfarna
áratugi hafa vampírusögur að miklu
leyti snúist um hversu svalar
vampírurnar eru, burtséð frá þessu
litla aukaatriði að þær drepi fólk og
sjúgi úr þeim blóðið. Sögur um
vampírur einkennast af fegurð og
rómantík og slatta af kynlífi líka. Þeir
sem eru vel að sér í vampírufræðum
ættu líka að vita að þar sem vampírur eru ódauðlegar varir ást þeirra að
eilífu eða að minnsta kosti öldum saman þangað til einhver bíræfin
mannvera skýtur þær með silfurkúlu. Hvað tísku varðar eru vampírur
auðvitað skelfilega töff. Háar, grannar og fölar á vanga, í svörtum fötum
og yfirnáttúrulega fallegar. Nútímavampírur eru að sjálfsögðu alltaf með
sólgleraugu á daginn þar sem þær þola klárlega ekki sólarljósið. Með
fegurri vampírum sem hafa sést á hvíta tjaldinu er franska kynbomban
Catherine Deneuve í eitís költ-myndinni The Hunger. Þar leikur hún á
móti guðdómlega fögrum David Bowie en saman leggja þau snörur fyrir
fórnarlömb undir tónlist eftir Bauhaus. Deneuve er klædd svörtum
kvenlegum drögtum frá Yves St. Laurent í myndinni með óaðfinnanlega
greitt ljóst hárið og kattarleg sólgleraugu. Blóðrauður varalitur setur svo
punktinn yfir i-ið. Það væri margt vitlausara í skammdeginu en að sækja
innblástur í smá goth-horror líkt og margir tískuhönnuðir hafa greinilega
gert fyrir veturinn. Kominn tími til að prófa svartan varalit, elska
einhvern að eilífu og jafnvel bíta laust.
Goth horror
> FÖRÐUNARNÁMSKEIÐ HJÁ MAC
Nú í nóvember og desember standa yfir spennandi
námskeið hjá Mac þar sem förðunarmeistarinn Guðbjörg
Huldís leiðbeinir um meðferð húðar, hvernig velja á rétta
farðann og hvað sé að
gerast í dag í heimi förð-
unar. Námskeiðin verða
á mánudags-, þriðju-
dags- og miðvikudags-
kvöldum, annaðhvort í
heimahúsum eða Mac í
Kringlunni.
Sport foundation frá Make Up
Store. Borið á andlitið með bursta
og lætur húðina virðast full-
komna.
Þetta hlýja köflótta cape
lífgar upp á hvaða svarta dress
sem er. Frá KVK, Laugavegi.
Rauður varalitur frá YSL. Þokkafull-
ur og ekki skemma fagurgylltar
umbúðirnar fyrir.
OKKUR
LANGAR Í
…
Andi 19. aldar sveif yfir vötnum á sýningum Givenchy
og Christian Lacroix fyrir veturinn 2008. Þar gaf að
líta mjög gotneskar útfærslur af kjólum, buxna-
drögtum og höfuðskrauti sem minntu helst á
persónur úr vampírumyndum eða drungalegan
heim Tims Burton. Hönnuðurinn Riccardo Tisci
vakti mikla lukku með kynþokkafullum og
rokkuðum útfærslum af Viktoríutímabilinu:
hvítar skyrtur, leðurbuxur og svartar slár yfir
herðarnar. Haute Couture-sýning Lacroix var
íburðarmeiri og hann notaði óspart svart og
rautt til að auka dramatíkina. Fyrirsæturnar
voru svo að sjálfsögðu með föla vanga og
mikið af svartri eða grænni augnmálningu að
blóðsugnasið. - amb
FRÖNSK TÍSKUHÚS SÆKJA INNBLÁST-
UR TIL BLÓÐSUGNA OG VAMPÍRA
GOTNESK
RÓMANTÍK
GAMALDAGS
Hárauður
kjóll með
svörtum
blúnduerm-
um frá haute
couture-sýn-
ingu Christi-
an Lacroix.
BLÚNDA
Gullfallegur
og fínlegur
blúndukjóll
frá haute
couture-sýn-
ingu Givenchy
fyrir veturinn
2009.
GLÆSILEGUR
Blúndukjóll
með miklum
púffermum
frá Christian
Lacroix.
ROKKAÐ
Óneitanlega
svöl sam-
setning hjá
Givenchy
sem Lestat
vampíra
hefði verið
stoltur af.
DRAMATÍSKT
Fallegur jakki
með breiðum
öxlum frá
Christian
Lacroix.
SEXÍ Stuttur
flauelskjóll
með áföstu
keipi frá
Christian
Lacroix.
GOTNESKT
Þessi kápukjóll
með hettu frá
Givenchy gæti
verið beint úr
bíómynd.
Nýtt sölugallerý
Vönduð olíumálverk á hreint
ótrúlegu verði!
Verið velkomin, sjón er sögu
ríkari. Opnunartími:
mán-fös 10-18 lau og sun 12-17
Rauðarárstíg 6
Sími: 567-7888
www.art2b.is