Fréttablaðið - 22.11.2008, Blaðsíða 69
LAUGARDAGUR 22. nóvember 2008
„Maður er búinn að vera anarkisti
og pönkari öll þessi ár og núna
skyndilega er maður ekki eini reiði
maðurinn á landinu. Það er svolítið
sérstök tilfinning,“ segir Sigurður
Harðarson, eða Siggi pönk. „Fólk
er byrjað að pikka í anarkista og
pönkara og segja: „Kannski höfðuð
þið eitthvað að segja þegar upp er
staðið.“.“
Siggi ritstýrir nú tímaritinu
Lífsmörk – jákvæðar hugmyndir
um viðbrögð og aðgerðir á kreppu-
tímum. Fyrsta tölublaðið kom út
um síðustu helgi og var því dreift í
tvö þúsund eintökum á mótmæla-
fundinum á Austurvelli og á borg-
arafundi á Nasa. „Í blaðinu legg ég
til að fólk fari að skipuleggja sig
sjálft fram hjá þessum kerfum
sem of fáir ráða yfir,“ segir Siggi.
„Í síðasta blaði mæltist ég til að
fólk stofnaði heimavarnarlið með
neyðarsíma sem fólk gæti hringt í
þegar það ætti að reka það út úr
húsinu sínu, þannig að heimilin
séu varin með handafli. Þarna var
líka grein til lögregluþjóna. Við
vitum að þeir eru alveg jafnblank-
ir og allir hinir og ef þeim er skip-
að að reka fólk í burtu þá ættu þeir
frekar að ganga í lið með okkur,“
segir hann og er sannfærður um
að skipta þurfi um fólk í brúnni.
„Grunnvandamálið er að það eru
of fáir búnir að vera með of mikil
völd í of langan tíma.“
Siggi, sem er hjúkrunarfræðing-
ur, segir fyrirhugaðan niðurskurð
í heilbrigðiskerfinu ekki koma sér
á óvart. „Það var búinn að vera
niðurskurður í góðærinu. Heil-
brigðiskerfið er búið að lifa við
kreppu í langan tíma. En ég spyr:
Hvernig er þetta með sendiráðin
og utanríkisráðuneytið. Það er 200
milljóna hús í Japan sem er sendi-
ráð en sendiráð Hollands á Íslandi
er bara skrifstofa og „funkerar“
alveg. Þetta er montræfilsháttur
sem við höfum ekki efni á.“ - fb
Ritsýrir kreppublaði
SIGGI PÖNK Tónlistarmaðurinn, hjúkr-
unarfræðingurinn og anarkistinn ritstýrir
tímaritinu Lífsmörk. FRÉTTABLAÐIÐ/GVA
Dómnefnd Kraumsverðlaunanna, sem
verða afhent í fyrsta sinn í næstu
viku, hefur birt lista sem inniheldur
48 plötur sem koma til greina sem
verðlaunaplötur ársins.
Alls verða fimm plötur verðlaunað-
ar og síðar mun ein plata hljóta
titilinn Kraumsverðlaunaplata ársins
2008. Úrvalslisti með þeim tuttugu
plötum sem komu oftast upp í
skilalistum dómefndaraðila hefur
einnig verið birtur. Gefur listinn
vísbendingar um hvaða plötur verða
útnefndar til verðlaunanna. Á meðal
þeirra eru nýjustu plötur Sigur Rósar,
Lay Low, Bang Gang, Emilíönu
Torrini, Dísu, Dr. Spock og Retro
Stefson. Þeir flytjendur sem komust
ekki á topp tuttugu listann eru meðal
annars Sprengjuhöllin, Bubbi
Morthens, Reykjavík, The Viking
Giant Show og Esja.
Dómnefnd Kraumsverðlaunanna er
skipuð fimmtán aðilum sem hafa víðtæka reynslu af að fjalla um og
spila íslenska tónlist á ýmsum sviðum fjölmiðlunar. Formaður
dómnefndar er Árni Matthíasson, blaðamaður á Morgunblaðinu.
Úrvalslisti Kraums
EMILÍANA TORRINI Nýjasta plata
Emilíönu, Me and Armini, komst á
úrvalslista dómnefndaraðila.
„Nei, það hefur aldrei hvarflað að
neinum að leggja Stuðmenn niður.
Þessi hljómsveit hefur verið til
síðan fyrsta unglingabólan birtist
á nefbroddinum á mér og verður
til meðan einhverjir eru í stuði,“
segir Jakob Frímann Magnússon
Stuðmaður.
Stuðmenn verða með gigg í
kvöld á Kaffi Duus-húsi í Reykja-
nesbæ og hefst þar með formlega
för hljómsveitarinnar um landið.
Framlínan er ný – Jónsi og Hara-
systur en að undanförnu hefur
verið að kvarnast úr þessari
hljómsveit allra landsmanna. Egill
Ólafsson, Þórður Árnason gítar-
leikari og áður Valgeir Guðjóns-
son hafa sagt skilið við Stuðmenn
en eftir eru, sé miðað við kjarnann
sem varð til þegar plöturnar
Sumar á Sýrlandi og Tívolí komu
út um miðjan 8. tuginn, Jakob,
Tómas Tómasson og Ásgeir Ósk-
arsson. Og með þeim nú eru snill-
ingarnir Eyþór Árnason og Guð-
mundur Pétursson. Jakob segir
enga kúvendingu um að tala. „Eins
og Þórður sagði svo réttilega: Það
er enginn að velta því fyrir sér
hvað verður um Vínadrengjakór-
inn þó einhver hætti. Engum datt í
hug að karlakórinn Fóstbræður
hætti þegar Kristinn Hallsson
sagði sig úr 1. bassa á sínum tíma.
Það er búið að prufukeyra þessa
nýju framlínu með frábærum
árangri. Gríðarleg orka í þessu
fólki,“ segir Jakob. Og nýjum
kröftum fylgir fersk nálgun. Jakob
segir glaða stemningu í hópnum,
spennandi tímar fram undan og
nýtt efni í gerjun. „Hafa ber í huga
að um tuttugu söngvarar hafa
sungið með Stuðmönnum,“ segir
Jakob og byrjar að þylja: Steinka
Bjarna, Bó, Geir Ólafs, Leoncie,
Valgeir, Addi rokk, Hildur Vala,
Gylfi Kristinsson, Bubbi, Helgi
Björns, Björn Jörundur, Long
John Baldry og þau Ragnhildur
Gísladóttir og Egill Ólafsson... „Ef
hægt væri að sameina þennan kór!
Svo ber á það að líta að skottið er
opið eins og þar stendur. Menn
geta tekið sér frí og komið aftur.
Eina forsendan fyrir þessum
félagsskap er glaðværð, sköpunar-
gleði og músíkalítet.” - jbg
Stuðmenn til með-
an einhver er í stuði
STUÐMENN Jakob segir gríðarlega orku
fylgja hinni nýju framlínu en för Stuð-
manna um landið hefst í Reykjanesbæ
í kvöld.
Er síminn til þín?
Lifðu núna
Settu flottan síma í jólapakkann
Nokia 5310 Xpress Music
0 kr. út
1.000 kr. inneign á mán. í 12 mán.
Þú greiðir 0 kr. út og 3.000 kr. á mán. í 12 mán.
eða staðgreiðir 34.900 kr.
Nokia 2630
0 kr. út
1.000 kr. inneign á mán. í 12 mán.
Þú greiðir 0 kr. út og 1.500 kr. á mán. í 12 mán.
eða staðgreiðir 15.900 kr.
F
í
t
o
n
/
S
Í
A