Fréttablaðið - 23.12.2008, Qupperneq 30

23. DESEMBER 2008 ÞRIÐJUDAGUR
Á Þorláksmessu skreyta margir jólatréð. Öll fjöl-
skyldan sameinast þá í því að greiða úr jólaserí-
um, koma fætinum í jólatrésstandinn og rifja
upp minningar sem fylgja hverju skrauti.
Engin ein leið er rétt þegar kemur að jólatrésskreyt-
ingum. Sumir kjósa stílhreinar skreytingar en aðrir
vilja hlaða á jólatréð heimagerðu skrauti úr ranni
fjölskyldunnar. Úrval af skrauti í verslunum landsins
er ótakmarkað og því ætti fólki ekki að verða skota-
skuld úr því að skreyta jólatréð. Það eina sem gæti
háð mönnum er valkvíðinn. Hér eru nokkrar myndir
af jólatrjám með ýmiss konar skrauti. Nú er bara að
velja hvað hentar hverjum.
- sg
Kertin standa á greinum
gul og rauð og blá
Hvítar kúlur og stjörnur eru í stíl við stofuna. Svo er hér notuð hvít slaufa í stað hinn-
ar hefðbundnu jólastjörnu á toppi trésins. NORDICPHOTO/GETTY
Gylltur litur er hlýlegur. Hér er gyllt
skraut í bland við skreyttar piparkökur
á trénu. Einnig er skemmtileg hugmynd
að setja lítið tré upp á kassa til að auka
veg þess.
Sumir kjósa gervitré og hér hefur verið
gengið alla leið með þá hugmynd.
Sannur jólaandi svífur yfir vötnum í þessum bjálkakofa.
Fjólublár er tískulitur og er jólatréð
sannarlega líflegt.Rauðar slaufur koma vel út á jólatrénu.
Hvít gervitré eru vissulega svolítið
bandarísk en þau fella í það minnsta
ekki barrið.