Fréttablaðið - 07.01.2009, Blaðsíða 2

2 7. janúar 2009 MIÐVIKUDAGUR
20–70%
afsláttur
RISA-
ÚTSALA
ELLING
SEN
Reykjavík, Fiskislóð 1
Opið mánudag–föstudag 10–18
laugardag 10-16
Akureyri, Tryggvabraut 1–3
Opið mánudag–föstudag 8–18
laugardag 10-16
Guðmundur, ertu genginn
feðraveldinu á hönd?
„Já, mamma er líka mjög ánægð
með það.“
Guðmundur Steingrímsson sagði sig úr
Samfylkingunni og er genginn til liðs við
Framsóknarflokkinn. Faðir Guðmundar og
afi gegndu báðir formennsku í Framsókn-
arflokknum.
Maðurinn sem lést í umferð-
arslysi á Suðurlandsvegi rétt
austan við Selfoss á mánu-
dagsmorgun
hét Guðjón
Ægir
Sigurjóns-
son. Hann
var til
heimilis að
Hrísholti 4 á
Selfossi.
Guðjón
var hæsta-
réttarlög-
maður hjá
Málflutningsskrifstofunni á
Selfossi og var jafnframt einn
eigenda fasteignasölunnar
Árborgir. Þá sat hann í
bankaráði Nýja Glitnis.
Guðjón var fæddur 4.
janúar 1971. Hann lætur eftir
sig eiginkonu og tvö börn. - hhs
Banaslys austan Selfoss:
Nafn hins látna
GUÐJÓN ÆGIR
SIGURJÓNSSON
VIÐSKIPTI Við smærri fjármála-
fyrirtækjum blasir gjörbreytt
rekstrarumhverfi eftir fall
bankanna og viðvarandi lausa-
fjárþurrð í heiminum. Spari-
sjóðir eiga víða í óformlegum
þreifingum um samstarf eða
samruna.
„Það eina sem maður getur
verið viss um er að ekkert
verður eins og var áður,“ segir
Jóhann Antonsson, stjórnarfor-
maður Sparisjóðs Svarfdæla.
Viðræður um samruna
Sparisjóðsins í Keflavík, Byrs
og SPRON eru á áætlun, en
ofsögum hefur verið sagt af
stofnun norðlensks fjármálafyr-
irtækis með aðkomu fjölda
sparisjóða.
- óká / Sjá Markaðinn
Samrunar smærri sparisjóða:
Viðhafa óform-
legar þreifingar
REYKJAVÍK Heildarskuldir sam-
stæðunnar, stofnana og fyrir-
tækja Reykjavíkur jukust um 96
milljarða á síðasta ári. Þar af voru
76 milljarðar vegna gengislækk-
unar. Á sama tíma standa eignir
borgarinnar í stað.
Þetta kemur fram í fjárhags-
áætlun Reykjavíkur sem var sam-
þykkt í gær. Þrátt fyrir að hart sé
í ári er gert ráð fyrir hallalausum
rekstri A-hlutans, sem eru stofn-
anir borgarinnar. Heimild til að
hækka útsvar verður ekki nýtt og
verður það óbreytt í 13,03 pró-
sentum. Gert er ráð fyrir að
útsvarstekjur nemi 35,8 milljörð-
um króna, að frádregnu framlagi
til Jöfnunarsjóðs sveitarfélaga,
sem nemur 2,3 milljörðum króna.
Fasteignaskattar verða ekki
hækkaðir.
Í forsendum áætlunarinnar er
gert ráð fyrir 7 prósenta atvinnu-
leysi og 14 prósenta verðbólgu á
milli áranna 2009 og 2008, en 4,5
prósenta verðbólgu innan ársins
2009. Gert er ráð fyrir sparnaði
og samdrætti í yfirvinnu og öðrum
launakostnaði.
Hanna Birna Kristjánsdóttir
borgarstjóri sagði í ræðu sinni í
gær þrjú grunnstef marka megin-
línurnar í fjárhagsáætluninni:
varðstöðu um grunnþjónustu,
gjaldskrár og störf. Áætlunin sé
lögð fram án halla enda mundi
hallarekstur rýra lausafjárstöð-
una og skerða lánstraust.
„Óvissa um efnahagsþróunina
er mikil og hættan er fremur sú
að tekjufall verði meira og
útgjaldaþörf meiri en áætlun
gerir ráð fyrir. Þessari óvissu
verður mætt með því að rýna
vandlega í stöðuna frá mánuði til
mánaðar og borgarstjórn mun
taka fjárhagsáætlun til endur-
skoðunar þegar í mars á næsta
ári,“ sagði borgarstjóri í ræðu
sinni í gær.
Borgarfulltrúar Samfylkingar-
innar og Vinstri grænna gagn-
rýndu óútfærða tillögu um 2,5
milljarða niðurskurð á lokaspretti
áætlanagerðarinnar, til að áætl-
uninni mætti loka með núlli. Það
jafngildi niðurskurði sem nemi 5
prósentum af rekstrarkostnaði
Reykjavíkur og væri sambæri-
legt ef helmingur af niðurskurði
fjárlaga ríkisins væri enn óút-
færður.
Öllum tilboðum í 5,8 milljarða
skuldabréfaútboð borgarinnar
var nýverið hafnað. Því er fjár-
mögnun til framkvæmda í óvissu.
Reiknað er með framkvæmdum
upp á 7 milljarða á næsta ári.
Umræður stóðu enn yfir um
áætlunina þegar blaðið fór í prent-
un. kolbeinn@frettabladid.is
Útsvarið mun verða
óbreytt í Reykjavík
Útsvarsprósenta verður óbreytt og gert er ráð fyrir hallalausum A-hluta í fjár-
hagsáætlun Reykjavíkur. Minnihlutinn gagnrýnir 2,5 milljarða óútfærðan
niðurskurð. Gengisþróun hækkar skuldir samstæðunnar um 76 milljarða.
BORGARSTJÓRI Umræður um fjárhagsáætlun stóðu langt fram á kvöld í gær. Gert er
ráð fyrir hallalausum A-hluta en skuldir hafa hækkað mikið vegna gengisþróunar.
FRÉTTABLAÐIÐ/VILHELM
HEILBRIGÐISMÁL Æ fleiri vísbend-
ingar eru að koma fram um að
óbeinar reykingar séu ekki aðeins
hættulegar meðan reykurinn er í
loftinu, heldur einnig þegar
drepið hefur verið í sígarettum
en leifar reyksins sitja í fötum og
húsgögnum.
Einkum eru börn talin í hættu,
því þau komast oft í mikla nálægð
við föt foreldra sinna og eiga það
til að sleikja húsgögn og aðra
hluti þar sem reykt hefur verið.
Frá þessu er skýrt á vefsíðum
BBC, sem vitnar í læknatímaritið
Pediatrics. - gb
Óbeinar reykingar:
Hætta í fatnaði
og húsgögnum
HÆTTAN ER LÚMSK Börnum stafar
hætta af nálægð við reykingafólk.
NORDICPHOTOS/AFP
VIÐSKIPTI Bjarni Ármannsson,
fyrrverandi bankastjóri Glitnis,
endurgreiddi skilanefnd Glitnis
sjálfur um það bil 240 milljónir
króna vegna starfsloka, en bank-
inn fékk það sem vantaði upp á
370 milljónir endurgreiddar úr
ríkissjóði.
Bjarni sagðist í Kastljósi Ríkis-
sjónvarpsins á mánudag hafa end-
urgreitt skilanefnd Glitnis 370
milljónir eftir bankahrunið. Féð
var hluti greiðslna vegna starfs-
loka Bjarna vorið 2007.
Skúli Eggert Þórðarson ríkis-
skattstjóri staðfesti í gær að Glitn-
ir hefði óskað eftir leiðbeiningum
um hvernig skattaleg meðferð
slíkrar endurgreiðslu ætti að vera
í desember síðastliðnum.
Niðurstaðan varð sú að lækka
laun Bjarna afturvirkt um 370
milljónir. Glitni bar að halda eftir
staðgreiðslu skatta af 370 milljón-
unum þegar þær voru greiddar
vorið 2007. Bjarni fékk því aðeins
um 240 milljónir í vasann eftir
skattgreiðslur, og endurgreiddi
skilanefndinni þá upphæð.
Skúli segir að skilanefnd Glitnis
hafi átt kröfu á endurgreiðslur á
skattgreiðslum þegar launin voru
lækkuð afturvirkt með þessum
hætti. Hann vildi ekki nefna
nákvæmlega hvaða upphæð hafi
verið endurgreidd, en staðfesti að
heildarupphæðin sem skilanefnd
Glitnis hefði fengið hafi verið 370
milljónir. - bj
Hluti 370 milljóna króna endurgreiðslu Bjarna Ármannssonar kemur úr ríkissjóði:
Skilaði um 240 milljónum
BJARNI ÁRMANNSSON Fékk um 240
milljónir í starfslokagreiðslur þegar búið
var að draga frá skatta. FRÉTTABLAÐIÐ/GVA
FÓLK Ólíkt beið ríkisstarfsmanna í
jólapökkunum þetta árið. Líkt og
Fréttablaðið greindi frá voru
starfsmenn ríkisskattstjóra
hæstánægðir með sína gjöf, enda
um forláta Cintamani-kuldaúlpu
að ræða. Verðmæti hverrar flíkur
er um 20 þúsund krónur.
Starfsmenn á Svæðisskrifstofu
um málefni fatlaðra í Reykjavík
fengu einnig jólapakka, þó heldur
ólíkur væri. Hver og einn fékk að
gjöf kertastjaka undir sprittkerti.
Ekki var þó um fábrotna stjaka að
ræða; á hverjum og einum gat að
líta áletrun sem hvatti viðkom-
andi starfsmann áfram; svo sem
„Vertu til staðar“. - kóp
Jólagjafir ríkisstofnunar:
Starfshvatning
á kertastjökum
KÍNA, AP Kínversk yfirvöld hófu í
gær umfangsmikla herferð sem
miðar að því að koma í veg fyrir
að klám sé aðgengilegt á netinu.
Herferðin mun meðal annars
beina sjónum sínum að vinsælum
leitarvélum á borð við Google.
Í tilkynningu frá kínverskum
stjórnvöldum segir að sjö
opinberar stofnanir muni vinna í
sameiningu að herferðinni, sem
er ætlað að „hreinsa menningar-
legt umhverfi netsins og standa
vörð um heilbrigðan þroska
ungviðis“.
Hvergi búa fleiri notendur
netsins en í Kína, eða ríflega 250
milljónir notenda. - kg
Herferð kínverskra yfirvalda:
Umfangsmikil
netlögga í Kína
SJÁVARÚTVEGUR „Þetta sýnir hvaða ógöngur kvótakerf-
ið er búið að leiða okkur í og við verðum að breyta
kerfinu. Menn verða bara að sætta sig við það og vinna
að því að skapa nýtt og heilbrigðara sjávarútvegs-
kerfi,“ segir Karl V. Matthíasson, þingmaður Samfylk-
ingarinnar og varaformaður sjávarútvegsnefndar
Alþingis, um þá staðreynd að Glitnir hafi fært
kvótaveð í hendur nokkurra erlendra banka.
Stöð 2 greindi frá því í gær að forstjóri Þorbjarnar í
Grindavík segði að ráðamenn bankans hefðu svikið
skriflegt loforð og fært kvótaveð til Deutsche Bank.
Talið sé að verðmæti á þriðja tug milljóna séu komin í
hendur útlendinga.
„Það gætu verið í uppsiglingu erfið samskipti við
Deutsche Bank. Þeir verða að selja kvótann sam-
kvæmt lögum innan árs og hver ætlar að kaupa hann
þá? Fyrir utan að bankinn á ekki einn sporð í einum
einasta íslenska fiski, því hann er eign íslensku
þjóðarinnar,“ segir Karl og telur einboðið að kerfinu
verði breytt. „Kvótakerfið hefur ekki komið útgerð-
inni í þau góðu mál sem sumir vilja vera láta. Hún er
skuldug upp fyrir haus. Nú verður að setja kvóta á
markað eftir einhverjum skynsamlegum og sann-
gjörnum reglum.“ - kóp
Þingmaður Samfylkingarinnar segir allan kvóta eiga að fara á markað:
Kvótinn leitt okkur í ógöngur
KARL V. MATTHÍASSON Segir verða að breyta kvótakerfinu og
setja allan kvóta á markað. Þýskir bankar eigi ekki einn fisk-
sporð á Íslandi, hann sé eign íslensku þjóðarinnar.
FRÉTTABLAÐIÐ/VILHELM
SPURNING DAGSINS