Fréttablaðið - 07.01.2009, Blaðsíða 14

14 7. janúar 2009 MIÐVIKUDAGUR
timamot@frettabladid.is
NICOLAS CAGE ER 45 ÁRA Í DAG.
„Til að verða góður leikari
þarftu að líkjast að nokkru
leyti glæpamanni, að vera
fús til að brjóta reglur til að
keppa að einhverju nýju.“
Nicolas Cage leikari er þekktur
fyrir myndir á borð við Wild at
Heart, Face Off, Adaptation og
Leaving Las Vegas en fyrir leik
sinn í þeirri mynd hlaut Cage
Óskarsverðlaun fyrir besta leik
karla í aðalhlutverki.
Happdrætti Háskóla Íslands (HHÍ) er
75 ára á árinu. Af því tilefni hefur verið
sett upp sýning á efri hæð í Smáralind-
inni með myndum úr sögu happdrætt-
isins.
Brynjólfur Sigurðsson, forstjóri
HHÍ, var beðinn um að rifja upp hvern-
ig happdrættið varð að veruleika.
„Háskóli Íslands var stofnaður árið
1911 og var til húsa í Alþingishúsinu,“
segir Brynjólfur. Í upphafi voru nem-
endurnir 45 en fjölgaði á næstu tuttugu
árum um tæplega hundrað. „Þannig
var orðið ástatt að þrengslin voru orðin
mjög mikil og því ljóst að eitthvað varð
að gera í húsnæðismálum háskólans,“
segir Brynjólfur og samþykkti Alþingi
því byggingu á húsnæði fyrir háskól-
ann en reyndar með því skilyrði að fé
yrði veitt til þess á fjárlögum. Hins
vegar varð ekkert af því og því góð ráð
dýr.
„Eftir því sem ég best veit var það
arkitekt aðalbyggingar háskólans, Guð-
jón Samúelsson, húsameistari ríkisins,
sem færði það í tal við rektor Alexand-
er Jóhannesson hvort ekki væri upp-
lagt að fá heimild til þess að nýta laga-
heimild frá árinu 1926 til að reka happ-
drætti fyrir Háskóla Íslands,“ segir
Brynjólfur. Hugmyndin fékk blendn-
ar móttökur á þingi en þó fór svo að
lög þess efnis voru samþykkt 1933 og
happdrættið tók til starfa þá um ára-
mótin. Fyrsti útdrátturinn fór fram 10.
mars 1934.
Megintilgangurinn með happdrætt-
inu var að byggja aðalbygginguna en
fyrsta húsið sem var reist fyrir happ-
drættisfé var atvinnudeildarhús sem
síðar var kallað Jarðfræðahús. Nú er
það í eigu Þjóðminjasafnsins. „Síðan
kom aðalbyggingin en svo má í raun
segja að allar byggingar Háskóla Ís-
lands hafi verið reistar fyrir happ-
drættisfé fyrir utan örlítinn hluta í
Læknagarði þar sem kom framlag frá
ríkissjóði,“ segir Brynjólfur en fyrir
utan byggingu húsa hefur féð einnig
verið notað til viðhalds og við kaup á
rannsóknartækjum.
Brynjólfur segir áhugann á happ-
drættinu ekki eins afgerandi í dag og
hann var í upphafi þegar nánast allir
miðar seldust upp. „Í fyrsta lagi eru
komin afskaplega mörg önnur happ-
drætti en auk þess hefur þjóðfélagið
allt breyst svo mikið á þessum tíma.
Það sem við verðum vör við, sérstak-
lega hjá unga fólkinu, er að fólk vill
vita strax hvort það hafi unnið. Tíminn
virðist ekki skipta eldri kynslóðir eins
miklu máli sem var tilbúið til að bíða,“
segir Brynjólfur en tekur fram að sér
þyki undravert hvað þó hafi tekist að
halda í horfinu hin síðari ár.
Fjárhæðirnar sem safnast í gegnum
HHÍ, happaþrennu og happdrættisvél-
ar HHÍ eru ekki litlar. Á þessu ári býst
Brynjólfur við að Happdrættið geti
látið Háskólann hafa um 600 milljónir
króna.
Fyrir utan sýninguna í Smáralind
ákvað Happdrætti Háskólans að hafa í
tilefni afmælisins einn stóran vinning
upp á 75 milljónir en dregið verður úr
seldum miðum í desember.
Hið eiginlega afmæli HHÍ verður
ekki fyrr en 10. mars. Hvort eitthvað
verði gert í tilefni dagsins segir Brynj-
ólfur ekki ákveðið enn. solveig@frettabladid.is
HAPPDRÆTTI HÁSKÓLA ÍSLANDS : 75 ÁRA Á ÁRINU
Fjármagnar allar byggingar HÍ
HAPPDRÆTTI Brynjólfur Sigurðsson, forstjóri Happdrættis Háskóla Íslands, við tromlurnar tvær sem dregið var úr á fyrstu árum happdrættisins.
Í stærri tromluna voru settir miðar með öllum númerum, í þá minni miðar með þeim vinningsupphæðum er dregið var um í hverjum útdrætti.
FRÉTTABLAÐIÐ/ANTON
Á þessum degi árið 1990 var
skakka turninum í Písa lokað
fyrir almenningi í fyrsta sinn
í 800 ár. Ástæðan var sú að
turninn var farinn að hallast
einum of mikið og hætta talin
á að hann myndi hrynja á
hliðina. Á hundrað árum hafði
turninn færst til um næstum
25 sentímetra. Áætlað var að
hallinn myndi aukast um 2
mm á hverju ári þar sem jarð-
vegurinn sunnan megin við
turninn var mýkri en norð-
an megin.
Hafist var handa við stór-
felldar viðgerðir á turnin-
um árið 1992 og ári síðar var
hann hættur að hallast. Árið
1995 hrundi turninn um 2,5
mm á einni nóttu sem var um
10 prósent af þeim halla sem
búið var að leiðrétta. Til að
koma í veg fyrir að slíkt gerð-
ist aftur var turninum hald-
ið uppi af tveimur stálbitum.
Síðan var komið fyrir lóðum
norðan megin á turninn og
mörg tonn af jarðvegi voru
grafin undan turninum norð-
an megin. Árið 2001 hafði
hallinn verið minnkaður um
45 sentímetra og var kostn-
aðurinn við verkið áætlað-
ur um 200 milljónir dala. Þá
var hann opnaður almenningi
á ný. Talið er að eftir 300 ár
verði turninn í hættu á ný.
ÞETTA GERÐIST 7. JANÚAR 1990
Skakka turninum í Písa lokað
MERKISATBURÐIR
1610 Galileó Galilei uppgötvar
tungl Júpíters.
1730 Árni Magnússon handrita-
safnari andast 66 ára.
1792 Fyrstu forsetakosningar
Bandaríkjanna eru haldn-
ar en George Washington
verður fyrir valinu.
1906 Ungmennafélag Akureyrar
er stofnað.
1927 Símasamband kemst á
milli New York og London.
1979 Pol Pot, leiðtoga Rauðu
Kmerana í Kambódíu, er
steypt af stóli.
1979 Frystihús Ísbjarnarins í
Örfirisey í Reykjavík er
tekið í notkun. Það var
talið eitt hið fullkomnasta
í heimi.
1989 Japanski keisarinn Hiro-
hito andast.
Ástkær eiginkona, móðir, tengdamóðir,
amma og langamma,
Kristbjörg Jakobsdóttir
Sunnuvegi 9, Hafnarfirði,
andaðist á Landspítalanum Fossvogi mánudaginn
5. janúar. Jarðarförin auglýst síðar.
Jón Finnsson
Kristín Jónsdóttir Ásbjörn Snorrason
Kristbjörg Tinna, Jón,
Tindur Orri, Ylfa Hrönn,
Styrmir Ási Kaiser.
Ástkær fósturmóðir mín og systir,
Ásgerður Emma
Kristjánsdóttir
Efri Tungu, Vesturbyggð,
lést á sjúkrahúsi Patreksfjarðar að morgni aðfangadags
24. desember. Útför fer fram frá Patreksfjarðarkirkju
laugardaginn 10. janúar kl. 14.00. Jarðsett verður í
Sauðlauksdalskirkjugarði.
Marinó Thorlacius
Halldór Kristjánsson
Móðir okkar, tengdamóðir, amma og lang-
amma,
Þórunn Magnúsdóttir
sagnfræðingur, síðast að Dalbraut 27,
Reykjavík,
lést að kvöldi aðfangadags 24. desember. Útför
fer fram í Fossvogskirkju miðvikudaginn 7. janúar
kl. 15.00. Blóm og kransar eru vinsamlegast afþakkað-
ir, en þeim sem vilja minnast hinnar látnu er bent á
góðgerðarfélög.
Eygló Bjarnardóttir
Ingibjörg Bjarnardóttir Geir Ólafsson
Erla Bil Bjarnardóttir
Magnús Bjarnarson
Guðrún Helgadóttir Helgi Thorarensen
barnabörn og barnabarnabörn.
Elskuleg móðir okkar, tengdamóðir, amma
og vinur,
Elín J. Þórðardóttir
Kópavogsbraut 1a,
lést fimmtudaginn 1. janúar. Útförin fer fram frá
Fossvogskirkju fimmtudaginn 8. janúar kl. 15.00.
Elín J. Jónsdóttir Richter Reinhold Richter
Valgerður Þ. Jónsdóttir Árni Þórarinsson
Arngunnur R. Jónsdóttir Helgi Rúnar Rafnsson
Jón Þórir Ingimundarson Elín Ingimundardóttir
og Ingimundur Eyjólfsson.
Ástkær faðir okkar, sonur, tengdafaðir,
bróðir og afi,
Þorsteinn I. Sigurðsson
húsasmíðameistari, Faxafeni 12, Reykjavík,
varð bráðkvaddur laugardaginn 3. janúar sl. Útför hans
fer fram frá Fríkirkjunni í Reykjavík miðvikudaginn 14.
janúar kl. 13.00.
Signý Rós Þorsteinsdóttir Guðmundur Úlfar Jónsson
Sigurður Þorsteinsson
Ágústa Helga Vigfúsdóttir
barnabörn og systkini.
AFMÆLI
DAVID CARUSO
leikari er 53 ára.
KATIE COURIC
sjónvarpskona
er 52 ára.
KRISTJÁN HREINS-
SON skáld er 52
ára.
SVAVA JOHANSEN
kaupmaður er
45 ára.
ANNA
MJÖLL
ÓLAFS-
DÓTTIR
söngkona
er 39 ára.
BRYNDÍS
ÍSFOLD
HLÖÐVERS-
DÓTTIR er
32 ára.