Fréttablaðið - 07.01.2009, Blaðsíða 10

10 7. janúar 2009 MIÐVIKUDAGUR
HEILBRIGÐISMÁL Fimm til tíu tilfelli
af RS-vírus hafa verið greind á
veirufræðideild Landspítalans og
álíka mörg tilfelli af parainflú-
ensu. Sýkingarnar lýsa sér með
kvefi, hósta og geta einnig farið
lengra ofan í öndunarveginn.
„Líklegast er að hámarkinu sé
ekki náð,“ segir Arthúr Löve,
yfirlæknir á veirufræðideild
Landspítalans. Sýkingarnar komi
fram árlega en á óreglulegum
tímum og af mismunandi krafti.
„Við byrjum yfirleitt að greina
tilfellin einhverjum vikum eða
mánuðum áður en faraldurinn
verður hvað verstur.“ - hhs
RS-vírus og parainflúensa:
Árlegir gestir
láta á sér kræla
HNERRANDI Árvissar öndunarfærasýk-
ingar hafa greinst að undanförnu, oftast
í börnum.
SAMFÉLAGSMÁL Á annan tug
þúsunda farsíma hefur safnast í
fjáröflunar- og endurvinnsluátaki
björgunarsveitanna.
Landsmenn hafa brugðist vel
við átakinu og komu með gamla
farsíma um leið og áramótaflug-
eldarnir voru keyptir. Símarnir
eru ýmist endurunnir eða
endurnýttir og sendir til þróunar-
landa.
Hægt var að skila símum á
flugeldamarkaði björgunarsveita
fram á þrettándann. Nú er hægt
að koma símum á N1 bensínstöðv-
ar á höfuðborgarsvæðinu og í
verslanir símafyrirtækja fram til
15. janúar. - hhs
Farsímasöfnun Landsbjargar:
Tíu þúsund hafa
svarað kallinu
ÓLAFÍA HRÖNN GAF FYRSTA SÍMANN
Á annan tug þúsunda gsm-síma hefur
safnast í fjáröflunar- og endurvinnslu-
átaki björgunarsveita. FRÉTTABLAÐIÐ/GVA
NOREGUR Saera Khan, þingmaður
jafnaðarmanna í Noregi, hefur
beðist formlega afsökunar en hún
fór í leyfi síðasta haust eftir að
forseti norska þingsins, Thor-
bjørn Jagland, neitaði að láta
greiða símreikninga hennar þar
sem þeir voru svo háir.
Khan skýrði háa reikninga með
því að kærastinn sinn væri
erlendis og það kostaði sitt að
hringja í hann. Síðan kom í ljós að
Khan hafði hringt oftsinnis í
spákonu á símtorgi.
Norskir þingmenn fá almennt
allan símkostnað endurgreiddan.
- ghs
Norsk stjórnmál:
Hringdi of mik-
ið í spákonu
Storkur með vetursetu
Storkurinn Sture hefur haldið sig í
frostinu í Noregi í vetur þó að hann
eigi heima á suðlægari breiddargráð-
um. Þetta mun ekki hafa gerst áður
og telur fuglafræðingur að storkurinn
hafi orðið áttavilltur.
NOREGUR
Ritstjóri skotinn
Ritstjóri rússneska fréttavefjarins
Region 51, Sjafig Amrakhov, liggur á
sjúkrahúsi í Múrmansk í Rússlandi
eftir að hafa verið skotinn fyrir utan
íbúð sína.
RÚSSLAND
LÖGGÆSLUMÁL Lögreglumenn á
höfuðborgarsvæðinu eru stress-
aðri, þunglyndari og kvíðnari en
starfsbræður þeirra á landsbyggð-
inni.
Þetta er meðal þess sem lesa má
út úr nýbirtum niðurstöðum könn-
unar sem Ríkislögreglustjóri
hefur látið gera á á streitu og líðan
lögreglumanna.
Í skýrslunni kemur einnig fram
að stjórnsýslutengd streita virðist
almennari og meiri en streita,
sem beint er hægt að tengja
verkefnum lögreglu, hvað varðar
höfuðborgarsvæðið. Þar er fyrst
og fremst nefndur skortur á
starfsfólki, of mikið skrifræði,
ósamkvæmi í stjórnunarstíl,
skortur á úrræðum og ófullnægj-
andi búnaður.
„þetta eru einmitt atriði sem
Landssamband lögreglumanna
hefur verið að benda á í sínum
málflutningi,“ segir Snorri Magn-
ússon formaður Landssambands
lögreglumanna (LL). Hann segir
sambandið fagna skýrslunni.
„Þar kemur fram stuðningur
við málflutning LL síðastliðin ár
varðandi álag á lögreglumenn,
sem meðal annars hefur skapast
af undirmönnun í lögreglu og
breytingum sem gerðar voru á
skipan lögreglu í upphafi árs 2007.
Þar var, að mati LL, farið nokkuð
bratt í hlutina.“
Snorri segir að ofan á þetta bæt-
ist svo við sífelldar kröfur um
hagræðingu í ríkisrekstri sem
gert hafi það að verkum, að mati
LL, að ekki verði lengra farið í
niðurskurði til löggæslu í landinu.
LL hafi ítrekað bent á þessa
hluti allt liðið ár til dæmis varð-
andi breytingar í lögreglu. Í
skýrslunni kemur fram að gert sé
ráð fyrir að sameiningarferli lög-
reglu höfuðborgarsvæðisins eigi
að vera lokið innan fimm ára.
„Þetta er, að mati LL, áhyggju-
efni eigi lögreglumenn að búa
þrjú ár til viðbótar við það óvissu-
ástand sem varað hefur innan lög-
reglu undanfarin rúm tvö ár. Það
kann ekki góðri lukku að stýra að
á sama tíma og slíkt óvissuástand
ríkir í þjóðfélaginu skuli lögreglu-
menn eiga að búa við áframhald-
andi streituvalda í starfsumhverfi
sínu umfram það sem „eðlilegt“
er.“
Niðurstöður könnunar Ríkislög-
reglustjóra benda enn fremur til
þess að lögreglumenn sem lokið
höfðu námi við Lögregluskóla rík-
isins væru stressaðri, þunglynd-
ari og kvíðnari en ófaglærðir
starfsbræður vegna aukinnar
ábyrgðar hinna fyrrnefndu. Þá
líði yngri lögreglumönnum meira
eins og þeir séu alltaf í vinnunni
og eigi of lítinn tíma með fjöl-
skyldu og vinum. jss@frettabladid.is
ÁLAGSSTARF Einn af hverjum tíu lögreglumönnum virðist upplifa þónokkra streitu.
Álíka fjöldi upplifir þunglyndi og litlu færri kvíða, samkvæmt könnuninni. Með
hliðsjón af því má reikna með að 70 lögreglumenn þurfi meðferð við streitu eða
þunglyndi árlega. FRÉTTABLAÐIÐ/PJETUR
Streita, þunglyndi
og kvíði í lögreglu
Nýbirt könnun Ríkislögreglustjóra sýnir að lögreglumenn á höfuðborgarsvæð-
inu eru stressaðri, þunglyndari og kvíðnari en starfsbræður þeirra á lands-
byggðinni. Reikna má með að um 70 lögreglumenn þurfi meðferð árlega.
LÖGREGLUMÁL Robert Dariusz Sobi-
ecki, sem hefur verið eftirlýstur
af lögreglu undanfarnar vikur, er
enn ófundinn að sögn Friðriks
Smára Björgvinssonar, yfirlög-
regluþjóns lögreglunnar á höfuð-
borgarsvæðinu. Maðurinn á að
vera kominn í afplánun á þriggja
ára fangelsisdómi en gengur enn
laus.
Robert, sem er pólskur ríkis-
borgari um tvítugt, var dæmdur
fyrir að nauðga stúlku á salerni á
Hótel Sögu aðfaranótt 17. mars
árið 2007. Hann var jafnframt
dæmdur til að greiða henni eina
og hálfa milljón króna í skaðabæt-
ur. Stúlkan var nítján ára þegar
hún varð fyrir ofbeldisverknaðin-
um. Í dómi Hæstaréttar sagði að
brotið hefði verið ófyrirleitið og
til þess fallið að valda stúlkunni
verulegum skaða.
Lögreglan lýsti fyrst eftir
ofbeldismanninum um miðjan
desember síðastliðinn. Að sögn
Friðriks Smára er talið að hann sé
ekki farinn úr landi. Líklegra sé að
hann leynist einhvers staðar úti á
landsbyggðinni. Lögregla hefur
leitað hans, en án árangurs enn
sem komið er. Þeir sem geta gefið
upplýsingar um ferðir mannsins
eða dvalarstað eru beðnir að hafa
samband við lögregluna í síma
444-1100.
ROBERT DARIUSZ SOBIECKI Eftirlýstur frá
12. desember.
Átti að vera kominn í afplánun á þriggja ára fangelsisdómi:
Lögregla leitar enn nauðgara
LÖGREGLUMÁL Á síðasta ári voru
alls 38 ökumenn kærðir í
umdæmi lögreglunnar á Vest-
fjörðum vegna gruns um akstur
undir áhrifum fíkniefna, eða fyrir
að vera með leifar fíkniefna í
blóði eða þvagi. Jafngildir þetta
því að þrír ökumenn hafi verið
kærðir fyrir þetta brot í hverjum
mánuði síðasta árs.
Til samanburðar má nefna að á
árinu 2007 voru fimm ökumenn
kærðir í sama umdæmi fyrir
þetta brot á umferðarlögum. Rétt
er að geta þess að eftirlitsaðferð-
um var breytt í lok árs 2007 og
hefur þeirri aðferðarfræði verið
beitt allt árið 2008. - jss
Lögreglan á Vestfjörðum:
Tugir teknir við
fíkniefnaakstur
ÞRETTÁNDASOKKUR Á Ítalíu fylgir sú
sögn þrettándanum að aðfaranótt
hans komi gömul kerlingaskrukka, La
Befana, færandi hendi með gjafir til
barna. Á mánudagskvöldið kom þessi
mannfjöldi saman í bænum Viterbo
með 52 metra langan sokk, úttroðinn
af gjöfum. NORDICPHOTOS/AFP