Fréttablaðið - 07.01.2009, Blaðsíða 18

MARKAÐURINN 7. JANÚAR 2009 MIÐVIKUDAGUR
V Æ G I G J A L D M I Ð L A Í U T A N R Í K I S V I Ð S K I P T U M
Útflutningur FOB Innflutningur CI
F R É T T A S K Ý R I N G
100
90
80
70
60
50
40
30
20
10
0
1999 2000 2001 2002 2003 2004 2005 2006 2007 1999 2000 2001 2002 2003 20
Hátt í 40 prósent allra út-flutningsviðskipta héðan fara fram í Bandaríkjadöl-
um, samkvæmt tölum Hagstof-
unnar. Hins vegar er útflutning-
ur til Bandaríkjanna ekki nema
brot af því, ríflega fimm prósent
útflutnings. Þetta segir í tölum
Hagstofunnar fyrir árið 2007, en
heildartölur fyrir síðasta ár eru
ekki komnar.
Heildarútflutningur þetta ár, á
verðlagi þess, voru ríflega 300
milljarðar króna, en flutt var inn
fyrir um 400 milljarða.
Ekki eru komnar endanlegar
tölur fyrir árið 2008.
MEST SKIPT VIÐ EES
Langmest utanríkisviðskipti eru
við ríki Evrópska efnahagssvæð-
isins (EES). Í heildina fóru alls
um 80 prósent alls útflutnings
til ríkja EES og þaðan komu um
tveir þriðju alls innflutnings árið
2007.
Þegar viðskipti við einstök ríki
eru skoðuð kemur í ljós að mest
er flutt út til Hollands, síðan
Þýskalands en mest er flutt inn
frá Bandaríkjunum.
BANDARÍKJADALURINN STÆRSTUR
Vægi Bandaríkjadals er heldur
meira í viðskiptum við útlönd en
nemur beinum viðskiptum. Sam-
kvæmt Hagstofutölum voru tæp
60 prósent útflutnings í gjaldmiðl-
um EES-landa árið 2007. Tæp 26
prósent voru í evrum og tvö pró-
sent til viðbótar í dönskum krón-
um, en hún er tengd evrunni. Um
tólf prósent fóru fram í bresk-
um pundum. Viðskipti í Banda-
ríkjadölum námu hins vegar 38,1
prósent.
„Nokkuð af verslun við ýmis
ríki, til að mynda Asíulönd, er í
Bandaríkjadölum auk þess sem
megnið af viðskiptum með ál er
í þeim gjaldmiðli,“ segir Katla
Gylfadóttir sérfræðingur hjá
Hagstofu Íslands.
ÁLINU SIGLT TIL HOLLANDS
Þegar rýnt er í Hagtíðindin sést
að verulegur hluti útflutnings
til Hollands er ál. Útflutningur
til Hollands jókst um 60 prósent
milli áranna 2006 og 2007. Það
skýrist nær eingöngu af aukn-
um útflutningi á áli en einnig kís-
iljárni.
Það kann að koma á óvart að
þetta fari allt til Hollands en
skýringin er að enda þótt miklu af
þessu sé skipað upp í hollenskri
höfn, þá kann það að fara annað
síðar. Þegar rýnt er í útflutning
til Þýskalands sést að næstum
fjórir fimmtu útflutnings þangað
eru iðnaðarvörur, að miklu leyti
ál. Tólf prósenta aukning á út-
flutningi milli ársins 2007 og árs-
ins á undan, skýrist af aukningu á
álútflutningi.
ÁLIÐ TOPPAR FISKINN
Álið hefur farið vaxandi í út-
flutningi héðan og er nú helsta
útflutningsvara Íslands. Fyrstu
ellefu mánuði síðasta árs voru
flutt héðan hátt í 700 þúsund tonn
af áli fyrir 161 milljarð króna
rúman. Útflutningurinn á þessu
tímabili nam alls 413 milljörðum,
svo rétt tæp 40 prósent útflutn-
ings í fyrra voru ál.
Árið á undan var á þessum tíma
í heild flutt út fyrir tæpa 280
milljarða. Þar af voru flutt út ríf-
lega 416 tonn af áli fyrir ríflega
75 milljarða króna. Hlutfall álsins
var þá um 27 prósent af heildar-
Mest verslað í
Bandaríkjadölum
Utanríkisverslun með Bandaríkjadal er töluvert meiri en sem nemur viðskiptum
við Bandaríkin. Áttatíu prósent útflutnings héðan fer til EES-ríkja. Innflutningur
er líka langmestur þaðan. Holland er stærsta útflutningslandið en mest er flutt
inn frá Bandaríkjunum. Ingimar Karl Helgason leit á tölur um utanríkisverslun.
Hugaðu að heilsu
og
líðan starfsmanna
á nýju ári
www.vinnuvernd.is | s.578 0800
vinnuvernd@vinnuvernd.is
Trúnaðarlæknir
Heilbrigðisþjónustuver
Læknisskoðanir
Sálfræðiþjónusta
Bólusetningar
Áhættumat
Vinnustaðaúttekt
Líkamsbeiting og líkamlegt álag
Félags-og andlegur aðbúnaður
Vinnuvistfræðileg ráðgjöf
Heilsuefling á vinnustað
Heilsufarsmælingar
Heilsufarsmat
Ráðgjöf um næringu
Álags og streitustjórnun
Heilsuvernd
Vinnuvernd
Heilsuefling
VINNUVERND
vellíðan í vinnu