Fréttablaðið - 07.01.2009, Blaðsíða 6

6 7. janúar 2009 MIÐVIKUDAGUR
ÍSRAEL „Við getum þetta líka“, virð-
ast vera skilaboð þeirra Ehuds
Olmerts, Tzipi Livni og Ehuds
Barak til ísraelskra kjósenda. Það
þarf ekki að kjósa neinn Benjamin
Netanyahu til að sýna Palestínu-
mönnum hörku.
Í næsta mánuði verða haldnar
kosningar í Ísrael. Ehud Olmert,
fyrrverandi leiðtogi Kadima-
flokksins, hættir þá sem forsætis-
ráðherra. Hann þurfti að segja af
sér í haust vegna spillingarmála,
en gegnir embættinu til bráða-
birgða fram að kosningum.
Tzipi Livni utanríkisráðherra
tók við af Olmert sem leiðtogi
Kadima, en virtist til skamms tíma
ekki eiga mikla möguleika á að
verða forsætisráðherra að kosn-
ingum loknum. Samkvæmt skoð-
anakönnunum virtust kjósendur
heldur ætla að halla sér að Benja-
min Netanyahu, harðsnúnum
hægrimanni sem var forsætisráð-
herra um þriggja ára skeið undir
lok tíunda áratugarins.
Netanyahu er leiðtogi Likud-
flokksins, tók við forystunni þar
árið 2005 eftir að Ariel Sharon,
fyrrverandi forsætisráðherra,
yfirgaf sinn gamla flokk til að
stofna Kadima út af ágreiningi við
Netanyahu og fleiri í flokknum um
þau áform sín að láta Gazasvæðið
Palestínumönnum eftir. Sharon
hefur nú legið í dái á sjúkrahúsi í
tvö ár.
Með miskunnarlausum loftárás-
um og landhernaði á þéttbýlu Gaz-
asvæðinu tekst þeim Livni og
Barak, sem er varnarmálaráð-
herra og leiðtogi Verkamanna-
flokksins, samstarfsflokks Kad-
ima í stjórninni, væntanlega að
tryggja sér nægilegt fylgi til
áframhaldandi stjórnarsetu.
Árásirnar á Gaza síðustu tólf
daga hafa kostað nærri 600 manns
lífið, þar af meira en hundrað
almenna borgara, og eru tugir
þeirra á barnsaldri.
Ísraelsríki tekur óneitanlega
áhættu með þessu gegndarlausa
blóðbaði, því þótt staða stjórnar-
flokkanna geti batnað í kosningum
gætu viðbrögð Palestínumanna,
arabaríkja og Vesturlanda hugsan-
lega orðið harkalegri en ráðamenn
stjórnarinnar virðast reikna með.
Til þessa hafa ísraelskir ráðamenn
þó sjaldnast þurft að láta viðbrögð
umheimsins stöðva sig.
Tímasetning árásanna á Gaza
virðist ekki aðeins ráðast af því,
að kosningar eru í nánd í Ísrael,
heldur einnig því að viðbrögð
Bandaríkjanna geta aldrei orðið
annað en máttlítil, nú þegar
George W. Bush á aðeins tvær
vikur eftir í embætti forseta og
Barack Obama hefur ekki tekið
við.
Obama hefur ekki fengist til að
tjá sig um árásirnar, heldur segist
vilja láta Bush það eftir meðan
hann er enn við völd. Bush segist
hins vegar bæði skilja og styðja
Ísraelsstjórn, en hvetur til vopna-
hlés. Afstaða hans virðist þó litlu
máli skipta vegna þess að embætt-
istíð hans er nánast lokið.
gudsteinn@frettabladid.is
Lagfærir kosninga-
stöðu Ísraelsstjórnar
Stanslausar árásir Ísraelshers á þéttbýlt Gazasvæðið síðustu tólf daga hafa
kostað nærri 600 manns lífið, þar af tugi barna. Tímasetning árásanna virðist
miðuð við þingkosningarnar, sem haldnar verða í Ísrael í næsta mánuði.
Erum að taka á móti umsóknum á
eftirfarandi barna- og unglinganámskeið:
* Gítarnámskeið
* Trommunámskeið
* Rafbassanámskeið
-Ætluð fullorðnum
byrjendum í gítarleik.
Upplýsingar og innritun á www.tonsalir.is
Námskeið hefjast í janúar.
......BARA GAMAN...
Gítarnámskeið
-fyrir leikskólastarfsfólk
Partýgítarnámskeið
skemmtileg nÁmskeiÐ
Bæjarlind 2 sími 534-3700 www.tonsalir.is
Tónsalir er ryþmískur tónlistarskóli
þar sem leitast er við að viðhalda
gleðinni í hljóðfæranáminu
LEITUÐU SKJÓLS Í SKÓLA SAMEINUÐU ÞJÓÐANNA Fjöldi barna og kvenna hefur síð-
ustu daga leitað skjóls í skólum sem Sameinuðu þjóðirnar reka víða á Gazasvæðinu,
þar á meðal í þessum skóla í Gazaborg. Tugir manna féllu þegar Ísraelar gerðu árás á
slíkan skóla í bænum Jebaliya í gær. NORDICPHOTOS/AFP
BANDARÍKIN, AP Barack Obama
reiknar með að nýtt þing, sem
kom saman í gær með meirihluta
demókrata í báðum deildum,
samþykki með hraði hundruð
milljarða dala efnahagspakka
sem nota á til að lappa upp á
efnahagslífið í Bandaríkjunum.
„Ég reikna með að geta undir-
ritað lögin stuttu eftir að ég tek
við embætti,“ sagði Obama, sem
tekur við forsetaembætti af
George W. Bush eftir tvær
vikur.
Sextán ár eru síðan demó-
kratar höfðu meirihluta í báðum
þingdeildum og forsetaembættið
að auki. Búast má við að demó-
kratar láti hendur standa fram
úr ermum strax frá fyrsta degi.
Ýmislegt dregur þó athygli þings-
ins frá efnahagsvandanum. Í gær
þurfti hið nýja þing að byrja á að
neita Roland Burris um sæti Bar-
acks Obama í öldungadeildinni.
Hinn umdeildi ríkisstjóri í Illinois,
Rod Blagojevich, hafði ætlað að
útvega Burris sætið, en Blagojevich
var ákærður fyrir að hafa reynt að
selja sætið hæstbjóðanda.
Demókratar eru staðráðnir í að
fallast ekki á neinn sem Blagojevich
skipar í þetta þingsæti, en Burris
mætti engu síður til Washington í
gær vongóður um að verða öldunga-
deildarþingmaður. - gb
Nýtt þing tók til starfa í Bandaríkjunum í gær, skipað meirihluta demókrata:
Obama vill hraða afgreiðslu
LEIÐTOGAR DEMÓKRATA Nancy Peloci,
forseti fulltrúadeildar Bandaríkjaþings,
og Harry Reid, leiðtogi meirihluta
demókrata í öldungadeildinni, ræddu
við fréttamenn á mánudag að loknum
fundi með Barack Obama. FRÉTTABLAÐIÐ/AP
FRAMKVÆMDIR Jóhanna Sigurðar-
dóttir, félags- og tryggingamála-
ráðherra, tók í gær fyrstu skóflu-
stunguna að nýjum stúdentagörðum
Félagsstofnunar stúdenta.
Stúdentagarðarnir rísa við Skóg-
arveg í Reykjavík. Húsin eru þrjú
talsins og hvert þeirra fjórar
hæðir. Í þeim verða áttatíu íbúðir,
annars vegar tveggja herbergja og
hins vegar þriggja herbergja. Um
byggingu húsanna sér Sveinbjörn
Sigurðsson ehf. en arkitektar eru
Hornsteinar ehf.
Áætlað er að þeir 160 til 200
manns sem muni eiga heimili á
Skógarvegi geti flutt inn í desem-
ber 2009.
Leigueiningar á stúdentagörð-
um FS eru nú 730 talsins og hýsa
um 1.200 manns. Í tilkynningu frá
FS segir að félagið þurfi að eiga
húsnæði fyrir um fimmtán pró-
sent stúdenta við HÍ. Það þýðir um
tvö þúsund íbúðir til að uppfylla
þarfir næstu ára. Er nú beðið frek-
ari úthlutunar byggingasvæðis.
Eftir að Jóhanna hafði tekið
skóflustunguna setti hún af stað
flugeldasýningu og sendi þannig
„stúdentum og nýjum nágrönnum
þeirra í Fossvogi bjartar kveðjur
með því að lýsa upp himininn“,
eins og fram kom í tilkynningu frá
Félagsstofnun stúdenta. - hhs
Framkvæmdir við byggingu nýrra stúdentagarða hófust í gær:
Þrjú stúdentahús í byggingu
FYRSTA SKÓFLUSTUNGAN Jóhanna Sigurðardóttir, félags- og tryggingamálaráðherra,
tók í gær fyrstu skóflustunguna að nýjum stúdentagörðum. FRÉTTABLAÐIÐ/STEFÁN
HEILBRIGÐISMÁL Starfsfólk St.
Jósefsspítala − Sólvangs í
Hafnarfirði sendi í gær frá sér
harðorða yfirlýsingu þar sem það
lýsir yfir megnri óánægju og
fordæmir vinnubrögð Guðlaugs
Þórs Þórðarsonar heilbrigðisráð-
herra.
„Samskiptaleysi og skortur á
upplýsingum til starfsfólks hefur
skapað óvissu og kvíða um
framtíð okkar og skjólstæðinga
okkar,“ segir í tilkynningu
starfsfólksins.
Rætt hefur verið um að loka
skurðdeildum St. Jósefsspítala í
hagræðingarskyni.
- hhs
Starfsmenn St. Jósefsspítala:
Fordæma vinnu-
brögð ráðherra
Auglýsingasími
– Mest lesið
Á Kaupþing að fara í mál við
Breta vegna beitingar hryðju-
verkalaganna?
Já 95,1%
Nei 4,9%
SPURNING DAGSINS Í DAG:
Eiga aðrir bankamenn að fara
að fordæmi Bjarna Ármanns-
sonar og skila hluta af háum
greiðslum sem þeir hafa
fengið?
Segðu þína skoðun á visir.is
KJÖRKASSINN